e-style
New member
- إنضم
- 2009/02/10
- المشاركات
- 276
السلام عليكم
أول شي يا بنات أبي أعتذر عن العنوان بس اهم شي اني لفت انتباهكم
لاحظت ظاهرة قوووووووية في منتدياتنا الخليجية
أحس عقلياتنا تحتاج إلى فورمات
نعم أنا أؤمن إنه العين حق و لكني أؤمن أيضا بالقضاء و القدر
لفة بسيطة بس على المواضيع الأسرية شنو تلقون وكلها مواضيع شفتها بنفسي و هذي ملخصها و تعليقي عليها بس ما أتجرأ أكتبه في الموضوع نفسه علشان لا أتهم بالوقاحة!:
1- يا بنات حبيت أحذركم من العين بقولكم قصة والدي الله يرحمه عمره في الثمانينات و صحته زينة وفجأة جته عين و طاح مريض بالسرطان و توفى بعد أسبوعين !!!!!!!!!
تعليقي: أختي الكاتبة الله يرحم الوالد و يغفر له و يجعلها آخر الأحزان بس يا أختي قلتيها بنفسج الرجل في الثمانينات !!! و السرطان لما يقضي على الشخص في فترة أسبوعين معناها انه قاعد ينمو داخل الجسم بدون أي أي أعراض جانبية من شهور و أكثر لحد ما يوصل إلى مرحلة متقدمة تظهر الأعراض و يكون فات الأوان وهني المشكلة هي عدم الاهتمام بالفحوصات الدورية شدخل العين في الموضوع !!!!
2- زوجي أيام الخطوبة كان يحبني و يموت فيني ومن تزوجنا تغيرت معاملته أكيد هذي عين لأننا سوينا حفلة زواج و لا ألف ليلة و ليلة وتكلف فيها زوجي الشئ الفلاني كنت ملكة جمال مكياجي عند الخبيرة الفلانية وفستاني كان بـ15 ألف و شبكتي كانت ب25 ألف و شهر العسل كلفنا الشئ الفلاني إي أكيد هذي عين شلون أتخلص منها شلون أجيب أثر صاحبتها
تعليقي: أختي السائلة الله يفرج همج و لكن حفلة زواجج من وين زوجج وفر فلوسها تدين ؟ أو صرف جزأ كبير من مدخرات اشتغل ليل نهار علشان يوفرها للمستقبل مو هذا معناه إنه الرجل قد يكون يمر بضغوطات بسبب كل هالمصاريف يمر فيها معظم الشباب حديثي الزواج وكل واحد فيهم يعبر عنها بطريقة تناسب نمطه و شخصيته و بعدين تعالي يا حلوة إذا كان كل كلامك و تفكيرك في مظاهر × مظاهر و انتي صرفتي هالكثر و انتي أجمل وحدة هذا ما يبين لج انه في خلل في أسلوبج و إنج محتاجة تعيدي حساباتج بدل ما تنفرين الرجال أكثر شدخل العين في الموضوع !!!
3- زوجي ما يعطيني حقوقي الشرعية و دائما يجرحني لأني أشوفه يحتلم و الردود كانت زوجج يحتاج إلى رقية قووووية متزوج ويحتلم معاذ الله !!!!
تعليقي: هدوا هدوا يا بنات الرجال من يأكل (خصوصا الأكلات المقوية) يتكون عنده السائل و لازم يتفرغ بأي طريقة و إلا يسبب احتقانات و أمراض و الاحتلام حاجة فسيولوجية بحتة لا لها علاقة بخيانة و لا بغيره شي خارج عن الارادة و عند كل الرجال حول العالم بدل الندب و الصياح في المنتديات اجلسي مع ريلج و اسأليه ببساطة ليش ما يعطيج حقج شنويحب و شنو يكره شدخل السحر و الجن في الموضوع!!!
4- ولدي كان ما ينام إلا بحضني و الحين على طول مع الشغالة ما يرضى ينام إلا معاها و يحبها أكثر مني و يناديها ماما أكيد سوته له عمل هذول الاندونسيات (×××××) ما لهم أمان ساعدوني شلونأفك السحر عطوني رقم شيخ يساعدني
تعليقي: أختي السائلة تركتي كل مسؤولياتج كأم على الشغالة هي تأكل وتلبس و تنوم و تلعب هي تشيله لما يطيح و تسكته لما يبكي لحد الآن ما عرفتي الخلل في الموضوع و لحد الآن ما عرفتي ليش يحبها شدخل السحر في الموضوع!!!
5- أمس رحت عرس و كنت لابسة فستان يهبل و مكياجي كان روعة باختصار كنت أجمل وحدة في القاعة (ما أمدح نفسي بس علشان أحطكم في الصورة) و اليوم لما قعدت الصبح لقيت على وجهي حبوب حمر أكيد وحدة شافتني و ما ذكرت الله ساعدوني يا بنات شلون أتخلص من العين حرام تندمر بشرتي !!!!
تعليقي : أختي مع كامل احترامي بس انتي رايحة حفلة أكيد حفيتي و حطيتي كريمات ومكياج ما خطر ببالج و لو للحظة انه ممكن نوعية المكياج ما ناسبتج أو الحف سبب لج حبوب أو يمكن خربطتي في الأكل أو أو أو أسباب الحرار وايد يعني هل يعقل إنه جمالج فتان لهالدرجة !!!! علما بأن الجمال نسبي يختلف من شخص للآخر و اهتمي بشي مفيد بدل الغرور اللي ماله داعي!! شدخل العين في الموضوع!!!
6- بنتي جميلة جدا شعرها ناعم و بشرتها بيضاء وأجمل من بنت جارة والدتي ومؤدبة أكثر منها كنت أخليها عند والدتي و اروح الشغل و بنتي مثل النسمة ما تأذيها و تحب أمي و لما كبرت شوية صار عمرها سنتين وديتها الحضانة و الكل يمدح في جمالها و أدبها بس جارتها دائما تطالعها بنظرات ما تريحني أخذت بنتي و سافرت مع زوجي دورة لمدة سنة و نص ولما رجعت بنتي تغيرت 180 درجة ما تحب تجلس في بيت أمي و ما تبي امي وتصيح لما نوديها و ما تبي تروح الروضة و هذي أكيد عين جارة أمي لأن بنتي أحسن من بنتها شنو الحل
تعليقي : أختي الكريمة مع كامل احترامي لكن كل الأطفال حلوين و عيب انه نقول انه اطفالنا اجمل من اطفال غيرنا و عيب نورثهم عقد انهم افضل من غيرهم هذا لا من الاخلاق و لا من الاسلام في شئ يعني بالعقل طفلة صغيرة فصلتيها عن شخص لأكثر من سنة وفصلتيها عن بيئة كاملة كل هالفترة شلون تبينها ترجع تتأقلم بهالسرعة خصوصا انها كانت في عمر سنتين و لما صار عمرها قريب الاربع سنوات و صارت تدرك بشكل اوسع تبين ترجعينها لنفس البيئة و تبينها ترجع تتأقلم مثل قبل !!!!! شدخل الجارة المسكينة و بنتها ليش الظلم و التعالي على الناس بدوندليل ؟؟ شدخل العين في الموضوع!!!
و الصور و المواقف واااايد ما تنتهي و أكيد مرت على كل وحدة فينا
ليش دائما نعلق فشلنا في تقبل الواقع أو فشلنا في معالجة مشاكلنا على العين و الحسد و السحر و الجن
و الشيء اللي يقهر انه هالتفكير متجذر في ثقافتنا و الناس تحاول تخليه جزء لا تجزأ من الدين ! و الدين و الله برئ منه
ليش الشعوب الثانية ما تفكر هالتفكير
ليش الشعوب الثانية تحل مشاكلها الزوجية بشكل منهجي مدروس
ليش الشعوب الثانية تعالج مشاكلها الصحية بالطرق الصحيحة المتطورة
هل العين و الجن و السحر موجودة عند العرب فقط و مكتوبة عليهم !!!!!
متى راح يرتقي تفكيرنا الى الاشياء المحسوسة و يترك الأشياء اللا محسوسة الغير مثبتة
نعم العين حق و لكن الموت أيضا حق والقضاء و القدر أيضا حق و الابتلاء حق و أكثر ما يصيبنا من عمل أيدينا و ظن السوء في الناس والعجب في النفس هذي كلها خطايا يجب أن نتوب عنها
أول شي يا بنات أبي أعتذر عن العنوان بس اهم شي اني لفت انتباهكم
لاحظت ظاهرة قوووووووية في منتدياتنا الخليجية
أحس عقلياتنا تحتاج إلى فورمات
نعم أنا أؤمن إنه العين حق و لكني أؤمن أيضا بالقضاء و القدر
لفة بسيطة بس على المواضيع الأسرية شنو تلقون وكلها مواضيع شفتها بنفسي و هذي ملخصها و تعليقي عليها بس ما أتجرأ أكتبه في الموضوع نفسه علشان لا أتهم بالوقاحة!:
1- يا بنات حبيت أحذركم من العين بقولكم قصة والدي الله يرحمه عمره في الثمانينات و صحته زينة وفجأة جته عين و طاح مريض بالسرطان و توفى بعد أسبوعين !!!!!!!!!
تعليقي: أختي الكاتبة الله يرحم الوالد و يغفر له و يجعلها آخر الأحزان بس يا أختي قلتيها بنفسج الرجل في الثمانينات !!! و السرطان لما يقضي على الشخص في فترة أسبوعين معناها انه قاعد ينمو داخل الجسم بدون أي أي أعراض جانبية من شهور و أكثر لحد ما يوصل إلى مرحلة متقدمة تظهر الأعراض و يكون فات الأوان وهني المشكلة هي عدم الاهتمام بالفحوصات الدورية شدخل العين في الموضوع !!!!
2- زوجي أيام الخطوبة كان يحبني و يموت فيني ومن تزوجنا تغيرت معاملته أكيد هذي عين لأننا سوينا حفلة زواج و لا ألف ليلة و ليلة وتكلف فيها زوجي الشئ الفلاني كنت ملكة جمال مكياجي عند الخبيرة الفلانية وفستاني كان بـ15 ألف و شبكتي كانت ب25 ألف و شهر العسل كلفنا الشئ الفلاني إي أكيد هذي عين شلون أتخلص منها شلون أجيب أثر صاحبتها
تعليقي: أختي السائلة الله يفرج همج و لكن حفلة زواجج من وين زوجج وفر فلوسها تدين ؟ أو صرف جزأ كبير من مدخرات اشتغل ليل نهار علشان يوفرها للمستقبل مو هذا معناه إنه الرجل قد يكون يمر بضغوطات بسبب كل هالمصاريف يمر فيها معظم الشباب حديثي الزواج وكل واحد فيهم يعبر عنها بطريقة تناسب نمطه و شخصيته و بعدين تعالي يا حلوة إذا كان كل كلامك و تفكيرك في مظاهر × مظاهر و انتي صرفتي هالكثر و انتي أجمل وحدة هذا ما يبين لج انه في خلل في أسلوبج و إنج محتاجة تعيدي حساباتج بدل ما تنفرين الرجال أكثر شدخل العين في الموضوع !!!
3- زوجي ما يعطيني حقوقي الشرعية و دائما يجرحني لأني أشوفه يحتلم و الردود كانت زوجج يحتاج إلى رقية قووووية متزوج ويحتلم معاذ الله !!!!
تعليقي: هدوا هدوا يا بنات الرجال من يأكل (خصوصا الأكلات المقوية) يتكون عنده السائل و لازم يتفرغ بأي طريقة و إلا يسبب احتقانات و أمراض و الاحتلام حاجة فسيولوجية بحتة لا لها علاقة بخيانة و لا بغيره شي خارج عن الارادة و عند كل الرجال حول العالم بدل الندب و الصياح في المنتديات اجلسي مع ريلج و اسأليه ببساطة ليش ما يعطيج حقج شنويحب و شنو يكره شدخل السحر و الجن في الموضوع!!!
4- ولدي كان ما ينام إلا بحضني و الحين على طول مع الشغالة ما يرضى ينام إلا معاها و يحبها أكثر مني و يناديها ماما أكيد سوته له عمل هذول الاندونسيات (×××××) ما لهم أمان ساعدوني شلونأفك السحر عطوني رقم شيخ يساعدني
تعليقي: أختي السائلة تركتي كل مسؤولياتج كأم على الشغالة هي تأكل وتلبس و تنوم و تلعب هي تشيله لما يطيح و تسكته لما يبكي لحد الآن ما عرفتي الخلل في الموضوع و لحد الآن ما عرفتي ليش يحبها شدخل السحر في الموضوع!!!
5- أمس رحت عرس و كنت لابسة فستان يهبل و مكياجي كان روعة باختصار كنت أجمل وحدة في القاعة (ما أمدح نفسي بس علشان أحطكم في الصورة) و اليوم لما قعدت الصبح لقيت على وجهي حبوب حمر أكيد وحدة شافتني و ما ذكرت الله ساعدوني يا بنات شلون أتخلص من العين حرام تندمر بشرتي !!!!
تعليقي : أختي مع كامل احترامي بس انتي رايحة حفلة أكيد حفيتي و حطيتي كريمات ومكياج ما خطر ببالج و لو للحظة انه ممكن نوعية المكياج ما ناسبتج أو الحف سبب لج حبوب أو يمكن خربطتي في الأكل أو أو أو أسباب الحرار وايد يعني هل يعقل إنه جمالج فتان لهالدرجة !!!! علما بأن الجمال نسبي يختلف من شخص للآخر و اهتمي بشي مفيد بدل الغرور اللي ماله داعي!! شدخل العين في الموضوع!!!
6- بنتي جميلة جدا شعرها ناعم و بشرتها بيضاء وأجمل من بنت جارة والدتي ومؤدبة أكثر منها كنت أخليها عند والدتي و اروح الشغل و بنتي مثل النسمة ما تأذيها و تحب أمي و لما كبرت شوية صار عمرها سنتين وديتها الحضانة و الكل يمدح في جمالها و أدبها بس جارتها دائما تطالعها بنظرات ما تريحني أخذت بنتي و سافرت مع زوجي دورة لمدة سنة و نص ولما رجعت بنتي تغيرت 180 درجة ما تحب تجلس في بيت أمي و ما تبي امي وتصيح لما نوديها و ما تبي تروح الروضة و هذي أكيد عين جارة أمي لأن بنتي أحسن من بنتها شنو الحل
تعليقي : أختي الكريمة مع كامل احترامي لكن كل الأطفال حلوين و عيب انه نقول انه اطفالنا اجمل من اطفال غيرنا و عيب نورثهم عقد انهم افضل من غيرهم هذا لا من الاخلاق و لا من الاسلام في شئ يعني بالعقل طفلة صغيرة فصلتيها عن شخص لأكثر من سنة وفصلتيها عن بيئة كاملة كل هالفترة شلون تبينها ترجع تتأقلم بهالسرعة خصوصا انها كانت في عمر سنتين و لما صار عمرها قريب الاربع سنوات و صارت تدرك بشكل اوسع تبين ترجعينها لنفس البيئة و تبينها ترجع تتأقلم مثل قبل !!!!! شدخل الجارة المسكينة و بنتها ليش الظلم و التعالي على الناس بدوندليل ؟؟ شدخل العين في الموضوع!!!
و الصور و المواقف واااايد ما تنتهي و أكيد مرت على كل وحدة فينا
ليش دائما نعلق فشلنا في تقبل الواقع أو فشلنا في معالجة مشاكلنا على العين و الحسد و السحر و الجن
و الشيء اللي يقهر انه هالتفكير متجذر في ثقافتنا و الناس تحاول تخليه جزء لا تجزأ من الدين ! و الدين و الله برئ منه
ليش الشعوب الثانية ما تفكر هالتفكير
ليش الشعوب الثانية تحل مشاكلها الزوجية بشكل منهجي مدروس
ليش الشعوب الثانية تعالج مشاكلها الصحية بالطرق الصحيحة المتطورة
هل العين و الجن و السحر موجودة عند العرب فقط و مكتوبة عليهم !!!!!
متى راح يرتقي تفكيرنا الى الاشياء المحسوسة و يترك الأشياء اللا محسوسة الغير مثبتة
نعم العين حق و لكن الموت أيضا حق والقضاء و القدر أيضا حق و الابتلاء حق و أكثر ما يصيبنا من عمل أيدينا و ظن السوء في الناس والعجب في النفس هذي كلها خطايا يجب أن نتوب عنها
