ياناس من الي مثل حالتي يجي يواسيني

الحالة
مغلق و غير مفتوح للمزيد من الردود.
اب وينكم
 
السلام عليكم ..يأختي العزيزه... أولاكتمك لمشاعرك عن أقرب الناس لك تصرف غير صحيح وش كانت النتيجه يمكن هضم حقك ... وأختك هي أختك مهما طال الزمن أوقصر حاولي تتقربي منها أكثر مهما كان أنتم خوات وهي أولى وأقرب إنسانه المفروض تكسبيها وإحساسي بأنه راح تلاقين معظم الحلول لمشاكلك لأنكم خوات وأزواجكم أخوان وربي يفرجها عليك من واسع أبوابه
 
البسمه انا قريبه منها هي الي تحسسني اني غريبه في بيتها
شسوي انا كافيه خيري وشري ولاعمري اتنرفزت عليها مثلها
 
الله يغير حالك الىا حسن الاحوال ويلطف بحالك ولكن تذكري ان الله لايغيرمابقوم حتى يغيروا مابانفسهم الله يعينك
 
انا مريت بمشكله مثل اختك وجلسوا عندى اشهر بس صدقينى لو غسلتى ملابسك وشطفتى الحمام بعدها وكما اختك تريد بتهجد عنك .... اذا سويتى قهوة ووسختى كاسه غسليها ....
حاولى تساليها دائما تبغى اسوى لك شى ؟؟؟ اشعريها باهتمامك كبيتك .....لانه الواحدة لما تنظف بيتها مو مثل الناس ....شوفى اللى يريحها واعمليه ....لانك ضيفه عندها لفترة وحتى تذكرك
 
مشكله عويصه
واذا قلت لك اني انظف الحمام وراي اي شي استخدمه اغسله
بيتها انظفه اكثر منه وفوق كل هذا تشكي مني ولايعجبها شي
 
معليش اختي انا وبعض الاخوات لم نستطع القراءه لذلك راح انسخ الموضوع


:sadwalk:مساء الخير
كيفكم حابه افضفض لكم شوي من الي في قلبي
لاني انسانه كتومه مااعرف اشكي لاامي او لغيرها
عندي مشكلتين الاولى مع زوجي والثانيه مع اختي
الاولى:ظروفنا الماديه ماشي حالها نعيش مع اخو زوجي وزوجته لنا جناح
ولهم جناح المطبخ مشترك والغساله عندها بالحمام المهم زوجي حاول مرتين في اخوه انهم
يشتركون بالمصاريف النص بالنص واخوه حلف وحرم ان دفع انه رح يزعل منه انه يبغاه الين يأسس نفسه وزوجة اخوه تصير اختي المهم زوجي دايم يتأفف من طلباتي حتى الاشياء الاساسيه والضروريه
دايم يقول انتي بس تقول هات وهات وانا والله يابنات اني مو من النوع الي متطلب ودايم يمن علي الين كرهني فيه يعني لايصرف على ايجار بيت ولامصاريف اللهم اشياء بسيطه
وابوه ماهو تاركنه في حاله بس هات هات يا5000 يا3000اغلب الاحيان كل شهر يحول لهم
واذا قال انت تصرفي كذا وكذا وقلتله انت ماتصرف علي كثر الي تصرفه عليهم قالي انت يوم تزوجتك صرفت على مهرك كذا وكذا ويوم حملت صرفت عليكي ويوم ولدت صرفت عليكي كذا وكذا
قلت له بس انا واجب عليك تصرف علي مين غيرك بيصرف علي آه يابنات لما واحد كل ماطلبتي منه شي قال انت بس هات هات طلباتك ماتكمل وانه والله انيي مقتصده اذا في نفسي شي اسكتوآخر مره جاب حليب ومناديل طلبتهم لبنتي قال عادكم تبغوااستاجر لكم بيت وانت وبنتك ماتكمل طلباتكم
لاحدتقول توظفي رافض الفكره لي متزوجه سنتين وانا على هالحال
المشكله الثانيه اختي الي هي ساكنه معي
دايم تشكي مني عند امي على اي شي حتى لو تافه مع انها اكبر مني بااربع سنين
بس للاسف انا اكبر منها بالعقل حتى زوجها تشكي له مني واسمع شكاويه يوصل صوتها لي عندي
آخر مره اليوم سمعتها تقول لاامي ترى ماتهتم بنظافة المطبخ ماتنظفه الا اذا جت تسوي العشا
ويمه ترى انا اذا رحت اتنفس عندك ابغاها تهتم بالبيت وتحس انها مسؤؤله ولو مره واحده
مع العلم اني احسن منها بالنظافه بشهادة امي واختي الثانيه وغيرها وغيرها حتى النوم تقول لامي ترى اختي تنام كثير وكثرة النوم تجيب المرض اذا جيت بغسل ملابس لي بالغساله تقلب وجهه فيني واخر مره تقول نضفي حمامي بعد ماتغسلي الملابس لانه الغساله توسخ الحمام ماقلت شي تقبلت كلامها بصدر رحب بس تعبت احس نفسي غريبه بهالبيت ماادري اتحمل زوجي او اتحمل شكاوى اختي




الله يعنيك حبيبتي ويفرج همك..
 
عزيزتي تعبتيني باختيارلون الكتابة مره فاتح لكن مو مشكلة لاجل خاطرك
في البداية حالتك غريب ،،من وجهه نظري ليش ؟؟ ايش معنى اتزوجك واسكن شراكة مع اخو زوجي وزوجتة وش المقصود ماني فاهمه وليش قبلتي بهذا الموضوع من الاساس يا حبيبتي الي تتنازل من اول حياتها تبقى طوال حياتها متنازلة وحتى لو سكنت عند اختي واخوة خير ياطير لابد ان تحلي الموضوع بجد اكثر طريقة السكن الجماعية هذة قديمة ايام امي وامك الوقت اللحين تغير ومن كلامك انك توك متزوجة ما عندك غير بنت اتخذي موقف جدي واضح بيت مستقل ودخلي اهلك بالموضوع مو بس امك تسمع شكاوي من اختك وين موقفها كأم ماني عارفة هذة السلبية ليش ؟؟ يا حبيبتي المثل المصري يقول ((الي معهوش ما يلزمهوش)) رجال غير مقتدر للزواج ليش يرتبط بزوجة واولاد ما فكرتي بنفسك بعد 5 او 6 اولاد كيف بيكون الوضع لا تزعلي مني عزبه بنجالية
سامحيني انا تعاطفت مع موضوعك كأنك اختي والله يشهدك على كلامي ،، واتمنى لك الاستقرار والحياة السعيدة الموفقة بأذن الله
 
سوري ماتوقعت اللون يطلع فاتح مره
بس يابنات ماجاوبتوني على مشكلتي مع زوجي؟
 
توكلي على الله
احنا مارح نجلس على هالوضع انشالله اذا تحسنت الضروف نطلع
 
مااقدر اعدل اللون في وحده من الاخوات نسخت الموضوع لكم شسوي اكثر من كذا
 
حبيبتي لاتتنازلين عن حقك مهما كااان هذا زوجك يعني مسؤل عنك بكل شي000 اطلبي منه الي تبين وماعليك من كلااامه اذن من طين واذن من عجين
واذا قال طلباتك كثيره 000قولي له انا شنو طالبه منك انا ماطلبت الا حقي وخليه يعطيك زي مايعطي ابووه
وبعدين ابوه ماعند يعني مايشتغل او عند يعني اراضي او اي شي يدخل منه فلووس
نصيحه لا تعودين ابووه على طلب الفلوس منه ممكن يعطيه انا ماقو لك لا
بس يعطيه بحدود المعقول 000يعني مايعطي ابوه ويقصر عليك
ولا تنسين تقولين له اذا رفض انه يلبي طلبك>>>>انت زوجي مسؤل عني000
وانا الاحظ ان كل شمااالي بخيل وحريص على الفلوس>>>مع احترامي
 
الحالة
مغلق و غير مفتوح للمزيد من الردود.
عودة
أعلى أسفل