ياليتني ماتزوجت ...بكل معنى الكلمة أنا حزينه

[ديمة الشوق]

السلام عليكم ورحمة الله وبركاته

هذي اول مشاركه لي في هالمنتدى الطيب وبداية حبيت ابارك لكم بالعيد بما انه على الابواب واسأل الله ان يتقبل صيامكم وقيامكم

مثل ماقريتوا بالعنوان انا حزينه ..

بنات انا للحين ماتزوجت فعلياً بس متملكه ولي للحين سنة وشهرين
وزواجي للحين ماتحدد بس مااعتقد قبل سنة من الحين

ابي افضفض لكم وابيكم توجهوني بنصايحكم وارشاداتكم وحتى لو بالدعاء

انا عمري 29 وزوجي عمره 35 سنه وعلى فكره احنا قرايب ونحب بعض من واحنا صغار احبه حب جنوني وهو يقول انه يحبني بس انا ماشوف هالشي صراحه صح كان يعبر لي عن حبه بداية ملكتنا لكن الان لاااااا تغير واجد

بقول لكم عن اللي يضايقني واللي يخليني اندم اني وافقت على الملكه مع اني عارفه ان الزواج مو الحين بسبب ظروفه

زوجي انسان يعشق هوايته ويموت فيها واللي هي هواية ( تربية الصقور ) عشق مو طبيعي طول يومه مع هالصقور مايفارقها الا لما ينام او لما يروح لشغله

ماخذه وقته كله ومبعدته عني

صح يكلمني يومياًبس بالقطاره ( على فكره مانزور بعض لانه عندنا عيب فأكلمه بس )
اتضايق واجد احسه بعيد عني اختفت مسجاته ومكالماته اللي كانت بالهبل صارت مكالمه باليوم
وغير هذا حتى هداياه اختفت انا مو انسانه ماديه ومو مهتمه الا بس بالفلوس والهدايا لا والله بس احسها تعبير عن المحبه جا عيد ميلادي ومااهداني شي

مع اني بادرت قبله واهديته بعيد ميلاده ومتأكده انه بالعيد بعد ماراح يجيب لي شي لاني احس باله مو معاي احسه يكلمني مجامله واذا عاتبته اعتذر لي وقال اعذريني وقدري حبي لهوايتي انا مااقدر اعيش بدون صقور وطول الوقت ملتهي معها ياما في المقيض ياما يشتري طير ياما يودي طيره للبيطري ياما يعشي طيره كرهت الصقور صراحه

طول الوقت وانا اللي ارسل له مسجات حب وهو ماعنده الاهالكلمه فديت روحك مليت منها خاطري يرد علي بكلام حلو بعد

احس اني افكر فيه اكثر من ماهو يفكر فيني
خاطري يكلمني ويطول في المكالمه ويسأل عن كل شي صار لي باليوم

بنات يمكن تقولون شالتفاهات بس والله متضايقه احس بالنقص ليش انا مو مثل غيري من البنات

وبعد شي ثاني احس انه مايغار علي وواثق بزياده اني اموت عليه مثال على هالشي انا مره طرشت في البي بي برودكاست رومانسي وفيه عتب عالعام وطبعا كلمني بعدها بفتره يعني بعد 5 ساعات تقريبا وتوه الاخ يقرا قعد يضحك قلت له شفيك قال فديت اللي تعاتبني قلت له وليش واثق انه كان لك قال لاني متاكد انك تموتين فيني


بنات الله يخليكم ساعدوني بكذا شي مثل :

1- شلون اخليه يهتم فيني اكثر ؟؟؟وألفت انتباهه ؟ويحاول يكسب رضاي ؟؟
2- شلون اخليه يغار علي ؟؟

3- شلون اكسر هالثقه الزايده اللي فيه واللي محسسته انه ميته عليه ؟

4- شلون اخليه يفكر فيني اربعه وعشرين ساعه احس اني ورقة مكشوفه قدامه ومافيني غموض خاطري اكتسب غموض اخليه طول الوقت يفكر فيني ؟؟


لاني تعبت الصراحه وقعدت اقول في خاطري لواني للحين ماتملكت ولا عورت راسي كان احسن



تكفون خواتي ابي حل ؟؟

 

[آتعبت حسآدي]

هههههههههههههههههههههه الله يسعد قلبك يالغلا

اولا ..وانتي بصحه وسلاه وسعاده ..امين منا ومنك القبول

ثانيا..سالفه هالبرود اممممممم يالغلا المفروض انتي اكثر وحده تعرفي زوجك وواهتمامته

يعني مثلا ..انتي تعرفي وينه وايش شاغله مو مثل غيرك <<تحمدي ربك ياعسسسسسل

وبعدين ياعزيزتي انتي تقولي يعتذر وهالشششي مره طيب


ادري تبين اهتمام بس يالغلا راعي انه مو مراهق ولا صغير تبين منه كل الوقت رومنس وحب

وبعدين شغله مهمه وهي انك تقولي بدايه الملكه كان يقول كلام حلوو ..لكن الحين تغير

تدري ليش ..عششان صرتي ملكه ومن حقه <<ااغلب الرجال كذى

لاتزعلي نفسسسك بالعكس انتي بنعمه ولازم تشكري ربك عليها


وبعدين ..فكري بطريقه حلووه تكلميه وتقوولي له عن الي محتاجته ..قوليها بالصريح انا ابيك لي شووي

قولي ليتني عصفووره لك واهتمامك يكون لي مثل هالصقوور

يعني لمحي له وبيفهم ومع الوقت بيتغير


ابي اقوولك اثقلي <<بس حسيت انكم تحبو بعض بقووه

الله يهنيكم يارب *_&

<<وبطلي هالضيق والزعل وعيش يوم بيومه ترى احلى ايامك والحلو فيها انها طويله شوي
وموفقه يالغلا​

 

[أم ميسوـوـو]

يااعمري عليك الله يوفقك يارب واعجبتني هواايته تربية صقور عااد زوجي حوله ماابعد يركب خيل ويروح القنص

مااعليناا قلبوووووووو انتي شكلك حسااسه مرررررررررره شوفي قلبو تبينه يركض ورااك داام عاتبتيه وحسيتيه

ماتغير خلااص طنشيه وان شااء الله ربي يجمعكم في اقرب وقت اشغلي نفسك بنفسك اهتمي فيهااا اقري كتب تصفحي

نت المهم خلييييييييييه اخر اهتماامااتك بينيله هالشي ولاتستعجلين قلبوو بالعكس خلي المكاالماات مختصره كذا احسن

عشاان تلقون موااضيع تسولفون فيهاا بعد الزوااج

ومن نااحية ظرووووووفه في كل فرض وفي كل سجده ادعي الله يجمعكم بأقرب وقت

قلبي معك فديتك ربي يسخره لك ويجعلك دووووووم القمر والحلوه اللي ماليه عينه ,,ْ​

 

[وفاءأمينة]

لازم تبادري أنت و تتصلي عليه و حاولي تتقربي منو و عشان تثيري إنتباهه و حتى لو ما سأل إحكيلو على اللي صار معاك باليوم عادي صا زوجك الحين و الرجل على ما تعوديه أنت عشان تشغليه و تخليه يغار حاولي تطلعي مع صاحباتك حتى يظل عقله نشغول و يفكر وين رحتي و وين جيتي و الله يوفقك

 

[بردوود الثلج]

يا اختي ترا الثقل صنعه

طنشيه ولا تكلميه

استغيل طاقتك وحبك لهلك ولنفسك عيشي حياتك بدون منغصاااات

وبدون كلام وخلافه

الجنوبي الشرقي تعمدي تكلميه وانتي وسط حوسه ولجه وتكلميه تسكيت يعني عقب ما يتصل هو زين

لو تدخلين اي مكان به ضح كوناسه وتردين عليه رد بارد وكذا


هلا الحمدلله بخير ابشر تسلم وباي الحين مشغوله


انشغلى بغيره يا غناتي وانتى ما عندك سالفه غيره

الله لا يشغلنا الا بطاعته يارب

 

[فراشةالاندلس]

مجربه صرآحه

لآ توضحين له حبك بالتدريج مو مره وحده

خففي من رسايلك
لآ تدقين
طنشي
رآح يفقدك ويفقد مكالماتك
وبيقول رآح تدق أكيد ..
واذا أرسل لآ تردين على طووول أصبري ساعه مثل مايسوي بك
بس أنتي حاولي تشغلين وقتك بشي ثآني .. مثل مايشغل وقته هو
دوري لك أي هوايه .. واذا قال وينك قولي مثل رده منشغله بهيك وهيك



الله يوفقك ويسعدك عيوووووني

 

[تلميذة ناعمة]

بقولكم شغلة
لاتقارنين تصرفاتك ومشاعرك بزوجك راح تتعبي
لانه لاحظت من عشرتي مع زوجي انه دايم اشتاق له اغار عليه اسأل عنه وهو لم شغلة وهواياته
بعدين عرفت السر يقولون كل شي يحن لأصله وحواء مخلوقة من ضلع ادم لذلك تحن له ولكن ادم مخلوق من تراب يحن للخروج وعمارة الارض
احيانا ينتبه لك بس اذا رايق على الاخر ومن نفسه
نصيحتي لك لاتشوفين مسلسلات كثير لانه تظهر الرجل مشتاق وولهان وهذا يصدمك بالواقع كمان لا تصدقي كثير كلام بعض البنات الي تتكلم عن زوجها احيانا يبالغوا

 

[امنتك قلبي]

حبيبتي انتي لسه مالكه تريدي ايش يسوي يعني كيف تريدينه يغار عليك وانتي في بيت اهلك كيف تريدينا يبين لك حبه وانتي مش في بيته ومن كلامك لسه مطولين في الملكه صعبه
3- شلون اكسر هالثقه الزايده اللي فيه واللي محسسته انه ميته عليه ؟لاحووووول زوجك ووتق فيك ليش تشككيه فيكي اوا نتي تقولي واثق من حبك له .....ليش انتي ما تريدين تبيني له حبك انا هو انا عرفه من طريقه كلامك انك ميته في حبه وضوح الشمس كيف اهو الي مالك عليك اكثر من سنه.....
4- شلون اخليه يفكر فيني اربعه وعشرين ساعه احس اني ورقة مكشوفه قدامه ومافيني غموض خاطري اكتسب غموض اخليه طول الوقت يفكر فيني ؟؟
هذي اشويه صعبه انا ما اعرف كيف طباعه انتي عارفه اطبع زوجك...

 

[آنوثه رقه طآغيه]

السلام عليكم ورحمة الله وبركاته

هذي اول مشاركه لي في هالمنتدى الطيب وبداية حبيت ابارك لكم بالعيد بما انه على الابواب واسأل الله ان يتقبل صيامكم وقيامكم


انا عمري 29 وزوجي عمره 35 سنه وعلى فكره احنا قرايب ونحب بعض من واحنا صغار احبه حب جنوني وهو يقول انه يحبني بس انا ماشوف هالشي صراحه صح كان يعبر لي عن حبه بداية ملكتنا لكن الان لاااااا تغير واجد



بقول لكم عن اللي يضايقني واللي يخليني اندم اني وافقت على الملكه مع اني عارفه ان الزواج مو الحين بسبب ظروفه

زوجي انسان يعشق هوايته ويموت فيها واللي هي هواية ( تربية الصقور ) عشق مو طبيعي طول يومه مع هالصقور مايفارقها الا لما ينام او لما يروح لشغله

ماخذه وقته كله ومبعدته عني

صح يكلمني يومياًبس بالقطاره ( على فكره مانزور بعض لانه عندنا عيب فأكلمه بس )
اتضايق واجد احسه بعيد عني اختفت مسجاته ومكالماته اللي كانت بالهبل صارت مكالمه باليوم
وغير هذا حتى هداياه اختفت انا مو انسانه ماديه ومو مهتمه الا بس بالفلوس والهدايا لا والله بس احسها تعبير عن المحبه جا عيد ميلادي ومااهداني شي

مع اني بادرت قبله واهديته بعيد ميلاده ومتأكده انه بالعيد بعد ماراح يجيب لي شي لاني احس باله مو معاي احسه يكلمني مجامله واذا عاتبته اعتذر لي وقال اعذريني وقدري حبي لهوايتي انا مااقدر اعيش بدون صقور وطول الوقت ملتهي معها ياما في المقيض ياما يشتري طير ياما يودي طيره للبيطري ياما يعشي طيره كرهت الصقور صراحه

طول الوقت وانا اللي ارسل له مسجات حب وهو ماعنده الاهالكلمه فديت روحك مليت منها خاطري يرد علي بكلام حلو بعد

احس اني افكر فيه اكثر من ماهو يفكر فيني
خاطري يكلمني ويطول في المكالمه ويسأل عن كل شي صار لي باليوم

بنات يمكن تقولون شالتفاهات بس والله متضايقه احس بالنقص ليش انا مو مثل غيري من البنات

وبعد شي ثاني احس انه مايغار علي وواثق بزياده اني اموت عليه مثال على هالشي انا مره طرشت في البي بي برودكاست رومانسي وفيه عتب عالعام وطبعا كلمني بعدها بفتره يعني بعد 5 ساعات تقريبا وتوه الاخ يقرا قعد يضحك قلت له شفيك قال فديت اللي تعاتبني قلت له وليش واثق انه كان لك قال لاني متاكد انك تموتين فيني


بنات الله يخليكم ساعدوني بكذا شي مثل :

1- شلون اخليه يهتم فيني اكثر ؟؟؟وألفت انتباهه ؟ويحاول يكسب رضاي ؟؟
2- شلون اخليه يغار علي ؟؟

3- شلون اكسر هالثقه الزايده اللي فيه واللي محسسته انه ميته عليه ؟

4- شلون اخليه يفكر فيني اربعه وعشرين ساعه احس اني ورقة مكشوفه قدامه ومافيني غموض خاطري اكتسب غموض اخليه طول الوقت يفكر فيني ؟؟


لاني تعبت الصراحه وقعدت اقول في خاطري لواني للحين ماتملكت ولا عورت راسي كان احسن



تكفون خواتي ابي حل ؟؟

ما أقوووووووول الا الله يعين زوجك على لزقتك ومسجاتك وسماجتك ليكون بس تقولين له متى نتزوج اخاف تدفعين انتي المهر وتسوي الزواج هههههههه
الفرق بينك وبين الصقور يابعدي ان الصقور هو يعشقها ويحبها واذا مرضت ياخذها للبيطري وهو يهديها بيت جديد يحطها فيه (عش) :31:واذا غاب عنها ماتسأل عنه بل هو يروح لها جري والاكبر والاهم انها تتميز بالغموض ليش .؟ لانها لاتتكلم واذا نسى يوم وماجاها ماتقول ليش ماجيت امس انت ماتهتم لي انت ماتحس فيني الخ .
اما انتي انتي تعشقيه وتحبيه واذا مرض وبدون بعد مرض انتي تبادرين بالسؤال عنه وعن يومه واذا ماتصل او اذا ماقال لك كلمه حلوه قلتي ليش انت ماتحبني وانت ماعمرك اتصلت طلعت انا اتصل اكثر وانا ارسل لك مسجات اكثر يعني تعلمينه انك لزقه حتى اذا هو مو منتبه وانتي صراحه من كثر وضوحك ولزقتك فيه اصبحتي ساامجه حتى انك تنوعين له بالكلام الحلو وهو بس يقول يابعدي ليسكتك وكتأدية واجب حتى لو يبغى يحس برجولته وانك انتي الانثى وفكر يهديك هديه سبقتيه .
ياقلبي لاتقولين احنا نحب بعض من احنا صغار هو فعلا كان يحبك اكيد ويمكن لازال بس لازم تفهمين ان الحب هو الحرماااان وبما انه حصل عليك كان متحمس يقولك كلام حلو مو مصدق انكم صرتوا لبعض بس بعد كذا قال بباله يووووووه اتاريها سهله وحتى من ابي اقولها كلمه حلوه تسبقني وكأنها الرجال مو انا
ياقلبي صدقيني اذا استمريتي على هذا الوضع راح هو يصرفك مره يقفل جواله واذا سألتي يقول نسيته مقفل وغيرها من التصريفات وانا اعذره لانك نشبه
وبما انه عندكم عيب تتقابلون هو الان معك بس لانه مايقدر يشوفك وهذا اللي مصبره عليك وحاس انه لسى باقي شيء يسويه وهو انه يشوفك وبعدها الله لايهينك يبي بنت اخرى اكثر غموض مو انتي

يعني بأختصار الصقووووووور اكثر غمووض منك والصقوور هو اللذي يخدمها

وانتي من كثر غبائك طلعتي تغارين من الصقور :31:

الحل تصرفي كما تتصرف الصقور معه
​

 

[الانيقه]

اثقللللللللللللللللللللللللللللللللللللللللللللللللللللللللللللللي خليه يجري وراك زي صقوره
لا تجرين انتي وراه اذا ما اتصل لا تتصلين ولا تمسجين له ادري بتقولين مقدر اضغطي على نفسك
صدقيني راح تشوفين الفرق يصير اهو يسألك ليش ما تكلميني ليش ما تسألين عني
خليك شوي غامضه ​

 

[حناااان الكون]

هههههههههههههههههه ربي يسعدك ويرضا عنك ويوفقك يارب كل عام وانتي بخير يارب

أنصحك تقرأين عن الصقور وحاولي تكتسبين الميزات اللي بالصقور , لأن بالفعل الصقر يمتزات بالغموض والذكاء وحدة النظر والثقة

وأنتي لازم تثقلي وتكبري عقلك لا تسألي عنه دام ما سأل عنك لا سأل عنك أسألي عنه لا أهداك أهديه لا أرسل مسج أرسلي له

تغلي عليه زي ماهو يتغلى لا تجعلين المبادره منك خليه هو اللي يبادر زوجك ليه ثقل عليك لان بطبع الرجل لا ملك الأنثى خلاص يمل هو ملكك ومتأكد من حبك له ..... زوجك يحب الأنثى العنيده , الصقر يمتاز بالعناد لذا تشوفين راعيه يجلس يروضه زوجك يروض الصقور ويلاقي متعه كبيرة فيشغلون باله كثير

حاولي تكوني عنيده ع الصح بمعنى أتعبيه شوي شدي معه ع خفيف تميزي بالثقل والثقة بالنفس والغموض يعني مش كل شي صار لك رحتي ع طول خبرتينه بكل التفاصيل لا اجعلي بحوارك غموض يعني لا تجي تقولين له صار كذا وكذا وحصل كذا وكذا وهو مجرد مستمع وانا عملت كذا وكذا مشكلة صارت وانتي كيف حلتينها وانتهت لا احكي له الشي بحيث يكون في تشويق له عشان يتجاوب معك ويسأل ليه صار كذا وش السبب يعني يتفاعل معك كـ مـثـال / عندك مشوار وأنتي تكلمينه قولي يلا بيبي أنا خارجه الآن عندي كم مشوار أبروح لهم أنتبه لحالك وأمممم أحاول أكلمك لما أرجع مدري متى راجعه أن شاء الله خير << بالكلام في غموض مع من طالعه ؟؟ بنت وعندها كم مشوار وش خلت للرجال ؟؟ وكيف ما تدري متى ترجع ؟؟ فتشوفينه يسأل وين رايحه ؟ وش عندك ؟ وش مشوارك ؟

بعدين لا أرسل لك مسج فديت روحك تدلعي عليه وردي بمسج قولي نفسي اسمعه منك صوتك يطربني شي من القبيل هذا

نسيت أقولك ولازم تعذرين زوجك لأن فترة الملكة اللي بينكم طويله مره وفوق هذا ما يشوفك وش ذا ؟؟ بينما الصقر تحت نظره ومسموح له بزيارته بعكس حالك أنتي يا صقرة كتكوتك هههه​

 

[قلبـي كبـير]

ما أقوووووووول الا الله يعين زوجك على لزقتك ومسجاتك وسماجتك ليكون بس تقولين له متى نتزوج اخاف تدفعين انتي المهر وتسوي الزواج هههههههه

الفرق بينك وبين الصقور يابعدي ان الصقور هو يعشقها ويحبها واذا مرضت ياخذها للبيطري وهو يهديها بيت جديد يحطها فيه (عش) :31:واذا غاب عنها ماتسأل عنه بل هو يروح لها جري والاكبر والاهم انها تتميز بالغموض ليش .؟ لانها لاتتكلم واذا نسى يوم وماجاها ماتقول ليش ماجيت امس انت ماتهتم لي انت ماتحس فيني الخ .
اما انتي انتي تعشقيه وتحبيه واذا مرض وبدون بعد مرض انتي تبادرين بالسؤال عنه وعن يومه واذا ماتصل او اذا ماقال لك كلمه حلوه قلتي ليش انت ماتحبني وانت ماعمرك اتصلت طلعت انا اتصل اكثر وانا ارسل لك مسجات اكثر يعني تعلمينه انك لزقه حتى اذا هو مو منتبه وانتي صراحه من كثر وضوحك ولزقتك فيه اصبحتي ساامجه حتى انك تنوعين له بالكلام الحلو وهو بس يقول يابعدي ليسكتك وكتأدية واجب حتى لو يبغى يحس برجولته وانك انتي الانثى وفكر يهديك هديه سبقتيه .
ياقلبي لاتقولين احنا نحب بعض من احنا صغار هو فعلا كان يحبك اكيد ويمكن لازال بس لازم تفهمين ان الحب هو الحرماااان وبما انه حصل عليك كان متحمس يقولك كلام حلو مو مصدق انكم صرتوا لبعض بس بعد كذا قال بباله يووووووه اتاريها سهله وحتى من ابي اقولها كلمه حلوه تسبقني وكأنها الرجال مو انا
ياقلبي صدقيني اذا استمريتي على هذا الوضع راح هو يصرفك مره يقفل جواله واذا سألتي يقول نسيته مقفل وغيرها من التصريفات وانا اعذره لانك نشبه
وبما انه عندكم عيب تتقابلون هو الان معك بس لانه مايقدر يشوفك وهذا اللي مصبره عليك وحاس انه لسى باقي شيء يسويه وهو انه يشوفك وبعدها الله لايهينك يبي بنت اخرى اكثر غموض مو انتي ​

يعني بأختصار الصقووووووور اكثر غمووض منك والصقوور هو اللذي يخدمها ​

وانتي من كثر غبائك طلعتي تغارين من الصقور :31:​

الحل تصرفي كما تتصرف الصقور معه ​

بالله عليك هذا رد تردينه على وحده تبغينا نساعدها


ايش هالالفااظ هذي !!!!!!


اذا تعلمتي كيف تحترمين مشاعر الناس وكيف تراعينهم وكيف تقولين كلمااات زي الناس

ذيك الساعه تعالي ردي

 

[متزوجه ولكن]

تغلي شوي
شكلك جنوبيه ومخليه زوجك كل اهتمامك هذا غلط الجنوبيه كل همها لما تتزوج زوجها وعيالها
اهتمي بنفسك اول ثم زوجك

 

[رنين قلب]

حبيبتي اثقلي اشوي جربي وبتشوفي النتيجه بام عينك

 

[popse]

يعني بأختصار الصقووووووور اكثر غمووض منك والصقوور هو اللذي يخدمها

وانتي من كثر غبائك طلعتي تغارين من الصقور :31:

الحل تصرفي كما تتصرف الصقور معه


عجبنى كتير ردك أختى وهاد الصح ولانك ما تستحملين ما تحاكيه لاتحاكية عن حبك وشوئك احكى معه عن الصقور واتركيه يحكيلك وشاركية هوايته ليحس انك مهتمه بالصقور وليبدا هو يغار منهم لانك ما عم تسالى عليه هو وخلى كلامك معه عنهم وكيف اكلتهم وكيف صحتهم وهيك يعنى
وان شالله ربى يكتبلك الخير

 

[آنوثه رقه طآغيه]

بالله عليك هذا رد تردينه على وحده تبغينا نساعدها


ايش هالالفااظ هذي !!!!!!


اذا تعلمتي كيف تحترمين مشاعر الناس وكيف تراعينهم وكيف تقولين كلمااات زي الناس

ذيك الساعه تعالي ردي

كلكم رديتو عليهاا بمجامله وطبطبتوا عليهاا لكن انا الوحيده اللي رديت عليها بعقل

وياليت كلامي يلسعها وتصحى وتترك عنها التلزق​

 

[n7jla]

طنشيه وعلى قووولتهم الخصران يقطع المصررررررررررررران

 

[lora2001]

انا عندي لك الحل اللي يخليه مهتم فيك الصقور اللي انتي بتغاري منها بالعكس هي مفتاح قلبه هو ساعدك كثير لانه اضهر لك اهتماماته وانتي ماعليك الا انك تقرئى على الصقور وتبحثي في كل مايهمها من تربية واكل وشرب واذا حسيتي بنفسك ملمة في هذا المجال ابدئى في مناقشته والكلام عن الصقور و والله سيهتم بك لانك اهتممتي بما يهمه حتى وان لم تحبيها اضغطي على نفسك من اجله لانه يحبها وسيحبك لانكي احببتي ما يحب اتمنى اكون افدتك

 

[؛%النادره%؛]

امممممم عندي الحل وشرايج اتربين طيور ترى جد اتكلم مامزح اشتريلج قفص فيه عصافير وحطي حيلج فيهم والله يونسون وكلما يكلمج قوليله قلبي تعرف بالعصافير ماعندي خبره يمكن انت عندك خخخخخخخ
وخليه يحس انج لاهيه عنه
وبعدين بصراحه احس مكالمه حلوه باليوم كافيه ومسج قبل النوم او لما يصحى يكفي

 

[حسنــــــاء]

حبيتي الرجال كذآ إذا أضمنك خلاااااااااااااااااااااااااااااااااااااااااااص يطنشك يعني على قولتهم>يتمسكن لين يتمكن

وحطي شيء مهم في بالك أن عمره35 يعني مـآعنده أو مايهتم بسوالف المراهقة والمكالمات ..
هذآ شيء ’ وأنتي بالمثل طنشيه شوفي يفقدك أو لا ..

وعلى الغيرة مافيه رجال مايغــــــآآآآآآآآآآآآآآآآآآآآر ,,حاولي تثيرنـه مثلاً تقولين أزعجني رقم بس
بشرط مايكون من النوع العصبي وإللي يقلب السالفة إلى تحقيق..

وبالتوفيق ..