يا تمشين على كلامي ولا ابزعل :(

[أمورهـ♥]

السلام عليكم و رحمة الله و بركاته
عندي مشكله صغيرونه و ياليت تساعدوني فيها ..
انا مخطوبه ( مملكه ) صارلي 3 شهور ..
وانا و خطيبي من بيئه مختلفه و عادات و تقاليد مختلفه
يعني حنا شوي شوي منفتحين وهو العكس بتاتن ..
انا شوي شوي عنيده واتمسك برايي و لااحب احد يفرض رايه علي لمجرد انه ابوي او زوجي او او .. احب احد يناقشني ويا اقنعه يا يقنعني !!
ربي رزقني بـ انسان اذا قال شي ولا مشيت على هواه يزعل و يطنقر
اذا ماسمعت كلامه يصير يكلمني بنفس خايسه .. طبعأأ انا مايهز فيني شعره
يطنقر على نفسه مو علي .. بس تعبت من ها الاسلوب .. قلبي يحتررررررررررق ,, بس مابين له هالشي .. ابي افهمه ابي اوصل له ان انا ماجي بهذا الاسلوب انا لي شخصيتي و متعوده على عيشه معينه و مستعده اتنازل عن حاجات بس موبهذي الطريقه ,, وابي اعوده اتناقش معه و يتقبل رائي .. ابي يفهم لي شخصيتي مابيه يمحيها
اوووووووف الزواج هم وغم غلطان الي قال الزواج راحه
وربي يوفق ويسعد ويهني الي تنصحني وش اسوي معه !!

 

[وجه الخير 2010]

فالبداية كذا
بس بالسياسة اللي تبغينه راح يصير
هدي شوي
والمراة ليست ند للرجل
انا من وجهة نظري ما اشوف فيها شي اذا مشيتي بعض الامور

​

 

[وجه الخير 2010]

على فكرة تري الرجااال مايحب كثرة النقاش والجدال
اصلا ماعندهم طاقة زي الحريم
ولمن تناقشيه على كل شي هو يشوف انك بس لمجردالمعارضة وابداء الراي
​

 

[أمورهـ♥]

ايوه زي ماقلتي لما اناقشه يقول بس تبين تفرضين رايك علي و انا قصدي اتناقش معه
انا متعوده كذا مع ابوي و اخواني ,, يناقشوني لما اغلط و اناقشهم لين يقنعوني او اقنعهم ..
انا اكيد راح اتنازل عن اشياء بس برضوا ابيه بالمقابل يتنازل عن اشياء عشاني
مو بس انا الي اضحي ,, موراضي يفهم هالشي
الله يسعدك يا وجه الخير و يبلغك غايتك و مناك ,, مشكوره حبيبتي

 

[وجه الخير 2010]

على فكرة الاب والاحوان غير عن الزوج
ولا في اي وجه مقارنة ابد
الزوج يب يفرض رجولته على حرمته
بس على بنته او اخته تصير بطريقة بسيطة
لدرجة ممكن يكون في مناسبة مهمة ويجي الزوج يقول لحرمته ماتروحي
طيب ليش
بس كذا انا قلت ماتروحي وبس
ربي يعين عليهم
وتسلمين ياقمر على هالدعوة الحلوة بهالوقت
​

 

[ملائكية النبض]

حبيبتي زي ماقلتي انتي بيئتك تختلف واهو الرجال يبي دوم يثبت رجولته للحرمه يبي يفرض رأيه عادي خلي مره يفرض رايه عليك قولي له اقتنعت مب لاني ضعيفه بس لاني احبك و ابدا شيلي من راسك انو تبين زوجك مثل ابوك واخوانك لانه الاهل كووم والزوج كوم تاني
اختي الحياه قدامك وانتي توك بالبدايه بقولك نصيحه الرجال مثل الطفل سايريه وسمعيه كلام حلو دوم ونفدي اوامره في غير معصيه والله راح يحبك ويحترمك وهم بعد ينفد طلباتك لكن اعرفي لارفض لك طلب احيان انه راح يكون رفضه لطلبك بمصلحتك وعن تجربه والله
الله يسعدك بحياتك وتتهني يارب

 

[قمر @]

اختي لاتستعجلين وتفرضين شخصيتك اول شي اعرفي شخصيته زين وبعدين على هذا الاساس لتصرفي معاه
يمكن اختي هو شخصيته ماهي مسيطره بس الأغلبية فالبدايه كذا على بالهم بيحكمو الزوجه بالطريقه هذي وبعدين اذا شافها طيوبه يمل ويزهق من هذا الاسلوب
اما انتي لو استمر فتره بعد الزواج على الحال هذا هنا لاتسكتي بس الان عدي ياحلوه
والله يوفقك يارب

 

[ام حصه وحلا]

اشور عليك اقري عن الانماط واذا عرفتي هو اي نمط دايركت راح تعرفين مفتاحه

والمره الشاطره تفرض رايها بسياسه ودهاء وعبقريه ولسى بعناد

يعني مايهمك اذا طنقر على نفسه>>>ليش ملكه لسى المشوار طويل

هاتيه بسياسه

وعرفي مفاتيحه ولا تقولين اناقشه يا اقنعه يا يقنعني <<لانه ماتفيد بكل الحالات

احيانا مجرد بيحس انه رجل ويبي يفرض كلمته

لانك ملكه ولا يجوز انك ترفضي شي له

اقري عن الانماط وراح تفهمين وتعرفين حل مشكلتك

 

[مي الحلوة]

الله يعينك وابتدا ابتدا المشوار مع ابو سروال وفانيله وعجرفته

 

[ياربي انصرني]

طبيعي بيكون الاختلاف خاصة وان كل واحد فيكم عايش بيئه مختلفه00
لكن انظري للخلاف هل يكون في امور اساسيه في بناء حياتكم الزوجيه00؟؟
ام الاختلاف في عدم فهمك لحقوقه كزوج 00؟

ام الاختلاف كل بيفرض رأيه على الاخر؟؟

لابد ان يكون لديكما ثقافه في فهم معنى الحياة الزوجيه
وياليت تلتحقون بدورات عن الزواج التي تقام في بعض المراكز الاسريه00

وتكثفون من القرأه عن الحياة الزوجيه وهناك كتاب رائع جدا

(النساء من الزهره والرجال من المريخ) للدكتور جون غراي تجدينه في مكتبة جرير

واقرئي هذا الرابط ان شاء الله يفيدك


http://www.niswh.com/vb/showthread.php?t=305166

 

[غساك دوم متهني]

والله انتي نفسي بالضبط لي 5 سنين متزوجه وكل يوم اموت قهرواتعب ولاقدرت افهمه ودي افهم بالانماط عشان اوصله على قولة الاخوات

 

[تشكرات]

العنــاد صفة الأطفال ....وأنت الآن أصبحت أمرأه ناضجه وأمامك

زواج ومسؤوليّه ( حـاولي أن تتركــي هذه الصّفه ) ...

يعنـــي ممكن أن تقــولي :

أنا مستقلّه برأئي ....أنا لي شخصيّتي المميّزه .....وهكذا ....

أمّــا أن تقولين أنك عنيده بطبعك ( لا حبيبتي ماينفع كذا أبدآ ...

كلّ شئ في هذه الدنيا يأتينا باللين والمسايسه ....وبالذات مع

الزوج .....ولا تنسي أنّ ( زوجك شاب صغير وحديث عهد بالزواج >>

ومن الطبيعي أن يكون ( متحمّس ...ونافش ريشه كمايقولون....

وهذا لأثبات رجولته ووجوده .....

في البدايه >>تغاضي شيئآ فشيئآ >>حتى تعطيه فكره جيّده عنك

وبعدها ( أفرضــي رأيك شوي شوي .....

ربي يسعدك ويوفقك ...

 

[اغادير-]

الله يعينك وابتدا ابتدا المشوار مع ابو سروال وفانيله وعجرفته

هههه ضحكتيني يااخت مي



عالعموم اقول لصاحبة الموضوع ان الرجل مثل الطفل اذا عودتيه على حاجه بيمشي عليها نعوديه على ان المشاكل ماتنحل الا بالحوار واذا قاطعك او قام يمشي كلامه عليك وانتي مقتنعه انو غلط قولي له خلاص انا بخليك تفكر في هالموضوع وبالاخير ان شاء الله يقتنع:22:


موفقه

 

[سكرتيرة]

بالضضضضضضضضضضضضبط انتي مثلي ...

احنا منفتحين وهم لاا

انا محد بالبيت يفرض رايه عليه يناقشوووني

هو مع اخواته مافيه الا قوة فرض راي وانا الرجاال


حتى استغفر الله مره بحضر زواج اخوه وسوالي قضيه ع الفستآن لانه قصير ولابسه عليه كيلون وبالقوووه اقنعته مافيه الا قوة غزل الين ماوافق هع هع واكيد بعد الزواج بكم سنه مارح يصير اسلوب الغزل مفيد !!!!!!!!!!


اعاااااااااااني كثيير

ودايم اقول إذا الحين بس ملكه وكذا كيف بعد الزواج

بس مايهاوش ولا يرفع صوته ببروووووووود يتكلم وبررود يبي يمشي رايه

 

[فديت انفاسه]

شي طبيعي مو من اول شي راح يفهمك ويعرف طبعك مستحيل
هذا شي يبي له وقت وتحاولين كثير

 

[yossor]

انا فاهمه عليكي لاني مرييت بنفس الشي هذا
انتي مابدك تلغي شخصيتك ولا بدك تخليه يتعود على انو كل كلامو ااوامر
الي صار معايا انو لا هو ولا انا استحملنا وانفصلنا

شوفي حبيبتي احكي معاه بهدووء ورااحه من مبدأ الحب والخوف .. من مبدأ الثقافه والعلم
ابعتيلوو قصص عن دور المرأه في المجتمع ابعتيلو احاديث اققوال مأثوره
وربي يسخرلك اياه ..
وضلك ع الدعاااااااااء
موفقه

 

[لبى هوآه]

انتي نفس مشكلتي بالضبط لي 5 شهور متملكة

أحيان اعطيه جوه وامشي ع رايه بس اقوله اني مو مفتنعة فيه اقول بس لاني احبك بسويه

واحيان اناقشه وتوصل للزعل وبهالفترة يفكر هو بالموضوع وانا افكر لين نوصل لحل

 

[لبى هوآه]

الله يسخره لك