وماذا عن زوج لا يبادلك الكلام

[راجيه الرضا]

فيه نوعية من الأزواج هداهم الله
إذا زوجته ارسلت له رسالة حب
أو مدحته بالكلام
يكون رده - بجد او بهزار - يسد النفس
رد معناه انه متوقع ده لانه جدير بالحب و المدح والتقدير وهو عارف كده كويس

الزوجة بتصاب بحيرة
هل تستمر في المدح و الرسايل ولا تتوقف
وفي الغالب بتتوقف

المسكينة كانت منتظرة انه يبادلها تقدير بتقدير وحب بحب
ايه اللي يخليها تستمر في شيء عارفة نتيجته المحبطة مقدما؟؟

هي اصلا بكلامها له
عوزة تسمع كلام عنها يسعدها
مش بردو كلام عنه هو

احنا كبشر مش هنستمر في طريق محبط
و كنساء مش هنستمر في التقدير و اظهار الحب طالما آخره احباط

بقترح ان المبتلاة بزوج زي ده
تكلمه صراحة
وتقول له
وانا بردو اتحب و من مزايايا كذا و كذا
ولو ما بادلتنيش التقدير و الحب
خايفة امل من كلام و رسايل عارفة اجابتها مسبقا
و الحب يجف والتقدير يقل
من تواضع لله رفعه
وجبر الخواطر اجره عظيم عند الله

استجاب لله الحمد والمنة فالقلوب بيد الله
لم يستجب لا تحزن
وتشغل نفسها بما ينفعها قرآن وسنة وصلاة و تربية عيالها على اللي مفتقداه في زوجها لعل زوجات اولادها يدعوا لها
تتأمل باقي مزاياه
تلتمس له العذر يمكن مابيعرفش يعبر عن نفسه بالكلام
الدنيا ما بتقفش على الكلام ولا على اي شيء
تكبر دماغها
وتروح تشوف اللي وراها و تربي عيالها



#دشيمامشرف


منقول بتصرف