يالنااااعمة شهر ويتدمربيتي شوري علي

[أم الشهداء]

السلام عليكم ورحمة الله وبركاته
مشكلتي من بداية زواجي وزوجي يخونني من شهر العسل وحتى قبل شهر يعني 16 عام تقريبا كان يتوقف بس استراحة محارب . . تجميع أرقام . . . قصدي أفكار ! طبعا جربت معه كل الأساليب واتخذت معه جميع المواقف كان يبطل فتره بعدين يرجع .. . وأنا ماكنت أحاول أجرحه أو احتقره بالعكس كنت أظهر له احترامي وحبي حتى إنه كان يظن إني أمووووووووت بالتراب اللي يمشي عليه بس في الواقع أنا كنت احتقره واكرهه وأتمنى فراقه حتى كنت أخطط إني لو أمرض مرض الموت بأطلبه يطلقني عشان ما اجتمع معه في الآخره !!! ومع ذلك كنت أدلعه وأحاول أكسبه وأدور رضاه لأن عندي مبدأ إنه أذا كان الأب سعيد ومرتاح هذا يعكس على البيت والأولاد بس أنا في الحقيقه كنت احترق وأذبل حتى صار يجييني أوجاع وضيق تنفس وإذا سويت فحوصات يقولون حاله نفسيه !! المهم إني في الآخر قدرني الله بفضله وتوفيق منه سبحانه إني أكسب حبه وأدرس شخصيته واعرف اللي يرضيه ويسعده وكيف أتعامل مع خياناته . .. بس أنا كنت تعيسه وحزينه رغم إني ما أبين له إلا إني سعيده ومرحه ( حنا الحريم مانُغلب في إخفاء المشاعر ) وفجأه قبل شهر تغيرت أحوال زوجي وصار كريم وحنون وقنوع وقال لي إنه يبي يلتزم ويترك هالشغلات ويتوب أنا فرحت وقلت الحمد لله بس في الحقيقة إني كنت اتوجس خيفة لأنه على مر الدهور زوجي مايصير كذا إلا إذا وراه كارثه مدمرررررررررره !!
وبالفعل ...... سكت يومين وبعدين قال ( ترا أنا خطبت وأبغى أتزوج وهذا كله عشانك ! لأني ماأبي أخسرك لأنك قلتي لي لو اكتشفت لك خيانه جديده راح أتركك... وأنا بأتزوج عشان أغض بصري وأنتي مافيك عيوب ومريحتني .... بس أنا استشرت شيخ قال تزوج .. وهي تراها أقل منك في كل شيء .. بس ارتحت لها يوم شفتها في النظره الشرعيه ) ..... وهاذي المره الثانيه اللي يخطب فيها .. المره الأولى تراجع عشان مايزعلني. . . . طبعا أنا تماسكت وقلت يا أنا يا هي ؟؟؟ قال أنتي وهي مع بعض .. قلت لا خلاص روح تزوج وطلقني وأعطني أولادي ... قال مستحيل أطلقك .. أنا أحبك ..... ومن هذا الكلام المهم قعدت أسبوعين حاولت فيه إني استرضيه وأعلقه فيني وأمارس عليه طقوسي .. بس كان مصمم كأنه تحدي وفاجأني وسافر عقد القران وجاء قال لي أناتممت الموضوع ... قمت أنا شلت أغراضي وقلت له خلاص أنا بعد بشوف حياتي أنا حلوه وباقي صغيره طلقني وخذ الأولاد .... ورحت لأهلي
الحين لي يومين .. وهو قاعد يرسل لي رسايل إنه يحبني ومايستغني عني مهما صار .. وأنه ماراح يطلقني بس خلاني أروح عشان حكمه لا يعلمها إلا هو " مسوي فيها حكيم " . . . أنا أرسلت له إني كنت أحبه وإن مافي أحد يفهمه ويدلعه مثلي .. وإن في أشياء كنت راح أغيرها في حياتنا الخاصه راح تسعده وتسعدني .. وإنه ماراح ينساني لأنه يحبني أنا ... وراح يعذب بنت الناس معه !! وكتبت له إن قضاء الله جاء قبل أن نفرح بتوبته .. وإن شرطي إنه يلغي فكرة الزواج وإلا يتركني في حالي والله يعوضني بواحد يدلعني ويعزني ويعوضني ...... انتهى
أنا الحين أبغاه يلغي فكرة الزواج لأني مستحيل أعيش مع ضره ... لأنه دائما كان يقول اصبري ولا تخلين أحد يجني اللي زرعتيه ... بس أنا أعتبر هذا عقاب منه على صبري .. ومكافأه له على خيانته
للمعلوميه .. أنا راح أكون سعيده إذا طلقني وأعطاني أولادي .. بس أنا أبغى أرجع له عشان أولادي يكسرون الخاطر خصوصا البنت عمرها ( 12 سنه ) ماتبغى تفارقني .. وعشانه هو أحسه فعلا تغير للأحسن راح نكون سعيدين إن شاء الله وبيصفى له قلبي بس بدون الضره .... أنا ألجأ إلى الله أولا ثم لك يادكتوره أبغى خطوات أمشي عليها حتى يلغي فكرة الزواج ويرجع لي .. ترا ماقدامي الا شهر أو شهر ونص .. لأنه إذا تزوج مستحيل أرجع له .. لأني ماراح ارتاح ومابصير مثل أول وراح ينقلب حبه لي كره وبيرميني هو بنفسه .. ومستحيل أطالبه يطلقها لأنه حرام هي مالها ذنب .........

 

[homar]

ربنا يكون فى عونك بس صبرتى على الزنا الى هو فاحشة ومش قادرة على التعدد

 

[عذاب السنين]

مرحبا

والله ياختى الرجال إذا حط في راسه شي يسويه ماراح يردعه أحد

((خاصة )) إذا كان في أمر مباح مثل الزواج

أنصحك تتمسكين برايك ((بس )) بدون ماتذكرين الطلاق

فهميه أنك رااافضه وأن هذا الشي بيخل الأمور بينكم

ولا تتراجعين ((يمكن )) يتحسف ويفكر بعمق فيك وفي أولادك

وطول هذى الفتره أدعي ربك آآخر الليل انه يسخره لك
والله يوفقك

 

[أم الشهداء]

أشكركم ياأخواتي بس ترى خياناته مكالمات ومقابلات بس وكان متضايق منها وأنا أطلب الطلاق لأني تعبت معاه وتحملت وهذا جزائي وبصراحة أنا بنتقم منه بالطلاق أنا متأكده أنه بيموت قهر وندم ( مره واثقه بنفسها )