يا رب ألطف بي.. سواها أبوي بلقيسيات ساعدوني شوروا علي

أ

ألحان نازفة

New member
إنضم
2010/10/01
المشاركات
342
بسم الله الرحمن الرحيم
السلام عليكم ورحمة الله وبركاته..
رسالتي إلى كل من تملك حكمة ورأي سديد اطلب منها مساعدتي في مشكلة اكتشفت اليوم بأن عمرها 28 سنة
بنات انا بنت عمري25 أنا الثانية بعد اخوي.. وماني متزوجة عشان اشكي من زوج او خيانة او ضرب او او او ...
المشكلة بين أبوي وأمي تعبونا وتعبوا نفسياتنا معهم... يوم عمري 4 سنوات اتدكر اني شفت هوشة بينهم والى يومي وانا اتدكر داك اليوم مستحيل انساه...
بعد كدا لما وصلت الثانوي كان تحصل بين فترة والثانية مناقرة كنت اسمع الهواشات بس مدري ايش السبب وفي نفس الوقت ما كان يهمني كنت انشغل بدراستي..
لكن لما دخلت الجامعة.. من جد احس ازدادت المشاكل وزادت معها جروح القلب لكل فرد عايش بالبيت اخواني اخواتي .. توترت وتوتروا اخواني واخواتي وتخيلوا لما تكوني انتي الكبيرة فوق التعب النفسي تشيلي هم اخوانك الصغار ..
المهم مرة من المرات قبل 5 سنوات وصلت الى حد ان امي رتبت عفشها واحرقت بعض الصور عندها وكلمت بيت خالي بس لحسن الحظ ما كان موجود .. وكان سكوت امي انها ما سافرت بسبب اخواني الصغار .. من ديك المرة عرفت ان المشاكل بسبب اختلاف الشخصيات بين امي وابوي من جد بينهم تنافرعجيب بقولكم كيف...
أبوي انسان هادئ حنون ورقيق يحب الكلام الحلو واللمسات الرقيقة رومنسي يحب يرفه نفسه من ناحية الاكل اللبس السيارات الحمدلله عنده خير بس بداية حياته كان شبه معدم.. واحسه كمان يهتم بالعلاقة الخاصة اهتمااااام كبير واكتشفت دلك من كتب كثير تتكلم عن هالشئ.. كرييييييييييييم جدا معنا ومع امي ومع ضييوفه ومع الناس الله يخليه ولا يحرمني منه يارب ويحب الاطلاع والادب وما يرضى ابدا ابد ابدا باي غلط بس لما يزعل على طول كلمة حلوة يرضى منها

امي العكس تماما .قوية جدا جدا جدا وكل خلاف صار معها زمان ممكن الان تعيده كله على شئ تافه مع انه ممكن وقتها خلاص رضيت لكن تنبش بجميع هفوات وزلات ابوي ايضا غير متعلمة(أمية) لما يتهاوشون صوتها يكون عالي جدا ابوي ما اسمع صوته.. ماهي رومنسية ولا عندها كلام حلوحريصة جدا من ناحية المال ماتشتري الا ارخص شئ وابشع شئ واللي ما يعجب ابوي لا شكلا ولا لونا..ما تهتم بنفسها ولا جسمها حييييييييييل مهملة
عندنا شغالة وانا اللي قايمة بالبيت وهي ماغير متسدحة24 ساعة يعني عندها وقت للرياضة والتزين لزوجها صح والا غلطانه؟
المهم ابوي الليل جانيييي ويقولي:
والله يا بنتي ما ودي اني جيت وكلمتك ونكدت عليك لكن انتي كبيرة وناضجة وعاقلة لكن طفح الكيل مع امك وانا قبل 5 سنوات حلفت انه انتها اللي بيننا لكن عشانك انتي واخوانك لكن اكثر من كدا معليش انا صبرت بما فيه الكفاية تكلمت وتكلمتوتكلمت وهددت لكن لا حياة لمن تنادي امي تعبت تعبت تعبتني 28 سة وانا صابر والله لو غيري ماتحمل اللي تحملته(انا برضه ملاحظة ان ابوي مو مرتاح)يقول ما عليه لوان فيه حسن تبعل يقولي علميها كيف تكسب المرأة زوجها اقراي لها علميها كيف تلبس وجسمها ووووووو اشياء ثانية يقول فوق دا كله واهمالها في نفسها شخصيتها المتحجرة حقدها علي بسبب خلافات ما نسيتها..وغير كدا يا بنات
يقولي ترى دي اخر فرصة والله قالي كدا وقال فهميها ايش لها وايش عليها
انا ماعندي اي تمسك بها بارسلها لأهلها وباتزوج انا ابغى أمرأة جميلة مهتمة بعمرها
والله اللي يشوفه يقول انه اخوها الصغير مو زوجها مع انه اكبر منها ب6 سنوات
بنااااااااااااااااات...
امي ماهي كبيرة مرة عمرها 47عارفة وفاهمة لكن ما ادري ليش ماتتحرك كسل وماعندها عزيمة كلمتها وكلمتها وفهمتها انا واخوي من زماااان لكن مو راضية تسوي شئ قلت لها نادي جابت لي اعدارومدري ايش يشتري لها ابوي عطورات راقية لكن ما تستخدمها الا نادرا قلت لها تعالي نسوي لك فرد لشعرك لانه خشن تقولي ليه تبين شعري يطيح...
لما اقولها ابوي ترى بيتزوج تقول خليه انا ماني جالسة معه بطلب الطلاق اقولها شوفي فلانه وفلانة تقول ما علي منهم
يا بنات كمان في شئ بقول لكم هوه انه حتى انا واخواني كلللللللللهم علاقتنا مع امي مش تمام فيه حواجز وحساسيات وجروح مندثرة بس احنا نعاملها بالبر والحسنى عشان الله لكن احنا ما نتوافق مع امي على شئ لكن انا عن نفسي قدرت اعامل امي وفق شخصيتها لكن اخواني لا بالدات الكبير واختي الثانية مررررررررة ما يحبونها يقولون مستحيل تكون دي امنا

معليش يا بنات كلامي مبعثرو طويل وماني عارفة ارتب افكاري والله اني من الهم احس قلبي يوجعني زادوني هم على اللي فيني تكفووووووووووووووون شوروا علي ايش اسوي
احس صعب امي تتغير ومستحيل ابوي يصبر اكثر من كدا
​
 
التعديل الأخير بواسطة المشرف:
الله يخليكم ساعدوني ليت ابوي ما كلمني هالشئ فوق طاقتي
حسبي الله لا اله الا هو عليه توكلت وهو رب العرش العظيم
 
اكيد ان امك عانت من ابوك وجرحها وهي مو قادره تنسئ انا من كثر زوجي ماجرحن صار وجوده وعدمه واحد وصار اذا دخل اتمنئ طلعته باسرع فرصه وكلامي معه جاف ومع الناس نعومه واتضايق اذا كان موجود وهو مع اطفالنا طيب بالمره ومن المشاكل معه صرت قاسيه علئ اطفالي الضاهر انه حاله نفسيه وانا اقولك ان مافيه ام تكره اطفاله لاكن من ضغوط الحياه
 
شوفى اختى طالما انك كالمتى امك و ما جت بالكلام
هاتى لها قصص من على النت عن رجال تركو زوجاتهم بسبب اهمال الزوجه لهم يمكن تتعظ
 
كلمي صديقة مقربة لأمك أو خالة من خالاتك تكون مقربة منها وتتقبل منها مايريده أبوك منها
ويحذرونها من مصيرها الذي ينتظرها.
 
والله حبيبتي مدري وش اقولك
بس امك امكن حاله نفسيه فيها
معقوله بعد العشره ذي ماتحبه ماتبي تكشخ له مافاد فيها الكلام
انتي مابيدك شي وممكن ابتعادها افضل
 
الله يعينكم جميعا ويساعدكم يارب ..
حبيبتي طالما والدك باح لك وأشتكى لابد لك أن
تنبهي والدتك وتعينيها ولا تيأسي منها ....وفهمي أبوكي
انه هو كمان لازم يبادر بالنصح لها وبطريقتها اذا كان فعلا
حريص على التمسك بها ..الله يهديها امك باين عليها عنيده
وتجهل خطورة عنادها ..بس لازم تلاقي لها طريقه لتفادي
عنادها ..وهذه عشره طويله بينهم >>المفروض تهدأ فيها
النفوس وتستقر بينهم الحياة ..
أدخلي لها من مدخل ضعفها وأعرفيه وأتصرفي على أساسه
وان شاء الله ربنا يوفقكم جميعآ ..
 
كلميها ثاني مره واعرفي وش تحب بأبوك وش تكره خليها تفتح لك قلبها اجلسي معاها جلسه صحيحه تكلمي عن كل شي واخر شي خوذيها خليها تتسبح وبنفس الوقت انتي رتبي غرفة ابوك واعملي اجواء حلوه وبعد ماتطلع استشوري شعرها وحطي كريمات على جسمها ولبسها احلى لبس وبخريها وبخري الغرفه واهم شي قولي لها ((( يايمه الدنيا رايحه صح وانتي مو قاعده تسوين شي لرضى ابوي انا خايفه عليك لاتنسين زوجك جنتك ونارك ربي بيدخلك الجنه بس اذا ابوي كان مستانس معك شفتي انتي بنعمه كبيره ويايمه حتى انتي بتكونين مستانسه جربي خليها لعبه عندك واضحكي على عقل الرجال وشوفي وين بيحطك ))) وعيشيها جو الزوجه الثانيه قولي بكره ياخذ وحده صغيره وماراح يناظر بوجهك وينساك ويسافرون ويعطيها كل شي وانتي تقولين ياليتني وياليتني
صدقيني سوي اللي قلت لك عليه وماراح تندمين ودعواتك اذا صلح الحال وبشريني تكفين برساله على الخاص
دعواتي لكم بحياه سعيده ان شاه الله ​
 
الله يكون بعونك ان شاء الله تتغير يارب
شكل ابوك متمسك فيها ورايدها والدليل صبره عنده امل ان شاء الله يتحقق يارب انتي حااااااااااااولي تتكلمي على الي بعمارها وكيف اهتمامهم بنفسهم
 
جروح الدكريات بالعكس أحس أمي مهما صار ما ترضى لأبوي اي شئ ولما يسافرتفتقده بس مشكلتها مظهرها وانها انسانة جدية تحسين تصرفاتها و طريقة تفكيرها كأنها رجال
بحب الحياة... فكرة حلوة بجيب لها قصص عسى ولعل..
الخط الفاصل.. ممممممم اشوفها صعبة شوي خصوصا ان خالاتي كلهم كبار امي اصغرهم والصديقاااات ابدا ما أقدر.
عالية الصيت ل..ا هي ما تكرهه بس احس انها ما تحب تتكشخ تبي تقعد زي ماهي وزي ما كانوا اهلنا زمان ما تبي تجدد في أي شئ وفي نفس الوقت احس انها ما تبي ابوي يهتم بنفسه وما تبيه يكشخ وهدا طبع فيه تبيه اقل منها وتهاوشه ادا فصل ثياب جديدة او اشترى جزم الله يكرمكم ويتمشكلون وابوي كل شئ الا مظهره على كثر ما فهمها الا انها ما تحرك ساكن..
تشكرات.. هدا اللي رح اسويه
أحلى من الحلى.. انا بجلس معها جلسة مع اني اعرف انها رح تدخلني بسوالفهم مشاكلهم مع انها تصير في كل البيوت لو جينا عالشكل بكون معها وبساعدها بس على طبايعها كيف اقنعها تلين وترقق من نفسها امي حيييييييييييييييييييييييييل صعبة أمي انسانة دكية جدا وحكيمة لكن احس ما فادها هالشئ مع زوجها ابوي ما يهمه الدكاء ولا الحكمة .. احس لوإنها ضعيفة ورقيقة مشى حالها..
أبوي قالي انا انسان حساس والكلمة الطيبة تجيبني .. وعلى راسي اراضيها لو زعلت وعرفت اني غلطان بتأسف لكن هي حتى ادا زعلتها يكون اعتدارها بعنف وقاسي وبدون اسلوب ..
وان شاء الله يتحسن الوضع لكن انا بأجل الكلام معها لبعدين لأن عندنا ضيوف وان شاء الله اقول لك عالنتائج
ليتني احتويك..الله يسمع منك
ومشكوريييييييييين جميعا والله يبارك فيكم ويحقق امانيكم ويسعدكم
 
الله يسمع منك ..
والله أبوي كاسر خاطري من ساعة ما كلمني الا الان وهو برى وماهي عوايده يطلع من البيت ومايكون عنده شغل
ياربي لطفك .. أبوي لأول مرة في حياته يبوح لي باللي بقلبه من جد عرفت انه ماهو مبسوط ..والله شكل صبره نفد
وحملنئ عبئ الاصلاح والله ماني قده انا انسانة ما اتحمل المواقف الصعبة ولا اقدر اواجه بلأضافة ان ماعندي خبرة
بالله كيف اسوي معهم هدا ابوي و هدي أمي انا ارشدهم واعلمهم ؟!!!
يارب الهمني رشدا وساعدني على اصلاح الوضع
 
طيب حاولي تقولي لامك انها بجد جميله بس لازم تبرز جمالها قولي لها بس جربي مثلا استشوري شعرها اشتري لها
​
لبس نوم حلو حطي لها من مكياجك لاتضغطي عليها حاولي تقنعيها ان هذا عشانها قبل اي شخص ثاني قولي لها الحمدلله انتي لسه صغيره شوفي اللي يسوون عمليات تجميل ويتمنوا يرجعوا صغار شوفي الممثله هذي وهذيك امي لو بس تجربي وتشوفي احساسك والله راح تنبسطي بالتغيير وصدقيني الاقناع المتواصل راح يأثر عليها بس انتي لازم تصبري كمان...
 
الله يعينك على هالمهمة الصعبه بين امك وابوك والله يلوم الي يلومك ابوك طيبي خاطره بكم كلمه بأن امك ان شاء الله وده تغير وراح اتغير بإذن الله واما الوالدة الله يخليها لكم اقعدي معها وكلميها على قولتك اول شي غيريها من الخارج من ناحية الشكل وصدقيني اذا تغير شكلها من برا تلقائيا راح يتغير الأسلوب والله يخليهم لكم ولا يفرقهم يارب
 
عذريني لكن والدك بعد كل هذه العشره يقول اريد واريد ووو...يعني حتى لو امك حجر كان تغيرت مع زوج بالمواصفات الي ذكرتيها عن ابوك..يعني يجيبلها عطورات وغيرها وهي هامله نفسها..كون الانسان بسيط او متوتر ما يعني هذا ان نتركه ونهمله...ابوك لازم يشيل هذه الافكار من راسه لان وجود هذه الافكار وبعلم والدتك راح يزيد الفجوة بينهم..من وجهة نظري سبب وضع والدتك هو يأسها من ان اي تغيير راح تسويه ماراح يجيب نتيجه مع والدك...
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل