يامتزوجات فيه وحدة نفس معاناتي

[ريومة]

:icon28:
بنات انا اغلي على زوجي غليان
مستحيل يعترف انه مخطي بحقي مهما كان
كلامه يجرح ويضيق الخلق
واذا كلمته(اذا يعني اذا لقيت فرصة وعند اول حرف يسكتني)
حط الخطأ فيني
انتي الي خليتيني اقول كذا
انتي الي خليتيني اعصب
انتي ماعمرك فهمتيني
انتي.........
انتي قصدك كيت وكيت(مع اني والله مااقصدهم نهائيا)

ولو قلتي كذا كان احسن لك وجاك ماجاك
لكنك قلتي كذا
وكذا الثانية تحسسني انك مكفرة عشير
ومكفرة العشير تدرين وش عقابها عند الله
لكن عمرك ماتفهمين

والله تعبت منه كانه بالع له راديو
على اني بنت وكلامي كثير بس ماعندي هالطاقة الي عنده

بنات والي يسلمكم كيف اتفاهم معه:sadwalk:
​

 

[شهلاء]

اعتقد ياعزيزتي لو تمسكين نفسك شوي ولا تطلعين الكلمه الا ونت دارستها زين بدال ما تنقلب عليك وتصير فوق راسك

ولاتكثرين مجادلته وتقولين البنفسك بصراحه ووضوح والله يعنك عليه هذول الرجاجيل ما يعترفون بخطئهم

 

[ريومة]

تسلمين ياشهلاء
شكلي ابسوي الي قلتيه كلامك عين العقل
صدق وليش اناقشة بس حق التعب ووجع الراس

 

[aldana]

حبيبتي النقاش والحوار مع الرجل له فنونه ...ولازم تفهمينها

أهم شي .... الصوت الواطي والنبرة الهادئة .

- عدم توجيه اصبع الاتهام ...ولا تقولين أنت دايم تسوي كذا وأنت وأنت ... انسي كلمة أنت غلطان .

- إبدئي حوارك أو عتابك دائماً بأنه على حق ...ولكنك تودين أن توضحي وجهة نظرك ...حتى يسمعك .

وإذا قال لك أنت على خطأ قولي ربما أكون على خطأ ...ولك الحق تقول كذا لأنني أسأت التعبير .

وبعدها عبري عن موقفك وأكيد بيسمعلك ...

 

[ريومة]

\اتمنى ذلك يالدانة يالغالية
مع اني سبق وجربت
وقال لي دامي على حق قفلي الموضوع الله يستر عليك
(الله يستر عليك يعني لي الفضل اني سترت على خطاك مايقولها الآن
يقولها اذا اختلق مشكلة بعدين قال تذكرين يوم كذا اعترفتي ان الحق معي ومع ذلك سامحتك
احمدي ربك ماسويت زي فلان ما يسامح زوجته لو تموت قدامه


وش رايك ياالدانه !!!!!!! يرفع الضغط صح؟

 

[أماني وأمنيات]

أخت ريومة أنا زوجي كان كده وكنت بموت من أسلوبه معاي لدرجة كثير من الأحيان أطلب الطلاق يوم يوصل حدي ولكن ألحين هدا وساكت عني في كثير من الأمور تعرفين شو السبب مب لأني غيرت طريقتي أصلا ما خليت شي إلا وسويتها له أي شي ممكن تتوقعينه وإللي ماتتوقعينه السبب إنه تزوج علي حرمة ثانية وحطم قلبي بعد ماصبرت عليه ثمان سنين كافئني بحرمة ثانية

 

[*البرستيجه*]

اقولك بصراحه سوي طريقتي ومارح تندمي
انا مجربتها وكنت مثلك وجابت نتيجه
دايم على اشيا تافها يعصب ويقول انتي انتي وانا اقوله انت وانت والمشكله تكبر وما اشوف اي نتيجه
سوى ضيقت الخلق
بعدها اتبعت طريقه غير
لو يصير الي يصير ما ارد عليه بس ابتسم في وجها
بس ابتسمي وخلاص وخلي الامر طبيعي
والله بتشوفين نتيجه لانك اذا رديتي عليه راح يزيد
بس اتركيه وابتسمي راح يموت من القهر
طاوعيني
اختك البرستيجه

 

[knoos]

,عزيزيتي ريومة البنات كفو ووفو لكن انا كنت اعاني نفس الشي بالضبط وفعلا اتبعت اسلوب الاخت البرستيجة وفعلا جابت نتيجة مع زوجي يعني اسلوب التطنيش
والسكوت يقولج احيانا السكوت من ذهب وبحالتنا فعلا السكوت من ذهب جربي وراح ترتاحين على الاخر
مع تمنياتي بالتوفيق وراحة البال

 

[ريومة]

تصدقون يالبرستيجة ودندونة
كلامكم يذكرني بنصيحة الوالدة ربي يحفظها
دايم تقولي كذا(صدق الكبار فيهم من الحكمة كثير)
قولوا آمين الله يرزقنا الصبر يارب
كيف يهاوشون على اشياء تاااااااااااااااافهة
بلا من فضاوة عقولهم

اما انتي يالذيبة خفت من كلامك اخاف يصير صدق وانا مادري
الله يستر
كان افراقه ارحم لي
الله يخليه لك ويسخره لك ولعيالك
تسلمون ياغالين ومشكورن على التفاعل