يابنات ساعدوني ولكم دعووه انا في حيره الله يرزق اللي ترد باللي تتمنئ

[غيمه طهر]

السلام عليكم ورحمه الله وبركااااااااااااااته
ابي اخذ رايكم يابنات بموضووع زواجي مالي الا الله ثم انتوا انا مطلقه عمري 26 سنه وماعندي اطفال تقدم لي واحد ارمل عمره 50 سنه مادري اوافق والا لا عاد انتوا ادرى فرص الزواج قليله جداا لمثل ظروفي وللعلم انه تقدم لي كذا شخص من فترره وكنت متردده وخايفه بس اليوم مرتاحه مادري ليه ساعدوني ووش رايكم وعنده 7 عيال لهم بيتهم وشغالتهم عندهم اخاف انصدم مره ثانيه وربي اللي شفته من طليقي خلاني مااثق باي انسان اللي تررد علي وربي لاادعي لها من قلبي وربي يابنات خايفه من الدنياا وانا يتيمه وربي اكتب لكم ودمعي على خدي

 

[سفينه العشاق]

وعليكم السلام ورحمه
تبين نصيحتي ياخويتي ارفضيه كبييييييير عليك بكثيييييييييير
وانتي توك صغيره

مو معنى انك مطلقه ترضين فيه

لالالالا ربي ان شاءالله يرزقك بوااحداحسن منه وسنه مقارب لسنك

لاتياسييين لانكم مطلقه بالعكس ار فضيه وبكل ثقه

عنده 7 عيااال يعني بتكون مربيه لعيااله حتى لو قال عندهم شغاله ماعليك من هالكلام
وبعدين لو خذتيه ومرت عليكم كم سنه هو بيوصل ستين وانتي توك زهره بالثلاثينيات بتدفنين روحك بتربيه عياله ؟؟؟؟


صلي صلاه الاستخاره 3 مرات وشوفي وش تحسين فيه براحه او لاء


بس وربي ياخيتي ماانصحك تاخذينه والقراار لك بالاخير ^_^

الله يوفقك ان شاءالله

 

[بنت آلسعوديه]

انا رائيي من رائي اختس سفينه العاشق ,
وربي يوفقك ويسخر لك ولي ,

 

[لاراالامل]

الاستخارة وربي يسعدك

 

[نوره _]

أنا أقول إذا صفاته حلوه مثلا خلوق ومتشبب ((معتني بنفسه كنه شاب)) ووسيم والا جميل
طبعا مع العقل والمحافظه على الصلاة

عنده خير يحطلك بيت خاص فيك فيلا مثلا

ويوفر لك اللي تبين ...

أحس انه عادي ووافقي بعد الاستخاره

 

[غيمه طهر]

الله يوووفكم ياللي رديتوا علي ويرزقكم من حيث لاتحتسبون وربي مااااابي بس احس امي فرحت ذا اللي مكدرخاطرري

 

[حياه اجمل]

اولا الاستخارة
ثانيا العمر مو مهم يمكن يقدر يسعدك ويكون لك اب وزوج وكل حاجة بس الاهم انك تسالي عنه وعن اخلاقه وربي يكتب اللي فيه خير لك
اوصيك بصلاة الليل والدعاء والاستغفار

 

[nane~]

اكثري الاستخارة مانبغى نظلمك بقرارنا سبحان الله العمر مو عبره المهم شخصية الانسان ودينه واخلاقه
انتي ادعي ربي ييسر لك الخير
وان شاء الله ربي يعوضك عن طليقك وتلاقي الانسان اللي يسعدك وياقلبي لاتمشي ورى كلام اي احد عارفه ليه؟
لان الناس تفكيرها يختلف عن بعض وايضا الظروف تختلف مو كل الناس عايشين نفس اوضاعك وضروفك علشان كذا اكثري الدعاء والاستغفارو اذا حاسة انه كويس ربي ييسر لك معاه
الله يسعدك ياقلبي انتي وجميع بنات المسلمين يارب
دعواتك ربي يجمعني بزوجي عاجلا غير اجلا
استغفرا لله واتوب اليه

 

[خوووخاا]

ليه ليه ترفضينه مو سبعين سنة بالعكس والله محد يقدر الحياة الزوجية من الاربعين وفوق لكن اذا تحسي نفسك مرتاحة استخيري والله يقدم لك اللي فية الخير

 

[غيمه طهر]

[SIZE="5"ربي يخليكم ولايحرمني منكم ان شاااء الله استخيرر وربي يقدم اللي فيه الخير وربي يابنات ماتتخيلون قد ايه خففتوا عني حمل ثقيل الله ينول كل وحده ردت علي اللي ببالهاا[COLOR="Plum"][/COLOR][/SIZE]

 

[نضوج أنثى]

أول شي اسألوا عنه زين لا تستعجلين خذوا وقتكم في السؤال واستخيري قد ماتقدرين