وليدي تعب وعااااااف العيشه وصارالحليب عدوه

[حيوبي]

بسم الله الرحمن الرحيم
اللهم اشفي مندو وحببه بحلييييييييييبه:13:

السلام عليكم


خواتي البلقيسيات كيف حالكم ان شاء دايم بخير

والمشكله وليدي عمره سنتين ونص تعب قبل اسبوع صارفيه حراره الاتهاب باللوز
وتورم فمه وشفته وطلع فيه حب بصا بع رجوله وبالفخوذ
وديته دكتوره اطفال وسجلت له مضاد وفيفادول
وزادت عنده الحاله ومهو راضي ياكل ابد وديته دكتور ثاني واعطاه مضاد ثاني وعالجته
وبعدد يومين خف الحمدالله بس الحب اللي فيه تغير لونه صار يميل لسواد
والمشكله انه رافض الحليب نهائي والعصير بالننه رافضه
وحاولت اعطيه الحليب بالكاس ورفض اذا قربته من فمه يحاول يستفرغ غصب عنه
اول كان يحب الحليب بالبزاوه لكن الحين مايبيه ولا يطيقه لابزازه ولاغيره ياليت اللي مر طفله بنفس الحاله
تفيدني وش سوت وهل طولت حالته
وليدي صارله 8 ايام ونزل اثنين كيلو وطلعت عضاااااااااااااااامه
يارب تشفيه ​

اللهم اشفي مندو وافتح شهيته بحلييييييييييبه :13:وبالاكل
دعواكم له
والله تعبت نفسيتي منه:21:​

​

 

[ملكة بدون عرش]

الله يشفيه ماعندي فكره بس ماحبيت ادخل وما ارد ولو بدعوه

بس ماتعرفين اش السبب توضوله

 

[مييسو]

مع الحرارة طبيعي تطلع حبوب ان شاء الله مافيه الا العافيه بس يبي له وقت وانتظام على المضاد اهم علاج لحالته حاليا هو المضاد
لاتزعلين من كلامي المفروض انه مايشرب في الرضاعة خلاص عمره سنتين ونص اذا خليتيه يتركها بياكل احسن والحليب عطية في كاسة الأطفال

 

[ام مصعب]

خليه ياكل مثل الكبار افطميه من الحلبييب كبيير ماشاء الله ومايشوف شر وخليك معالمضاد

 

[حيوبي]

الله يجزاكم الجنه ماقصرتو
لكن كيف افطمه من الحليب هواللي يفيده طبعا مع الاكل
اشوف اخوانه سنتين وفطمتهم صاروالحين كبار ولا يحبون الاكل وزنهم الي عمره 6سنين 15 والي 8 سنين 18
بالله هذا وزن طبيعي بعمارهم حتى الدكاتره مستغربين منهم

 

[gggg]

نصيحه مني
لالالالا تفطمينه أهم شي الحليب
من حنا اصغار وهم يقولون الحليب و البيض أهم شي
وهو مفيد جدا جدا للعظام بعد الله
وكل الي أعرفهم ماشاء الله تبارك الله
مستمرين الا ما قل
اما انه ما يبغى الحليب ..! عشان انت عطيتيه حليب وهو عليه حراره
لازم اذا ارتفعت الحراره تبعدين الحليب و تعطينه رز مسلوق و خضار لحد ما تنزل
اذا تبينه يرجع للحليب ابعديه عنه الفتره هذي لحد مايطيب او بعد اسبوع
و ان شاء الله يرجع:12:
و طمنينا عليه:11:
الله يخليه لك​

 

[أعشقه بجنون]

أختي أنا صار مع بنتي كذاّ بعد عيد الأضحى
والله تعبت ماتاكل نهائي وهي عمرها سنه
يمر يومين أن أختفت بالمره ونومتها بالمستشفى فايروس شديد بالفم سبب كذا
مع حراره وعطوه محلول باّلوريد وعلااج ازرق بالفم
ويومين بعد وقامت تاكل وبعد اسبوعيين رضعت الله يشفيه لك
ومرهم دكتارين صح نسيته

 

[ام مــنــاف]

الله يشفيه يااااااااارب
ومايشوف شر

 

[حيوبي]

المشاركه من اختي/gggg
نصيحه مني
لالالالا تفطمينه أهم شي الحليب
من حنا اصغار وهم يقولون الحليب و البيض أهم شي
وهو مفيد جدا جدا للعظام بعد الله
وكل الي أعرفهم ماشاء الله تبارك الله
مستمرين الا ما قل
اما انه ما يبغى الحليب ..! عشان انت عطيتيه حليب وهو عليه حراره
لازم اذا ارتفعت الحراره تبعدين الحليب و تعطينه رز مسلوق و خضار لحد ما تنزل
اذا تبينه يرجع للحليب ابعديه عنه الفتره هذي لحد مايطيب او بعد اسبوع
و ان شاء الله يرجع:12:
و طمنينا عليه:11:
الله يخليه لك




رببي يجزاك الف خيييييييييييييير والله اني انبسطت على نصييييييييييييحتك
لاني طفشت من اللي حولي دايم يقولون افطميه
خلاص
وانا ادري ان اهم شي الحليب
لانه ضروري للكبار فكيف نمنع الصغار عنه

​

فوائد الحليب :

الحليب يساعد على تقوية و نموالشعر .

الحليب يساعد على تقوية الاسنان و يجعلها متينة .

الحليب يعطيه القوة و النشاط .

الحليب يساعد على تقوية العطام في جسمه.

​

 

[حيوبي]

اختي/ أعشقه بجنون

مشكوره الله يفظلك بنت ويعافيها
ابشرك وليدي بدا يشرب الحليب الحدالله والشكر ​

 

[ورود2007]

الحمد لله على سلامته والله يسلمه لكي اليوم ودوم حبيبتي اعطي ولدك بيكربونات الصوديو وطريقتها انك تحطي اقل من ربع معلعقه في كاس مويه وخليه يشربه واي احد من اطفالك او زوجك او انتي اذا استخدمتيه في بدايت اي مرض بيروح باأذن الله ومافيه اي ضرر منه وانا مجربته مع زوجي وعيالي ونفسي وشوفي ايش يصير واذا خايفه ابحثي عنه في النت والف سلامه على ولدك

 

[حلا شرقي]

اختي العزيزه الله يشفي وليدك وانا رأييي لاتضغطين عليه سواء بالأكل أو بالحليب خليه على راحته وهو شوي شوي بتلاقينه صار ياكل أنا ولدي صار معاه نفس الشي بس أكبر من ولدك بسنتين تمرض صابه اسهال*الله يعزكم *وطلع حب بكل جسمه وصار ماياكل نهائي وقاللي الدكتور وكان استشاري أطفال ان هذا يسمونه (وهن) لأنه مريض وعطاني أدويه وفاتح للشهيه عشان يتحسن وبفضل من الله عز وجل تحسن ابني بس بعد فتره اصبري ولاتحاتين مافيه الا العافيه وبالنسبه للحليب اذا ماتقبله تقدرين تسويله أي نوع أكل أو حلو يدخل بمكوناته الحليب لأن ابنك ماشالله كبير انا أسوي كذا مع عيالي لأنهم مايحبون الحليب الساده

 

[همة تهفو للقمة]

نصيحة لاتفطمينه توه مرررة ماعليك من كلام الناس لأنك لو فطمتيه ماراح يشرب الحليب بس من الحين حاولي تجيبين له الحليب الصغير ابو ريال وتنوعين النكهات عشان اذا فطمتيه يصير يتقبله ~ بالنسبه لرفضه للحليب لاتقلقين مرررة عادي عقب المرض اصبري عليه اسبوع وبيرجع ان شاء الله

 

[الوفيه لكن]

لما تعطيه الادويه اذكري الله وسمي عليه وقولي ادعية الشفاء وقدامه العافيه ان شاء الله

وعوضيه بالبيض واللبنه والجبنه سويله بيتزا بالصامولي العادي بس كثري جبنه

وشوربه خفيفه بعد ماطفي عليها جيبي حبة بيض مخفوقه وصبيه ببطء شديد على الشوربه وهيه حاره وحركي بشويش عشان تستوي
تصير زي الخيوط البيضا كانها دجاج وهي بيض والله تصير لذيذه وتساعده كثير حبيبي سلامته ما يشوف شر

 

[خوااااطر]

حبيبتي صاحبة الموضوع ​

انصحك وباقي الاخوات اولا بالحلتيت لاتقطعون عيالكم منها خمري حلتيته كبر حبة القهوه وخليها في قاروره ​

مع مويه وخليها فالثلاجه اول مايقومون من النوم على الريق فنجال او اقل من الفنجال يشرب في الاسبوع ثلاث مرات او مرتين ​

وممكن على طول تعطينهم ملعقة عسل بعدها او تحطين في يدهم شوي تانج برتقال وتقولين الشطور ​

الي يشرب حلتيت وبعدين ياكل التانج الي في يده >>>>>>>متاءثره من العجز ​

والنقطه الثانيه الحلبه ممتازه مررره صح ريحتها مو حلوه بس فايدتها عظيمه ممكن تجيبين ملعقتين كبار ​

حلبه يمني وتحطينهم في قارورة جبن بوك الكبير طبعا مغسوله القاروره ونظيفه وتصبين عليهم ماء مغلي وتسكرين القاروره وتخلينها في المطبخ ليله كامله ​

في الصباح صفي الحلبه وخذي ماءها وحطيه في قاروره وخليها في الثلاجه واذا جاء بعد المغرب وهم جالسين عند التلفزيون جيبيها وسخنيها وحليها بسكر وحطي عليها حليب وجيبيها في اكواب ​

في ناس قالو عيالهم ماشربوها الا بعد ماحلوها لهم بشكولاته نسكويك عاد انتي براحتك اذا تبين ولا لا ​

والحلبه مفيده مررره وتزيد الوزن واذا على الريحه دايم روشي عيالك ورشي عليهم بودره ودهن عود خلف اذنيهم وان شاءلله ماتبان فيهم

والله يشفي عيالكم وعيالي وجميع مرضى المسلمين والله ينفع بهالوصفه ان شاءلله​