ياليتني طفله ماتزوجت اريح لي

[فـزة خفـوق]

مشكلتي ياعالم
زوجي ابدا ابدا لايقبل النقاش ولامايقبل مني اي رأي
كلامه معي مجرد مزح واستهبال والمطلوب مني اضحك وامزح معاه
ولو تغير وجهي من كثر المزح الملل يقول ليش معبسه وانتي نكديه
ولو فتحت معه موضوع قال اسكتي بس بكل بجاحه
اجلس يومين افكر في طريقه عرض موضوعي واخرتها يقول لي كذا
لا تقولون كلامك كثير .. لالالا اختصر الموضوع مررره
وفي الاخير يأست من اني يكون بينا مواضيع بعيده عن المزح
صرت اطلب اشياء يقول اسكتي

ااااه بس
تخيلوا لي سنه ساكنه شقه لما اللحين مافيها اثاث كامل
كل مره يعطني موعد انه بيضبط البيت وفي الاخير يقول مامعي فلوس
ولو مامعه قلت معذووووووور
بس هو عنده ويشتري اراضي ويستثمر ويبني فلل
ووووووووو اشياء كثيره
بس لما تجيه فلوس كلها يحطها في العقار والاستثمار ومايبقي الا مصروف الاكل والشرب بس

فصاير عذر مامعي فلوس مجرد كلمه يسكتني فيها بس

اي امر خاص فيه مايبغاني اعرفه ولما يكون شي خاص فيني يسالني كثير لما ارد واجاوب
لاني انحرج اقول له مثل مايقول لي انت ملقوف او اسكت او مالك دخل


ابي حل معاه
ابي اقدر اتناقش معاه
ابيه مثل مايهتم في شغله يهتم في بيته
ابي واتمنى لو مره وحده يكون لي كلمه تمشي عليه او شي واحد يسويه عشاني
ابي مايكون بينا خصوصيات

زوجي شمالي غربي

 

[سماء المحبة]

الله يفرج همك أختي ....... عليك بالدعاء .​

 

[فـزة خفـوق]

سما المحبه

امين يارب مشكوره

 

[فـزة خفـوق]

وش رأيكم اكتب له ورقه
واحطها على لاب توبه
لمايصحى يقراها

في قلبي كلام ومايسمع مني مالي حل غير اكتب له

 

[دلوووعة 22]

ربي يسعدكي
ويهدي زوجكي

 

[دمعة غلا1430]

الله يكون بعونك وش الساااالفة بصراحه احس ان ارجال مستقوين علينا بقوة ليش ماااادري ..الله يصبرنااااااا​

 

[فـزة خفـوق]

دلوعه .. امييين يارب وياك

دمعة غلاها .. ايه والله شي يقهر

لانهم عارفين انك مهما شفتي اكبر شي تسويه تزعلين لك كم يوم وترجعين ترضين

 

[فـزة خفـوق]

مين اللي تعطيني رد وافي

بليز بنات

 

[جروح السنين]

اذا لقتي حل قوليلي هههههههههههه

 

[@@الجوهره@@]

والله تتكلمين كانك تتكلمين عن المملوح اللي عندي قسم ولا نفس النمط بعد شمالي غربي
تدرين احيانا احس انه يستحقرني ويحس اني بزر مع ان هو اللي سوالفه مالها داعي ويقول كلام قسم قسمات يتفلسف فيه وهو ماعنده ماعند جدتي وفيه شوفة نفس مب طبيعيه
ونفس الشي اذ طلبت شي قال مامعي فلوس اذ لقيتي حل لبعلك علميني تكفين

 

[طموح طيبه]

يادي الكلمه اظنها العلامه والماركه المسجله للرجال "مامعي فلوس"
(معاه لاصحابو-معاه يأثث بيت اهلو كلو وانتي حتى مدخل في بيتك مافي -معاه يعزم ويدبح)بس لكي ولعيالو لا

ياليت اذا احد من جد اذا يعرف حل يقولنا​

 

[قمر بلامنازع]

الله يكون في عونكم .. أن أشعر اذا كانت فيها ثقه بنفسها .. وجعلت الرجل ليس محور اهتمامهااا ..

حتقدر توقف زوجها عن تقليل احترامهااا ..

​

 

[رضاك يالله]

الله يفرج همك

 

[اتعبني هواك]

الله يعينكم ويصبر قلبكم على هالمشكله اللي عند ازواجكم,,
شوفي حبيبتي دامه من النوع اللي يحب يتفلسف ويمزح ويضحك وعندي كل شي يتوقف اتجنبه واتجاهله اخليه يسولف مع جدار اتركه اوفر له كل شي واصير ساكته اعطيه حقووووقه كامله بس اني اسوي مثل قبل اتحمل عباطته على الفااااضي لاء
فأكيد راح يسأل ويقول وش عندها مومن عوايدها لاجاك وتكلم وقال شفيك قولي تبي تسمع اللي عندي قلت بس بدون ماتقاطعني لان بجواتي أشياء كثيره ومومقادرهحملها فوق طاقتها بس ياليت ماتقول شي وتسمع اللي بقوله سكت كانا بها تكلمي
ماعبرك مالك الاالورقه تكتبينها وترمينها بوجهه..خليها فوق طاوله بالسرير اهم شي فوجهه علشان يقراها وبعدها انتي شوفي شراح يسوي معاك إذا اتلحلح وحس على نفسه حلو إذا على طبعه احقريه علشان يعرف انك جاده وتعبتي من تصرفاته

 

[نـــور الاسلام]

انا مع اختي قمر بلا منازع والحل انك تعملي خطة معاكسة غيري نمط حياتك فالرجل ليس قوة قاهرة كما ترونه ولا ذكاء خارق اين هو كيد النساء ياسيدات جعلتم من الرجل محور وشريان الحياة
ارى ان تعامليه بالعكس قليلي من الكلام ما امكنك اثيري الصمت واذا تحدث عن تفاهاته اتركي له المكان واذهبي لغرفة اخرى ستجديه من يتبعك حتى وان انفعل وسيسال عن صمتك المفاجئ اشغلي وقتك بالقراءة ومشاهدة البرامج المفيدة
لا تتكلمي كثيرا عن المصاريف وعن اثاث المنزل سيعتبرك نكدية وسيسارع في البحث عن غيرك
في الاول والاخير سيعيبون عليه اذا كان هناك تقصير في اثاث المنزل ليس عليك

عليك بدعاء
ارجوا من الله ان يهدي لك زوجك ويسخره لك