يالنااااعمة شهر ويتدمربيتي شوري علي

[أم الشهداء]

السلام عليكم ورحمة الله وبركاته
مشكلتي من بداية زواجي وزوجي يخونني من شهر العسل وحتى قبل شهر يعني 16 عام تقريبا كان يتوقف بس استراحة محارب . . تجميع أرقام . . . قصدي أفكار ! طبعا جربت معه كل الأساليب واتخذت معه جميع المواقف كان يبطل فتره بعدين يرجع .. . وأنا ماكنت أحاول أجرحه أو احتقره بالعكس كنت أظهر له احترامي وحبي حتى إنه كان يظن إني أمووووووووت بالتراب اللي يمشي عليه بس في الواقع أنا كنت احتقره واكرهه وأتمنى فراقه حتى كنت أخطط إني لو أمرض مرض الموت بأطلبه يطلقني عشان ما اجتمع معه في الآخره !!! ومع ذلك كنت أدلعه وأحاول أكسبه وأدور رضاه لأن عندي مبدأ إنه أذا كان الأب سعيد ومرتاح هذا يعكس على البيت والأولاد بس أنا في الحقيقه كنت احترق وأذبل حتى صار يجييني أوجاع وضيق تنفس وإذا سويت فحوصات يقولون حاله نفسيه !! المهم إني في الآخر قدرني الله بفضله وتوفيق منه سبحانه إني أكسب حبه وأدرس شخصيته واعرف اللي يرضيه ويسعده وكيف أتعامل مع خياناته . .. بس أنا كنت تعيسه وحزينه رغم إني ما أبين له إلا إني سعيده ومرحه ( حنا الحريم مانُغلب في إخفاء المشاعر ) وفجأه قبل شهر تغيرت أحوال زوجي وصار كريم وحنون وقنوع وقال لي إنه يبي يلتزم ويترك هالشغلات ويتوب أنا فرحت وقلت الحمد لله بس في الحقيقة إني كنت اتوجس خيفة لأنه على مر الدهور زوجي مايصير كذا إلا إذا وراه كارثه مدمرررررررررره !!
وبالفعل ...... سكت يومين وبعدين قال ( ترا أنا خطبت وأبغى أتزوج وهذا كله عشانك ! لأني ماأبي أخسرك لأنك قلتي لي لو اكتشفت لك خيانه جديده راح أتركك... وأنا بأتزوج عشان أغض بصري وأنتي مافيك عيوب ومريحتني .... بس أنا استشرت شيخ قال تزوج .. وهي تراها أقل منك في كل شيء .. بس ارتحت لها يوم شفتها في النظره الشرعيه ) ..... وهاذي المره الثانيه اللي يخطب فيها .. المره الأولى تراجع عشان مايزعلني. . . . طبعا أنا تماسكت وقلت يا أنا يا هي ؟؟؟ قال أنتي وهي مع بعض .. قلت لا خلاص روح تزوج وطلقني وأعطني أولادي ... قال مستحيل أطلقك .. أنا أحبك ..... ومن هذا الكلام المهم قعدت أسبوعين حاولت فيه إني استرضيه وأعلقه فيني وأمارس عليه طقوسي .. بس كان مصمم كأنه تحدي وفاجأني وسافر عقد القران وجاء قال لي أناتممت الموضوع ... قمت أنا شلت أغراضي وقلت له خلاص أنا بعد بشوف حياتي أنا حلوه وباقي صغيره طلقني وخذ الأولاد .... ورحت لأهلي
الحين لي يومين .. وهو قاعد يرسل لي رسايل إنه يحبني ومايستغني عني مهما صار .. وأنه ماراح يطلقني بس خلاني أروح عشان حكمه لا يعلمها إلا هو " مسوي فيها حكيم " . . . أنا أرسلت له إني كنت أحبه وإن مافي أحد يفهمه ويدلعه مثلي .. وإن في أشياء كنت راح أغيرها في حياتنا الخاصه راح تسعده وتسعدني .. وإنه ماراح ينساني لأنه يحبني أنا ... وراح يعذب بنت الناس معه !! وكتبت له إن قضاء الله جاء قبل أن نفرح بتوبته .. وإن شرطي إنه يلغي فكرة الزواج وإلا يتركني في حالي والله يعوضني بواحد يدلعني ويعزني ويعوضني ...... انتهى
أنا الحين أبغاه يلغي فكرة الزواج لأني مستحيل أعيش مع ضره ... لأنه دائما كان يقول اصبري ولا تخلين أحد يجني اللي زرعتيه ... بس أنا أعتبر هذا عقاب منه على صبري .. ومكافأه له على خيانته
للمعلوميه .. أنا راح أكون سعيده إذا طلقني وأعطاني أولادي .. بس أنا أبغى أرجع له عشان أولادي يكسرون الخاطر خصوصا البنت عمرها ( 12 سنه ) ماتبغى تفارقني .. وعشانه هو أحسه فعلا تغير للأحسن راح نكون سعيدين إن شاء الله وبيصفى له قلبي بس بدون الضره .... أنا ألجأ إلى الله أولا ثم لك يادكتوره أبغى خطوات أمشي عليها حتى يلغي فكرة الزواج ويرجع لي .. ترا ماقدامي الا شهر أو شهر ونص .. لأنه إذا تزوج مستحيل أرجع له .. لأني ماراح ارتاح ومابصير مثل أول وراح ينقلب حبه لي كره وبيرميني هو بنفسه .. ومستحيل أطالبه يطلقها لأنه حرام هي مالها ذنب .........

 

[المحترمه]

الله يعطيك الصبر ويكتبلك الخير وين ما كان استخيري الله في امرك وعسى ان تمشي الامور على ماتحبي اللهم امييييين ولاتنسين كثرة الاستغفار ترى امرها عجيب في دفع البلاء وراحة البال وقوي قلبك ولا تضعفي الله معاك انشالله وطمنينا عليك يالغاليه

 

[ك ط ك]

كان الله في عونك وفرج الله همك

 

[طيف الروح]

ارد عليكي بكررررررررررررررررررره
انشاء الله

تعبانه عيوني بس مقفله وابي ارد عليكي بتركيززززززززززز

بس الحين هدي بالك

وقووووووووووووووووومي صلي ركعتين

ترى ربي نازل سماء الدنيااا ادعيه فيها الحين

وتشوووووووووووووووووووووووووفين

سبحانه

قال ادعوني استجب لكم

اكمل بكره مابي اغلط من النوم

الله يفرج همك ويريح قلبك وعقلك
​

 

[أم الشهداء]

المحترمة ك ط ك وطيف الروح أشكركم من أعماق قلبي وتراني مرتاحه لأني مؤمنة بالقضاء والقدر والحمدلله أنه ألهمني ألتجئ له لوحده بس إلي قاهرني أولادي جو عندي قطعوا قلبي يبكون وقلوبهم منكسرة يقولون إرجعي ياماما إحنا تعبانين من غيرك حتى فكرت أكلم أبوهم وأقول هات الأولاد أنا بتفرغ لتربيتهم بس خواتي قالوا لا أضغطي عليه وأقهريه ....يمكن يغيير رأيه لأن الكل معارضه ...

 

[ماريز]

اولا الله يفرج همك
ثم نصيحة لاتليني له أبدا وبيني انك مصرة على الطلاق في حال تزوج
وقولي له انك صبرتي على كل شىء سيء منه ويوم تعدل يروح لغيرك
باردة مبردة
وفي حال صمم
أولادك بيعيشوا ان شاء الله وهو المسئول عن تعب نفسيتهم
مو انتي فلا تلومي نفسك أو ترخصيها لواحد مايستاهل تضحيه زايده منك
وترى المرة الثانيه بتغيره عليك وشوفي حولك كل من تزوج زوجها
ويش صارت حياتها
ثم أحب أقل لك انه بيضغط عليك بالاولاد وبيخليهم يبكوا عشان يحنن قلبك
وترجعي وينفذ كلامه
والله قلبي متقطع عليك الله يفرج عنك
وادعي الله باخلاص ان يصرف قلبه عن غيرك
وطمنيني عليك

 

[ميوسه]

حبيبتي

لاتضعفي


ولاترسلي له مسجات اقطعي الاتصال بينك وبينه


واذا الصغار يبكو عندك ويقولو ارجعي لان ابوهم شحنهم ضدك او قالهم اقنعوها


قولي لهم قولوا لبابا لايتزوج هو السبب



موفقه

 

[غاااااية]

لا تستعجلين حبيبتي بالطلاق
تعرفين إن أبغض الحلال عند الله الطلاق
ساعتها منو إللي بيفرح أكيد الشيطااااااااااااان

أدعي ربج وقووومي قيام الليل فإن سهام الليل لاتخطئ

وفكري وانتي بأعصاااااب هااااادية وغير مضغووووطة

الله يفرج همج يااااااارب

 

[دلوعه1418]

أسأل الله العظيم رب العرش العظيم إنه يفرج همك ويرد لك زوجك يارب

 

[المحبة لربي الله]

وليش اهله ما يدخلون راضييين انه يعرس .............كيف علاقتج وياهم اذا كانت قوية فهذا من صالحج

والافضل انج ماتردين ولا تاخذين الصغارية عسب يعرف انج مصممه على الي في راسج

ولو تقدرين تاخذين اغراضج كلها بحيث لما يرجع البيت يشوفه خالي من الاشياء اغراضج وهذا ايحاء ايخليه يعتقد انه ممكن يفقدج ...هذه فكرة اخوي العود مجربه يعني

وازيدك من الشعر بيت تقدرين تتصلين في اي شيخ وقوليله ان نفسيتج جدا تعبانه ماتقدرين تتحملين الوضع وراح ايقولج اذا شفتي انج مو قادرة تقدرين تطلبين الطلاق لضرر ....طبعا ما انصحج تطلبينه بس مجرد اطرشيله مسج واتقوليله انج سالتي مشايخ واجازولك الانفصال وان شاء الله باذن واحد احد تتيسر امورج ويخوز الفكرة عن راسه اللهم امين


لمحة :يـارب إن عظمت ذنوبي كثرة *** فلقد عـلمت بأن عفوك أعظم
إن كـان لا يرجوك إلا مـحسن *** فبمن يـلوذ ويستجير المجرم
مــالي إليك وسيلــة إلا الرضا *** وجميل عــفوك ثم أني مسلم

عليك ثم عليك يا حبيبتي بالاستغفار جربي اليوم واذا استفدتي جربي بكرة وبعده خلي وقت كله استغفار والله ثم والله الذي لا اله الى هو مجررررب مجررررب دواء سريع المفعول ليش ماتجربون

(اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعاً حَسَناً} [هود: 3].
والنتيجـــــــــــــــــــــة
* راحه البال وانشراح الصدر وطمأنينه القلب والمتاع الحسن

(اسْتَغْفِرُوا رَبَّكُمْ ثُمَّ تُوبُوا إِلَيْهِ يُرْسِلِ السَّمَاءَ عَلَيْكُمْ مِدْرَاراً وَيَزِدْكُمْ قُوَّةً إِلَى قُوَّتِكُمْ} [هود: 52].
والنتيجــــــــــــــــــة
قوة الجسم وصحه البدن والسلامة من الآفات والأمراض

(وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ} [لأنفال:33].
والنتيجــــــــــــــــــــة
دفع الكوارث والسلامة من الحوادث والأمن من الفتن والمحن

(اسْتَغْفِرُوا رَبَّكُمْ إِنَّهُ كَانَ غَفَّاراً * يُرْسِلِ السَّمَاءَ عَلَيْكُمْ مِدْرَاراً * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً} [نوح :10ـ12].
والنتيجـــــــــــــــــــــــة
*الغيث المدرار والذرية الطيبه والولد الصالح والمال الحلال والرزق الواسع

{وَقُولُوا حِطَّةٌ نَغْفِرْ لَكُمْ خَطَايَاكُمْ وَسَنَزِيدُ الْمُحْسِنِينَ} [البقرة: 58].
والنتيجـــــــــــــــة
* تكفير السيئات وزياده الحسنات ورفع الدرجات


حديث كلما تذكرته انشرح صدري حتى لو أنا في أتعس حالاتي :
' من لزم الإستغفار جعل الله له من كل هم فرجاً
ومن كل ضيقٍ مخرجاً ورزقه من حيث لا يحتسب '

الله يوفقج يارب

 

[~أغلى الغاليات~]

انا اللي فهمته ان هو عقد قرانه عليها يعني تعتبر زوجته..موضوع انج تطلبين الطلاق لها صعب لان الله ما راح يرضى على الظلم..زوجج خلاص قرر وسوى هالشي يعني يا اما ترضين بوجودها يا اما تنفصلين لكن طلبج لطلاقها ما يجوز..اختي اسمحيلي اقولج انتي تقولين ان انتي كنتي تنتظرين توبته..اختي زوجج كان يخونج لسبب وللاسف لين الحين انتي مالقيتي هالسبب وعالجتيه فراح يدور على شي بالحلال عشان ما يخونج..احنا ما نعرف شنو هالشي لكن هو يعرفه واعتقد ان انتي لازم تعرفينه لانه بينكم عشره طويله..انا في رايي تتعوذين من ابليس ولا تطلبين الطلاق وما تدرين يمكن وجودها خير عليج..الله ما يكتب شي الا وفيه الخير..يعني خيانه بالحرام اهون من زواج بالحلال!! حكمي عقلج..وانتي قاعده تتخبطين تقولين انا بكون فرحانه اذا تطلقت وعيالي معاي وبعدين تقولين انا ابي ارجع علشانه لانه تغير واحنا بنعيش بسعاده..حبيبتي انتي لين الحين تحبينه لا تكذبين على عمرج..الفرق اللي بيصير انه بيتزوجها وبترجعين مكسوره لان هالاسلوب اتبعوه كثير وما نفع بالعكس ضر ..ارجعي الحين وكوني قويه افضل من رجوعج مكسوره حطي شروطج من الحين عشان ترتاحين..هذا رايي وفكري فيه​

 

[أم الشهداء]

السلام عليكم ورحمة الله وبركاته
أشكركم ياحبيباتي على ردودكم وأنا والله ماعلي قاصر في أي شئ حتى هو دائما يثني علي في كل شئ ومعجب بجمالي وبأناقتي وترى هو ماكان قلبه متفرغ لي عشان العلاقات بس كان يحبني ومتعلق فيني وعلاقتنا الخاصة كانت ممتازة بس هو أناني وخفيف وأصحابه كان لهم دور كبير في موضوع الزواج تخيلواكانوا يقولون له لو تزوجت على زوجتك ندفع لك كل واحد 30 ألف مساعدة وبالنسبه لأهله وأقاربه كلهم معارضين اليوم رحت البيت آخذ أغراض وقابلت أمه وخواته قاعدين يبكون يقولون إحنا مانستغني عنك وماأحد بيجي مثلك وقالوا لي إن أبوه قعد يبكي وأخوه الصغير بعد وبعدين اتصلت بنت عمه والله ماعرفت تتكلم من البكا ........ الحمدلله بفضل من الله كلهم يحبوني لأن الله وفقني للأحسان لهم كنت دائما احثه يبرهم ومايزعلهم وهم بعد كانوا طيبين الله يستر عليهم ...
أنا إللي قاهرني إنه شمت الناس فيني
الأخت اغلى أنا ماقاعده اتخبط أنا فعلا إن شاء الله بكون سعيده إذا تطلقلت لأني بارتاح من خياناته ومن طلباته إللي ماتخلص وأبغى أرجع إذا إنه صدق في توبته راح يتغيير لأن مشاكله كلها من الخيانه والحمدلله على كل حال الله يكتب لي مافيه خير......

 

[lucky]

الله يفرجهمك ولايحرمك من الاجر يارب​

 

[~أغلى الغاليات~]

الأخت اغلى أنا ماقاعده اتخبط أنا فعلا إن شاء الله بكون سعيده إذا تطلقلت لأني بارتاح من خياناته ومن طلباته إللي ماتخلص وأبغى أرجع إذا إنه صدق في توبته راح يتغيير لأن مشاكله كلها من الخيانه والحمدلله على كل حال الله يكتب لي مافيه خير......

حبيبتي انا اشوف المشكله من منظور ثاني عكسج لان انتي في المشكله وفي هالوقت مشاعرج تتضارب..اذا انتي تقولين ما تتخبطين وان انتي بتكونين سعيده بطلاقج ليش تسألينا!!! صح لا انتي متردده وخايفه تندمين على هالقرار لانج مو متاكده من سعادتج بدونه..فكري بينج وبين نفسج وعيدي حساباتج

 

[ماريز]

الله يفرج همك ويرجعه لك صاغر

 

[أم الشهداء]

السلام عليكم ورحمة الله وبركاته
اللهم كل من دعا لي بخير فاجره مما أصابني ولا تبتليه بما ابتليتني به وارزقه السعادة في الدنيا والآخرة واجعله من أهل الفردوس
أشكركن ياأخواتي على ردودكن واعتذر عن التواصل لأني سألجأ لمن أمره كن فيكون وسأقوم بخطوات سمعتها من أحد الشيوخ :
1/ أن يكون المرء دائما على طهاره وكلما أحدث توضا
2/ الاكثار من قول سبحان الله الحمد لله لاإله إلا الله الله أكبر
3/ الاكثار من الصدقة
4/ أن يعرف المرء أن ماأصابه من الله ولن يخلصه إلا الله
طبعا مع الاكثار من الاستغفار والدعاء والابتعاد عن المعاصي
وقد بدأت بالفعل في هذه الخطوات وأسأل الله القبول والسداد
والسلام عليكم ورحمة الله وبركاته

 

[ميوسه]

موفقه يارب


دعواتنا لك بفرج همك ورجوع زوجك لك وحدك

 

[بنتي حبيبتي]

حبيبتي نصيحة لوجه الله لا تطلبين الطلاق ترا الحرمة عزامة ندامه
وصدقيني ماراح تذوقين طعم الراحه وعيالك بعيدين عنك
وصدقيني انتي منتي بناسيته مهما كان فتعوذي من بليس ورجعي لبيتك وعيالك وزوجك
والدنيا ياختي يبيلها صبر.......يبيلها صبر
ونا ماجبت هالكلام من راسي لا والله
والله قلته لك من تجربتي مع طليقي فياحبيبتي استخيري ورجعي
وماتدرين يمكن اذا رجعتي تهدا نفسه ويتراجع عن الزاوج

 

[النسياان]

الله يفرج همك ويسخرلك زوجك

 

[كم احب الحياة]

الله يفرج همك