ياربي تاخذه وافتك منه

ا

العفو يالله

New member
إنضم
2008/02/25
المشاركات
186
السلام عليكم

بدخل في الموضوع انا متزوجه واحد عديم المسؤليه وشكاك
من اخذته ماشفت معه يوم حلو صارت حياتي معه كئيبه كرهت الدنيا ومافيها
والله احيانا افكر اني اهرب ولا ارجع مايبيني اكلم احد ولا اضحك معه احد ولا ازور احد
ولا حتى احد يزورني ولا احد يتصل علي ماعنده لي اي احترام حتى قدام الناس
لو بكيفه يقفل على في غرفه حتى نور مافيها الشغل من تزوجنا توه مشتغل
اخذ سنه طبعا من 9 سنوات مايعامل عيال عدل
وهاالشهر قام يمد ايده توه من اسبوع عطيني بقس على راسي لدرجه اليوم عندي الم في راسي
وتوه من اشوي ضاربني كف والكلام هالي حافظ مايظل حيوان ولا صفه مايحطها فيني
انا قررت بكره اروح المحكمه اطلب الطلاق
ربي ياخذه وينتغم منه امين يارب
 
لا وبعد ينام اربع ثلاث ايام متواصله ونفس الشي اذا جلس يجلس ثلاث اربع ايام متواصله من غير نوم
وكله يفتش في اغراض واي شي يشوفه ياخذه من غير مايقول عيشه تقصر العمر حتى اذا احد ذكرني باكله ولا هديه
يهاوشني ليه وليه اغراضي يكسرها او يخربها ولا عمره حتى في الخطوبه جاب لي هديه انا بعد الزواج كذا مره جبت له هدايا ولا يبيهم في البدايه او يعلق عليهم انهم مو حلوين وبعدين يستخدمهم او يبيعهم
 
اللهم ياودود ياودود ياودود ياذا الرش المجيد يافعال لما يريد اسالك بنور وجهك الى ملى اركان عرشك ان الله يصلح حالك ويهون عليك ويفرج همك ويصلح لك زو جك ويحنن قلبه عليك وعلى اولادك
اللهم اميين
 
الله يفرج همي وهمك ياارب وكل مهموم بس عزيزتي الطلاق خليه اخر شي التجأي لاهله وخبريهم اذا مانفع التجاي لاهلك لعل وعسى يصلح من حاله والله يسخرلي ولك ياارب وبنات المسلمين
 
شلون ينام اربع ايام هذا اكيد ياكل حبوب كبتاجون انتبهي
 
اهله تعبه معه واهلي بعد اساسا حتى اهله مو سالمين من شره
اذا كان عندي دايم يتهاوش واذا كان معهم يتهاوش يعني مو مخلي له صاحب وين مراح

مشكوورين حيايبي جميعا على مرورك ويارب ييسر امورنا ويصلح بالنا يارب
 
عموره قال:
شلون ينام اربع ايام هذا اكيد ياكل حبوب كبتاجون انتبهي
أنقر للتوسيع...


شلون هذا الحبوب وكيف شكله وهل هو مخدرات
انا اذكر مره شفت عنده حبوب في صغيره اكبر من كبر حبت العدس الاخضر او اكبر بشي بسيط
وديتها المستشفى وريتها الصيدلي قلتله شنو هذي قال معرفها
طمنيني الله يرضى عليج
 
الله يفرج همك وهمي وينصرنا على كل من ظلمنا وجرحنا
وكااااااااااااااااااان سبب تعاستنا
 
يا أختي دامه ينام ثلاث أيام متواصلة ويسهر ثلاث أيام "يتعاطى مخدرات"حبوب مسهرة كبتاجون


الل يفرج همك لازم تدخلي أهلك بالموضوع ​
 
اولا ابحثي عن حال زوجك واسباب نومه 3 ايام ويصحى مثلهم بصراحه هذي عليها مليون علامة استفهام؟؟؟؟

وكيف ساكته على وضع كهذا ضرب ونوم بالايام---وماهي حاله مع الله وصلاته ؟؟؟ وهل يصلي الصلاة في الايام اللي ينوم فيها؟؟؟

لماذا هذا الضعف والانكسار والاستسلام؟؟؟ لابد لك من انتفاضه لتصلحين امر زوجك واستعيني باهلك واخوانك واهله

لابد من تكاتفهم لاخراجه من هذا الوضع ----9 سنوات وانتي على هذا الحال----بصراحه امر زوجك مو طبيعي

وانتبهي اذا كان يتعاطى الحبوب هي اسباب شكه وضربه ومزاجه المتسلط000
 
الله يفكك منه ولايجيك البلا منه لو عندك اهل سند افتكي منه ولا تفكرين فية
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل