ويش رايكم بحمولتي هذاا شي يستاهل يزعلون علي منه

  • بادئ الموضوع بادئ الموضوع مانقو
  • تاريخ البدء تاريخ البدء
شوفي ياقلبي

على قول اخواتي مالك الا رضى العجوز الي هي بمثابة امك والباقي عطيهم الاحترام

وإذا شافو المعامله الحلوه راح يندمون ..,,

والله يسخرهم لك يالغلا
 
أتمنى من الأخوات الكريمات محاولة الكتابة باللغة العربية الفصحى قدر الإمكان لأن المنتدى يضم بين جنباته أخوات لنا من جميع الجنسيات العربية وقد يصعب عليهن فهم ماتكتبه الأخت بلهجتها العامية .
عموماأ أخت الكريمة التعامل مع أهل الزوج يحتاج لسياسة ودبلوماسية فالمثل يقول رضا الناس غاية لا تدرك وأنا أقول( رضا أهل الزوج غاية لاتدرك ).
 
عادي اهتمي بدراستكـ والشايب والعجوز خليهم ع العين والراس واذا راحو بناتها صلحي لهم حلا


انتي دلعتي فيهم لين تعودو .. كلمي الشايب والعجوز انكـ تدرسين وانتي مثل بنتها ولاتقصرين فيهم عشان ربي بس ​
 
يابنت الحلال خلك العاقله ...وسوي لهم حلا
ترى الموضوع مايستاهل....
إعتبري هالحلا ضريبة القعده مع الحموله
وسعي صدرك​
 
بعض الحمايل تعتقد ان مرت الولد شغاله ؟؟وخاصه لما تصير طيبه ؟؟انتبهي تصيري زي اول خلي عندك كرامه واحترام لنفسك ؟؟مع الشايب والعجوزاحترميهم وسوي اللي بينك وبين الله وبعدين انت مالك اهل ليش ماتروحين لهم وسط الاسبوع ونهايه الاسبوع اذا جو بناته اوعياله؟؟؟؟؟؟؟؟؟؟او تطلعين مطعم او مقهى انت وزوجك ؟؟وبعدين اذا حاجك زوجك قولي له انا مثل خواتك وحريم اخوانك ماينقصني شي ؟؟واذاالعجوز سالتك ليش مانزلتي اوليش رحتي قوليله فيه بناتك يكفن؟وبعدين لما يكون فيه اجتماع عوديهم كل واحد مره يجيب عشاه اومع بعض ؟؟مو تركضين لهم زي البلها ؟؟والشايب والعجوز وزوجك احشميهم 00الحمايل يبيلها شخصيه قويه ومحنكه ومرنه 00والله يوفقك ولاتنسين انه من البدايه عارفه انك بتسكنين معهم؟؟لذلك خلي لك راي واحترام لنفسك وبالتوفيق
 
ما احس ان فيه مشكله لافضيتي سوي حلا واذا انشغلتي طنشي ولا خلى زوجك يشتري جاهز
دللي ام زوجك عشان تكسبينها وبالتالي تكسبين زوجك
 
انا تقريبا مافهمت شي ,,,,,,,,بس أقولها لج كاش,,,,,,,اللي تبينه سويه ........
يعني لج مزاج تسوين سويت لهم سوي........مالج مزاج لا تضغطين على روحج ........يزعلون ما يزعلون شي راجع لهم ........صدقيني ((( ارضاء الناس غاية لا تدرك )))
دوري راحتج وفكري بعمرج ..........وترا الناس بصفة عامة ما يعجبها العجب ,,,,,,,,,
 
انا اقول انتي غلطانه من قبل انتي شاطره وتعرفين تسوين حلى وصباخه بس لزوجك واذا جى عندك ضيوف
او بتروحين عند احد اما انك تعودين اهل زوجك كل مايجون يلاقون حلى هذا غلط اول شي انتي مشغوله واي ظرف بيكون عندك هم مايقدرون لانهم خلاص تعود بس
نصيحه سوي بس مو كل شويه اذا صرتي فاضيه ورايقه وماعندك شغل وفي بيتك مع زوجك تفنني
والله يسهل امرك
 
وشو على شانه

اهم شى انك يصير عندك اتزان فى التعمل مع محيطك اللى انتى فيه اقصد بيت الحموله وسالفة الحلا مافيه وانتى مو فاظيه كل يوم تسوين حلا واهم ماعندك دراستك ورجلك وبالنسبه للشيبان مالهم الا كل احترام والطيبه الزايده مالها داعى وسالفتك هذى تذكرنى بعض الناس:9:
 
اتوقع انك شمريه ولاقصيميه
==================
حمولتك
تفكيرهم جدا سطحي
==================
لاتدخليييييين في مهاترات تستنزف طاقتك وصحتك ودراستك ابدا
خليهم يردحوووووووون بالحتسي
عاااد من زينهم ومن زين اللي زعلوا عليه كله
طبق حلى
وهالطبق كله مواد حااافظه ومسرطنه والوااان صناااعيه ومركباات كيميائيه
يعني اصلن انتي لو تدرين وش مضااارها
حرمتيها على نفسك
ولاسويتي لهم ولا لنفسك
========
يالله نعمة العقل
 
يعني وهم كل يوم لازم حلا مايخافون من السكررر وهم باخر العمر سوي حلا اي كلام عشان يملون لنتي مدلعتهم تتفننين وتبدعين ماالومهم لو يفقدون الحلا
 
الله يفرج همك بس السبب مايسوى الزعل وخليهم عنك طنشي
 
اعتبري ام زوجك مثل امك وطيعيها ولك اجر عند ربي لا تتكدري ولا تحزني وسوي هالشي من باب النشامه والشيمه

اما لو كنتي تعبانه بجد او ماتقدرين قولي لي لها الحقيقه

وهي جت على حلا بسيطه انتي الكسبانه اكسبي قلب ام زوجك وخليك زوجة الابن المفضله وانتي وشطارتك

وماعليك من الباقي عامليهم بود وحب واستمتعي بحياتك عشان نفسك
 
الله يعينك بس نصيحة لا تعودينهم وخليك ع خط واحد مو مرة تسوين ومرة لا عوديهم اذا مشغوله لا تسوين واعتذري منهم باسلوب زين
 
السلام عليكم ورحمه الله فديتك والله انتى ولهجتك الى تنقطعسل

شوفى يا اختى انا عشتى شبابى كله فى خدمه اهل زوجى والحمد لله ولا تحسفت بس ما اثمر فى احد منهم

هم فى قريه بعيده عن مدينتى ويجون وينزلون عندى با الشهر والشهرين وهم كله 10 انفار اقوم على خدمتهم با الطبخ والنفخ فطور وغداء وعشاء ولا لى الحق فى الا عتراض لان زوجى المبجل سى السيد يبغى كذا المهم بعد 25 سنه بديت اصحى مع ان بناتهم واولادهم يدرسون عندى وانا الى اقوم على خدمه الجميع

صحيت بعد ما رايت ما لم يراه احد من التكشير ولا تسالين عن شى ولا تتكلمين فى اى شى يخصنا بعد ما راح شبابى

اقسم با الله انى لم اقصر فى حق اى احد منهم والحين عرفتهم وبديت ابتعد عنهم وصرت بكيفى اسوى الى ابى انا ما هوب الى يبون هم ولدهم شوفى انتبهى لا تهتمين الا من نفسك وبس الناس ما راح ترضى عنك مهمه سويتى

انتبهى لدراستك وصحتك ونفسيتك والله نفسيتى صارت صفر من معا ملتهم ونكرانهم للجميل

اذا اشتهيتى شى انزلى وسوى وكلى وصلحى لزوجك وبس لا تهمك امه ولا احد ما راح يرضون عنك لو ايش

والله من قهرى على الى شفته اطبخ واودى معى للا جتماعات فى العائله وتقول امه انا الى مسويته مع انها ما لمسته

هى ما تقدر ترفع عينها فينى لانها تعرف انها ظا لمتنى هى وبناتها بس شاطرين يشوهون صورتى بس الكل يعرفنى وهذا الى زاد ثقتى فى نفسى والله من قهرى عليك سجلت ورديت

اللهم اجعل اعمالى خالصه لوجهك
 
عادي حبيبتي ولااااااايهمك...:22:
انتي سوي نفسك مو شايفة زعلهم واضحكي:24: وفرفشي وبوسي راس خالتك وخالك وانتي طالعة وانتي داخلة:7:... حتى لو فيه احد من بناتها او حمواتك..:32:
وخليهم يفهمون انك مادريتي انهم رازين خششهم لأن مافيه سبب يخليهم يزعلون..
واذا صارت خالتك لحالها.. اجلسي جنبها واكسبيها وقولي لها كلمتين تفرحها,, وانك تحبينهم ومرتاحة معهم واشكـــــــــــي لها تعبك من الدراسة وانك ماتعودتي تجمعين بينها وبين الزواج..و..و..الخ :34: عشان تنبسط المسيكينة وعشان ماتسمح لأحد يعبي راس زوجك عليك لا سمح الله ..
والله يوفقك يالغالية..:39:
 
اول شي ياا حبي للقصمان ربي يحفظهم ومن كل شر يحميهم ..
اما عن مشكلتس يا حبيبتي انا من رايي انك تبرينهم وترضينهم عشان زوجتس يرضى عليتس وتعيشين بسعاادة وهناا
بس مو شرط كل يوم يعني لا تقطعين فجأة ولا تداومين على هالشي يوميا
خليه على حسب استطاعتس يومين بالأسبوع وزي كذا
منها تصيرين قريبة من قلوبهم ويحبونتس ويقدرونتس
ومنها ترتاحين من كلامهم اللي ماله داعي ونظراتهم
خلتس احسن منهم ياالغالية
وعقبال يااارب ما تصيرين ببيت لحالتس وترتاااحين
بس مدامتس عندهم نصيحة رضيهم وعامليهم بالخير وبالحسنى عشان انتي ترتاحين قبل اي احد
و الزوج اللي زوجته تقدّر أهله صدقيني يموت فيهاا ويحطها بعيونه
ربي يسعدك قولي آمين
 
لا تسوين لهم والله يرفعون الضغط خليهم يعرفون حقك زين يعني مايحترمونك الا من اجل بطونهم

انا اكره الناس اللي كذا انا اروح زياره للناس من اقاربي وولازم اجيب معاي شي ومره ماجبت شي

وصاروا ينغزون بالكلام وبعدها معاد جبت شي ابدا الى ان وصل الحال بهم انهم يسلفون معاي

ويضحكون لان مره عندنا عزيمة رياجيل ولا عزمتهم لان مانبي حريم وزعلوا مره قلت لهم انتم

ماتحسون بقدركم الا ببطونكم بعدها اهجدوا ولاعاد قالوا شي ابدا احسنا يستاهلون بس انتي لا

تقولين كذا لاهل زوجك لانها صعبه بس لاتعودينهم على شي
 
واللة يبنت الحلال ا نا شا يفة الناس الوقت مينفع فيهم لا الحمولة ولاالاهل الا الاعانةاذا سويتى معاهم شى طيب تضعفوك وتوطوك زيادة الوقت يقول نافق تعيش وجمل الناس تنحب وبع الضمير وتشوف كل يجيلك وحدة مقهورة من هالزمان
 
مانقو قال:
ايه حبيبتي يبون السوي حلى كل يوم لحريم اعياله وبناته
أنقر للتوسيع...


وليش ما يسوون حريم عيالها وبناتها حلى مسؤله عنهم انت ؟ ياقلبي اذا فاضيه سوي ومو لازم كل مره لان اهل الزوج اذا تعودا على شي خلاص يمسكون فيك ولو جيتي يوم بدون شي في يدك قالوا شفتي ماجابت ولا حطت انا اخبر بهم الله يعيننا ويعينك عليهم
سوي طناش واذا تكلموا قولي خليهم يجيبون معاهم انا مو فاضيه لو فضيت سويت لكم وبعدين الحلى يجيب السكر خخخخخ
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل