ياترى انا مو زوجه صالحه ؟؟؟؟؟؟

[بنت قبايل]

مرحبا بناااااااات :bye1:

امممممممممم مادري شاقووول بس انا دايمن ارد على مشاكل البناات الموجووده وداايمن اقرى في مواضييعكم تزينو تعطرو ساعدو بو العيال في لبس ملابسه لاتصارخووون علييه ولا ترفعيين حسج عليييه ومن هالكلام وهالموااضييع وامراار اكتب موااضيع بعد انصح فييها البنااات

بس كانه انا في ورطه ؟؟؟؟؟؟؟

باقوولكم على اسلووبي مع ز وجي وكل وحده اتقولنا اسلوبها مع زوجها وبنشوووف

1_ انا عمري ماساعدت زوجي بلبس ملابسه

2_ انا عمري ماقلت لزوجي لاتسوق بسرعه

3_ انا اكثر الاوقااات زوجي يكوي مابسه بحكم اني انا بعد اشتغل

4_ انا اكثر الوقت اتهااوش مع زوجي وصووتي اعلى من صوووته

5_ انا عمري ماطبخت لزووجي ولادخلت المطبخ

6_ امممم في ش مستحيه اقوله بس باقوله انا اكثر الاوقااات زوجي يغسل ملابسه لحااله ويساعد في تنضييف البييت

7_ انا دايمن اعاانده واسوي الي ابييه بمزاااجي والبس واكشخ واطلع على كييفي وارجع البيت متى مااحبييت ولا في يوم انتقدني

اااانا واعترف اني مقصره في حقه لكن عمره ماشتكى ولا عمره قال لي متى نصحووني خوفووني عااتبوووني لاني فعلا احتاااج حد يوجهني

انا انصح البنااات واعرف كل شي بس ماقدر اتغير مع زوجي حااولت بس ماقدرت :tears:

 

[جراده شياكه]

امر غريب يمكن المجتمع والبيئه اللي انتي فيها عااايشين كذا
طيب قارني نفسك باامك او اختك المتزوجه
وصلحي عيوبك

 

[فداك الجرح]

لاتقارنين نفسج بحد..

وغلط اللي تسوينه ويمكن يجيج يوم ماينفع الندم اذا هو ساااكت عنج يمكن بمزاااجه لكن لين فات الفوت ماينفع الصوت..

زوجج اذا انسان زين معاج اخدميه مافيها شي ولاتقصرين معاه لكن اذا خوان وله خرابيط خليه يويلي مايستاهل

ههههه سوري على صراحتي

 

[s&f]

حرررررررررررررررررررام عليك تعملي فيه كذا تصرفاتك تقول انك مو مهتمه فيه ولا تحبيه واذا هو راضي ترى بكيفه ساكت واذا حصل وحده تعطيه فيس او تقله كلمه حلوه اكيد بروحلها ويترك

 

[روزينا]

مادري بس بصراحه احساسي انك تبالغين بكلامك هذا...
الله يعينك.....

 

[×دلوعة زوجها×]

خخخخخخخخخ والله وناسة طيب سوي مرة العكس وشوفي كيف بيحببببك من الاعماق لانك عمرك ما سويت له شي

واذا هو راض يعني لا تبالغين مرة دلعيه و مرة لا هع

بس حبيبتي اهتمي فيه بس مو على حساب نفسك يعني اي شغلة ما تقدرين عليها لاااا تموتين عشان تسوينها له

مثلا انا .. ما اكوي ملابسه بنفسي اوديها عند المغسلة لانها متعبة وانا مدلعة ببيت اهلي

ثانيا .. ما اعرف اقطع دجاجة كاملة عادي ما اقطع

يعني اسوي الي يرضيه بس على قد امكانياتي ولا اذبح روحي عشان يرضا يعني أشياء أساعده بس عاد مو أصير الخادم الي يفني نفسه على حساب غيره

 

[نوسي 2008]

بصراحه أنا زوجي مايعرف يلبس اذا أنا ماساعدته
وأذا أهتميت في لبسه وأكله وشربه كل شيء
لدرجة أنه زي الطفل يحوس من غيري ولمن اغيب
عن البيت يحوووووووووووووس
في كل شيء معتمد علي فيه حتى النوم ماينام
الا اذا أنا عنده ألعب بشعره ألين ينام
غير كذا مااحب أطللع وهو في البيت الا اذا شيء
ضروري أو أكون رايحه لـ أمي وأبوي

بس أنت من جد أسمحيلي مهملته

أنتبهي خيتوووووووو مستحيل يتحمل طول الوقت

الله يسخرك له ويسخره لك

 

[بنت قبايل]

مادري بس بصراحه احساسي انك تبالغين بكلامك هذا...
الله يعينك.....

امحق احساس

وشكرن على ردوودكم وانا بااجرب اغير وباااشوف مشكلت زوجي انه عااش في وسط بنااات وعلمووه خواته انه مثل مااحنا انضف انته اتنضف وتشييل نفسك وعااش فتره برع ايام الدراسه كااان يعتمد على نفسه في كل شي من جي تعلم

انا اقصد بكلامي لازم اتعودوووون ازواااجكم على نفسهم شوي عشااان مايطييحون في جبدكم
وانا باجرب اغير وانشالله خييير

اما بنسبه اني اببااااالغ ماله داعي اني ابالغ لانه مافي شي يستاااهل يخليني اكذب فديتج :bye1:

 

[نوورياناى]

ماتخافين يجي يوم ويقدر الله ويتزوج عليك

وحده تهتم فيه وتدلعه

تتوقعين بيخليها ويرجعلك وبيفضلك عليها

اترك الإجابه لك

 

[قيثاره حب]

تصدقين في بعض الرجال من اسلوبه الشين يجبرك على اهماله لكن الي يوفقها ربي في رجل يقدر الحياه الزوجيه مايكفيها لو تخدمه برموش عيونها
وانت ادرى بزوجك ولكن من باب النصح حاولي بالتدريج لو على الاقل تبطخين له والله يقدرك على تحمل المسئوليه

 

[روان2009]

حبيبتي أنا صبرت على بلاوي كثيييرة منه في حياتي معاه
اقراي هذي الجملة عشرة مرات وحتعرفي سبب صبري الاول؛
استنى ردك.وبعدين حقولك بقية الاسباب.

 

[Dan Dan]

انتي تقررين اذا انتو مرتاحين كذا خلاص خليك كذا
حلو ان الزوج يكون متعاون ويساعد بس عاد انتي لا تكرفينه مرره
دايمن حسسيه بالاهتمام دلعيه شكريه على انه متعاون معك ويساعدك
ولاهم دلعيه بلجنس:shiny:

 

[دمي ولادمع أمي]

يبجي اليوم اللي تندمين فيه على تصرفاتك معاه

 

[امل خالد]

حبيبتي اذا هو ما اشتكى و مرتاح

عاااااااادي خذي راحتك

لاني اعرف لك زوجات يداااااارون زوجاتهم مداااااراااااه ولا بالاحلام

ومع كذا ازواجهم معطينهم اكبر طاااااف

و اقرب مثال زوجة اخوي يمكن مثلك واخس بعد لانها حتى نفسها ما تهتم ما كانها انثى

و اخوي كأنه مو شايف خير طايح عند رجولها


لكن الله كريم و يعطي كل وحده ع قد نيتها

الله يسخرك له و يخليكم لبعض

 

[خوااااطر]

تدرين شكلكم نظام امريكي كل واحد يخدم نفسه
عالعموم موشرط سكوته رضا
قديكون سكوته فقط يعطيك في داخله فرص حتى تتغيرين
انتي شوفي من جوى هل هوراضي ؟؟؟؟؟؟؟؟؟
ولا موراضي
بس

 

[زمان الوصل]

4_ انا اكثر الوقت اتهااوش مع زوجي وصووتي اعلى من صوووته


7_ انا دايمن اعاانده واسوي الي ابييه بمزاااجي والبس واكشخ واطلع على كييفي وارجع البيت متى مااحبييت ولا في يوم انتقدني

اااانا واعترف اني مقصره في حقه لكن عمره ماشتكى ولا عمره قال لي متى نصحووني خوفووني عااتبوووني لاني فعلا احتاااج حد يوجهني

انا انصح البنااات واعرف كل شي بس ماقدر اتغير مع زوجي حااولت بس ماقدرت :tears:

قد يعذرك زوجك لأنه لا يرى حرجاً من أن يقوم بكل حاجياته فقد تعود بحكم حياته السابقة مع أخواته ومن ثم دراسته في الخارج كما ذكرتي في أحد ردودك...

لكن هل يعذرك على صوتك العالي ومعاندتك له وخروجك ودخولك كيفما شئتِ..؟؟!!!!

أنتِ ضربتي برجولته عرض الحائط وحتماً سيربط تصرفاتك هذه بغسيله وكويه

وعندها أقول لك.... جنت على نفسها براقش


​

 

[الجواااان]

ماشاء الله عليه وصابر على تصرفاتك؟؟؟؟؟؟؟؟؟؟؟؟؟؟؟؟؟

 

[روح القلوب]

حلو المساعده بين اثنين بس عاد مب لهالدرجه

حاولي تتغيري شوي افضل لج

 

[homar]

الصراحة اسلوبك معه فيه ميزة واحدة انه لو لاقدر الله اجوز اوحب غيرك ساعتها متحسيش ان تعبك راح على قلة فايدة

 

[أحساس دافئ]

الصبر له حدود بيجي يوم وبينفجر عليك