ياملكات ويااميرات تعالو نسوالف وش الفرق بين حمل الولد عن البنت

ربي رحمتك قال:
في حملي الاول وكانت بنوته
الاعراض وحام قووووي ولوعه وغثيان بس ما فيه ترجيع
نزل وزوني كثير في كل شهور الحمل
الاكل كله كرهته وعمري ما اشتهيت شيئ اكله وما اكل الا التفاح وبعد طقاق مع نفسي
او خبزه صغييييييييره مره فيها جبن
الشاهي والقهوه مررره كرهتهم
العطور برضوا كرهتها
كان حملي خفيف جدا حتى في الشهور الاخيره
الحركه كنها مصارعه ترفييييييس
كرهت بعض اقاربي ما اطيق اشوفهم
من اول من حملت وانا حاسه انها بنت
واول ما سويت السونار قالت بنت
طلقها كان حااااااااااامي ومتواصل


واللحين حامل توني داخله الخامس
الاعراض وحااااااااااام اقوى من وحام بنتي طبعا غثيان طووووووول اليوم الاا اول ما اقوم من النوم يخف كثيييييييير
ثم بعد ساعه يبداء يشد معي
استفرااااااااغ اقلها مرتين باليوم
الاكل كله كرهته لكن احيانا اشتهي شيئ بس من برى بيتي
حبيت الاكل الشعبي من مرقوق مطازيز جريش ثم مجرد اكلتها كم مره صرت اكرهها
كرهت الحالي كله حتى التمر ما اكله
احب الموالح والحوامض
كرهت الموشه سواء شرب او استحمام
السوائل كلها بجميع الانواع كرهتها
الفواكه كرهتها مرررره
اول شيئ اشتهيته في حملي هذا الجح بغيت اموت ليت اكلته
حركة الجنين لسا ما حسيت فيها الا شيئ خفييف مره
وكنها احد يتشقلب او يسبح
الجنين اول 3شهور احسه دايم في اليسار تحت مره
واللحين احسه في الوسط واليسار
المعده احسها نطتت فوووووووق ومضغوووووووطه
احي بطني ثقيل

ولا ادري وش فيني واخر مره سويت سونار كنت في بدايه الرابع

وكل من شافني قال انت شكلك بنت
الكل يقولي شكل كل خلفتك بنات
والله اعلم

والله يرزقني بالولد الصالح وكل من تمناه عشان اسد حلوق الناس اللي ما ترحم
والله يقومني بالسلامه وكل حامل
أنقر للتوسيع...
هلا والله ربي رحمتك معليك من الي تقول كل خلفتك بنات ليش دخلو في علم الغيب الاعراض الاولى فيها اعراض من حمل الولد وجبتي بنوته واللحين الاعراض مختلفة شوي ومو شرط انك تجبين بنت بس حتى لو جبتي بنت فكلهم خير وبركة ورحمة من رب العالمين اهم شي الصحة والعافية
 
مس رسم قال:
انا مجربة صحيح اللي قالوا ان البنت اول ما تتأخر عنك الدورة الشهرية وتدري بالحمل يكون في ثقل خفيف بأحد المبيضين ويبان بالنوم على الظهر اكثر شي اذا كان الثقل يسار بنت واذا يمين ولد سبحان الله
انا معاي ولدين وبنتين وبين معي مثل ما توقعت قبل يعلموني بالشهر الخامس
واللحين بعد عارفة ايش اللي فبطني قبل تخبرني الدكتورة وقلت لها وضحكت قالت ممكن ماشاء الله علي بس خخخخخخخخخخخخ
أنقر للتوسيع...
اهلين مس رسم والله معلومة جديدة اول مرة اسمعها وينك من زمان نسيت اللحين الاعراض ماشاء الله عليك
 
انا عندي 3 بنات ماشاء الله
ووحامهم ماكنت احس بغثيان ولا كره للروائح
عكس حملي هذا قبل لا اسوي التحاليل
غثيان وتعب وخمول ونوم شيئ مو طبيعي
وكرهت كل شيئ حولي
ان شاء الله بيكون ولد
 
جنجونة* قال:
انا عندي 3 بنات ماشاء الله
ووحامهم ماكنت احس بغثيان ولا كره للروائح
عكس حملي هذا قبل لا اسوي التحاليل
غثيان وتعب وخمول ونوم شيئ مو طبيعي
وكرهت كل شيئ حولي
ان شاء الله بيكون ولد
أنقر للتوسيع...
ان شاء الله يارب يكون ولد ويسعد قلبك اختي جنجونة
 
احم احم نحنون هنا
ياقلبي انتي
تصدقين لي شهرين الحين ولا حسيت بوحم >> تبي لشقااا بس

لا بس للحين ما حسيت بشئ اللهم احس بخمووول ونوم

وبنفس الوقت لا مشيييييييت احس ظهري يعورني وكله ابي اجلس ولا ابي اتحرك

وبنفس الوقت احس الالم باليمين لان اذا نمت على جبني اليمين احس ما ارتاح في شئ يدقني يقول لي قوومي
والله يعين يارب ..
هاه يا اوراق الشجر وش يدل علييييييييييه حملي
عريس ولا عرووسة
ودعواتك لي بالجنين السليم المعافيى يارب ..
 
ولا كلمة قال:
احم احم نحنون هنا
ياقلبي انتي
تصدقين لي شهرين الحين ولا حسيت بوحم >> تبي لشقااا بس

لا بس للحين ما حسيت بشئ اللهم احس بخمووول ونوم

وبنفس الوقت لا مشيييييييت احس ظهري يعورني وكله ابي اجلس ولا ابي اتحرك

وبنفس الوقت احس الالم باليمين لان اذا نمت على جبني اليمين احس ما ارتاح في شئ يدقني يقول لي قوومي
والله يعين يارب ..
هاه يا اوراق الشجر وش يدل علييييييييييه حملي
عريس ولا عرووسة
ودعواتك لي بالجنين السليم المعافيى يارب ..
أنقر للتوسيع...
هلا والله اختي من زمان مافي زباين هههههه
ان شاء الله ولد قمر مافي وحام وتبين تنامين والم بالظهر والم بالجنب الايمن
خلاص الله يتمم عليك بس تعرفين بشرينا
 
ممكن اسال في احد قالو له في السونار بنت وطلع ولد في الولادة اله يجزاكم الجنه
 
ايوه فيه واجد
اختي في حملتين يقولون لها بنت ويطلعون اولاد
وزوجة خالي بعد وكانت مسوية سونار قبل ولادتها بأسبوع واكدوا لها بنت
ولما ولدت انصدمت انه ولد بس طارت فيه من الفرحه ههه
وجارتي نفس الحكاية بس هي في التاسع صححوا غلطتهم ههه
 
البنت بطني كبير واحس بثقل وخمول وانام كثير واتعد التاسع الولد خفيفه جداااااااااااا ونشيطه واولد في 37اسبوع ولكن الطلق عند الولاده واااااااااااااااااوالله يرحمك يايمه ويجزاك الجنه اجر الوالدين على الله
 
ما اعتقد ان فيه قاااعدة في هذا الموضوع


الفرق مو في البنت او الولد الفرق يمكن يكون في الترتيب ,,,


مثلا الطفل الاول تكون الام خفيفة ما تثقل بسرعة ,, بعكس الثاني ,, تحس المرأة بالثقل من بدري

والوحم يختلف حسب طبيعة المرأة ويمكن برضو على حسب ترتيب الحمل

والله يقوم كل وحدة حامل بالسلامة ,,, ويرزق كل وحدة تبي عيال بالذرية الصالحة يارب
 
وردة الورد قال:
البنت بطني كبير واحس بثقل وخمول وانام كثير واتعد التاسع الولد خفيفه جداااااااااااا ونشيطه واولد في 37اسبوع ولكن الطلق عند الولاده واااااااااااااااااوالله يرحمك يايمه ويجزاك الجنه اجر الوالدين على الله
أنقر للتوسيع...
فعلا اختي وردة الورد الولد يطلع اسرع من البنت البنت تطول في التاسع بس الطلق مايفرق فى الحرارة الولد عن البنت كله واحد ممكن البنت يكون طلقها حامي اكثر
 
مـــرحبا ...
أنا رجعت وبعد مابعرف بنت ولا ولد..... عندي بنوته وان شاء الله اجييييبلها اخ حلو.... زيها ... والله اروح لدكتوره تقولي مره يتهيا لي بنت ومره ولد مابعرف شو فيكي البيبي كله نايم على وجهه... ههههه وتروح اتصحيه بس يالله يالله يصحى كسلالالالالالالالالالان مره مو مثل بنتي ماشاء الله عليها .... كانت كله تتحرك.... بس هالمره الحركه حسيتها باآخر الثالث ووحامي مو نفس بنتي اخف شوي بالرابع خلص بنتي ضل لين اخر الخامس... واحس الحركه باليمين وفوق السره ساعات وتحت ... والله احترت شوفيني ان شاء الله بكره عندي موعد عند دكتوره ثانيه اتقولي شوفيني هالمره ... ادعووووووووولي بالولد الصالح ان شاء الله .... يارب ... بعد كلهم حلوين
 
RedRose قال:
ما اعتقد ان فيه قاااعدة في هذا الموضوع


الفرق مو في البنت او الولد الفرق يمكن يكون في الترتيب ,,,


مثلا الطفل الاول تكون الام خفيفة ما تثقل بسرعة ,, بعكس الثاني ,, تحس المرأة بالثقل من بدري

والوحم يختلف حسب طبيعة المرأة ويمكن برضو على حسب ترتيب الحمل

والله يقوم كل وحدة حامل بالسلامة ,,, ويرزق كل وحدة تبي عيال بالذرية الصالحة يارب
أنقر للتوسيع...
مادري اختي احس لازم يفرق بس موكثير يعني الاغلبية الولد يكون حمله اسهل
ربي يسهل علينا برحمته
 
مســـــــــاء الخيرات للجميـــــع

وعدنا بعد سفر ,, وأول مادخلت جيت طيرااااان على النت وعلى هالموضوع

اعراضي كلها تدل على ولد ,,, بس سبحان الله اليوم رحت سويت سونار وقالت لي

90% بنت ,,, انا عندي بنوووته كنت اتمنى اخ لها بس الحمد لله على كل حال,,

انتي اوراق بشري وش قالت لك...؟؟
 
آنا بآخر الرابع الحمدلله
بس للحين مب عارفة جنس البيبي :no:


وحامي كان خفيف مرة الحمدلله .. لا قئ ولا تعب
بس كنت أحب المالح حتى ارتفع علي الضغط خخخخخ
والسكر ما أذكره من حملت رغم كوني مدمنة شوكولا قبل الحمل :idea:
ومن حملت أنام بكير كأني دجاجة ---> على تمثيل جدتي الله يحفظها ويبارك لنا فيها :cupidarrow:

قلبي يقول بنت وحتى أحلامي :blushing:



\

بس مو عارفة :fish:
وكله من ربي خير


* ملاحظة هذا بكري :cupidarrow:
** جدتي تقول البنت تتحرك بآخر الرابع و الولد بآخر الخامس


حاليا ما أحس بأي حركة كلها ذبذبات أو نبض
 
السلام عليكم ورحمة الله وبركاته
أهلين بالحلوات
بصراحة دوختوني واحس اني غير الناس
انا عندي بنتين وولد
البنت الاولى وحم مخييييييف طول الوقت استفراغ ونوووووم وكل شي ريحته شينة الناس والاكل والعطر والبيت وشي غيييييييييير طبيعي وبعد مبديت اخف شوي وآكل وانا في الشهر الثالث ما اكل الا ايدامات بس
لكن ما كنت ثقيلة بالعكس خفيفة الحركة كثيرة وكل تضرب في ضلوعي لشهر بعد الولادة وانا اتالم
البطن احسه طالع لفوق والطلق كان حار وبسرعة ولدت الحمدلله

الولد الثاني وحم وريحة شينة بس اخف من اخته وطول الوقت نايمة ويمكن ما استفرغت الا 5 مرات وانتم بكرامة كنت ثقيلة واحسة بين ارجولي بطني نازلة مرة تحت وحركته ثقيلة وتعور الطلق كان نااااااار والحمد لله

البنت الثالثة وحم شديد مثل اختها لكن كنت ثقيلة مرة مقدر اقوم الا بصعوبة ولازم اجلس على كرسي ولو جلست على الارض شو بيقومني ورجلي اليسار انواع الألم حتى صرت اعرج منها ووالطلق كان بااااااارد مرة ياله طلعت مليت وانا على سرير الولادة

الآن انا حامل بنهاية الثالث المرة هذي حملي يختلف تماما عن قبل جلست فترة من عرفت اني حامل ماجاني وحم بعدين صرت كله نايمة واكل الحمدلله عادي آخر شي جتني لوعة الكبد وصرت استفرغ على فترات متباعدة احس بالم مرة جهة اليسار ومرة اليمين بس اليسار اكثر يمكن لان الدكتورة قالت لي ان الحمل صاير من المبيض اليسار ؟كمان احس اني مرة خفيفة وما كاني حامل ابدا حتى العطر ماكرهته مرة وما احب الشاي واول مبديت اتوحم كنت ابي شي مالح بس اكل حلويات عادي لكن كرهت العصير والشاي

ايش رايك ايش تتوقعين؟؟

انا بصراحة ودي بولد علشان يصيرون بنتين وولدين لكن الي يجي من ربي نحمد ربي ونشكره عليه والله يتمم علينا جميعا ويرزقنا بالاطفال السليمين المعافين ويصلحهم آمين يارب العالمين
 
مشكورة اختي اوراق الشجر
لكن مدري الفضول ذبحني ابي اعرف بنت ولا ولد
انا حلمت بالملك عبدالله ويقولون ولد تفسيره
وصديقتي حلمت ان شعري طويل وحلو لنص شعري

وتفسيرها بنت مدري وش السالفة
بس شعري يطيح وش الحل معه ابمووت من الحسرة صرت ما امشطه خوف لا يطيح علي اكثر ...
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل