ياليت الكل يرد علي <ويريحني من ضيقتي<

إ

إحساسي يكفينني

New member
إنضم
2011/03/12
المشاركات
10
السلام عليكم..
انا سجلت في المنتدى قلت يمكن القى كلمة تريحني منكم بعدالله..
ببدأ في مشكلتي.. يمكن ماتعتبرونها مشكله بس انا متضايقه منها..
أنا مملكة لي شهر واحس اني باقي ماتقبلت شكل خطيبي مع انه طيب ومحترررم الي ابعد حد والكل يمدح فيه وهذا الي اعتز فيه
وانا انسانه خجوله محترمه..
بس ما احس بشعور تجاهه يعني ما اكرهه بس ما اتخيل نفسي احب هالشخص
ولا اتخيل اني بعيش معه..
بالمختصر انا ماني قادرة اتقبله واتعمد اقفل جوالي عشان ما اكلمه
بس بعض الاحيان اذا كلمته عادي اسولف معه عادي
بس احاول اقنع نفسي فيييه ماني قاااادره
ريحوني ذا شعوووور طبيعي لكل وحده مملكه والا لا...
وش الحل..
وانا خااااااايفه مرررررره من كل شئ واكثر شئ من اول يوووم..
وباقي على زواجي 3 شهور هل هذه فتره كافيه اقدر اتقبله فيها..
اسفه اذا طولت عليكم
 
الله يسخركم لبعض والرجال مخابر مو مظاهر مثل ما يقول المثل والحب يجي بعد العشرة والايام شي طبيعي وشلون تحبين واحد ما تعرفينه الا من كم اسبوع او شهر بالتوفيق ياحبيبتي ولا توسوسين
 
والله اذا زوجك مايعيبة شى كرجال نصيحة لوجة الله لا تفرطين فيه الحب يجي مع العشرة والرجال يثبت حبة بافعالة مو بكلامه روحي الله يريح قلبك ويكتب السعادة يارب دعواتك
 
اسمعي مني قصتك نفس قصتي تقريبا لكني استخرت ولله الحمد حياتي ماشية و لي اخت ومتزوجة واحد ما شاء الله جميل جدا لكن اخلاقه عدم كل الصفات السيئة فيه والحين تطلقت والله عوضها بواحد مو جميل لكنه عادي والحمد لله حياتها ماشية وشو فايدة الجمال الشكل للرجل واخلاقه عدم على الفاضي
استخيري افضل شي
مرات جمال الزوج يكون نكبة ونكسة على الزوجة لانه راح تضلي تغيري عليه من النسوان توكلي على الله
 
حبيبتي الرجال باخلاقه صدقيني
انتي ليش مو متقبلته؟؟
هل علشان شكله؟؟ والا تحسين ان مافي اي مشاعر تجاهه؟؟
اذا الاولى فصدقيني مثل ماقلت لك الرجال بالاخلاق وشوفي شكاوي البنات من ازواجهم وتعرفين ايش اقصد
اما اذا مافي مشاعر فهذا شي طبيعي لسه مامداك تتعودي عليه علشان تحبيه ومع الوقت راح يصير في مشاعر تجاهه
واذا انتي استخرتي الله قبل الملكه فهذا اهم شي
واسال الله ان يعدك مع زوجك ويسخركم لبعض
 
حبيبتي طيبت الرجال وتعاملة معك هو اللي يخليك تحبيه مو شكله لوكان أجمل كائن في الأرض و أخلاقة وتعامله شين صدقيني مابينحب
ادعي دايم اللهم سخر قلبه لي وسخر قلبي له
الله يسخركم لبعض ويهنيكم

​
 
عزيزتي .......اهمي شي انه يكون صاحب خلق ودين .....لان جمال الخارجي مع الأيام يذهب ويزول .....اما الا خلاق لا تتغير ولا تزول ......وبكرة مع العشرة راح تحبيه ....وراح يكون اجمل شخص بنظرك ..... استخيري وربنا يكتب اللي فيه خير لكي وله
 
اذا استخرتي وكان صاحب دين وخلق فما بعده من جمال ومال وغيره من مظاهر الدنيا لايهم ..

انتي لاتحطي فكرة انك مو حاببتيه ومو متقبلتيه ببالك لاجل لاتصدقينها وتترسخ عندك ..
اذا على الشكل فكل انسان جميل ( ولقد خلقنا الانسان في أحسن تقويم )ولكن نظرة الناس للجمال تتفاوت .. ممكن بأفعاله تلاقيه احلا من كل الرجال ..

بالعكس شوفي الصفات الحلوة فيه دائما والحب بيجي مع العشرة وبعد الزواج وتذكري انك انتي مو كاملة كلنا فينا عيوب اذا في شي مو موجود عنده فيمكن الله عوضه باشياء تانية حتى عندك ماتكون موجودة ..يعني خليك قنوعة ومو كل مايتمناه المرء يدركه ,, ماتوفر لك من رزق ونعم احمدي الله عليه ولاتتكبري فتحرمي,, فغيرك كثير ممن حرم نعمة الزواج ..

 
ترى غلط تقفلي جوالك وتنفري منه وتصديه بالعكس هذا صار زوجك حلالك وبكرا بيصير ابو اولادك ودنيتك كلها ,, كلميه وتعرفي عليه وخليه يحبك وانتي تحبيه ,,فانتي لسه من شهر مملكة طبيعي ماتحسي بأي شعور تجاهه بس تعالي بعد سنة من الان واكتبي شعوورك نحوه اكيد بيكون عكس الان ..

وبالنسبة لشعوورك بالخوف عادي كل وحدة انخطبت تخاف بيروح مع الايام لاتشيلي هم القادم فالله يتكفل بالايام وبأمورك ..

الله يتمم لكم على خير ويبارك لكما ويجمع بينكما على خير ويرزقكما الذرية الصالحة ..
 
عاااااااااااااااااااااااادي ياقلبي شي طبيعي بس لكاتتزوجون سبحان الله راااح يتغير شعورك تجاه

اذا انتي فعلا تبين الشي هذا اما اذا استمريتي على الوضع هذا انتي قاعده تعطيني عقلك اشارات سلبيه وبتالي ماراااح تتقبليه


والله ياختي اهم شي في الزمن هذا الرجل الطيب الحبيب اللي الكل يمدحه لانه زمن بصراحه يخووف


والشكل عمره ماكان مقياس والله العظيم لان الشكل رااح تتقبليه من اول نظره بس بعدين بيصير عندك عاادي وتبقى اخلاقه ومعاملته معك


اما اللي شكله موذاك الزود رااح ماتتقبلينه من اول نظره لكن بمعاملته وطيبته رااح تحبينه وتموتين فيه بعد


والله اخت صديقتي كانت تقوول انا مااراح اتزوج الاواحد موصفاته كيت كيت كيت وسبحان الله تقدم لها واحد مافيه ولا صفه زينه بشكله لكنه اخلالاقه الكل يمدح فيها في البدايه ماتقبلت ان هذا هو شكل زوجه لكن بعد مادخلت عليه وتزوجته تقوول اختها صديقتي شفتي ذيم اللي ما ابيه ومدري وش فيه الحين تعالي شوفيه لونتكلم عنه نص كلمه تمووووووووووووووووووت فيه


فيا اختي اكيد البنات بدايه حياتهم تكون لهم طموحات ومواصفااات ووووووو لكن كلها اشياء سطحيه مثل القشور ماالها اهميه

الاهمية تكمن في الاخلاق حسن التعامل الخووف من الله الجديه

الباقي كلها قشوررررررر تذهب من اوول هبة ريح لذلك لاتعلقي نفسك بقشووور


دام الكل يمدحه والكل يقوول عنه هذا اللي بيفيدك واللي يستاهل يكون اب لاولادك


الله يسخركم البعض ويؤلف بين قلوبكم وييسر اموكم


نصيحه من اخت اذا كنتي قد شغلتي قلبك بحب شخصا ما او تمنيت ان يسكنه شخصا ما لن تفيدك هذه الاشياء ابد ولن تجعل تتقدمي خطوه جديده بحياتك ولا تدخلي بمقاارنات سطحيه بين هذا وذا

لان من اشتراك اارادك وتقدم لك هو الاحق والاجدر


واعلمي ان الخيره فيما اختاره الله
 
حبيتي أعطي نفسك فرصة أنك تحبيه و لا تتعمدي تتقفلي جوالك و إن شاء الله ربي يكتب لك اللي فيه خير و 3 شهور كااااااافيه أنك تحبيه و تموتي فيه كمااااان بس ابعدي هذي الفكرة عنك .
 
بسم الله الرحمن الرحيم

حبيبتي أول سؤال جاء في بالي لما قريت مشكلتك

قول رَسُولُ اللَّهِ صَلَّى اللَّه عَلَيْهِ وَسَلَّمَ : ( إِذَا خَطَبَ أَحَدُكُمُ الْمَرْأَةَ فَإِنِ اسْتَطَاعَ أَنْ يَنْظُرَ مِنْهَا إِلَى مَا يَدْعُوهُ إِلَى نِكَاحِهَا فَلْيَفْعَلْ ، فإن ذلك أحرى إلى أن يؤدم بينهما ) ..

يعني النظرة الشرعية والقبول بعدها من كلا الطرفين

لكن بما انك مملكة خلاص

فخذي من حديث الرسول صلى الله عليه وسلم خير جواب((إذا أتاكم من ترضون دينه وخلقه فزوجوه))

وحديثه عليه الصلاة والسلام : ( إن الله لا ينظر إلى أجسادكم , ولا إلى صوركم , ولكن ينظر إلى قلوبكم )

وإذا استخرتي وقبلتي به عند رؤيته

فامنحيه الآن وامنحي نفسك فرصه لقبوله بصفاته وأخلاقه لا بشكله

وإذا شكله مقبول وصفاته وأخلاقه عاليه فهذا كمال الزين

وليس العكس

اتصلي وبادري بالسؤال عنه دون ان ترغمي نفسك لكن حببيه إلى نفسك

اكتشفيه من جديد مع نفسك ليس بشكله

لكن في صفاته الاخرى

​
 
حبيبتى عادي وانشالله من اول يوم زواج الله يلقى شي في قلب الزوج والزوجه سبحانك يارب
والحب ياتي بعد الزواج
وكله رددي (ولو انفقت ما في الارض ما الفت بين قلوبهم ولكن الله الف بينهم)
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل