ياليت وحده من الدكتورات يردون علي

[الدلع]

مشكلتي اني حيل متعلقه يعيالي فصرت انام بغرفتهم فهل هالشيء له تاثير على الزوجين.
واشلون اعود عيالي اني انام بغرفتي لاني كل ما حاولت بكو بكاء غير طبيعي

 

[ارياف]

طبعا انا مو دكتورة
ولكن يااختى اللي تسوينه عين الغلط انك تتركين غرفتك وزوجك وتنامين عند عيالك
لازم عيالك يتعودون وامسكى العصا من النص اقري عليهم قصة والورد اليومي واذكار النوم وبعدين سوى نفسك نايمة ولما يناموا روحي غرفتك وشوى شوى يتعودوون .......
اعرف كثير قالوا سبب زواجهم من اخرى ان زوجاتهم يا ينامون عند عيالهم وهم اخر شى .......او انهم ينومون عيالهم معهم على السرير........
ارجو انى افدتك
وانت ماسالت اصلا الا لانك حاسة بالغلط اللي انت فيه

 

[Um_Zayed]

أختي foz0000 ...

انا داخلة عرض بس عندي خبرة شوي في هال الموضوع ...
العيال الصغار يستغلون اهلهم بصياح لان كل ماصاحوا لقوا الي هم يريدووونه...

انا بقدر اساعدج لو اتخبرييني كم اعمار عيالج الي ترقديين معاهم ..؟

 

[الدلع]

مشكورين ارياف وام زيد على الردود
عيالي اكبر واحد 8 سنوات والصغيره 3 سنوات

 

[نسائيات]

اختي كيف تنامين مع عياج وتتركين زوجك اولادك في عمر المفروض ينامون لوحدهم الى اذا فيه شيء تهربين منه
مثل الجماع

 

[الدلع]

حكاوينا والله جبتيها في البدايه كنت اهرب من الجماع الحين تعودت بس
اللي صاير الحين اهو اللي يهرب من الجماع:icon1366:

 

[Fairy Tale]

هلا أختي أنا برضو ماني دكتورة لكن عندي خبرة بحكم اني ام ومريت بتجربتك بالضبط .. غير كذا عندي اطلاع واسع في مجال الطفل ..

بالنسبة لموضوعك .. انا مريت بنفس التجربة مع ولدي الكبير .. كان مستحيييييييييييييييييييييييل ينام لحاله لازم أكون جالسة معاه بالغرفة كنت اتعذب وأموت خاصة اذا ما نام بسرعة وغير كذا نومه المتقطع كل شوي يقوم يدورني .. والحل اللي استخدمته .. اني أولا تكلمت معاه وفهمته أني موجودة بالبيت وما راح أطلع .. وبعدين انا احتاج أنام بسريري أو اخلص كم شغلة مهمة قبل لا أنام .. في الأول رفض .. وقامت الدنيا .. لكن أهم شي مع عيالك لما تتخذين قرار لااااا تتنازلين الأطفال يختبرونك بالصياح والصراخ وكل ما ضعفتي كل ما زادت مقاومتهم وعنادهم .. بيبكون يوم .. يومين .. اسبوع وبعدين بيصيرون زي الحلاوة .. بس انتي تحكمي بأعصابك وحطيها بثلاااجة ..

فهميهم .. واتركي الباب مفتوح وطبعا أهم شي تمرين عليهم كل شوي .. قولي لهم أنك بتمرين عليهم ولازم تنفذين كلامك عشان الثقة بينك وبينهم .. وكل مرة طولي المدة .. يعني في الأول مري كل دقيقتين .. وبعدين كل خمس دقايق .. وبعدين كل عشر وهكذا وفي الخير بيصيرون ينامون بلحالهم وما يبونك الا تبوسبنهم وتطلعين :msn-wink:

بالتوفيق ..

 

[النورس الأبيض]

ماشاء الله الأخوات كفو ووفو ....... موفقه ان شاء الله يااختي

 

[نعومي]

الاخوات ماقصرو معاك بس مري على مواضيع امومه الملكات بتلاقي فيها
الي يساعك ان شاء الله

 

[الجازيه]

أنا مع الأخوات فالرجال ما فيهم صبر وصبرهم بسرعة ينفذ ..
وعيالك ما شاء الله كبار مش صغار شهر أو شهرين ...

المفروض أنج خلاص معودتهم ينامون بروحهم ....

وابدأي من اليوم ... وتأسفي من زوجك أنج تركتيه كل هالمدة علشان يحس أنه كان غصب عنج


وبالتوفييييييق

 

[نبراس الخير]

البنات ما قصرو خطأ كبير أنك تتركي زوجك ينام وحده والعيال لازم يجي يوم يكبرو وهم إللي حيطلب منك ينامو وحدهم سعتها لا إنت معاهم ولا حتلاقين زوجك لأنه خلاص تعود على بعدك

 

[الدلع]

مشكورين خواتي اي والله كفز ووفو وانشاء الله يطبق التصايح

 

[الدلع]

مشكورين بنات فردا فردا علي التفاعل وجد حسستومي بخطورتها الله بوفكم و بتيع النصايح

 

[veloona]

فعلا مشكله انا كمان مواجهتها لكن من نوع ثاني انا انام مع عيالي لان زوجي ما يحب المكيف يعني ينام بجو دافي وانا عكسه تماما هل قد سمعت بكذا مشكله والان لي سنه وشوي انام مع عيالي وكل مره احاول ارجع لغرفتي واضغط على نفسي وانام بدون مكيف عشان ما يتعود على بعدي الاقي ولدي يجي الساعه 3 الفجر يصيح خلاااص تعود على انام معاه بنفس السرير من شدة التعلق فيني وما ادري ايش الحل والله مشكله لكن اقول الله يفرج همي وهم كل متضايق