مرحبا خيتي لقيت نفسي
أنا غربيه شماليه
أتمنى أقدر أفيدك
من مده أحس زايد فيني الجانب الشمالي مرررررره
يمكن مع كثرة المشاغل صار لازم أكون عمليه ومنجزه و حاسمه
بما انه ماعندي وقت أضيعه
( بس أبشركم عطلت بتخف حدتي ):20:
وش يحفزني على العمل؟؟؟
السعي ورا النجاح
والسعاده بعد تحقيقه
فكري دايم بالسعاده اللي بتحسينها إذا نجحتي وهالشئ كفيل بتحميسك
بعدين دايم راجعي نفسك
قولي انا وش حققت ؟؟؟
وش جالسه أسوي ؟؟
وش أنجزت اليوم؟؟
كيف أنظر للجنوبيات
قبل زواجي كان نصف صديقاتي جنوبيات
كان يعجبني
هدؤهم
وتعقلهم
و مراعاتهم لمشاعر الآخرين
تزوجت
وهم هم صديقاتي ما غيرتهم
بس
للأسف ما عدت أتفهمهم كثير
ما أفهم ليش الشكوى ؟؟
ليش الزن
ليش النكد
ما أقدر أعمم على كل الجنوبيات
بس مثلا لي وحده منهم
دايم تقول انا حظي طايح
قنوط و تشاؤم <<<<<<<< يمكن مو كل الجنوبيات كذا
بس توي مختلفه معها
رفعت ضغطي تبي تتطلق لسبب تافه
و دايم تقولي انتي أفضل من وضعي ( من ناحية أبو الشباب طبعا )
والله لا أنا أفضل ولا شئ
مع كذا أقول طيب صح لأني ما أطيق أتذكر المشاكل و أشتكي
بس ما توصل لحد تطلب الطلاق وعشان إيش زوجها ما تفاعل معها يوم تضايقت من وحده من قريباته
ما أدري عجزت أفهمهم
هم دايم ينظرون لي على إني أحصل اللي ابيه لأني محظوظه
وأنا أقول لاااااااااااااااااا
أنا أحصل اللي ابيه لأني أطالب فيه
ولا أتنازل عن حقي
ولا أسمح لزوجي يهين كرامتي
طبعا هالشئ ما يجي والوحده مرتاحه وساكته وخايفه تخسر
لابد من المجازفه
أنا ما أقول تطاااااااااقي معه
لااااااااااااااا
بس طالبي بحقوقك مثل ما تأدين اللي عليك بعزم ومن دووووون حده
(يعني سوي اللي براسك وانتي ساكته)
وإذا جادلك قولي شرررررررررعا هذا لك وهذا لي وواحد زائد واحد يساوي ثنين
تثقفي من ناحية حقوقك زين
لأن فمجتمعنا تربينا (كحريم طبعا) على فضل الزوج وواجباتنا نحوه
ولا عرفنا حقوقنا صح
ما ينفع تجاملين على حساب نفسك كل الوقت
إلا إذا كنتي تجاملين وتنسين
وتسوين الخير وتقطينه البحر
وما تتضايقين ولا تشرهين ولا تنتظرين عرفان
شئ ثاني لاحظته بالجنوبيات يوم تزوجوا
حياتهم كلها تتمحور حول أزواجهم
يعني يوم تطلع مع صديقاتها ما طلعت عشان هي تستانس وتغير جو لا طلعت عشان تغيضه أو تثير غيرته أو تجتذب إنتباهه أو عشان يشتاق لها
يعني برضه عشانه
كللللللللل شئ عشانه
يعني ما أدري هو ممكن تحس بأي شعور بالكون سواء فرح أو حزن أو أي نوع من الشعور ومايكون هو سبب فيه ؟؟
ما أدري أنتي جاوبيني
أحبهم و أشتاق لهم
بس تغيروا من يوم تزوجوا
ما عاد يحسون بأي أحد ولا حتى بأنفسهم كل شئ بالحياة أزواجهم
