ياريت شي وحدة تهتم فيني ياااااريت

[درة من درة]

اول شيء لازم تتفقي معاه انكم ما تناموا وانتو زعلانين وعشان ما تكوني انتي اللي تبدي دايما بالصلح حطي شرط ان اللي يحب الثاني اكثر يتبث حبه انه هو اللي يبدي بالصلح عشان اذا جيتي تصالحيه في يوم تحفظي ماء وجهك وتقولي انا ماجيت اصالحك لاني زعلتك لا بس لاني احبك اكثر واريد اثبت حبي لك وطبعا اذا هو بدأ بالكلام معك راح يثبت انه يحبك اكثر هذا اول شيء انا مرات اسويها على حسب الزعل

شغله ثانية لما تتزاعلوا وما تراضيتو ونمتوا على زعل وانتي نايمة خلي نفسك تحلمي ودبسي فيه كأنك في الحلم تراضيه و تبوسي فيه ولما يحسك راح تشوفي كيف راح يلصق فيك مثل الطفل من الفرحة هذا اذا انتي زعلتيه وماهانت عليكي روحك تراضيه هذذي الطريقة مرة سويتها وكانت مرة حلوة وجلست فترة وقريتها في المنتدى

اذا تزاعلتو عمرك ما تدخلي احد من اهلك في السالفة او تفضفضي لحد لانك راح تتراضي معاه واللي عرف عن مشاكلكم مثلا امك او احد من اهلك ما راح ينسى تعبك من زوجك وراح تتغير نظرته اتجاه زوجك


راح امخمخ هالمخ وارد اخبرك بالباقي