يا زوجات الشمالى الشرقى تعالو ابيكم شوى .....؟

الحالة
مغلق و غير مفتوح للمزيد من الردود.
شوفو
هو صح شمالي شرقي
بس انا شماليه غربية
يعني افهمه عن بعد

يحب الترتيب جدا
لكن على مين... انا عندي لكل حاجة مكان
بمعنى لو كنت برى البيت وقالي وين الشي الفلاني اقول افتح الدولاب في الرف اليمين في الملف اليسار وهكذا
يعني كتمت انفاسه
طبعا اذا زعلت اخليه يحووس السبع حوسات تكبر عليه نفسه ولا يسألني وانا ولا اقوله على مكان الحاجة طبعا يحاول يبدأ يخرب لكن برضو الترتيب هاجس ويرجع يسألني وافزع انا وتنحل مشكلتنا خخخخخخخ

وهكذا في كل اهتماماته
مثلا الترتيب زي ماقلنا - الروتين يحبه- الطبخ البيتي - الجو الأسري وحتى لو هو مو بالبيت

بس الحق
بعد العمر هذا معاه
لازال ينتقدني في حاجة واحدة

الصلاة
انا مقصرة

واكتشفت ان الصلاة عنده لاتعني عبادة فقط

هي عبادة
وهي رمز للتمسك بالعادات, لأنه يهتم نعمل زي ماكان اهلنا يسوون ومنها الصلاة
وهي رمز للغنى الروحي, لأنه يخاف من شخصيتي المتمردة ويحس ان تمسكي بالصلاة اكبر دليل على ثراء روحي يكون مانع لي من الإنجراف وراء اي تصرف " لامنطقي" <<< حضرتي مالي علاقة بالمنطق والعقل واعتبرهم طاقية البسهم وافصخهم
وهي رمز لقوامته,,, اللي ممكن تكون في خطر مع حضرتي رغم اني مااقرب ناحيتها لكن انا مااعتبر ابدا شخصية ضعيفة ولذلك يحاول دايما يأمرني ويأكد على اوامره في اشياء مفروغ منها اظهار تحكم وقوامة ومع ذلك ارخي انا واتفهم مقاصده
لكن في الصلاة تحديدا
لازلت مقصرة
أسال الله الهداية والصلاح

لذلك ممكن نتهاوش بسبب الصلاة
وانا عارفة في قرارى نفسي ان هواجسه اكبر من اني قصرت في تديني لأنه اصلا ماكان شرطه ملتزمة بس على الأقل محافظة, لكن هواجسة هي اني ممكن انتهك العبادات والعادات والتقاليد والأصول والثوابت الإجتماعية وبالتالي حنتهك قوامته


شفتوا تحليلي *~*

تحياتي​
 
اهلا بزوجات ش ش الحلوات الصبورات :)

من تجربتي شفت معه على مدى سنين المووووت يعاملني زي الخدم والخدامه يكرمها اكثر مني ؟؟؟


بس بعد ما تكلمنا وهددته يا تتغير وتعاملني كبشر او اروح لاهلي ونخلص من هالزواج الي بالورق بس؟؟

اتكلمنا كثيررررر تعرفوا ايش قال؟؟ قااال حركات مسلسلات وحبيبي وحبيبتي ماعندي من الان اقولك

انا اعبي الثلاجه لك وموفرلك البيت واعالجك اذا تعبتي واشتري لك ملابسك الي تسترك <<يقصد مو ملابس فشخره ..خلالاص اديت الواجب الي علي امام الله..وامام الناس


وانا انسان ابي نظاااااافه بالعربي يبيني امسح واكنس وانظف كل يوم..واحيانا في اليوم مرتين؟؟؟

ومن خلال منتدانا الرائع تعلمت اشياء كثيره..

1-طبعا زي ما طلب مني صرت اهتم بانظااااافه وصار عندي وسواس من هالناحيه

2- اولاده مولازم يلبسون لبس حلو وكشخه بقد مايكونون مرتبين ونظيفين ومميزين في الدراسه والتربيه.

3-الابتساااامه ع طول <<اكتشفت انه يخاف من ابتسامتي لاني اطلب بعدها فلوس او مشوار من غير قصد مني..فغيرت هالشي وصرت اتودد له وابتسم طول اليوم ابي حاجه او لا..

4-يحب يشوف سناعة زوجته في الطبخ اطبخي الي يحبه والي مايحبه..مثلا الحلا مايحبه بس صلحي بين فتره وفتره عشان يعرف انو عنده زوجه طباااخه..اطبخي اكل صيني او هندي تفنني..

5-يحب تكونين انيقه مثل اناقة الاميرات مو لبس على بعض ومكياج حووسه وااصل لأذنك..وسوي الموضه عاادي مثلا مناكير فرنسي جنزخصر..

6_عندك مشوار او طلعه علميه قبل باسبوع اهو كذا لازم يرتب وقته..وعندك طلبات علميه بدري بتشترين ملابس العيد علميه من شهر رجب واني يا حبيبي ودي اتقضى والحين وقت التخفيضات..بيعطيك بس مو على طوول بيجلس اسبوعين ويعطيك..

7-امدحيه لو دخل عليك بزبادي امدحيـــــــــــــــه..:)

8- اي شي تبينه يسويه لك انتي ابدي معه فيه<<<لغز :)

مثلا تبينه يتكلم معك انتي ابدي تكلمي بواضيع يقدر يشاركك فيها وبنفس الوقت لاتكثرين هثره ..مره مرتين ماراح يرد لك؟؟عاشر مرره بيبدأ يسولف


تبينه يحضنك انتي ابدي احضني بعدها يتعلم منك..

اي شي تبينه يسويه لك انتي علميه كيف اهو مايعرف؟؟ مثلا تبين تتمشين قولي ابي اطلع للمطعم الفلاني انو كويس وودي اجلس معك وندردش سوا:)


لالالالالالاتكثرين أسأله وين بتروح ومتى ترجع ووش تبي ع الغدا؟؟اهو يبي يطلع ويدخل ع راحته لالالاتضيقين عليه
الحمدلله الحين مرتاحه وحياتي كويسه الله يزيدني من فضله..
اذا تذكرت شي رجعت لكم...
 
اااااااااااه كل الي قلتوه واكثر فالشمالي ههههههههههه الله يعين بس صبر ايووووووووووووووووووووب
 
أنا اموووت على الشمالي وهو مروق واكره جداً اذا انقلب المزاج يجلس يدور عليك اي زله عشان يعصب عليها ولا يناقضك بلكلام ويخليك غصب علطانه مع اني احسه يدري اني مو علطانه بس مزاجه منقلب وبس اذا مروق كل شي عنده حلو لو مو حلو واذا عصب كل شي مو حلو اكره هذا الشي وكثرة طلباته والله يزعجني كثير بالطلبات حتى وهو برا البيت يتصل ويشغلني دوري هذا الشي رتبي هذا المكان سوي اي شي اهم شي يشغلك حتى وهو طالع يغلط ويحط غلطاته عليك يعني غير مرتب في حاجياته واذا ماحصلها يويلك يقلب الدنيا وفي الاخير يصير السبب منه الله يهديه بس وماانكر انو لما يروق يصير جنه
 
حبيباتي انا زوجي فيه نفس الصفات اللي انتم ذكرتوها الا صفتين بصراحه إذا كان غلطان يعتذر....
ويحب الكلام الرومنسي... يعني يكون شمالي شرقي أو شرقي شمالي فيه اختلاف بين النمطين
 
ينتقدني كثير بس صايره اذن من طين واذن من عجين حتى صرت ابتسم واقول ان شاء الله اكون احسن

وبكذا صار حبووب معي لاني بنظره المطيعه وتبون الصراحه صايره اخذه على قد عقله مع انه عقله وربي

يوزن بلد بس الشمالي الشرقي يبي مسايررررره طبطبي عليه ووافقيه ع كلامه حتى لو مو مقتنعه

واخرتها بيكون راضي واذا راضي وش تبين بيكوون عسل .. بس مجرد ماتخالفينه راح يتغير وهذي الحاله

اوصله لها لما تكون مو فارقه معاي رضاه او زعله لان ماله أماااااااان هذي مشكلته متقلب واي راي مايعجبه يعتبره عناد........وانا جنوبيه شرقيه شتان بيني وبينه بس المنتدى نوور عقولنا كثير. الله يهدينا جميعا​
 
والله ينتقد البيت والنظافه مع اني ما اقصر يبغى ملابسه جاهزة كل وقت شماغه مكوي دائم الانتقاد لاهلي انهم يتاخرون في الطلعات ينتقد صراخي على العيال ما يحب السوق والطلعات بس في اغراض البيت طيران دائم المقوله نتي ما تفهمين مع اني جامعيه مثله واحس شهادته ما غيرت فيه حاجه بس يمدح طبخي يبغى لو طرى عليه طلعه اكون جاهزة في عشر دقايق مع تلبيس 3عيال والنقد جايك لا محاله لو تاخرت دقيقتين وروحه لاهلي بالقطارة ومفاجاه وحسب المزاج خاصه لو اجتمعو يحب نقعد اكرة تدقيقه على الطالعه والنازله حتى على التيلفون اذا دق ولقاة مشغول مصيبه او ما رديت على الجوال فانا ما اهتم لانه على الخط 00وفي كل لحظه اة ابغى اعرس مدري وش يبي 00رافض الشغاله الله يصبرنا على ما بلانا الله فيه 00
 
على فكرة حكينا عن الزواج بعد الوفاة وتفاجا من ردي اكيد انا بتزوج بعدك واجيب شغاله لعيالك وسكت وش رايكم هل كلامي بكذا صح او خطا 00هل المفروض اني اقول بعيش على ذكراك مع انه يصبحني ويمسيني لو عندي فلوس تزوجت وش رايكم
 
والله يا احساس خوفتيني من كلمه اذا حب يصرف دم قلبه واذا قال ما معي واذا طلبو اهله او جاء يروح لهم وانتي عند اهللك اكلهم من مطعم واذ بيطلع مع اصدقائه جاب حلا ومويه واغراض لهم وانتي تطلبين يقول الشهر الجاي هل في باله شيء 000000000000؟؟؟؟؟؟؟؟؟؟؟؟؟؟؟؟؟؟؟
 
مممم بقولكم من تجربتي بس انا ماعاااشرته وايد كلها كم شهر

غيوووووور درجه اولى

لدرجة انه منعني من لبس الكعب ع قولته المشيه تصير ملفته

مممممممممم

يحب المديح

يعني يحب اقوله لولاك انت ماصار مثلا جي

يعني سي السيد وبطل زمانه

يكره اذا قعد يتكلم انج تنشغلين باي شي حتى لو طالعتي السااعه

بس حنووووون روومنسي بس مو بالكلااام

يحب ينتقد

هو دااااااااااااايما صح وباقي الناس خطاا


مايعرف يجامل

كريييم ماجربته اقتصاادي

اللي عندي بصراحه مسرررف بكل شي

مثلا اذا بنروح مطعم يطلب كل شي كانه راح يكلون معانا خمسه او سته

او مثلا اذا حبيت شي ورحت اشتريه وشااف انه عاجبني وايد بياخذ لي منه اثنيين بس بالوان مختلفه
انقهر منه بس اسكت


وايه اكثر شي مااحبه فيه
هو اللاء يعني لااء

مهما حاولت لا يعني لا

مستحييل يغيرهااااا


 
والله ياحبيباتي كانكم اتكلمون عن زوجي <<<<ملكه صارلي سنتين
واهم انتقاداته اهلج واخوانج وانتو ناس غريبه
وحساس من ناحيت اهلي جدا دايم تفكيره غلط باي كلمه توصله من اي احد من اهلي بالذات
واكره لمى تصير مشكله بيني وبينه ويقولي انتي ماتصلحين لي او هذا انتي بيت اهلج
عاد انا نفسه شماليه واكبرها براسي واقوله يالله خلنا نخلص من هالوضع اذا مو عاجبك عاد هني اشوفه يتردد
لان هو عارف مايقدر يستغني عني وان اللي سويته له ماسكه من الايد اللي تعوره وعلى قولته كلام الناس <<<هذا المهم عنده
ومن الناحيه الاقتصاديه مرات احسه بخيييييييييييل علي ومع الناس يبالغ بالعطاء لدرجه انه مايوفر شي للزواج <<<<يحرني بالشي هذا
ااااااااااااه ابي الحل مع هالشمالي العنيد ياليت تنصحونا شنو نسوي
 
:10:
زوجي عايش على النقد ينقد على كل شي كل شي فيني وانا دايم الغلط راكبني من راسي لرجولي... العمل نظامي فيه ولايتاخر عنه ولادقيقه.. يبي البيت منظم ومرتب يبي يجي من الدوام ولايسمع اصوات اطفاله ولو حصل يمشيهم عالريموت كان وده.. طلعت السوق بالروح السابعه تجي وبعد مشاورات مع نفسه وتحديد يوم لا ولا يبيني اخم كل شي بطلعه وحده يعني يخصص هالطلعه تقضين للاولاد والمره الثانيه اطلعتس تقضين لنفسك..:39: بينفجر قلبي منه انا حنوبيه غربيه يعني بارده واحب نفسي حيييل واهو شمالي لو احط كريم بوجهي قالي ماله داعي كل يوم يخلص وتروحين تشتري اسراف<< مدري اهو بخيييل:1: الله يعني عليييييييييييييييييييييييييييييييه وماخفي اعظم...:7:
 
نسيتو الانتظاااااااااااااااار موته ينتظرك بالسياره او بمكان لو ثواني قال ساااااعه
 
حسوس.ماعليك امر ياليت يكون الموضوع الجاي عن <<هل استفدتي مما قرأتي عن الشمالي<<
يعني كل وحدة استفادت من طريقة وجابت نتيجة تقول عليها
 
انا زوجي دايما يقولي انتي ماعندك هدف في الحياة اقوله انا اربي عيالك واهتم فيهم وادرسهم يقول لي عادي كل العالم تسوي كذا انتي سووي لك هدف راقي في نفسك ومجتمعك(يبيني محاضرة او ناشطه اجتماعيه )وانا جنوبيه شرقيه احب الهدوء والكلاسيكيه في الحياة
ايضا هو خدوم جدا للغير ولو علي احساب نفسه وبيته
 
(نور 14)
انا معة فى هذا الموضوع ودايم انصح بهذا الشى
 
الله يعين
مافيه شي معين
ينتقد اي شي بس مو بقصد التجريح او الانقاص
بقصد المثاليه والكمال
 
الحالة
مغلق و غير مفتوح للمزيد من الردود.
عودة
أعلى أسفل