ياليت مساعده شلون نعرف اذا البرنامج اللي يتجسس عل الماسنجر موجود بالجهاز

[pink Queen]

مساء الورد​

اممممم عندي استفسار ​

مثلا اذا عطينها جهاز الابتوب لحد يستعمله فتره​

وعقب هالفتره نبي نعرف اذا كان هالشخص حاط برامج تجسس عل الماسنجر ​

شلون نقدر نعرف ونطلع هالبارمج ونمسحهم من الجهاز ؟؟​

ياليت تساعدوني :icon1366:​

أرق تحيه​

 

[قـطـريـة]

إتبيعي الخطوات التــاليـة:

(Start) او ابدأ>> (Run) او تشغيل >>أكتبي الأمر (regedit) في خانة تشغيل أو (run)

وبعدها موافق أو (ok)

اذهبي الى المفتاح: HKEY_LOCAL_MACHINE

بعدها software ثم microsofte ثم windows ثم current Version ثم Run

من رن شوفي جهة اليمين هل فيه ملف اسمه (server.exe) او (Patch ) اذا فيه احذفيه

الي تشوفينهم على اليمين هي عباره عن البرامج الي تشتغل بجهازج فتأكدي انتي

ان ما فيه شي مريب او شاكه فيه واذا لقيتي شي غريب احذفيه واذا ما عرفتي لهم

صوريهم وحطيهم في ردج الجااي ونشوفها وياج

في طريقة ثانيه بعد

من قائمة أبدأ >> تشغيل :

اكتبي هالامر او انسخيه MSCONFIG >> ثم موافق

تظهر لج شاشة فيها عدة اوامر انتي اختاري Start Up

وهي البرامج التي تبدأ العمل مباشرة مع بدأ التشغيل

إذا لقيتي أي برنامج غريب ما نصبتيه انتي شيلي علامة

الصح الموجودة في المربع المقابل لاسم الملف ثم موافق

ثم وافقي على إعادة تشغيل الجهاز

واذا تبين تطمنين اكثر شيلي كل الصح الموجود بس خلي تبع الانتي فايرس والبلوتوث لو تبين او الماسنجر

والباقي شيليهم وبعد ما تسوين اعادة تشغيل راح يظهر لج مربع صغير حطي فيه صح ثم موافق

وان شاء الله ما يكون فيه شي

بالتوفيق ​

 

[pink Queen]

مساء الورد

اولا مشكوره عل ردج فديتج :in_love:

سويت الطريقه الأولى وماطلعت لي الملفات اللي قلتي عنهم

وهذه الصوره اظغطي عليها

وسويت الطريقه الثانيه وطلعت لي هالصوره

وماعرفت في الصوره الثانيه وش معنات اسامي البرامج << فاشله حدها بالكمبيوتر :shutup:

وعلى فكره انا كمبيوتري مب متهكر وفيه برامج تجسس

لا انا قصدي ان في حد حط لي هالبرامج


حبيت اسألج شي ثاني

في طريقه اقدر اسوي نظام تشغيل خاص فيني بس مخفي ؟؟

يعني اول مايشتغل الكمبيوتر تطلع صفحه في حسابات المستخدمين

انا مابيه يطلع بهالصفحه مابي حد يشوف انه في يوزر نيم ثاني

وسوري فديتج اذا تعبتج معاي

أرق تحيه:icon26:​

 

[pink Queen]

هذه الصور وهي كبيره لانها طلعت صغيره بالرد الاول

 

[pink Queen]

 

[اشرقي يا شمس]

ليش في برامج للتجسس على المسنجر ؟

 

[ام عدنان ولينا]

الله يسعدكم ابي هذي البرامج دلوووني عليها

 

[geem over]

ماتعرفون طريقة لاختراق الماسن
او على الاقل كيف نعرف الاي بي

 

[نزف]

تسلمين حبيبتي...
ابغي اعرف كيف احذف الايميلات الي عندي بالماسنجر
محطوطه ف خانة البلوك بس ما تنمسح
ف الي عندها فكره لا تبخل علينا