يا زووجي خف علي ابغى فرصه اتعبد فيهاا..!!

[لقيت نفسي فيك]

السلام عليكم

رمضان كرييييم !!

صباحكم فل وياسمين







عندي مووضووع محيرني ومحير كثير نسووان حولي



1لموضووع ليس شخصي بل حاال الرجال في رمضاان الا من رحم ربي


ليش الرجال

تجيهم نوبات عصبيه في نهار رمضاان بنسبة الضعف

!!

وايضا هنا اقوولكم واستنتج سبب الاسراف بالطبخ والمراه منا
من صلاة الظهر او العصر وااقفه -بيتزا- سمبوسه-عصير-شوربه-مكرونه-.......
والسبب الزوووج
مو المراه
لان المراه تحاول تهرب يمكن من عصبيه الرجل للمطبخ

وثاني شي

بعض الرجال يكوون من النووع اللي يدخن الله يهديهم
ويثوور ويعصب لاي سبب
حاولي تتجنبيه في النهار


وثالثا بعض الرجاجيل على الفطوور اذا لقا صنف او صنفين اكل زعل ونكد على زووجته يبغى يملى هالكرشه

تلقينه يقوول :
))((الحين انا بزر مسويتلي كذا صايم 14 ساعه والحين بس هذا (())


ولا نوعيه من الرجااال
يستغل المراه خداامه
سفره فطوور ولا سفره سحوور
وعزاايم وطبخ ونفخ ولا فيه حتى كلمة الله يعطيك العافيه سلمت يمينك
بس همه ))((كثري السمبووسه
وكثري الهيل وسوي دونات و....))

والله المراه كأن حي مو اله
حتى هي تعطش على الاقل لو المطبخ فيه مكيفات تصبرها بعضهم من الظهر تووقف تطبخ الى المغرب وبعد المغرب الباقي


ولا فيه كلمه تقدييييير وحده

ياارب فيه حريم نفسها يكوون لها وقت تقرا قران وتصلي
بس الزووج حارمها من حتى فرصه تستغلها بالطاعات



ولا فيه رجاال يفطر برا البيت

خير ان شااء الله

كل يووم عند واحد والزوجه وعياالها
كنهم ايتاام لوحدهم بالبيت مافيه الا اصواتهم
والسحوور برا بعد

لا حول ولا قوة الا بالله


اللهم لا تشغلنا الا بطاعتك

وش السوااة
ابغى حلوول وتجاارب





ماهو برنامج زووجك اليومي في رمضاان



؟؟

هل انت سعيده بذالك ؟؟

هل حاولت محادثته؟؟

 

[ام مقبل]

الله يكتب لنا الاجر انتصف الشهر وحنا بهاالمطبخ ودنا نتفرغ شوي عجزنا

 

[عيوني فداه]

يسلموووووووووووووووو

 

[خفوق الـح ـب~]

ههههههههههههههههه

ضحكتيييني من جد

لآ ياقلبي المفروض تقولين له من قبل رمضاااان

انو مافي ع السفرة الا طبقيييين بسس

واذا جاتك الحلوة توعدينه انك تتفننين له

بصراحة بالنسبة للعصبية كيفه يعصب على روحه هههههههههه

انا ما أخرب صيامي

ولا افاتحه بهالمواضيع كيفه يعصب او لا بس اهم شي مايغلللطط

وانا بصراحة ما اشوف وقت بحكم ان عندي ولدي الله يحفظظه

فالواحد مايعرف يتفرغ لنسفة كم ساعة


يجزاك ربي خير ع الطرح الحلو​

 

[^بوش بوش^]

الله ياجرنا ان شاء الله

 

[لقيت نفسي فيك]

منورات

 

[نورة النورة]

زوجى الله يسعده ويخلى اياه
مريحنى عالاخر ومحترم رغباتى
ولو قدمت له خبز مع ملح ياكله ويحمد الله
ويشكرنى كمان
والعزليم على اتفاق معى
الله يحفظه ويرزقنا الذرية الصالحة

وطبعا الحمد لله برمضان مايعصب ولا شئ
بالعكس الهداية والصلاح بوجهه
الله يجعله من اهل الجنة

 

[غربه احساس]

انا زوجي ماله اي طلبات يفطر تمر وقهوه وماء ويروح للمسجد وما يرجع الا بعد التراويح واللي يلاقية من اكل ياكلة عادي عندة اي شي لو خبز وجبن
بس المشكلة انه يعصب على اي شي ويوم
وبعض الاحيان اذا ما لقى شي يعصب اقولة ارفعلك من الفطور شي يقولي لا خلي العيال يكلون
واذا ما لقى عصب يحسسني اني ولا شي
يدخل المطبخ ويجهز اي شي ياكلة وهو معصب
يعني بأختصار محيرني ادق علية اقول مافية عشى اسويلك شي يقول لا اذا جيت يصير خير واذا جا مالقى شي عصب
كل الاشياء اللي يوافق عليها وتعجبة يمكن مره ثانية اسويها اتوهق

 

[احلى ميمو]

يوووووووووووووووووووووووووووووووووووه جيتي ع الجرح ...

أنا اعاااني معاناه مو طبيعية تخيلي بس يا دوب 3 ايام الي عدت ماعندي عزيمة فطور للشباب
أول يوم رمضان جاء عندي 17 نفر.............,,,,,,,,,,,,,,,,,,قلبت هندية هع


والله شئ لا يطاااق أنا اطنش وودي اسوي شئ بسيط بس أم زوجي الله يهديهااا تقول لاء غلط سووو كذا وزيدوو وعيب ومن ذا الكلام ..



الله يكتب لنا الأجر ..................

 

[شموع وورد]

لا الحمد لله زووجي بما اني حاامل يررضى باااي شي يلقااه ولايحب اني اسووي كثير يقول يتعبك ماله داعي مشاء الله اسوي بس سمبوسه وشوربه اهم شي بعد لاززم اسووي المفروض استحي شووي

 

[رقة ورد]

والله الوالد عسى عمري فداااااه ​

راعي عزاايم وواجب , ولا يرضيه الا سفره ..سفره معتبره الله يحفظه:32:​

واحس انو ما أثر على جدولي وعبادتي ​

لا انا ولا أخواتي ..الحمد لله ​

خلونا نحتسب الأجر ​

 

[غربه احساس]

لا الحمد لله زووجي بما اني حاامل يررضى باااي شي يلقااه ولايحب اني اسووي كثير يقول يتعبك ماله داعي مشاء الله اسوي بس سمبوسه وشوربه اهم شي بعد لاززم اسووي المفروض استحي شووي

حنا مايخربنا الا قولت استحي لا لا تستحين واله كنت مثلك ووحام وتعب واطبخ اقول لا عيب
والله الحين لو يشوفني بموت ما يجيب من برى لين اطلب ويمكن ويمكن لا
وحماتي لو اصبعها يوجعها فالت ما اقدر وما شاءالله مضرها

 

[ولهت عليك]

والله انا ودي اطبخ واسوي ...
بس التعب اللي امر فيه والدوووخه ... عسى ربي يشفيني
بس مع ذلك اطبخ 3 اصناف ... صنفين والثالث شوربه

 

[محبةالله]

الله يعينك

 

[قصور]

انا زوجي الله يهداه في نهار رمضاااان يعصب على ولاشي والسبب انه مدخن تخيلو بس اول 3 ايام من رمضان عنده وبعده خلاص ماقدرت استحمله اكثر رحت لهلي زعلانه الين يومكم جد رمضان مايصلح مع مدخن لا وشمالي شرقي كملت المشكله انو اول رمضان لي معاه الله يهديه ويصلحه لي ربنا اجعل لنا من ازواجنا وذرياتنا قرة اعين واجعلنا للمتقين اماما

 

[شموع وورد]

حنا مايخربنا الا قولت استحي لا لا تستحين واله كنت مثلك ووحام وتعب واطبخ اقول لا عيب
والله الحين لو يشوفني بموت ما يجيب من برى لين اطلب ويمكن ويمكن لا
وحماتي لو اصبعها يوجعها فالت ما اقدر وما شاءالله مضرها

الله يسخره لك لا ان شاء الله ميتغير والله الرجال مالهم اماان مشاء الله تلقيه عوودته من بدري حماتك

 

[أميــرة الــورد]

اللهم لك الحمد انا مااسوي شي مع الحمل والتعب مايخليني اسوي شي كله فوق عند امه الله يخليها
وهي كمان تقوله لاتخليها تسوي شي .. مع اني اطلع وانا مستحيه وربي بس مايرضو امسك شي ..
واليوم اصريت اسوي السمبوسه وصنف ثاني خفيف ام زوجي طول الوقت تدق وتقولي لاتسوي شي
انا برسلكم الفطور مسكينه الله يرزقها الجنه ..

 

[مثالية ولكن]

الله يهون علينا ويكتب لنا الأجر يارب .. انا زوجي يقول سوي اللي تقدري عليه وانا بطبيعتي احب اسوي أكثر من صنف يقوم من على السفرة وما ياكل شيء بالكثير اذا حب ياكل يشبع نفسه بالفول .. وتعبي كله يروح عالفاضي واذا عاتبته ولا قلت له ليش ما تاكل من دا ولا من دا .. يقول خليني براحتي ولا تتحكمي بأكلي <<<< يمكن قصده اني اتحكم في حياته ؟؟؟ واذا ما طبخت مثلا تعبانة او لأي سبب يزعل ويقول : اصوم وما القى شي افطر عليه.. بس عموما ما عندي عزايم برمضان مع اني اتمنى اعزم احيانا لأننا متعودين عالعزايم في بيت أهلي بس أقول أحسن عشان لا اتعب..

 

[عرش قلبه]

انا زوجي دوامه يبدا من 1 الظهر لين قبل الفطور بــنص ساعه
طبعا ساكنين مع اهله وكلنا ندخل المطبخ انا وامه وسلايفي و اخته
وكل وحده تسوي صنف بس انا مستويه سنعه لازم اسوي صنفيين
لانهم يحبوون طباخي وطبعا الحلا لازم اسوييه انا .. يخلون كل شي ع السفره
وياكلوون من اللي سويته عاد تشوفيين زوجي مستانس خخخخ
طبعا ندخل المطبخ ونخلص ع الساعه 5 اسبح وايلس اقرا قرءان لين يجي زوجي
بعدين نبدا نجهز السفره ..
بعد الفطور نروح نصلي ونجلس انا وزوجي نقرا قرءان مع بعض لين صلاة التراويح يروح يصلي
وانا بعد وبعد الصلاه اجلس اقرا كمان .. زوجي يطلع مع الشباب لين الساعه 12
ويرد البيت عاد من الساعه 12 لين اذان الفجر هذا وقتنا للسوالف نجلس مع بعض نسولف
وكذا .. انا وهو مانتسحر ابد بس يادووب نشرب ماي ونصلي الفجر ونقرا شوي قرءان ونام
وهذا جدولنا اليومي .. بس مرات يتلخبط الجدول اذا طلعنا بعد صلاة التراويح يعني السوق ولا نتمشى انرفه عن انفسنا
يعني زوجي ما اشوفه وقت النهار ابد بس قبل مايطلع للدوام ويوم
يرد يرد قبل الفطور .. وحتى فايام الاجازه ما احس انه عصبي بالعكس يحاول يمسك اعصاابه
ويهدي نفسه ..

 

[لقيت نفسي فيك]

نورتوا