يا حوامل .... بيت أهــــلك ولا زوجـــــــــك؟؟؟؟

[k7eel alain]

مسااااااااااالورد يا حلوات:cupidarrow:


عندي سؤال بسيط للحوامل والوالدات ......

((فترة النفاس )) هل الافضل تقضيها في بيت أهلك ؟؟؟

أم في بيت زوجــــــــــــــــــــــــــــك؟؟؟

أنا بولد قريب إن شاالله ومحتاره ....ما ابغي أترك زوجي يعيش في فراغ ويخلا له الجو:smoke1:والله من سمعت عن مشاكل الاخوات خفت...زوجي يحب أن حد يهتم فيه واااايد ...واعتقد انه جنوبي
شو رايكم ؟؟؟


افيدوني جزااااااااااااااااكم الله خير الجزاء ,,ولكم مني أصدق الدعواااات:bye1:

 

[ميموريز]

أكيد بيت أهلي ..

لأني ارتاح عند أهلي أكثررررررررر ..

هذي مايبيلها سؤال ..

 

[فرحةالكادي]

أكيد بيت أهلي ..

لأني ارتاح عند أهلي أكثررررررررر ..

هذي مايبيلها سؤال ..

ميموريز هذا الكلام ولا بلاش:msn-wink:

 

[أم قيس]

انا بصراحه في ولادتي الثلاثه عند اهلي
لاني كنت في نفس مدينتهم
اما الحين نقلت مكه ولو حملت راح اولد في بيتي
لان اولادي في المدارس
اما بالنسبه لزوجي كان يزورني يوميا وعادي اذا اهله قريب
راح يقضي عندهم وقت كثييير

 

[k7eel alain]

مشكووورين حبايبي....
وننتظر ردود الاخوات عشان نعرف ......شو الافضل

 

[السلطـ وردة ـان]

انا في فترة نفاسي جلست اول اسبوع عند اهل زوجي و كملت نفاسي عند اهلي
بس الافضل عند بيت اهلكــ ..​

 

[والله احبك]

انصحج انج تقضين فترة النفاس كاملة عند اهلج لان محد بيهتم فيج وبيخاف عليج كثر امج لاتنسين انج ضناها حتى ولو ام زوجج مثل امج بس غير لما الام تعتني ببنتها ولاتنسين المرة في فترة النفاس تحتاج من يقوم بها عالاقل شهر
الله يهون عليج وتقومين بالسلامة انتي والبيبي
ادعي لي بالذريه الصالحة توني من ثلاث اشهر متزوجه وللحين ماحملت وخاطري احمل
دعواتج يالغالية

 

[قلب حبيبها]

انا في بيتي يمكن لان زوجي فيه واحس بالراحه ويااااااه واهلى ما بقصروو كل يوم عندي واهل زوجي فووقي وهم كمان ماراح يقصروو يعني جات ع النوم ام شي انا اكوون ببيتي..

 

[حور المنصوري]

الصراحه انا من دخلت التاسع وانا عند اهلي ... والسبب ظروفي الصحيه ودوام زوجي

يكون 6 ايام فالشغل و3 ايام فالبيت .... وبيت اهل زوجي اتعب وايد واستحي

ماقدر اخذ راحتي ... ف ييت عند امي اكيد بلاشك محد بيخاف عليه

كثرها ....... وكلها ايام انتظر مولودي بإذن الله وبتم عند اهلي في فتره النفاس

بالذات ان مالي خبره ف الاطفال .. وهذا اول حمل لي .... حتى لو كانوا اهل الزوج

طيبين بس مكان الحرمه الي تربي عند اهلها هم سترها وغطاها

 

[عيون عزيز]

شوفي حبيبتي..أنا أفضل أنفس في بيتي.. لما كنت حامل لأول مرة أنفست في بيتي لأني عارفة انه زوجي دلوع يحب الاهتمام واااايد ويتضايق لما أبعد عنه وصعبة أبعد عنه أكثر من ثلاث أيام فما بالج بشهر؟؟؟؟ بيت أهلي الحمدلله موجود وبيقومون فيني عدل بس أخترت أنفس في بيتي..وبصراحة ما كنت نفس أغلب الحريم الي تحصلينها بالنفاس كله تعبانه ولابسة جلابيات وبدون مكياج ولامه شعرها وحالتها لله..بالعكس خذت لي بيجامات حرير مع ارواب فخمة ودلع للنفاس وكنت كله مستشوره شعري ومسبسبته وأحط مكياج نااااااعم..وغرفتي جنها غرفة عروس وكله مبخرة((طبعا أطلع ولدي)) ..وكنت حاطة سرير حق نفر واحد وكنت أرقد خدامتي عندي عشان ولدي اذا قعد بالليل هي ترضعه لأني عند النوم ماعرف حد:nosweat:..بس زوجي خرب علي وطرد الشغالة وجا واندعس معاي بالسرير معنه ما يكفي الا شخص وااااااحد؟؟؟؟؟؟؟؟؟
وكنت كل يوم أريحه :blush-anim-cl(عاد افهميها)) وكان يستاااااااانس ويقول صج ربي عوضني فيج...لأن زوجي مطلق قبل وطليقته كانت كله في بيت أهلها وحتى لما أولدت خلته وراحت لبيت أهلها معنه كان يترجاها تقعد بس هي تبي حد يهتم فيها..عشان جي اهمالها كان أهم أسباب طلاقها..خلج في بيتج أحسن..لا تقولين أبيه يوحشني وأنا أوحشه..ناعمة الهاشمي دااااايما تذكر في كل محاضراتها انه 99% من الخيانات تصير وقت الحمل والنفاس لأن المرة تبعد عن زوجها متحججة بتعبها..علمي خدامتج على كل شي والنفاس شي عادي مب قضية الشرق الأوسط..وعلى فكرة أنا حامل للمرة الثانية ولله الحمد وراح انفس في بيتي وناوية أسوي البلاوي الزرقا هالمرة:in_love:
هذا رايي وأتمنى أكون نفعتج ولو بشي بسيط..

 

[سنيورتا***]

نفس كلام الاخوات مافيه احن من بيت الام
بس الوحده ماتاخذ راحتها وخصوصا اذا كان عندها
اطفال الابيتها هي ...
والله يسهل على الجميع
كل وحده تمشي على المان الى يريحها ماعليها من احد النفاس يبغى
نفسيه كويسه علشان تطلعين كويسه موعن اكل وشرب

 

[دنيا الحب]

لا انا صراحة مستحيل انفس في بيتي الابعد 5 يهال لانة الزم ماعلي صحتي وهو يبي يلعب بذيلة اذا ماخاف من ربة بيخاف مني انا وشي راجعلة وبلعكس احس تبعدي عنة شوي احلا وترجعي كنك عروس يسلااااااااااااااااااااااااام ياااااااااااااااااااااااااااااااااارب اني حامل

 

[المعلمة الراقية]

الصراحة عند الاهل هذا في السابق وبعد ارتباط الاولاد بالمدارس لاوالله بيتي والوالدة الله يطول بعمرها كانت عندي
:no:​

 

[دقت الساعه]

والله الوحدة تقعد في بيتها احسنلها لانه الحمدالله انا جربت الولادة في بيني صارحه راحه ومافي تعب كثر هي مافي بيت اهلي

 

[احساس اميره]

اكيد بيت اهلي اريح لي مع ان اهل زوجي مايقصرون معاي بس تدرون الوحده مابتاخذ راحتها الا مع اهلها
وزوجي كل يوم بيجيني

 

[الطرف الحنون]

لاوالله في بيت اهلي اريح وزوجي يجي عندي كل يوم لانه مافيه احد بيهتم فيك كثر امك

 

[ام سارا الحلوه]

موضوع حلو مره0000لان انا محيرني هالموضوع مره وافكر كل يوم فيه انا اهلي بدوله ثانيه وخلفت اثنين عند اهل زوجي وعمري ماولدت عند اهلي والمشكله ان المرتين الاولى كان زوجي بعيد عني بسبب ظروف شغله والحين افكر اولدعند اهلي بس طلعت قصه جديده ان زوجي اسستقرعندي ومحتاره اقعد معاه والا اسافر وهو بصراحه قاااااااااال كله واحد يعني على رااااحتيي مشورتكم لو سمحتوااااااااا0000

 

[أم الغالي*]

انا احس بيت اهلي اكيد احسن عشان امي تكون معي وتساعدني باالمسؤليه الجديده وزجي بيجي يشوفني من فتره والثانيه ومنها عشان تتجدد العلاقه بينا وارجع بعد الشهر كاني عروس من جديد

 

[لمار القمر]

انا في الولادتين قضيت النفاس في بيتي و ماما كانت عندي طول فترة النفاس الله يحفظها ومرة ارتحت في بيتي

 

[نواره99]

انا عن نفسي احب انفس عندي امي وزوجي يزورني كل يوم