يارب الهمني الصواب..ارجو الاهتمام

[بنت النــور]

اولا اشكر اخواتي الللي ردوا علي في موضوعي الاول واهتمامهم فيه

http://www.niswh.com/vb/showthread.php?t=104466


انا قررت في نهاية الموضوع اني استمر معه فترة معينة لين يحصل شي ...
اما اني أحمل

او اذا زوجته الثانية حملت ....بنسحب من حياته


وقلت يمكن مايتوفق معها ويتطلقون بدون محد يدري




زواجه تم بالسر من امرأة جنسيتها عربية ...حتى اهلوا مايدرون



الان هو قالي اذا تبيني اخلي السالفة سر على طول بضغط على نفسي واخبي عن اهلي


وقررت انا وهو اننا نسافر للخارج نكرر عملية انابيب جديدة



وكنا منتظرين موافقة المستشفى





عارفين ايش صار !!


زوجته حامل




الحمدلله على كل حال




امس اعطاني الخبر وكانه اعطاني خبر طلاقي ... بدون شعور مني عبيت شنطي وقررت ارجع لاهلي وانسحب من حياته


وهو للاسف من يوم شاف حالتي انقلبت حالته ونفسيته



والى الان ماخرجت من بيتي ... خايفه من بكرا ومترردده



مثل ماهو جرب حظه مع غيري ونجحت المحاولة ... ممكن انا القى نفس النصيب




لكن الخوف من اني اتعرض لاصابع الاتهام ويطلعوني الناس عقيم اللي طول هالسنين ماقدرت اجيب عيال





هو متمسك فيني ... وانا ادري انه طيب ومافي منه ... لكن صعوبة الزوجة الثانيه ومرارتها تعمي البصائر



ابرجع لاهلي واطلب الطلاق .... لكن خايفة من ان نصيبي في المستقبل يكون مرتبط بفكرة (اني عقيم) وتصير بصمة فيني وانا بريئة منها


ويصير اللي بيتقدمون لي ياإما شيبان ... او رجال شبعانين عيال وماودهم في المزيد




خايفه من بكرا ... ومو قادرة اتحمل فكرة الزوجة الثانية ومرارة حملها

فكرت قلت لو انتظر كمان كم شهر واجرب العملية في الخارج يمكن تضبط معي


ارجع افكر في احتمال لو نجحت العملية وطلعت حامل .... كيف استمر مع زوجه ثانية !!!!


هو مو ناوي على طلاقها يقولي ماتزوجت بنت الناس حتى اطلقها


ولو انا حملت كيف اطلب منه الطلاق والولد اللي انتظرناه سنين اتركه يتربى بعيد عن ابوه !!!


ادري البعض بيشوف كلامي وتفكيري خطأ

لكن لما تعيش مرارة بحياتك مع شريك عمرك تكون غير قادر على تحمل المزيد من المرار


الصبر له حدود وانا صبري انتهى ومافيني طاقة تحمل جديدة



دلوني او ساعدوني بكلمة صادقة او اعينوني على اتخاذ القرار




لو كنتي بحالتي هل بتطلبين الطلاق ... وتلغين من بالك التفكير والخوف من المستقبل والنصيب!!!



​

 

[لهيب الشوق]

شوفي استفتي قلبك و استخيري واتوكلي ع الله صحيح احنا ما ابنرضا حد يشاركنا زوجنا بس ربك هو الي بيسر الامور
انت تريد وانا اريد والله يفعل ما يريد
خلي ايمانك ب الله قوي واعرفي اي شي بصير هو الخير الك
والله يكون بعونك
ولاتنسي جزاء الصبر عظيم

 

[حور الحوارى]

فرج الله همك حبيبتى والله انى حاسه فيك لكن لعل غيرى يفيدك

ولاتنسى الاستغفار فهو غير حال ناس كثيرين.....

 

[ام ميثه]

والله انا حاسة فيك
لا يا المستورة لا تروحين بيت اهلج
لا تخلين الشيطان ينهي حياتج وحبج
حاولي ويوم الله بيكتب العيال بيوون
لا ولا تتنازلين عن مكانج
اتقي الله في نفسج و فيه وفحرمته الثانيه
الله يثبتج و يهون عليج وجودها ويرزقج الذريه الصالحه
واذا تبين اي شي انا فالخدمه

 

[ملكة ببلقيس]

احترت والله في مشكلتك
الله يلهمك الصواب
ويختار لك الخير من عنده
الله يعينك

 

[محرومه من زوجي]

والله احترت واااااايد في مشكلتك,,,مرات اقول تصبرين وتنتظرين الفرج لعلك تحملين,,,,
ومرات اقول تتطلقين وتشوفين انتي نصيبك,,,,,,الله يختار لك الخيره المباركه,,,,,,

 

[وردة الحنون]

كان الله بعونك
رزقك الله الذرية الصالحة الطيبة المباركة
حكمي عقلك في الوضع الحالي والمستقبل
واستخيرررررررررررررري في أمورك كلها
فالخيرة فيما اختاره الله
سدد الله خظلك وفرج الله كربك
ورزقك على قدر نيتك وعملك

 

[قصيميه ..]

حبيبتي لالالالالالا تطلبين الطلاق مادامكم تحبون بعض لالالا والف لايمكن تطيحين بواحد مايحبك او عصبي اوطبعه شين
او اهله شينين امسكي عتبة بابك واحمدي ربك انه متمسك فيك وجربي حضك ثانيه وثالثه ورعاشره لاتياسين
اما اذا كنت ماتتحملين الضره وبتصير حياتك وحياة زوجك جحيم فهاذا شي ثاني
لكن اذا تطلقتي من بتتزوجين ياشايب اومعدد او مطلق وعنده عيال يصيرون بحلقك هذي وجهه نظري
لو انا مكانك بس لاتنسين الاستخاره واكثري من الدعا
ولن انساك من دعائي اختك المحبه والناصحه والمشفقه

 

[بنت النــور]

مشكورين اخواتي على النصيحة الصادرة من قلوبكم

انا استخرت الله ويمكن لان فيه امور غايبة عنكم ... فكان قراري يختلف عن نصيحتكم رغم اني مازلت احتاج لنصايحكم



انا ارسلت عفشي لبيت اهلي وربي كبير وكريم وهو الرازق وباذن الله مايخيب رجاي



ادعولي ان الله ييسر طريقي ويرزقني الخيرة من امري

 

[ملكة قلبة]

عزيزتي اذا كان يحبك ليش تطلبين الطلاق
يمكن تزوجين من واحد ما يحبك ولا يقدرك
وبعدين فيه زوجات كثير اذا احملو شريكاتهم
هم بعد يحملون انتي جربي شوفي وش رايح
يصير ثم قرري علشان ما تندمبن وتروح مكانتك عنده
وصعب ترجيعنه الله يوفقك

 

[ليناااا]

عندي يأختي تساؤل وحيد هل إذا تطلقتي بتتزوجين منهو أفضل حالا منه؟ أعتقد ان هذا بعيد ربما ستضطرين الى ان تكوني زوجة ثانية ,تقربي الى الله وتذكري أن عائشة رضي الله عنها لم ترزق بالذرية وكان لها ضرائر ولاتدرين ربما يرزق الله من حيث لم تحتسبي.

 

[بنت النــور]

انا فكرت واستخرت طوال هالاسبوعين
ورجعت بيت اهلي بعد ماوضحت له اني خلاص ماودي استمر
لكن للاسف متمسك فيني بطريقة توجع القلب
يقولي روحي زي ماتحبين لكل ماني مطلق
امس حطني عند اهلي وطلعلي الشنط وهو نازل من الدرج وقفت قدامه ودي اسلم عليه قبل لايمشي ضميته وحسيت ان في وجهه شي متغير بس ماجا ببالي انه يبكي!!!! .. ابعدني عنه ونزل بسرعه وهو يمسح عيونه

في هذه اللحظه كان هذا الموقف وحده كفيل انه يرجعني له واصبر ع المر عشانه ناديته بس كان يمشي بسرعه ومافي دقيقة الا اسمع صوت السيارة
دخلت لاهلي ابكككككي ... انحرق قلبي وصرت كارهه نفسي
واللي مصعب علي الموقف الحين اني فعلا ودي بالطلاق ..زوجته حامل يعني ربي كاتب له منها العيال ... وهو بنفسه قالي حسيت بالفرق لما أجامعها وأجامعك (اسفة ع الكلمة) يقولي معاك احس في شي مسدود بسم الله
غير كذا ماعنده نية طلاق عليها .. وفعلا يطلقها ليه !! حملت من اول شهر وهو في سن مايساعد على انه ينجر وراء عواطفه

يقولي لو تبغين بطلقها .. لكن اش ذنبها بنت الناس ! والولد اللي جاي بالطريق ارميه في بلد بعيد !

طيب هو لو يفكر فيني شوي !

حاولت ارسم في بالي فكرة اني اكون معه ومع زوجة ثانيه ... ماااااااااااااااااااااااااااااااااقدرت

امس نفسيتي دمار من البكاء .. وللاسف اخواني واختي وامي كلهم ضدده كلللهم يقولون طبيعي يبكي لانه فراق عشرة سنين بينكم فلاتكبرين السالفة
حسيتهم كلهم يبغون الطلاق ... وانا نفسي ابغاه بس ماودي يتضايق ماودي اشوفه متكدر

لاحول ولاقوة الا بالله الله يسهل اموري ويفرجها علي ويلهمني الصواب ويرزقني الخيرة من امري

 

[قمــ كلهم ــرهم]

انصحك ماتطلقي هو ماصلح شئ خطأ احل الله 4 ادري انها قويه لكن احسن من الطلاق وبعدين مبين انو يحبك فلا تستعجلي في قراراتك

وانصحك تروحي عند اهلك فتره نقاهه عشان تحسي بقدر زوجك

الله لا يفرق بينكم والله يرزقك بذريه الصالحه

 

[المعلمة الراقية]

حبيبتي خلي ايمانك بالله قوي وفوضي امورك اليه ولا تستعجلي في اتخاذ اي قرار الا بعد التفكير بروية ووضع ايجابيات وسلبيات هذا الامر امام عينك لتري ايهما يرجح كما لاتغفلين صلاة الاستخارة عند الاقدام على اي امر والله يكتب لك الخير وييسره لك حيث كان
:flex::flex::flex::flex::flex::flex::flex:​

 

[بنت النــور]

مشكورين اخواتي والاستخارة ان شاءالله ماني مفارقتها
دعواتكم لي

 

[me~4~you]

الله ماينسى احد ولله حكمه في كل شي والله اني حاسه فيج واعرف وحده مرت بنفس الموضوع بس شو تقولين يوم يكون كل شي حكم الله مالنا الا الشكر لو كان حكم البشر بياخذ الموضوع شكل آخر لكن لله حكمه عطى ناس اناث وناس ذكور وناس عقيم وانتبهي تيأسين من رحمه لله ولاتستعيلين على اتخاذ القرارات حتى لو بتقعدين عند اهلج سنه وسنين يمكن تردين له ماتعرفين .خذي وقت طويل وشوفي وين كنتي مرتاحه معه ولا بدونه .وقرري مانصحج الحين .والله يرزقج ويرزق كل محروومه.

 

[منهو يجاريني]

وجه تعرفه والاوجه تعرف عليه بعدين ياعمري فكري بكرة لما يجونه عيال منها بنكثر مشاكله وراح يحس الاستقرار والامان معاك صدقيني الصبر طيب

 

[Wise Woman]

الله يصبرك ويفرج همك يارب..ويكتب لك الخيرة عزيزتي

والله يرزقك بالذرية الصالحه..ولاتتغفلي عن سهام الليل...والله يوفقك للصواب

 

[تميمية(1)]

اهلين حبيبتي...
انا اشوف انك غلطانة.. الرجال يحبك و مستعد يوديك تتعالجين..و يبكي علشانك بعد.. وش تبين اكثر من كذا..
و انت تحبينه و باين من كلاااااااااااامك.. انا اقول كلميه و قولي له انا محتاجة وقت ارتاح فيه و اهدى ..خليني هالفترة عند اهلي..
و بعدين يصير خير.. لانك في هالوقت منفعلة و مصدومة و تفكيرك مشلووووووووووول..
و انت لو مرتاحة اصلا لقرار الطلاق كان من زمان اصريتي عليه خاصة ان اهلك مشجعينك..
لكن انت قلبك معاااااااااااااااه..و متعلق فيه..
و لو افترضنا انك تطلقتي .. انت عارفة مقدار الحزن الي بتحسين فيه؟ اقري مشاركات البنات المطلقات و شوفي الندم في كل كلمة يكتبونها..
و لو فرضنا انك ربي كتب لك زواج..(مع ان في هالوقت البنات مو لاقين رجال) .. هل راح يكون خلقه طيب مثل زوجك؟ هل راح يحبك؟ هل راح تحبينه انت؟؟؟؟؟
لا و يمكن تكونين زوجة ثانية ... و ما تستفيدين اي شي..
تعوذي بالله من ابليس..و ترى زوجك ما سوى حرام و لا غلط...
على الاقل هو عادل و يحبك ومتمسك فيك..
و الغيرة مع الوقت و الاستعانة بالله بتخف..
ربي يسهل امرك و يفرج همك..
قرار الطلاق من فضلك اجلييييييييييييييه..

 

[*روعة*]

الله يعينك
فعلا انتي في ابتلاااااء اسأل الله ان يضاعف لك الأجر
خليك عالإستخاره وكثّري من الدعاء..تحري اوقات الإجابة وادعي..
وبإذن الله يجي الفرج من رب العالمين