وه وه خلاص حبيتو ....بليز ساعدوني

م

منايا تجيني

New member
إنضم
2009/07/07
المشاركات
8
السلام عليكم
هاي بنات .... كيفكم ..... انا شاركت في المنتدى عشان اكتب مشكلتي ... بس هي مو مشكله كبيره يعني


انا عمري 20 سمه ولمن كنت في الثنوي كان يعجبني ولد خالتي ... مجرد اني احسو ولد كويس

ومحترم :icon30: وكنت اقول دايما يابخت الي ببتزوجو ... طبعا مره ما كان في راسي اني اتزوجه او احبه لانه

اهلي ما يبو يزوجوني من العيله عشان الامراض الوراثيه .... فأصلا ماكان في راسي اني اتزوجه.

بس المشكله انو صار الي ما كان في الحسبان .... انو ضافني وسرت اكلمو دايما ....طبعا مو بالدس

ومو من ورا اهلي يعني يدروا.... بس وحبيتو ....:blushing: ايش اعمل ؟؟؟ اهلي ما يبو من العيله !!!

وهوا دايما يلمحلي وكذا .... و هوا ولد كويس ومحترم .... انصحوني ايش اعمل ؟؟؟؟؟ ابطل ما اكلمو واقطع

الامل واحاول اوصلو الفكره ؟؟؟ ولا افضل على نفس الحال ؟؟؟؟ والمشكله كمان انو خطبني من العيله


كذا شخص بس امي وابوي رفضوووووو عشان من العيله .... انصحوني بليز ايش اعمل :dunno:
 
حبيبتي سيبي واقطعي اتصالاتك به ولو انتي من جد تبغيه ماعليكي الى الاستغفار واقري سوره البقره والله يسهلك يااارب ويسهلي موضوعي انا كمان ...........
 
لاحول ولا قوة الابالله
انتي عندك امنيه وبحاجه لربك وتعصينه !!!
اقطعي علاقتك فيه واذا يبيكي بيسوي المستحيل عشانك ياحبيبتى الخوف في هالزمن من الاقارب استعيني بالله واقنعي اهلك فيه
مع اني اشوف ان اللي يكلمك يكلم غيرك
وانتي حره!!!!!!!!!!!!!!!!!
 
والله مره مشكوره يا بنات ..... بس انا مابكلمو على اساس انو حبيي او شي زي كدا ... لا والله بس سلام .... وعادي مو بالدس ودايما احكي ماما عنو ..... بس هوا احياااااااااانا يلمح ..:in_love:

ساعدوووووووووووني :no:
 
على شو يلمح الولد؟؟؟؟؟؟؟؟ على زواج ولا على كلام حب!!!!

انا اقول ان لا الولد صارحك ولا اهلك بيوافقوا ليش انتي واقفه في النص

ابتعدي شوي علشان الأمور تتوضح اكثر .. يعني الولد بتتوضحله الصورة اذا ابتعدتي هل يبيج ولا لا!

وانتي بتتوضحلك الصورة يبيج ولا لأ

ساعتها يحلها ألف حلال

 
ياريت الامهات الي عندهم بنات في سني يردو..... اكيد حيفيدوني .....انا وحده من بناتكم :cupidarrow:
 
اختي اعلاميه طموحه .... على الاتنين ..... وانا والله بعدت و سرت ما اكلمو .... بس مدري متضايقه عشان كذا طرحت مشكلتي ....
 
نصيحه لاتكلميه واقطعي علاقتك فيه واذا يبيك يجي يخطبك من اهلك
وبعدين هو من الرجال الاجانب وحرام انك تكلميه حتى لو كان نيته الزواج يبيك يطلبك من ابوك ويبطل هالاسلوب وفي نظري كلمك بيكلم مليووووون بنت غيرك وبيقول لهم نفس الكلام
ارجو انك ماتزعلي من كلامي بس هذا هو الصح
تقبلي مروري
 
انصحك إنك ماتستمري بعلاقتك فيه حتى لو كانت علاقه عاديه لانها مثل ماقلتي ببدايه انك تشوفينه شخص من العيله
وماتحميلنه اي مشاعر بس لما صرتي تتكلمي معه حتى لو بعلم اهلك حركت فيك مشاعر الانثى وصرتي تتمنيه زوج لك
ومن هالكلام ...المهم إنك تبعدي عنه وخلاص لو فعلآ يبيك بيعرف كيف يوصلك يعني مايحتاج كل هذا القلق والحيره بتتعبين نفسك وتشغلينها على شي لسه ماتحدد اصلآ
 
بناااااااااااات انا مني عارفه ايش اعمل ......ابا ابلغكم بالجديد...... الجديد انو مااااااااااااااافي شي جديد

بس يمكن خففت ... وامي قالتلي لا تكلمي كثير فقللت.... بس انا من جوا متعلقه بي... يمكن هوا مايدري

وستحيل اقلو ..... والمشكله كمان اني حاسه اني مارح اتزوجه لانه قريبي ..... يعني قولولي لو هوا قريبي

ومن جد في مرض وراثي في العيله ... هل حقدر اتزوجه .....افيدوني الله لا يحط وحده فيكم في واقف زي هاذي
 
اذا مثل ماتقولين في مرض وراثي بالعائله ابعدي عنه

وخذي بنصيحه اهلك تعرفي ليه

لان الان انتي تفكري بقلبك وبيه انك تحبيه وبس

بس اهلك بيفكروا بالاولاد اللي راح تجيبوهم يعني تخيلي لو تجيبي طفل لاقدر الله فيه اعاقه مثلاا

كيف راح يكون شعورك واحساسك

والدتك ام وتعرف كيف احساس الام وكيف تحب اولادها يكون بتمام الخلقه

فانتي اعملي بنصيحه اهلك هم ادرى بمصلحتك

واستخيري كرري الاستخاره وداومي ع الاستغفار

فان كان من نصيبك ربي بيقدمه وزيل العوائق وان كان فيه شر ربي بيبعده عنك​
 
دوسي على عواطفك الهائجه واتركيييييييييييه
انتي في سن تبين تتعلقين باي حبيب دون النظر للعواقب
واكيد راح تتضايقين لو تركتيه وتتعبين بعد بس هذا الشعور من الشيطان عشان يرجعك للذنب
وحتى لو كان من اقاربك فهذي من وسائل الشيطان اللي يبي يطيح الانسان في الخطا باي وسيله
دوسي على قلبك والجئي للهانه يعينك ويكتب لك الخير وادعي الله بكل صدق كل يوم في الثلث الاخير من الليل
انه يريك الحق حقا ويرزقك اتباعه ويريك الباطل باطلا ويرزقك اجتنابه
اعرف واحده اصرت هي واهلها على الزواج من ابن خالتها رغم الامراض الوراثيه والنتيجه الزوج دايم مريض وهي ماجابت عيال وخلي الحب ينفعهم اللهم لا شماته بس يا اختي العاقل من وعظ بغيره ولا يكون هو عظه لغيره ومضرب مثل
 
الله يختار اللي فيه خير

عن مشكلة الأمراض الوراثية في فحص قبل الزواج ويبين كل شي

يعني الوالد والوالدة مش دكاترة واللي الله يريده بيصير

واذا هو عن جد يبغيك ..بيصر لين ما أهلك يوافقوا

بالتوفيق الغالية
 
ان شاء الله ..... انا عندي سؤال .... لو هوا في مرض وراثي في العيله في امل انو تكون التحاليل

سليمه؟؟؟ يعني انا ما ابا اعلق نفسي في اوهام:dunno: .....وابا اعرف عشان اشيل الفكره من

راسي وخلاص........ او اخليها :nosweat:

من جد انا ما ادري لو ما كان في منتداكم مدري ايش كنت سويت في عمري

وتحياتي لكم:icon26:
 
غاليتي ..
انتى انسانه عاقله وواعيه لكل العواقب..
لو كان من نصيبك ربي راح يجمع شملكم .. صدقيني حبيبتي اقلك عن تجربه استنزاف العواطف مميته .. اكبر مدرسة هي الحياه لو تبغي الحلال وكلي امرك لرب العالمين وان كان نصيبك بيجيك وامك وابوك راح يوافقو وإذا كان علشان الامراض الوراثيه فياحبيبتي الا مقدر مكتوب وكثير بيتزوجو مو أقارب بس بيجي مرض وراثي في الاطفال سواء من الاب او من الأم الا كاتب بيسير ..
الباب الا يجيك منه الريح سدي واستريحي ..
اهتم بدراستك والله يوفقك يارب ويكتبلك الخير والأصلح
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل