يا بنات اعينوني على هذه النوعيه

[نور الاقمار]

السلام عليكم بنات انا زوجي نوعه شكاك وايد ودايم يشك فيني اذا تأخرت واذا مارديت على تلفوني واذا يبتلي شي يديد يقوللي هذا صاحبج يايبلج ياه وايد يتهمني بشرفي ما ادري شسوي يا بنات ادري ان الشك يقتل واهو راح يتعب بس انا بعد راح اتعب من اسألته الوايده التافهه اللي ما لها معنى

 

[شاي اخضر1990]

النوعية هذي تشيلينها واودينها المستشفى يقفلون عليها لين تتعالج وما يفكون له لين يصير حاله حال بقية الخلق لو ياخذ مية سنه وهو يصيح يبي يطلع

 

[بنت كوول]

يعني هذي مو عيشة ياتصبري على بلواك وتحاولي تكسبي ثقته وتردين على اتصالاته بكل مرة وتخلي جوالك على العام وتعطيه تحركاتك بالتفصيل الممل,, انارايحه عند فلانه وجمعت فلوس اشتري كذا الخ....
أو انك تشتكي لأهلك وتفهميهم حالة زوجك ووضعك وتقولي لزوجك هذا اللي عندي اتفاهم مع ابوي
والخيار الثاني افضله اكثر بصراحة الحياة اللي كلها شك ماتبغيها
والله تعب كم سنه بتعيشين بهالطريقة؟؟؟؟..
تقبلي مروري يالغلا..​

 

[محتاجة دعوة لي]

الله يكـــون بعونك​

 

[جرح الشوق]

ترا دائما اللي ما وااااااااااااااااثق ف نفسه مااااااااااااااا يثق ف غيره والله يعينك

 

[دمعة حزيينة]

هههههههههههه عجيني حل
(نور الاقمار) الله يقطع شرك


الله يهديه ويعينك

 

[دمعة حزيينة]

لا سوري انتي نور الاقمار شوفي حل اختنا شاي اخضر والله ضحكت من قلبي
الله يهدينا للخير بس غريبه ليش يشك شو السبب؟؟؟

 

[قطـــــريه]

شوفي اختي هالنوعية لازم تكونين حذرة في التعامل معاه .. ولا تبريين تصرفاتج له لانج كل ما بررتي هو في نفسه بيكون متأكد انج خاينته .. يعني لمن يقولج صاحبج و و و لا تدافعين عن نفسج .. خلج ساكته ولا تردين عليه .. هو بيقط مرادم بس هالنوعية مريضة ومايدرون انهم مرضى .. ولازم طريقه خاصة في التعامل ومحد بيساعدج الا دكتوره نفسية ..

 

[إحساسي أساسي]

بنات ما حليتوا موضوعها ولا قلتوا شي مهم الله يخليكم ,,
شوفي نور الاقمار انتي اصبري اما اذا كان صبرك سنين وصرتي لا تتحملين ياستي فيه عبارة مهمة في الشرع قالتها صحابية " انا اكره الكفر في الاسلام " ,,,
وترى الوحدة منا لما تتخبر عن الاخلاق والدين قبل الزواج ,, الاخلاق ماهي بالصلاة والصوم ,, هي البسمة والطمانينة الاخلاق هي سلام نفسي داخلي ,,الله يعينش يا نور الاقمار ويصبرش وادعي لش ربي يغيره ويحلل طبعه وينصرش على شيطانه ,,
اهتمي بنفسش وحاولي في هالفترة تلبين له كل اللي يبيه واحترميه قليل ولا تورينه انش تتضايقين ,, وبعدين بينسم وبيرتاح شوية وانشالله بتقل السوءلات وبيخف الحمل ,,,
اله يهدي سركم يارب ..​

 

[إحساسي أساسي]

قطرية خيتيييييي ممكن تغيري صورة العرض حقش
ترى نفسيتي تعبت انا لسة بغيت بتزوج !_!​

 

[لوليتا2010]

شاي اخضر يسعدك ربي ياشيخه ردودك تحفه

 

[نور الاقمار]

شاكرتلكم خواتي على فزعتكم معاي
بس انا احاول ما اكلمه اذا لاحظتوا انا كاتبه موضوع عن مشكلتي الموضوع اهو (بنات ابي رايكم ) وفعلا بنات دخلوا على على هالموضوع وفعلا ابي رايكم بصراحه لا تجاملوني وابي الحل؟؟؟؟؟؟ ابي فزعتكم