ياكم تمنيت السعاده بدنيآآي ~ بس السعاده تبتعد ماتبيني / قصتي

  • بادئ الموضوع بادئ الموضوع ~ آنثى
  • تاريخ البدء تاريخ البدء
الله يوفقك ويعينك
 
والله حبيبيتي ماجلس معه دقيقه ايش ناقصني يسوي فيني كذا

وبعد انتي البسي عنده قصير مو تتحشمين عند زوجك

واستخيري بعد الله مايضيع عبيده
 
اهم شي كرامتك لا تصكتين له
اتوقع متزوجك غصب ولا علشان شي معين
المهم انتبهي لا تحملين منه
وطوري من شخصيتك ولا تصكتين عن حقك والله يفرج عليك
 
مش لانج يتيمه ومالج اخوان يردونه يتمرد هذا الي اسمه زوجج ... لازم تكلمين عمج الكبير الي انتي رابيه في بيته .. صدقيني الله الناصر ...حبيبتي قوي علاقتج مع خواته وامه تقربي منهم واعرفي شو يحب وشو الي يكرهه بس بطريقه غير مباشره ... الله مع المظلوم..واحنا معاج​
 
اختي الله يفرج عليك
بس اسمعي من اختك
ما ينفع تسكتين لازم تتحركين تسوين شي لأن السلبيه مو حل
وانتي موناقصك شي عشان واحد مثل هذا يلعب فيك ويطلع حرته عليك
 
الله يهديه

بنات الناس مو لعبه

دوم استغفرى وادعيله فصلاتج وربنا يفكها لج
 
حبيبتي في البدايه انا ادعي لك من كل قلبي ان ربي يساعدك ويكون في عونك
بعدين انتي تقولين انه مسافر وشايف اشكال والوان,,طيب ليه ما تحاولين تثقفين نفسك وتغيرين اسلوبك ,,لاتصيرين سلبيه ,,حاولي تدخلين دورات تطوير الذات,,وبعدين اللبس انتي قلتي ماالبس قصير ولا بنطلون ليه يعني
 
آسفه ما كملت ردي حياتي اللي اقصده ان هذا زوجك حلالك البسي له قصير وبنطلون واللي يعجبه عادي مافيها شي متعيه باللبس والحركات وكل شي الله يوفقك ويسخره لك
 
حسبي الله ونعم الوكيل والله قطعتي قلبي صدق انه مورجال المفروض يعوضك عن الي شفتيه بحياتك مو يطقك على العموم هذا شي وفات الجئي لربك واستغفري بنية ان الله يكتب لك الي فيه الخير واستخيري وحاولي تفهمين منه ليش يسوي فيك كذا انتي مولعبه عنده ولاتحسسينه انك ضعيفه والبس اهم شي البس البسي له الجنز والضيق انتي تقولين انك ملتزمه بس انا اقولك لاتلبسين الا بشقتك عند زوجك البسي لبس خيال جنزات وفساتين قصيره خليه يحس انك مو قرويه او بدويه مثل ماهو مفتكر خليك على طول كاشخه وريحتك كلها اطياب اذا شفتي منه اي تقرب اوانه بدي يتقربلك انتي هنا تبدين لعبتك اثقلي عليه اذا قال يبيك او يبي يجلس معك تحججي باي شي تعبانه صداع عندي شغل عندي غسيل اي شي بس اهم شي الثقل والتطنيش والله ييسر امرك ويكتب الي فيه الخير ويسلط حبك بقلبه ويجعله خاتم باصبعك آآآآآآآآآآآآآآآآآآآآمين
 
شوفي يالغالية

انا لفت نظري كلمة قالها لك

(والله تطورت البدوية)>> لحظة جلوسك على اللاب توب

وضحت الأمر اللي يكرهه فيك



زوجك يكره طريقة لبسك وتفكيرك واسلوبك وكل شيء يذكره بأنك بدوية تربية عجوز



الحل هو:


ثقفي نفسك من هالمنتدى دام انه سامح لك تمسكين لاب توبه



ابدأي بتغيير طريقة اللبس


البسي القصير والضيق والمفتوح والعاري


حطي مكياج مرة ناعم ومرة ثقيل



حطي عطور


جيبي فواحة بزيوت عطرية


بخري مدخل بيتك على طوووووووووول


خليه مرة يدخل وانتي حاطة خلطة على وجهك >> مثلا (موية ورد ونشأ وزبادي)


ومرة يجي وكأنك مو دارية عنه ومشغلة مسجل وترقصين وتبتسمين >> عشان يعرف انك حابة نفسك ومدلعتها حتى بدونه


ومرة يجي وانتي ماسكة كوب كوفي وتشربين منه بكل استرخاااااااء ومعاك مجلة او كتاب أو قصة



ومرة وانتي مجهزة البانيو شموع وورد ورغوة على الماي وتكوني لابسة مايوه وتعرضي عليه يشاركك الاسترخاء




الحين انا مشغولة برجع لك بعدين


المهم انك ما تفرطين بزوجك ابد ابد ابد انتبهي


ولا تنسين الاستغفااااااااااار



برجع لك الله يسخر لك زوجك​
 
تسلمون لي على ردوكم بنــآآت ~




بس انا ولله اني البس واكشخ واغلب بيجايمي من لاسنزآ وماكس ونيكست وألخ يعني مو عن لبسي وكشختي غير انه كان يمنعني قبل من اني البس ولا اكشخ وانا بعد مارجعت له لبست وماعلي منه صج هاوشني اول الايام بعدين سكت ماقال شي

انا الحمدلله عندي شهاده دبلوم اعمال بنوك ودورات ثانيه بالكمبيوتر واتكلم الانقليزي بطلاقه ومثقفه بعد حتى يسميعني دوده كتب دآيم اقرى كتب



بس هو نفسسه كارهني مرات اقول يمكن بقلبه احد ؟؟ لاني ماشوفه يأقلم نفسسسه معاااي يعني سد الطرق بكل الجهـآت


انا علاقتي مع اهله فووووووووووووووووووووووووووووووووووق الزينه بمراححل وخواته يموتون فيني
 
انا مع ام ليين

انتي تعانين من شي داخلي ..

انتي ضعيفه وهشة من الداخل ..حتى وان كنتي تلبسين وتتبرجين يقدر يلاحظه عليك من حركاتك ونظراتك ...الخ

انتي تسترجعين ظروفك وحابة الوضع اللي انتي فيه انك تستحقين الشفقه

لا تزعلين مني .. كثير ناس يحبون هالنظرة ويحبون لفت الانتباه .. ويحبون من يسخر نفسه لهم ليمسح دموعهم ..

انتي طحتي بواااحد يحب القويه والعنفوان اللي يميزها .. الشموخ والثقه اللي تبين من النظرات من اللبس والحركات ..

انتي ليلة الدخله بجلوسك للساعه 3 بينتي له انك محتاجته ومحتاجه نظراته واهتمامه .. وكانك تنتظرين يالله تعال شوف شغلك..

وهو حتى وان كان مغصوب ومجامل ابوة .. كان يبي منك رده فعل تمنع ماتبين تتهربين يبي يحس انه هو اللي شفقان عليك ..

عرفتي .. هو يبي وحده مب محتاجتله .. لانه بالتاكيد ابوه قاله تزوج بنت عمك يتيمه مالها احد استرها .. فهو في عقله الباطن انك مسئوليه وحمل ثقيل عليه ..

فانتي فهالوقت انشغلي عنه وغيري من روتينك ووطدي علاقاتك مع صديقاتك وبنات عمك .. اطلعي روحي ..

ابحثي عن شغل ووظيفه ..
وبالتدريج راح تحسين انه تغير ..
 
لاحول ولا قوة الا بالله ..

اسأل الله يفرج همك ويسخرلك زوجك ياااارب ويحنن قلبوو عليكي يارب ..
 
السلام عليكم اختي قصتك اثرت فيني وباحاول اساعدك اول لازم تحطي له حد مايهينك حاولي تقفي نفسك الشهاده مو كل شي اقري في النت تعلمي كيف يكون اسلوبك ناعم ومؤدب ورقيق طوري نفسك في اللبس في شكلك في شعرك خليك على الموضه حاولي تجذبيه بهلاشياء كنك تصيدي في مويه عكره اذا كان لك صديقه تساعدك استعيني بها زوجك يمكن ماخذ عنك فكره انك بدويه مثل ما قال اختي اللبس امام الزوج ماهو حرام لبسي كل شي وتعطري وتمكيجي خلي اي حد يعلمك انتبهي كثير لحقوقه الزوجيه خليك حريصه على راحته ابحثي في هذا المنتدى ستجدين الكثير من الفائده واتمى لك التوفيق والسعاده
 
كلام ام لين وشووكولاته تمام التمااام

كمان ركزي على حركااااااااااااتك .. نظرااااااتك ... نطقك للحروف وطريقة كلامك عموما

الألوان الي تلبسيها ..

اما سالفه لاسنزا ومكس ووو

في ناس هاااااااااااااااااي ويشترون من هالمركات واغلى بس عليهم مو شي مو شي ولا باين انها ماركه ... لانتهم يفتقدوون الذوووووووق

ما اقصد انك مو ذووق

بس يمكن ذوقه هو ما يناسب ذووقك

حاولي تحببيه في ذووقك او تتوددي له بانك تجيبين اشياء على ذوقه تلبسينهاا

اسألي اخواته شو يحب من الوان وملابس وكدا

حاولي تقرين عن الثقه بالنفس

وحاولي كمان تسجلي بنادي رياضي .. لان الرياضه بتخليك تحسين بالسعاده والثقه بالنفس .. وهذااا بينعك عليكي وزوجك بيشوف هالشي فيك

الله يوفقك ويسخر لك زوووووووجك ياااااااارب
 
على فكره انتي بنفسك شيلي من راسك انه ولد كووووول وفري ومدري وش

وانك البنت الي مغلقه وتربيه عجوز

من يوم خطبك وانتي تقولين على نفسك كدا

الى ان خلييتيه يحس بهالشي

لا يا حلوه

ياما بنات مربيات تربيه عجايز وبنات مالهم احد ولكن شاطرات ومسكوا ازواجهم
لانو دا شي ممكن انتي من نفسك بأنوثتك تهبلين فيه

شيلي فكره انك تربيه عجوز وانك يتيمه

شيييييييييييييييييلييييييييييييييها لانك لمن تفكرين فيها تحسينه فيها

شيليها وكوني مبتسمه دااااااااااايماااااا بس لو عصب لاتكشرين بس شيلي الابتسامه ولاتطالعين فيه كتير
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل