يااااااارب صبرني واجرني انصحوني تكفون

[كلي انين]

مدري من ابدء من مرض زوجي ولا بعدي عن اهلي ولا تاخري
بالانجاب ولا حبستي بالبيت ولا اهل زوجي وغثاهم لي
آآآآآآآآآآآآآآآآآه وربي همي كبر الجبال
باختصار تزوجت زوجي وكتشف انه فيه مرض نفسي مدري عين

فجاه صابه خوف شديد من انه يسوق الحاله او يعيش بعيد بالحاله لازززززم
اهله معه وقتها يصير طبيعي ومايسوق الا بوجد اهله خاصه امه ولا ابوه

وصار ياخذ ادويه نفسيه وثارت ع الانجاب وصرت لا روح ولا اجي ورضيت بحكم الله

وحتسبت الاجر وقلت يمكن يتشافا وماعلى الله عسير ولا روحه ولاجيه
واشيائي الضروريه لازم ناخذ امه معنا عشان يقدر يروح وفوق كذا تتذمر بكل روحه

وتذلنا لو هي مستشفى واصبر وسكت عشانه لانه طيب ويحبني

وفوق كذا مابي اتطلق لاني متطلق قبل كذا من غيره وصعبه اتطلق مرتين

ومو موظف طبعا وانا الي موظفه واصرف عليه وعلى البيت

وهله يبوني كل يوم عندهم بحكم انهم جنبي واذا غبت يومين امه حرضته علي
باني ابي افرقهم وانا مابيهم ويلا من تزوجت وهذا موالهم وربي تعبت

يكفي صبرت ع ولدهم ونحرمت من كل شي يبون يحرموني من راحتي ببيتي

وحجتهم حريم اخوانه يجون كل يوم وانا ليش ماجي وقوله انا مالي دخل بالناس انا
احب اخذ راحتي ببيتي وفوق كذا ادوام وتعب مالي خلق اروح لناس كل يوم

ومافيه فايده ودي يفكوني من تدخلهم فيني ونفسيتي زفت خواتي والناس حياتهم
طبيعيه ومستقرين ببيوتهم ويطلعون ويجون ماشاء الله وانا سجن وحرمان ولا طفل يونسني

وناس غثاء ياااارب افرجها ياليتني اموت ورتااااااح

انتصحوني ودعولي لعل من فيكم يكون على يدها ارتاااح شوي

 

[آح ـزٍآإن]

لا الي متزوجه راضيه ولا الي بدون رجال راضيه

يختي احمدي ربك بس
غيرك تتمنى تهرب من جحيم اهلها لو تعيش مع ورع

ااااااه بس

 

[روامس]

الله يفرج همك
عليك بالدعاء اختي
الله يشفي زوجك ويسخره لك
ويسخر لك اهله​

 

[أمي مدرستي]

الله يفرج همك وهم كل مسلم

 

[زوجة الشيخ حمد]

حبيبتي دايما إقري على زوجك وهو نايم وصلي بآخر الليل وإدعي ولاتنسين بين الأذان والإقامه وخلي عندك يقين إن ربي بيستجيب لك وبيشفي زوجك وبتستقر حياتك. وإحمدي ربك وإشكريه إن الرجال يحبك وشاريك غيرك عندهم مصايب أكثر. زوجك معذور مريض وربي يشفيه شوفي غيره مافيهم إلا العافيه ومع ذلك حارمينهم من الطلعه وأهم دايم هايتين مع ربعهم وإلابصياعتهم. بعدين أفضل لك تأخر الإنجاب يمكن خيره يتشافى زوجك بعدين تجيبي وتملي البيت بالبنات والأولاد. وأم زوجك ليه ماتفكري تهديها ترى الهدية تلين القلب ولاتنسينها من دعائك إن ربي يسخرها لك ويسخرك لها ويحببكم لبعض. وحاولي تخلي زوجك يعتمد على نفسه ويشتغل. أنا ما أقول عن الفلوس لا عادي ساعديه بس حاولي تخليه يشتغل حتى لو بالبيت عن طريق النت بس لايقعد بطالي كذا أصلا نفسيته بتتعقد أكثر. أتمنى أكون ساعدتك. رددي اللهم لاتكلني إلى نفسي طرفة عين.

 

[جميلة وجذابة]

وهله يبوني كل يوم عندهم بحكم انهم جنبي واذا غبت يومين امه حرضته علي
باني ابي افرقهم وانا مابيهم ويلا من تزوجت وهذا موالهم وربي تعبت

يكفي صبرت ع ولدهم ونحرمت من كل شي يبون يحرموني من راحتي ببيتي


حبيبتي انا بعد مثلك انا ساكنة فوق بيت اهله وامه مطلعة روحي نفس حالاتك وتطلباتها كثيرة بتعب زوجي وبتعبني كمان
وبنلام اذا حابة ارتاح ببيتي تبيني كل يوم عندها فاضية انا

كمان شي كانت في اول الايام تطلع وتنق ليش هاذي محططة هنا وليش هادي هنا وتحرض زوجي علي قمت وقفت بوجههم ما حد له دخل بيا في بيتي ان شاء الله يسكن عندي ماوكلي وكنت باول ايام وحمي ولا حد عاذرني وتعرضت لضرب وغير وغير...خليني ما اكمل احسن

بس ما رح اتنازل واخرب بيتي واحقق امنيتها

اكسبي زوجك واصبري عليه وحطي سورة البقرة باستمرار في بيتك

واذا انتم عند اهله الله يرزقكم وتسكون ببيت لحالكم يا رب




استعيني بالله على طول وقولي اللهم اكفنيها بما شئت واستودعي الله زوجك

واستغفري الله كل الاوقات سمعتي كل الاوقات ربي بيحقق كل امنياتك ان شاء الله وهذا وعد من الله للمستغفرين في كتابه الكريم



كمان ما حبيت منك كلمة يا ريت تموتين وترتاحين اي راحة هذا كفر بالقدر يا اختي استغفري ربك ولا تخلي ايمانك يضعف افتحي قلبك لله تحسين بانشراح وكل ما ضاق صدرك تذكري ان الله جعل العسر بين يسرين فابتسمي فدوام الحال من المحال اختي

 

[ام لاااااانا]

الله يفرج همك عاجلا غير اجل

 

[دمعتي خانتني]

عزيزتي كلي آنين
تأملي قول الله عز وجل:
( أن خلقنا الآنسان في كبد )
أهم شيء زوجك وهذا غصب عنه المرض
لكن أهله طنشيهم ولا كأنك تسمعي شيء
فرج الله كربك وإزاح همك وجعل الحزن يضيع دربك
والله يرزقك بالخلفه عاجلاً غير آجل
الحمد لله دائمك موظفه اخرجي من مالك الصدقه
فالصدقه تدفع البـــــــــــــــلاء بأذن الله
ودمتي بصحة وعافيه​

 

[شموخي هوعزوتي]

الله يفرج همك ياااااااااااااارب

 

[قطفة اولى]

عزيزتي
اسأل الله ان يفرج همك عاجلا غير اجل
وان يشفي زوجك شفاء لا يغادر سقما
وان يقر عينيكما بالذرية الصالحة
بالنسبة للسيارة اقترح عليك باستقدام سائق تذهبين انتي وزوجك معه دون التكلفة على احد

 

[دلوعةزوجي]

لا الي متزوجه راضيه ولا الي بدون رجال راضيه

يختي احمدي ربك بس
غيرك تتمنى تهرب من جحيم اهلها لو تعيش مع ورع

ااااااه بس

لا تتساهلين بمشكلة الاخت والنار ماتحرق الا رجل واطيها الله يفرج همها هذي اقل دعوة ممكن تقدميها لها الله يصلحك ويهديك​

 

[اه يادنيا]

[ أنا مع الأخت دمعتي. خانتني. يارب يفرج همك

 

[كلي انين]

مشكورين خواتي ع ردودكم التي اثلجت صدري وربي احس بوحده قاتله

وهم وحرمان عظيم وفوق كذا محد عندي اشكيله لان اهلي مايدرون عن مرض
زوجي اكرامن لزوجي
بعض الاحيان افكر بالطلاق بعدين اتراجع خوف من كلام الناس وهلي مارتاح عندهم
وعشت بين نارين ..
وعذروني على كلمتي بالموت لان وضعي سيييييئ وانا ماكنت متوقعه
اعيش بالوضع وخاصه بفتره الملكه عيشني زوجي باحلام وحياه وبالنهايه انصدم بوضعه
ودايما اطفش بالحالي ودي اطلع انا وياه زي الناس الطبعيه حتي شهر العسل قضيته بين اربع جدرااااان
وحيده اتحسر ع نفسي
وماقول الا الحمدالله ع كل حااااال يااارب افرجها ياعالم الحال

 

[كلي انين]

الاخت احزااااااان ماقوال الا الله لا يذوووقك الي ذقته

 

[الصداقه]

حبيبتى سوي اللي ترتا حيلو انتى وما عليكي باحد ايش حب سيطره وخلاص حسبي الله عليهم

 

[سيره ضعفي]

الله يفرج همك ويشفي زوجك ويسعدكم ويهنيكم فبعض

 

[حنون وكلي هموم0]

عزيزتي أنا زوجي مريض مو نفسي ولله الحمد اورام يعني سرطان حالته صعبه وخواتها مشيبات في راسي وراسه مو مخليننا نرتاح لانه شخصيته ضعيفه معهن وانتي اصبري ياقلبي وحتسبي اهم شي انه طيب ويحبك بس حاولي تقوين شخصيته يعني اطردي الخوف عنه بدعاء وقراءة سورة البقرةالله يهديهم مدري اهل الزوج وش يبون منا يزوجن عياليهم ويلشونا

 

[كلي انين]

صداقه من جد لازم امشي ع كلامهم خاصه امه تبيني اكل وشرب ولا جاء وقت
النوم تفك اسرنا واذا ماجيت مسكت زوجي عندها لين تنام وبعدين تفكه
وانا طول الوقت بالحالي ..
حنون وكلي هموم يافلبي الله يصبرك ويفرج همك وشفي زوجك يااارب من جد مايتعب
ويبتلي الا الطيب ..

 

[الشتاء الدافئ]

اصبري واحتسبي ولكن لاتدعي عمرك يمر بدون اطفال ..جربي كل الطرق لعلاج زوجك سواء طبيا او بالرقيه الشرعيه لتنجبي اطفالا لان المشكله تكمن هنا في رأيي ..اما امه فمآلها الى زوال ..بما ان زوجك طيب وحنون قفي الى جواره وساعديه على العلاج وان لم ينفع فالطلاق في حالتك مستحب فهو عقيم ومريض وعاطل عن العمل وليست مسئوليتك اصلاح حاله مادامك حاولت بكل امانه ولم ينفع ..من حقك وقتها الزواج برجل قوي لا يعتمد على اهله يكون مسئولا عنك وسندا وتنجبين منه اطفالا ..مشكلتنا نحن النساء نفكر بعاطفتنا ونخشى كلام الناس ونهتم لرأيهم وهم لايملكون من امورنا ولا امورهم شيئا ..لايملكون الا الكلام الذي يكبهم على وجوههم في النار ..اختي ..استخيري كثيرا في امرك واحبي نفسك اكثر وتعلقي بخالقك بالدعاء ووكلي امرك اليه ..اسأل الله ان يشفي زوجك ويرزقك الذريه الصالحه عاجلا غير اجل ..