يارب تحمل هذا الشهر الي تدخل ضروري

[اهلا بك]

انا سقطت قبل كم شهر
انا من المنطقه الغربيه
وابي اروح للدكتوره في مستشفى خاص عشان ابي احمل بعد ارادة الله
سؤؤااالي
هل اقدر ااسوي التحاليل الي تكتبها لي الدكتوره في المستشفى الخاص واروح اسويها في مستشفى حكومي
يعني هل يرضون الحكومي انهم يسووها لي
لان اسعار الخاص غاليه

 

[الزهرة الصالحة]

أهلين حبيبتي الله يعوض عليك يارب ويكتب لك الحمل السليم اللهم آمين

أتوقع تقدرين عزيزتي تسوين التحاليل في الحكومة والله يسهل عليك ولا يوقف بطريقك شي

لا تنسيني من دعاءك

 

[لوحدي وفيت]

ماعرف بسس انا مع الاختي الي ردت

 

[مريوم الحلوه]

اذا انتي من السعوديه ايه تسويها لج الحكومه من دون فلوس بس عيبهم مواعيدهم حيل بيعده يعني اول خطوه تاخذين ورقه من مركز الصحي من الحي اللي عندكم انج متاخره بالحمل وتودينها ع مستشفى النساء و الولاده ويعطونج موعد
راح يعطونج ورقه الفحوصات كلها الهرمونات تحليل الزوج اشعه الصبغه وتسوينهم اذا سوتيهم تقدري تروحي بعد 10 ايام او 15 يوم وتقولي ابي ورقه التحليل قبل مايحطوها بالملف وتوديها لدكتوره في مستشفى خاص لان موعدج الثاني بيصير بعيد بشهور هذا عيبها

اذا عندج تامين طبي كويس لان بعض التحاليل تكون ع حساب التامين مثل تحليل الغده الدرقيه وتحليل الغده النخاميه والاتهابات وتقرحات كلها ع التامين مع الكشفيه والاستشاره اللي عليج تحليل الهرمونات ويمكن تكلف عليج ع 500 مع تحليل الزوج
اذا تبي الحكومه راح تطولي في مواعيدهم بس مع العلم علاجهم حلو بس يطول بشههرو ويسون لج الفحوصات واذا عندج واسطه او تعرفي احد يقرب مواعيدكم زين
الله يرزقج بالذريه هالشهر وماتحتاجي لاي فححوصات ولا حاجه

 

[مريوم الحلوه]

توني انتبه انج تقولي مسقطه من كم شهر شوفي انا اعرف وحده سقطت وظلت مايقارب 8 شهور وبعدها حملت طبيعي لاتخافي اذا عديتي سنه بعد التسقيط سوي فحوصات بس هالحين سوي فحوصات سبب التسقيط مثل مضادات الاجسام لان تكون هي احيانا سبب التسقيط وان شاء الله مافي سبب انتي قبل انتظري وان شاء الله خير

 

[bar22be]

الله يعوضك خير فيما فقدتيه
المهم اذا تعرفي احد يشتغل فى مستشفى حكومي يقدر يساعدك ويجيب لك كل التحاليل
انا كنت كده اسوي اخذ التحاليل من الخاص واسوي فى حكومي لانه فعلا بعض التحاليل جدا غاليه
اما غير كده ما اظن يسووون لك التحاليل وانتى جايبه ورقه من دكتوره مهي من المستشفى
والله يسخر لك اللى فيه الخير يا رب

 

[النجمه البنفسجي]

الله يرزقك و يرقني

عادي بس المشكله مثل ما قالوا البنات مواعيدهم يبغى ليها صبر لأن بعيييييييده

 

[قهوة ومطر]

ربي يرزقني ويرزقك ويرزق كل اللي نفسهم بالذرية

 

[سمسم كيوت]

جربي وان شاء الله يوافقون

 

[عبره]

الله يرزقك الذريه الصالحه

 

[3yon-Elmaha]

الله يوفقج ويرزقني واياج الذرية الصالحة

ان شاء الله يفيدونج الاخوات

 

[كسرني الالم]

بعض الاحيان المستشفيات الخاصه تحولك ع قسم المختبر الي عندها ولا تقبل الا من المختبر
وبعضهم عادي ..
الله يرزقنا انا وانتي وكل مـحروم يارب
الله كريم