ياأهل الأمارات ؟؟؟؟؟؟؟؟؟؟؟؟

[سكن]

حبياتي السلام عليكم ، ابي فزعتكم وخاصة اللي يسكنون دبي ابي برنامج لأحلى الأماكن لاني ناويه إن شاء الله بروح لدبي في إجازة العيد لمدة 8أيام وين أحسن المطاعم الآماكن الرومانسية وكيف طريقة الدخول لبرج العرب وين أحسن المولات يعني بصراحه أبي برنامج استمتع يه وامر على أحلا الأماكن في دبي بليييييييييز لاتطولون علي نطتركم على نار:icon28: بااااااااااي

 

[واحات]

هلا وغلا بج حبيبتي في الامارات ...

اذا على المراكز والسناتر ....
أنا اشوف ان مول الامارات وابن بطوطة يستاهلون الزيارة ..لانهم يداد وأكثر الماركات فيهم ... حتى مركاتو صراحة تصميمة يجنن ... وبرجمان محلاته مميزة...

بالنسبة للفنادق ...

برج العرب بامكانج تدخليه بس في اماكن معينه ... الا اذا كنت ساكنه فيه ... فهني تقدرين تدخلين أماكن غير مسموح بدخول الغرباء وهو خاص ل ساكني الفندق ....

في فندق حذال برج العرب اسمه ميناء السلام روووووعة ... وطرازة اسلامي .... وااايد حلو اتمنى ما اتفوتيه ...

في بعد منتجع باب الشمس صراحة عالم من خيال بس غالي اشوي ... اذا عندج قريشات لا اتفوتيه أبد ...


وفي بعد الفندق التابع لمول الامارات ....


طبعا هاي فنادق عالية الجودة والاسعار... وفي الاقل عنها بس جيدة حق اللي ميزانيتهم على قدهم ....


المطاعم أنا افضل اللي في المولات لأنها ما تاخذ وقت ...


واذا حبيت عشى رومانسي ابات في الفندق واطلب لي عشا على الغرفة ....:icon31:



وخل البوفيه حق مرات ياية

 

[ShaRoOosa]

مول الامارات وابن بطوطة <<< روووعه بمعنى الكلمه لما رحت دبي زرتهم يجننووووووووووون أنصحكي بزيارتهم

وسفره سعيده يااارب ..

 

[الفردوس]

حياج في دبي دار الحي

مطاعم رومنسيه في فندق القصر فيه مطاعم متنوعه وفي مطعم سي فود في نص البحر ما اذكر شوه اسمه مكانه روووعه والجو ها الايام حلو وبارد بس لازم تتصلين و تاخذين حجز

وفيه مطعم سي فود في سيفستوي شارع الشيخ زايد اكله روووووعه ولذيذ

مطاعم هنديه قصر الهند _ القيصر وفيه مطعم إيطالي في فندق مروج روتانا اسمه لافونتانا اكله حلو ونظيف

بنسبه للمراكز مول الامارات انا ما استغنى عنه لان فيه جميع المحلات في المول والمطاعم إلي في المول انصحج في مطعم بيتا الايطالي

اتمنى انج تستفيدين من المعلومات و تقضين امتع الاوقات

 

[ام ابرار]

مول الامارات بالنسبه لي افضل مركز .. وبعد يعيبني مركاتو..

مطاعم ..
قصر الهند وعندج قرية البوم السياحيه فيها قارب ايلف فيج البحر لمدة ساعتين اعتقد لكن شي حلو وماراح تنسينها الجوله انصحج بعشا افضل من الغدا اذا تريدين الرومانسيه .. على الفكره الحجز يكون مسبق يعني قبل بيوم ..



وعن برج العرب قبل الدخلو راح يكون السكيورتي موجود ويمكن يمنعكم من الدخول لكن انتوا قولوله نريد نروح المركز التجاري الموجود فيه وراح يدخلونكم والافضل تتصلون عليهم قبل لاتروحون وتاخذون موعد وراح ياخذون منكم رقم السياره ..

ونتوا ان شالله راح تيون بعد العيد وان شالله راح اتكون القريه العالميه مفتوحه فلازم اتزورينها ..


وهذا اللي على بالي الحين وحياج الله حبيبتي ..

 

[التلال الذهبية]

السلام عليكم
وأنا أضيف دبي فيستغال مول رائع تحفه صراحه وعلى الخور

وفيه لامسي بلازا صحيح إنه صغير لكن فيه حضانه للأطفال كبيره وفيه معرض دايسو للمنتجات اليابانيه هذا غيرالماركات موجوده في السوق ومطاعمه كثيره وحلوه

ولازم تمري السوق الصيني يسموه سوق التنين

هذا غير البحر راائع ضروري تشوفيه لايفوتك

رحلة موفقه إن شاء الله

 

[ام ابرار]

صحيح كلام اختي تلال الذهبيه دبي فاستفال ستي من المولات الرائعه فدبي .. وسوق التنين اذا تريدين هدايا مريهم وان شالله راحتلقين كلشي وباسعار وايد حلوه ..

 

[آه ياقلبي]

ماقصروا الاخوااات عطوج كل المعلومات تقريبا
اضيف عليها مول وافي وستي سنتر كذلك فيه مول جديد اسمه اوت لت روعة صراحة كذلك سوق التنين
ولا تنسين الاسواق المحلية القديمة مثل نايف والوصل
نتمنى لج قضاء اوقات جميلة في دار زااايد​