يابلقيسات طمنوني والله بمووت من الخوف

[حلوى طعمه]

السالفه ومافيهاانا بكريه حامل بالثامن و دخلت على أحد المنتديات ولقيت وحده منزله موضوع تسأل وش شعوركم اثناء الولاده:11: وياااااربي على الكلام الي قالوه :33:يشيب الرااااااس كلهم يقولون مثل سكرات الموت وماأدري ايش والله حرام أنا مأقلمه نفسي ان فيه الم وان شاءالله الله بيسهل الولاده لكن بعد الي قريته والله اني قاعده أبكي يعني معقوله لهالدرجه رعب الله يسامحهم تكفون طمنو قلبي أنا أثق فيكم يابلقيسات لاتتركوني الله يجزاكم الجنه

 

[حلوى طعمه]

ياااااربي مافي أحد يطمني ماشاءالله الله يهنيكم بنومكم

 

[عاشقه قمر]

يابنت الحلال لاتسمعين كلام الناس
شوفي عن نفسي انا توي متزوجه وماجربت الولاده ولا الحمل))الله يرزقني عاجلا غير اجل
لكن حبيت اقولك الوحده اول ماتتزوج الحريم كل وحده والثانيه تروعك كانك داخله فلم رعب مو ليله الدخله واذى فكرتي براسك موب اول وحده او اخر وحده تزوجتي والحمداللله عدت اليله ع خير
والحين بوقت الولاده انواع التخرعات وع كلامك بس انتي فكري فيها الحين هذي الي تكتب كلامها اساليها اذى ولدت قولي لها راح تحملين مره ثانيه راح تقول ايه؟؟ لو ع كلامهم تعور كان ماعدتها...
انتي توكلي ع ربك وكلن جرب ومع ذالك يعودونها
واكيد فيه الالم لكن تروح كل الالم بنظرت جنينك لك
توكلي ع ربك وادعي ربك بان ربك يسهل ولادتك ويرزقك بدكتوره طيبه
والله يهونها عليك ياارب

 

[ثقتي بربي]

الله يسهل ولادتك ويرزقك ذرية صالحة يارب
الالم لابد منه بس يختلف من وحدة لاخرى
انا لما كنت بكرية رحت المستشفى لوحدي حتى امي في منطقة بعيدة عني
اهم شي كوني ريلاكس وادعي ربك وتوكلي عليه وراح تولدي بكل سهولة
في ولادتي الثانية جاني توتر وخوف بالمرة وراحت معي وحدة من اخوات زوجي الله يجزاها خير وتعبت شويه بس يحطولك مخدر وماراح تحسي بشي
توكلي على الله وادعي بالحاح وربي يقومك بالسلامة​

 

[ندى3]

يابنت الحلال كيف يقولو سكرات الموت وهم ماجربوها اسمعي من هنا وطلعي من هنا واتكلي على ربك ترى شوفة ضناك بتنسيك الالم كله وبعد ثلاث سنين بتشتاقين لطفل ثاني هذي سنة الحياه

 

[ام جومانا]

ربي يسهل عليكي الولادةزي الحلم يمروماتشعرين فيةربي يهون عليكي ولو الولادةصعبةماشفتيناحوامل

 

[حلوى طعمه]

عاشقة القمر وثقتي بربي وندى 3 كلامكم مثل البلسم
الله يوفقكم من جدارتحت شوي القولون هاج علي وأحس بغثيان من الخوف وفوق كدا مواصله وعجزت أنام خوفوني بشكل موطبيعي الله يسامحهم و يارب يسعد كل وحده ردت علي ويرزقكم ويحقق كل أمانيكم والله ماقصرتوا وأبي باقي البلقيسات يطمنوني زياده

 

[حلوى طعمه]

ام جومانا تسلمين حبيبتي الله يجزاك الف خير

 

[ميوسه]

عزيزتي

لاتصدقي كلام البنات في بعضهم خوافات ويزيدو ملح وبهارات في كلامهم

يختلف من وحده لوحده

والطب تقدم انا مثلك كنت اخاف بس اطلب ابرة الظهر والحمدلله تخفف الالم بنسبه 70 بالميه


ولاجاني اضرار منها والحمدلله


وفيه ابرة العضل والاوكسجين


موفقه

 

[سـمـاء]

وش لك تبحيثن عن قصص الولاده وشعور العالم
اللناس تحب التهويل
واللناس تختلف بتحمل الآلم بعضهم نغزة الشوكه يقول شفت الموووت المباالغة شيء وارد
الله يسهل علينا يآرب

 

[fmfm123]

هلا حبيبتي الله يسهل لش ولادتيش يا رب العالمين
ما عليش منهم و الله أنا جربت الولادة مرتين و الله انهم يهولون الموضوع وايد
و بعدين الله يعطي الوحدة القوة و السهاله
انتي بس اتوكلي على رب العالمين و هو اللي يحفظش و يسهل كل أمورش
و بس تخلصين و تشوفين النونو و الله انش و لا كأنش تعبتي و لا شي
اسالي مجرب حبيبتي
حبيبتي ما اوصيش ادعي لي بالحمل هالشهر لان دعاء المؤمن للمؤمن مستجاب
و موفقة انشأ الله

 

[مامت جود]

ليش ما تبحثين عن شعورهم اول ما يشوفون مولودهم وراح تنسي هم الولاده

 

[شامخه بحجابي]

حبيبتي اللي قولك شربة عسل يبالغ
واللي يقول سكرة الموت يبالغ
اانتي تذكري انها لحظه وبتعدي
وكل مازاد عليك الالم تذكري انها تقربك من شوفت الضيف اللي تنتظرينه تسع شهووور

 

[حلوى طعمه]

تسلموووووووووووون ياحبيباتي الله يجزاكم الجنه و الله لايحرمكم الأجر يالغاليات ارتحت كثييير الله يسعدكم ويارب يرزق كل محروووووومه ويكتب الحمل لأختيfmfm123 هادا الشهر بالحمل الميسر والدريه الصالحه

 

[جنون بيبي]

حلاوه هلا حبيبتي


لا تقلقي نفسك بكلام الناس صحيح فيه الآلام وتعب بس مو لدرجه سكرات الموت الله يهون عليك حبيبتي

 

[مدام فلمبان]

لنل بكريه مثلك بس مااقدر افيدك لانهم قررولي قيصريه قبل لا احس بالالام
والسبب ان المشيمه مليانه كالسيون وهذا الشي اول مررره اسمع فيه
بس الحممدلله علا كل حال

 

[الخاطرالمكسور]

حبيبتي احمدي ربي انك بكريه ترى البكريه ولادتها سهله تدرين ليش ؟؟

لانها ماتعرف الخطوات يعني كلها تعتبر زي الام الدوره واهم شي يكون جنبك حد تثقين فيه يخفف عنك مثل زوجك اختك اي حد وماانصحك ابدا تاخذي امك معاك للولاده بالعكس فرحيها انك ولدتي

لان الام ياحراام تتعب نفسيا وجسديا لما تشوف بنتها تولد لانها تعرف انها بتمر بكل اللي مرت فيه فلاتتعبينها كفايه تعبهم في ولادتنا الله يجزاهن الفردوس الاعلى من الجنه يارب
وبإذن الله تبشرينا وتكتبين لنا تفاصيل ولادتك وانت تضحكين هنا بعد ماتولدي بالسلامه .. ربي يهون علينا جميعا

 

[احلى التفاصيــل]

كان نفسي اطمنك
بس انا قيصري يعني ماجاتني الالام القويه ابد

 

[r00]

انا بكريه زيك ..وخوافه على مستوى ..تخيلي اول ماسويت تحليل الحمل وعرفت اني حامل وانا قلق وخوف واتخيل بس ذيك اللحظه انها مشارط وسكاكين وخيوط وابر لين جاااااااتني نفسيه
وبصراحه في ناس تهول وتبالغ وتضخم الامور وتسوي من الحبه قبه ..
بس مع الوقت والقراءه من هنا وهنا وتجارب اللي حولي عرفت انك ماتحسين بالاشياء هذي بسبب البنج
اللهم التعصرات والالام اللي قبل ..الله يهونها علي وعليك وعلى كل مقبله على ولاده
والباقي يحطونلك ابرة بنج وكمامه وابرة عضل واللي تبغى زيادة ابرة ظهر الحمدلله ربي راحمنا فيهم ..
واللي الحريم اللي زمان ولدوو واكلو هواء ياحرام مااظن كان فيه بنج

 

[&زهرة الوادي&]

مافيش حلاوة من غير نار هكذا يقول المثل .. ونعمة الذرية والانجاب نعمة كبيرة وغالية وكل مانتعب في حملهم وولادتهم تزيد غلاوتهم .. وآلام الولادة مهما كانت صعبة وقوية فهي ليست قاتلة ويمكن تحملها بدليل ان كلهن يذقن الم الولادة ويكررن التجربة مرات ومرات ...وتذكري دائما ان الولادة بآلامها مهما كانت هي مسالة فطرية وحتى الم الولادة الذي تشكو منه الامهات فهو لحكمة ربانية تجهلها عقولنا البشرية وتعجز عن تفسيرها هذا كله لحكمة قد ندركها وقد لا ندركها بعقولنا وفي جميع الاحوال لابد ان نشكر الله على النعمة ولا نفكر في الجانب السلبي ونتذكر فقط لحظة الولادة ولحظة فرحتك بطفلك والتي تنسيك اي الام مررت بها ( وعلى فكرة ) مسألة نسيان الم الولادة بمجرد نزول الطفل وفرحتك به هذا حقيقي وليس مبالغة من الامهات وربنا يهونها عليك وعلينا وعلى كل الحوامل يارب ولا تنسيني من دعائك ان يفرح قلبي برؤية طفلي سليم معافى من غير سوء من غير زيادة ولا نقصان .. اللهم امين