يارب ساعدني

ا

انا القمررر

New member
إنضم
2010/09/05
المشاركات
19
السلام عليكم ورحمة الله وبركاته
اولا هذي اول مشاركه ليه وانا مادخلت الا لفضفض من الكبت الي جواتي ولعلي اجد من ينتشلني من قاع البحر الذي غرقت فيه نعم انا اغرق ابقولكم بالبدايه قصتي انا زوجي تزوج عليه قبل 3 شهور تزوج بوحده مااشاء الله حلوه وصغيره والاهم دلوووعه انا متوسطت الجمال ويكمن احلى بعد منها طبعا هذا بشهادة الجميع بس ينقصني الدلع يابشر ودي اصير دلوعه هيا بحكم انها صغيرت سن يحق لها تتدلع انا موت في زوجي واموت بالتراب الي يمشي عليه بس تزوج عليه تعاملنا راقي مع بعض ولا اتكلم عنها ابدا بس هوا فارض عليه الا نلتقي مع بعض وهيا تسكن قريب مني صراحه ماشفت منها شي بس مجرد اشوف زوجي ينظر فيها والله اتمنى الارض وتنشق وتبلعني انا اتعذب مررره سلمت امري لله طبعا هوا بدايت زواجه مايبين انتقد شي فيها ولا اقول عنها شي لاتتقوعون اني اسبب مشاكل والله اني ما اتكلم الا اذا وصلت حدي اضرب لكم مثل بسيط رحنا مشوار مع بعض تقعد تميع وتسولف وان على الصامت ودلعه قدامي سكت الين جينا البيت قعدت معه قلت ما احبها ادلعك قدام زعل وقال انت دلعيني زيها انقهرت قلت انت اتحب المياعه دايما يقولي انا ما احب الدلوعه قال لاانت دلعين بعد بعدين قال انت منقهره انها اتدلع وانت ماتدلعتي ايام كنت عروس والله اني ايام كنت عروس كنت اقول عيب اني اسوي كذا وانا اذا صرنا لوحدنا سوي الي ابغى بس قدام الناس لالالا جرحني كلامه انا حاليا تعبانه جسمي نحف مره وجهي اسود قد ما احط خلطات مايسوي شي نفسي ارجع بياضي اول نفسي اثق بنفسي نفسي اصير مرحه انا دايما عاقله رزينه حبوبه خجوله ما احب اغلط على احد وما احب ادخل في خصوصيات احد وقبل مده عرفت عن بوصلة الشخصيه اكتشفت الطامه انه زوجي جنوبي غربي يعني يموت بالدلع وانا والله اني خايفه اخسره عشان انا مو دلوعه يعني راح مني الرجال راح مني حبيي قلبي ابي اسئل اسئله واتمنى عنده جواب يجاوبني عليها الرجل يحب الزوجه الطيبه قليلت الحكي والنضيفه والي طلباته اوامر ودينه ولا يحب الحرمه صغيرت السن الدلوعه هيا صحيح تشتغل بس مو زي شغلي انا شغلي افضل وهيا كثيرت سوالف عكسي انصحوني وش اسوي انا بنص الطريق لاتقولون تدلعي عجزت ما اقدر احس اني افرض نفسي عليه وانه ما يبيني وما ابغاه يقول هذي استخفت عشان انا تزوجت عليها ترى انا موكبيره انا بالثلاثين وهوا اكبر مني بسنه بس وهيا اصغر من زوجي 15 سنه تعتقدون زوجي يحبها اكثر مني والله اني تعبانه نفسيا من الموضوع انا ما اتكلم فيها ابدا ولا لها وجود بحياتي بس جواتي حرب نفسيه وانا جالسه تلقيني بس افكر هيا الحين احلى مني كل الناس تقارن بينا خلاص انا ماعاد اقدر اكتب الحمد لله على كل شي
 
عشان ترتاحي حاولي تتجاهلي وجودها اول شيء ما تفكري فيها (سنها دلعها ...و لا شيء)

ركزي في نفسك و بس شوفي مميزاتك حاولي تعدلي في نفسك

ترا الراحة النفسية تنعكس علة نضارة الوجه

خليك فرحانه بنفسك و فكري انه كل وحدة عندها إيجابيات و سلبيات

حاولي تطلعي ترفهي على نفسك خذيلك أغراض جديدة قابلي صاحباتك المرحات

إضحكي للدنيا بتضحكلك

تناسي وجودها و تعاملي مع زوجك و كأنك متزوجته من جديد نوعي في اكلك لبسك و عيشي حياتك

دلعي نفسك و دلعي زوجك مثل ما انت تريدي

و صدقيني لما زوجك يلاحظ إهتمامك بنفسك و أنك مش مهتمة بالثانية راح يتغير و راح ينجذبلك

الله يسعدك و يهنيك
 
الله يسعدكم بس زوجي غير كان يتحكم بكل شي فيني حتى لدرجة نغمة الجوال يقولي لاماتحطي اغاني وانا من يوم تزوجته ملتزمه والمدام كل جوالها اغاني ولايقول لها شي وعبايه كتف والمشكله كان ينتقد الي يلبسون عبايه كتف طيب الحين تمشي مع وحده عليها عبايه كتف وفيه نقطه احس اني ابي اموت منها هيا انه كان يطلب مني ارقص وكنت ارفض واستحي وربي عطاه وحده رقاصه نمره اولى يارب فرجك والله اتخيله هومعها وهي ترقص له كن ملتزم الحين يشغل اغاني ولاعليه يتعمد يشغل اغاني وانا اخاف ويطري علي موضوع الرقص استغفر الله واتوب اليه
 
اشهد ان لااله الا الله واشهد ان محمد رسول الله
بنات ابي جواب لسئلتي الرجال يحب الحرمه الصغيره ولاالطيبه لنضيف ريحوني
 
حبيبتي قرأت موضوعك وأمور كثيرة تدور براسي بحاول قد ما أقدر أختصر لك ردي ....
تبغين زوجك والا لا ؟؟ تبغينه غيري من حالك من الى .. يعني هو وش يحب بالمرأة ؟ الدلع تدلعي زوجك حلالك وملكك .. رقص ارقصي ياخذه بالحلال ولا ياخذه بالحرام .. والاهم الثقة بالنفس , انتي ثقتك من الاول مهزوزه واهتزت اكثر بعد زواجه عليك ... استعيدي ثقتك بنفسك , وخففي من الحساسية اللي تعاني منها احس انك فقدتي ثقتك بنفسك وصرتي حساسه ع كل شي وتدققين ع كل شي

زوجك نمطه جنوبي غربي اقراي عن الجنوبي ايش يحب وايش اللي ما يحبه وتعاملي معه ع اساس نمطه

الجنوبي من طبعه يموت بشي اسمه دلع وتغنج ويحب المراه اللي تدلعه كثير وتحتويه وتعطيه من الحنان لانه بنظره الانثى مصدر الامان له حتى تلاحظين بعض تصرفاته كانه طفل بريء لا يغرك كبر الرجل الرجال كعامة اطفال كبااااااار لكن الجنوبي طفل طفل طفل يبغى الامان و الحنان و الدلع و الاهتمام و الاحتواء و الغنج الانثوي ...... لا تقولين صعب لو قلتي صعب راح اقولك ما الوم زوجك يومنه تزوج عليك يمكن كلامي قاسي بس ابغاك تعيشين الواقع وانتي قولي الحمد الله انه تزوج يبحث عن الامور هذه بالحلال ولا يروح للحرام ويخونك وانتي معه ....... صدقيني زوجك مثالي بس محتاجه انتي تعززين ثقتك بنفسك وتطورين من حالك وتخففين من الحساسية ولازم تشيلين زوجته الثانية من بالك دام انه حافظ لك حقوقك وانتي تاخذينها بالكامل هذا هو المطلوب , ما عليك هم الان ايش يعملون ووين هم فيه اختي لا صرتي كذا راح تتعبين نفسيا مره ساعتها راح يكون علاجك بالطب النفسي وراح تخسرين صحتك وزوجك وعيالك وبيتك ليه تلغين بحالك الى الهلاك ؟؟ دام عديتي مرحلة انه تزوج وقبلتي تلتقون طيب المرحلة الصعبة عدت ع خير الحمد الله المرحلة الثانية كلها بيدك تغييري للافضل لك انتي لشخصك ولزوجك ولبيتك ولعيالك .. شوفي دام اجتمعتي معها حاولي تكتسبين المفيد منها راقبيها كيف تدلع وايش تعمل ما اقولك روحي طبقي ع زوجك ع طول لا انتبهي لان الجنوبي بطبعه ذكي ولماح ويفهم ومن النوع يحن للاصلي وان كان قديم يعني الان لا زوجته الثانية تدلعت ودلعها فطرة لانها اصغر مافيك تقارنين بين بنت بالعشرين وسيدة بالثلاثين مافي مجال للمقارنة بتاتا وجيتي انتي وتدلعتي قدام زوجك لكن ما اتقنتي الدلع لا اراديا هو بيكون شبه معك لكن حركتك خلته يسرح مع الثانية ويحن لها اكثر ........ لذا تدلعي ودلعي حالك سوا باللبس او بالاكل او بالحركات العفوية لكن تكون خاصة بك اوضح لك اكثر : لو طلب زوجك منك ومن الثانية تعملون طبق معين والادوات اللي عندك عندها ... زوجك ممكن ياكل من اكلك اكثر من اكل الثانية عارفه ليه ؟؟ مش لانك الاولى والا انتي ام العيال واقدم وافهم لا ع نفس الوحده باكلها , لكن نفس بالاكل راح تجيدين الطبخ حتى لو كوب شاي راح يكون طعمه غير ............................. راجعي حساباتك واعيدي الثقة بنفسك​
 
حبيبتي الأخت حنان الكون ماقصرت...
بس بأجاوب على أسألتك زوجك يوم تزوج عليك مو معناته مايبيك لو مايبيك ومايحبك كان طلقك بعيد الشر عنك ... بس أكيد أنتي حلوه بصفاتك بتدينك بأدبك برزانتك بحيائك ترى هذي الصفات هي الباقيه وهي زينة المرأه وذا على الدلع مو لازم تتصنعين الدلع إذا ماتقدرين بس أهم شيء تريحين نفسك من التفكير وخففي من حبك لزوجك وحبي نفسك أكثر ..دام إنه تزوج إنتهينا حبي نفسك دلعيها شوفي اللي يسعدك ويريحك وسويه وانيس إن زوجك تزوج عليك فتره لأن هذا قسمه ونصيب ويمكن وش دراك فتره وزوجك يمل من دلعا وسوالفها الزايده ويتركها .... وبعدين زوجي جنوبي غربي ويحب الوحده الرزينه ويكره الرقص.... إنتي خليك من مقارنة نفسك بها ماعليك منها إنتي الأولى وإنتي الأساس حاولي تسعدين نفسك وبتنعكس السعاده على اللي حولك وأنتبهي تقعدين تقولين لزوجك ليش هيه تسوي كذا وتلبس كذا وتدلع لأنك ماتستفيدين شيء بالعكس رح يفسرها غيره ولا رح يقولها شيء وتصير عندها الراحه وعندك الزن والمقارنات ياعمري أدري بالنار اللي جواتك بس أصبري وقوي قلبك وكلي أمرك لله .... وصدقيني مسألة وقت وبيمل منها وعاد إنتي وشطارتك......................
 
حبيبتي الحين اهو تزوج وخلص الموضوع صار واقع ,, لازم تشتغلين على نفسج وبعدين بالثلاثين توج بعز شبابج حاولي تغيرين ستايلج ولا تنطرين منه التعليق مصيره بيمل منها وتصير روتين ويتعود على دلعها ويكون عادي صدقيني عشانها جديدة وكل جديد له زهوة,,ولاتحنين وتزنين واجد الرجال يكره الحن والزن ..واللهيكون بعونج
 
يا عمرررررررري الدلع ما يعرف العم
يعني الدلع حق الكبار وصغار بس بعقل مب دلع اطفال ويحسك غبيه وهبله الدلع البصيط وبكلام حلو
 
الثقة بالنفس هي كل شيء اعيدي ثقتك بنفسك وتدلعي فجمال الثلاثين احسن فالمطربين غنو عليه ولا تخلي الضرة تفسد عليك حياتك البسي وتزيني وحسي بنفسك وبجمالك لأنه له تأثير على وجهك
ما تقرنيها بنفسك فانت شكل وهي شكل وكل واحد عايش على مزاجو خلي مزاجك رايق حتى تحسي بك للي حواليك ومنهم زوجك تمتعي بالحياة عيشها فالزواج او الوزج ليس كل الحياة فهو نصفها فقط فعيشي النصف الاخر بكل هدوء
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل