ياناس شو هالزوج؟؟ لا جنوبي ولا غربي ولاشرقي ولاشمالي!!

[أم مييمي]

قهرررررر والله...ماعرف شو يبى هالريال...ولا اقدر اقول لحد مشكلتي لانهم بيقولون عادي!!


ريلي يستحي يشوفني يوم البس قمصان نوم او اتعدل

ريلي مايداني الدلع والحركات المشلطحة:icon28:
مرة لبست بادي هاي نك ابيض مع تنورة وردية عليها ورود بيض وفتحت شعري بحركة دلع مع مكياج وردي..والله طلع شكلي حلو مووووووووووت<<<اعجبت بنفسي الصراحة خخخ

تخيلن يوم شافني صرخ وقال شو هاللبس فضيييييييييييحة!! ويوم لبست العباه والشيلة شوي بيموت قال الله حلووووووووو الحين<<<< مافهمت شسالفة

يوم اتدلع عليه يقول شو هذا؟ عيب اصطلبي.. ما اداني هالسوالف

مرة صارحني وقال انا ما اداني حد يدلعني او يبزيني لأني تربيت على هالشي..طنشيني .فشليني عامليني بقوة وصلابة << والله بموت كيف اعامله جيه وانا اموت بشي اسمه رومانسية


ريلي مرات مثل الياهل شخصيته مب قوية..يسمح للغير بالتطاول عليه


بالله عليكم شو اسوي؟؟؟؟؟؟؟؟؟

 

[الوفيـه]

ياعمري حاوليه تتدرجين معاه يعني تكشخين بطويل وساتر وشوي شوي لين يتعود على القصير
الله يعين والله هالرجال ماينعرف لهم ...

 

[passion]

نفس الحالة عند ربيعتي والله اللي عندها اغرب من الخيال ع العموم ان شاء الله البنات مايقصروا وياااااج

 

[أم مييمي]

مشكورات يا خواتي

بانتظار البقية

 

[روح العطاء]

هلا اختي ام مييمي
الله يعينك بس من كلامك اتصور ان زوجك جنوبي متطرف
وللبيئه والتربية تأثير كبير في شخصيته
واحتمال يبيك تكوني قوية لأنه جنوبي ويريد ان يستند على قوتك

وان شاء الله يفيدونك البقية