ياملكات ويااميرات تعالو نسوالف وش الفرق بين حمل الولد عن البنت

ولا كلمه
اول شيئ احنا بخييييييييييير وعافيه

ثانيا عادي اللي تفكرين فيه انا في بكري كل افكاري كذا موت وخرابيبط
خخخخخخخخخخخخخخ
واللحين برضوا خايفه من الولاده
اما عن تجهيز النفاس ايه والله مصاريف كثيره والسوق غااااااااالي

انا عن نفسي المفرش ابد ما يهمني ابو 200 وبركه بعد
لان محد شايفه لاني بعد ال15 من النفاس راح استقبل الناس في المجلس وهذي الفتره محد راح يجينا غريب كلهم خالاتي والمقربين جدا

اما الارواب فعلا محتاره فيها مررررررره ابي شيئ حللللللو وشتوي انا ولادتي في الشتاء

وبعد ابي جلابيه او فستان نعوم ومفكره طبعا اروح لمصممه بس انها غاليه الله يهديها

اما الصواني والمواعين امي الله يحفظها جهزت كل شيئ تقريبا



بنااااااااااااااااااات
تدرون امس وش اكتشفت في الفرق بين حمل البنت والولد
شكل البطن ان البنت يكون فاضي من تحت اما الولد يكون الغالب منفوخ

طبعا انا بطني اللحين مدور وفاضي من الاجناببس من تحت فاضي
حتى فيه عضوه اكدت لي هذي النظريه
ولو انها مو دليل
خخخخخخخخخخخخخخخخخخخخخخخخخخ

وامس رحت للدكتوره
وتطمنت على البيبي

بس انا اللي كل شيئ عندي متدهور الكالسيوم والحديد والسكر في الدم
كلها نااااااازله
 
هلا حبايبي بيثوا ولاكلمة احاسيس كووفي ملكة زمنها احلى عسلية ربي رحمتك انشاء الله بخير ربي يسهل عليكم جميع
اسمحوا لي بختفي:schmoll: فترة لان صار ماعندي انترنت في البيت فصلناه:tears:
 
هلا اختي رربي رحمتك
اي والله شفتي الغلا اللى حنا فيييه والله محتاره وودي بمفرش حلوو بصراحه تدرين اول ولاده لي ولا ادري كيف بيكون الووضع وخاصة مع اهل زوجي ...

هل يا ترى بيجون يومياا او كل اسبوع او كل يوومين والله ما ادري كيف بيكون الووضع باي حاجه محترمة خاصة الاياام الاولي من النفااس لان الظيووف بيجون على طووول...
فمحتارة والله
انا اقصد يا ربي رحمتك مفرش النفااس اللى يجي طقم مع سرير النونو عرفتي يا قلبي ؟؟؟


واذا على التجهيزات يختي مقدور عليها
لكن زي المفرش والصواني بصراحه هذي اللى احسها تكسر الظهر وملابس الاستقباال لازم شئ محترم من جد


وعلى فكره ترى البنت بالشهور الاخير ترتفع لفووووق
اختي كانت كذاا وبنت عمي بعد كرشتهم راحت لفووق والله يسهل عليك الولاده يارب

يعني الافكاار السودا طبيعيه ياقلبي .......... مافيه خووف منها خخخخخخخخخخخخخخخ


احاسيس وملووكة وعسلييييييه وكووفي كيفكم يا كرووشات ؟؟

ارواق الشجر بتوحشينا ياقلبي موت موت
والله يسهل علينا يارب ...
 
اوراق عذرك معك ياقلبي وان شاء الله تتيسر ونشوفك قريب

ولا كلمة اتوقع انها افكار الكل لان انا تفكيري كذا

لدرجه اقول لزوجي يمكن اموت انتبه للولد وابكي ويجلس يهزئني بسبة افكاري ههههههههههههههههههههه

من جد الحمدلله مو بس اناافكر كذا يعني فكرت اني مجنونة على هذي الافكار

وبالنسبه للتجهيز من جد محتاره ايش اخذ لبس ويوم نزلت السوق سئلت عن ملابس الاستقبال

كان سعرها على 250 و300

ان شاء الله بدور غيرهم وباخذ لي 1 او 1
والباقي بجايم واشياء ناعمه صوفيه

لانه اكيد بيكون بالشرقيه برد

وبالنسبه لشكل بطني احسه منتفخ من تحت

والسبت ان شاء الله موعدي بالمستوصف مدري محتاره

بدخل السابع وانا باقي ماسوولي غير تحليل واحد بس

باقي ماسوللي تحليل ثاني وودي اتطمن اكثر واكثر
 
هلا حبيبتتي الملكات والاميرات

((اوراق الشجر))

بجد بتوحشينا وربي ترى لو ما انتي ماتجمعنا يا اطيب ملكة في منتدى بلقيس..

لا تتقلقوا بنات ترى اني في كل حمله احسن اني باموت

ههههههههههههههههه

من فتره سويت اليهم فلم هندي جمعتهم هم وابوهم وقعدت اقول وصيتي واصيح وانتحب على نفسي الي بتروح

قلت لهم ان مت اتحملوا باخوكم ترى مسكين ماعنده احد

وهم ولا هم مفتكرين ولا بعد داقين ليي خبر لأن في كل حمالي اقول لهم وصيتي

ههههههههههههههه

شكلهم زهقوا مني..

بالنسبه لحمالي وربي من تحت فاضي بطني مافيه ولا شي كله مرتفع على فوق

وقالولي ولد وهذا اول حمل يرتفع على فوق

سبحان الله

يالله الحمد لله على الي عطاني وياه ربي الوحده تتمنى كل الي الله يكتب فيه الصلاح لها

واشكركم على السؤال عني

وطمنوني عليكم حبيباتي..





 
انا جبت بكري بنت وكنت خفيفه وحركتي ما شاء الله
وحركت الجنين كانت كثيرة ومبكرة
والوحام كان موت صعب وكنت احب الحامض والطلق كان ناااااااااااااااااااااااااااار سريع وقوي
والحين انا حامل والاعراض نفسهها تقريبا بس على اثقل وكرهت زوجي ازيد من اول
بس مادري بنت والا ولد
كلها يوم واسوي سونااار
 
على فكرة كمان كان بطني في بنوتتي فوق وكل من شافني قال بطنك فوق شكلك ولد
اختي كانت حامل معاي
كانت منتفخة وثقيلة وبطنها كبيييييييرررررررررررررررر ونازل وجابت ولد
 
وأورق الشجر بتوحشينا عزيزتي...بس عاذرينك وناطرينك...
احلى عسليه وصيه عاد مره وحده اكتئب بحملي بس ما اوصل لهذي الدرجه ههههههههه
احاسيس مخمليه والله السوق غلا معاك حق بس الحمدلله احنا ما عندنا هذي العاده بالمفارش والضيافه هو طقم نفاس وبس لي وللبيبي ان شاء الله لاني تدرين بغربه ومالي احد وصديقاتي بيجو يوم واحد بحددده لهم وبنسوي فيه الحلا الخاص باهل الشام وبنوزع الشوكولاته الي مع المطبقنيه وخلاص...على العموم عزيزتي انا ناويه اجيب من نعومي قميص نوم مع الروب وبيجامات بس انتظر التانزيلات ...
يالله عزيزتي الله يوفقك ان شاء الله
 
صادقه كوفي والله

بس الحين الااحظ ان فيه تنزيلات كثيرة ومدري اذا فيه نعومي او لاء بس عطيتيني فكرة ابشوفه

بالنسبه لترتيبي بصراحه
لي فكرة فيه

ملابس للبيبي واحتياجاته من الصيدليه
وبجايم لي انا مع قميص او قميصين للاستقبال على حسب الاسعار هذي بحددها

ومفرش لي وللبيبي اكيد برضه

وهدايا اباخذها من سوق الجمله جدا رخيصه مع كوشه انا اسويها حول فراشي

ومن الجمله تجي سعرها ب18 ريال وراح اخذ لونين

مع هدايا بسيطه برضه بتكون جدا رخيصه

ام صواني الاستقبال وغيره فمدري والله الي اعرفه نقدم الفطاير والشكولا مع القهوة

غير التقديمات الي تجي من الضيوف طبعا الي تجيب كيك او فطاير او شكولاته فبرضه نقدمها

مع القهوة والشاي وبس

غير الاشياء الي ناويه اخذها من العطار من مره وقشر قهوة وزيوت للجسم واغراض برضه من الصيدليه

هذي هي الاشياء الي فكرت فيها

ومدري اذا فيه شي ناقص لاني باقي على القراءة بس ماسئلت امي وش احتاج
ا
 
هلا كرووشات كيفكم ؟؟
اخباركم ؟؟ مع الحمل هاه بشروني ؟؟ قضيتوو ولا لسى ؟؟


انا ان شاء الله على الشهر الجاي ابرووح اقضي والله يسهل علينا يارب ...

امس كنت اهلي مسوين عزيمة باستراحه
واضطريت اني ارووح السوق اشتري لي حاجه حلووة ..
ولفيت بالسووق الا اشووف حق مواليد
يالله وش قد اشتقت اني اجهز والله يصبرني على الشهر الجاي ان شاءالله اتاكد من النوع وبعدها ابتدي اجهز
والله يتمم لنا على خير يارب ...
 
مراااااااحب كروشات فيه فرق بين حمل البنت والولد

البنت تكون حركتها مثل السمكه والولد لا مثل الضربه في نفس المكان

البنت على الكبد تجلس وفوق والولد تحت وباخر الشهور تلاحضين انه يحوس تحت عند المثانه

البطن في الولد طول مافى اجناب سبحان الله البنت فوق واجناب ويكون شكل البطن مثل القوس من الجنب اليمن وصولا بالجنب اليسر

البنت تتوحم الام اكثر شي على الحليب والولد حوامض او موالح او مشاااوي

ايضا الوحام يتغير من حامل الى حامل وماهو دليل بصعوبته او سهولته... تتبع البيئه والنفسيه لدى الام

هذا ماعندى والله اعلم ............
 
ولا كلمه انتي باي شهر ؟
الله يكملك على خير يارب بالنسبه لتضايه البيبي اخ بس والله انا بعد نفسييييييييييييييييييييييييي ابدا اجهز بس بستنى للشهر الثامن بعدها بشترييي تخيلي كم حصبر كمان شهرين...بس عشان تكون التنزيلات بت هاهاهاها مو صبر مني يعني مجبر اخاك لا بطل والله يقومنا جميعا بالسلامه ويعطينا الاولاد الصالحين اميييييييييييين..
امون عزيزتي اذا اعراضك للولد معناها انا حامل بولد وبتمنىىىىىىىىىىىىى تكون صحيحه ويارب يعطيني الولد كامل الخلقه والخلق بدون زياده او نقصان ان شاء الله
 
اممممم ما اتذكر انو في فرق الا في شكل البطن بالولد تكون البطن اكبر ومبوزة لقدام اما البنت تكون البطن بالعرض والله اعلم .
 
بكره ان شاء الله ادخل السابع او كل 30 ماتفرق

واذا دخلت الثامن راح ابتدي اقضي بذن الله
 
كيفكم بنات ممكن تحسبولي لاني تخربطت اخر دورة كانت 13/06 /2009 وعاوزى اعرف كم عندي من شهر وكم من اسبوع ويوم
 
هلا كرووشات
كوفي يا قلبي انا لي بالشهر السادس اسبوعين ......
وراح اقضي بالشهر السابع اذا ربي قدر ان شاءالله لاني باخذ على الشتااء لاني بولد بالشتااء والله يسهل علينا يارب ...
واخاف اتاخر بالشراااء على الثامن واصير ثقيلة ولا اقدر اشتري على الاقل السابع اشووى شووية


عسليييييييية وملووكة وحشتونااا؟؟
بيثووا انتي بالشهر السادس بالاسبوع 22
يعني بدايه الساادس ياقلبي والله يسهل عليك يارب ...
 
بيثوا انتي كل 21 تدخلين شهر وانتي الحين بالخامس يعني على نهايته وب21-11-2009 تدخلين السادس بذن الله

وان شاء الله يطلع حسابي صح لاني حسبتها لك بعد الدورة باسبوع
 
مشكورات خواتي والله يجازيكم بس في شي يا احاسيس مخملية انا كانت دورتي يوم 13/06 وما نمت مع زوجي الا 23/06
 
اما انا العكس في حملي الاول كان ولد حسيت حركتة من الشهر الرابع وكان ملل طول الوقت نايمة وكسلانة وبردانة
وما احب اروح ولا اجي بس نوم اما البنت لسه ماجربتها اما على الولادة والطلق ماحسيت بشي غير اني خايفة
لانهم فاجئوني وقالولي لازم طلق صناعي عشان اساسا ماكان عندي ولادة لكن صار لي حادث مرور قبل الولادة ب15 يوم وبعدها رجعت مراجعة ولكن الدكتور قالي لازم تنويم عشان الجنين في خطر بسبب المشيمة حول الجنين كانت تفقد الموية من حول الجنين عشان كدة ما اتذكر من كثر الخوف غير الالام الله يخفف على كل والدة يااااااااااااارب .
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل