يا رب ألطف بي.. سواها أبوي بلقيسيات ساعدوني شوروا علي

الله يكون بعونك
 
الله يسهل امرك بنتى شكل الوالد شايف له شوفه ويبي يلقي الحجه على الوالده
نصيحة امك واجبه مع انها صعبه لكن جربي اطلبيها تسلمك نفسها وروحي بها الصالون وسوي لها فرد كرياتين وقصه وصبغه عشانها هي مو عشان ابوك وحذريها وشهدي عليها شهود وحسسيها ان الي تسويه من اجل الحفاظ على كيان الاسره متماسك ومن اجل حسن التبعل وفهميها ان اهتمامها بمظهرها بذي العمر ينعكس عليكم ويشجعكم على الاهتمام بالنفس لما تصيرون بذي السن وقولي لها انها الحين متفرغه اكثر من اول والتغيير الحين اسهل من بعد 10 سنوات بيصير بايخ موفقه باذن الله
 
اختي ربي يكوون معك ..وربي يهدي امك ويسخرها لابوكي مااالك غير الدعاااء وانتي حااولي تكسبيها وتكون صديقة لك وخبرية كيف تهتم بأبوكي بالكلام والبس وغيرة ماااتدرين يغير الله من حالن الى حاال..
 
اختي انتي قلتي امك اميه صح
فهالشي لازم تعذرينه وامك حياتها نشئتها كيف صارت هالشي بعد له دور
اكيد امك راعية صلاة وصوم والاشياء هذي صح
وتبي تكسب ربها بهالشي
اكثر الامهات كذا تفكيرهم ترى بس انتي حاولي تتكلمي معها عن الاحاديث هذي والقصص
فهميها شنو واجباتها وشنو لازم عليها ولازم تسويها
هو الحل الوحيد انتي اتفقي مع ابوك قولي كاانك خطبت وانك خلاص بتتزوج
واجلسي ابكي عند امك شوفي شنو راح تسوي بالضبط
الحريم كذا يقولوا عادي يتزوج وهم بداخلهم حكي ثاني
هو في شي بشخصية امك اذا انتي عرفتيه راح تتوصلي لحل
شوفي حياتها كيف كانت وانتبهي تحكي لاحد كذا راح تكبر المشاكل اكثر
وبعدين اذا عصبت ع ابوك انه يهتم بنفسه قولي بعد انتي اهتمي في نفسك وسوي كذا وحطي كذا
صدقيني راح تتغير امك اذا عرفتيها عدل
والله يفرج لكم همومكم يارب
ويسخرامك لابوك ويبعد عنكم المشاكل يارب
ويهدي وضعكم
والله يخليهم لبعض يارب​
 
اختي الغالية المشكلة في ابوك مو امك

امك مالقت الحنان والدلع والاهتمام من ابوك ابوك بس يكلمها وينتقدها ويلمحها

قد سمعتوه مرة مدحها او مدح لبس او اكل او شي قوليله يقولها انه مشتاق لها ويحبها ومايقدر يستغنى عنها الكلام هذا يذلل المراة لو مين ماكانت

ليه مايفاجئها بهدية لبس يروح يشتري قميص نوم او لبس بيت ويمدحها قدامكم ويتغزل فيها لما يكون لوحده هو واياها

ليه ايقولها اللبس صار حلو يوم انتي لبستيه

ابوك بس يراقبها وينتقدها وينصحها ويلملحها


خليه يقرب منها يقولها تحبيني وش اللي مو عاجبك فيني يضمها لصدره من غير اي كلمة تعتقدي انه هي مبسوطة وماياثر فيها اي حرمة حتى لو كانت امية تحس وتتالم خاصة من زوجها


كلكم منتظرين انها تتغير واخوانك لكن مااحد ساعدها بالكلمة والحنان والعطف بس قومي نسوي وقومي نعمل تحسسونها اناها انقص منكم وانها كلها ماتصلح ولاتنفع

وليه ابوك ماعلمها من البداية وخلاها تدرس عشان تختلط بالناس وتزيد ثقافتها

تخيلي انت احد يعاملك كده بتسمعي كلامه وتتغيري اكيد لا

طيحوا عند رجولها وبوسوها وقولولها انت امنا حلوة اللبن

خلوها تجني ثمار تربيتها لكم

مو عيب انها مو مثل الجيل هذا لكنها ربتكم وحافظت على ابوكم ابوكم يبي شكل مايبي زوجة

انت جربي كلامي قولوها احنا ضايعين من دونك وحشنا اكلة كانت تسويها لكم وتحبونها

الحين يوم كبرتوا ماعجبتكم امكم

لاحول ولاقوة الا بالله


انا مااعاقبكم او الومكم بس طريقتكم الغلط مو الغلط في امكم​
 
قيود الروح، ملكة الحب، غدا أحلا الله يعطيكم العافية ويسعدكم ويحقق أمانيكم...
من قلبي حبيته.. أنا معاد بفتح الموضوع مع أبوي لأني أستحي صراحة وا اقدر اتكلم عن مواضيع زي كدا وأمي هي اللي رح أكلمها
موج... ابوي كان يكلمها يفهمها ايش يحب وايش يكره والله انه هو اللي يشتري لها العطور ماركات والشموع الفواحات وحتى قمصان النوم والأقمشة يختارلها لكن تستخدمها مثلا اوقات قليلة بعديييين تقطع ولما يجيب شئ جديد تطالع في السعر لو كان غالي قالت ماهو بصاحي ..اقول لها احمدي ربك شوفي الحريم كيف يشحدون الضروريات ماهو عطور والا مكياج.. الوالد الله يسلمك قالي انا تكلمت تكلمت وبصريح العبارة لوهو جدر انهد لكن امك حالة مستعصية
وبالفعل اسمع بعض حواراتهم وابوي اسلوبه سلس ومرن وراقي ودااااااااااااااااااايما اشوفه يلمح لها لاعاد تلبسين دا انا ما احبه لكن يرجع بعدين ويلقاها لابستنه هنا يرتفع ضغطه مليوووووووووون بس يمسك نفسه يقول ياليت انها تقرأ عشان اعطيها كتب ..

ميمي .. ام رامي، قمر وراكبة همر مشكورين و جزاكم الله خير
 
ام القمر الله يعطيك العافية
أسيرة فكري .. والله مين فهالزمن ما يشوف العجب بالفضائيات والانترنت
الله المستعاااااااااااان
دمعة غلا ... مشكورة أختي
 
حنانوو كلامك كله عن امي وصفاتها..
أمي ماتجهل الاشياء دي والحركات والدلع لكن تقول ماأحب الخربطة احس انها تستحي وانا عارفة انها من النشئة والبيئة في حياتها اول وانا قلت لأبوي دا الشئ ... قال انا إيش دنبي اعدب نفسي واحرمها السعادة
أبوي لو عرف انها من النساء المسالمات واللي رح تتقبل الضرة كان من زمااااااان تزوج .. ويقول اجلسي عندي معززة مكرمة ..لكن امي بتقلب الدنيا قلب لما سألتها ليش عشان ايش تغارين؟
قالت ما تزوج علي الا وهو عايفني من باعني بعته.. ما بي الناس يشمتون بيو يقولون تزوج عليها زوجها..
قلت لكم امي حييييييييييل صعبة

 
الله يكون في عونك ويبدو ان امك فعلاً صعبة من خلال كلامك ...ووالدك ماشاء الله عليه مو مقصر.....ويبدو انه انسان يدور الحلال وهذا حقه طالما امك مقصرة معه.....
حبيبتي حاولي مع والدتك ولا تيأسي لعلى وعسى ربنا يهديها ويصلح حالها يعني من باب الدين وانها المفروض انها تهتم بزوجها وتسعده سواء من ناحية اللبس او المعاملة....
الله يكون في عونك لو كانت المشكلة بغير أمك لكن الوضع اسهل وأهون.....
ربنا يهديها ويصلح حالهم اميننننننن
 
وحدة كووول ... شوفي أختي انا اللي شايفة كل شئ قدام عيني..
واقول إن 80% من المشكلة من أمي .. ما عندها ارادة ولاعزيمة تغير من نفسها لا تبي تنحف ولاتبي تتكشخ الا بكيفها وبالنسبة للتعليم كنا نقول لها ليه ما درست قالت انتوا كنتوا صغار ووووو..
طيب انا لي سنتين متخرجة وسجلتها بمدرسة قالت مين بيودي ويجيب؟!!! ابوي موجود وأخواني 3 موجودين... والله المدرسة قريبة وتقدر تروح مشي أو مع جاراتنا..
بالتلفزيون لما يجي واحد يتكلم عن الحياة الزوجية تقول ما هم الرجال الا دا.. وكماااان واااااااثقة من نفسها انها ماهي مقصرة بشئ مع انها عارفة ان ابوي مو مرتاح..
احسها ملت من الزواج وأبوي باقي نشيط ويتجدد ما شاء الله
لاحظت ان ودها ان ابوي يتعب ويمتن والا يبان عليه الكبر.. تفرح ههههههه ادا زاد الشيب..
 
ينابيع الحكمة بارك الله فيك
انسان لا اكثر كلامك سليم الله يعطيك العافية
 
الله يكون بعونك غاليتي
ولاتنسي الدعـــــــــــاء بان الله يصلح فيما بينهم ..
 
أخوي الكبير متأزم من الوضع هدا.. وكان في كل المرات هو الوسيط بينهم.. وعااااااااااارف ايش الاسباب وفي كل مرة يكلم امي لكن ؟؟؟؟
الان كل مانجي نبي نخطب له يتدكر ابوي ومعاناته مع امي فيجلس يسألني عن كل شئ بالبنت شخصيتها جسمها بياضها شعرها لبسها حلو والا لا...طبعا الصفات كلها ماتجتمع بالبنات فيقول لا ما ابي هدي شوفوا لي غيرها
وتعبنا معه مع ان حالته المادية ممتااااااااااااااازة
الله يكووووووووون بالعون
 
أنسان لاأكثر قال:
اختي لايخلو بيت من المشاكل ونصيحتي لك كا لاتي

اولا يجب انك انتي واخوانك تتكلمي مع امك وتواجهونها بكل خطا ترتكبه مع

والدك

ثانيااختي اعلمي امك ان والدك له صبر ونفذ صبره ويمكن يتخذ قرار نندم عليه

كلنا فيجب عليك ياامي الحنونه ان تحافظي على بيتك وتتمسكي لكي لاينهار

وان تغيري من طباعك وان تكوني كل شي بحياته

ثالثا اجلسي مع امك بحكم انك عاقله وتكلمي وقولي لها هل ترضين ان نفقد

ابي وكل زوج يريد من زوجته الاحترام وخصوصا في هذا العمر وقولي لوالدتك

لو لاقدر الله ووالدي اتخذ اي قرار تكوني السبب بكل مايحدث لنا

دمتي بكل خير
أنقر للتوسيع...
انا مع الاخت كلامها صح
 
سبحان الله ذكرتيني بحياة اسرة كانت المشكلة إن الأم والأب ما بينهم ​

تكافؤ في البيئة والمجتمع والتعليم غير أنها مو متقبلة حياة أهل زوجها , ​

وبس منتقدتهم ومنتقدة أبوهم على مسامع أبنائها , والأب مو متأقلم مع

بيئة أهل زوجته ... يعني كل شوية مشاكل ونقار من وقت أولادهم صغار , ​

بعد هم اصعب منكم , يعني أنتم أرحم يتهيأ لي الوضع .... هذولا كل يومين ​

ومشاكل من وقت الأبناء صغار لحد ما كبروا واتوظفوا , وهم الأم و الأب في ​

شقاق دائم ومعارك , وتهديد طلاق وصراخ , والمشاكل علنا امام الصغير ​

والكبير من الأبناء , بل وحتى الأقارب من الطرفين ​

إلا الأشياء الكبيرة مرررررة , كانت الأم تحكيها لبنتها الكبيرة ​

ومن الطرف الثاني يجي الأب ويشكي لها البنت أمها ولسانها وعصيانها ​

والسواة معاها ..... ما فيه تفاهم ,, مضى العمر , والنتيجة المحزنة أن ​

البنات والأبناء عاشوا بنفسيات محطمة , عصبيين , ما عندهم ثقة في ​

احد , يهابون تكوين علاقات اجتماعية مع غيرهم إلا قليل , البعض منهم ​

تقول صار يتردد في اتخاذ أي قرار بحياته سواء بزواج ولا بدراسة أو حتى لو ​

شيء بسيط ... والبعض منهم عنده عزوف عن الزواج , وكل شوية يحط ​

شروط صعبة كله خوف تنعاد مأساة أمهم وأبوهم ... جد وضعهم يحزن ​

يعني ترى الحياة فيها كثير اسر بتعاني والسبب قد يكون

قرارات غير مدروسة باتقان ,وضعف وعي وجهل من الأم والأب , وعدم

التنازل بإحداث تغييرات في التفكير وطريقة التعامل مع الأحداث​

الله ييسرها عليكم وعلى كل المسلمين والمسلمات ....​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل