ولـــدي صغيـــــر وعـــنيد ** تم الرد **

[الحنــــونة]

حبــيت اطرح موظوعي وبغيت المساعدة من الاستشاريات ..

أنا ام يديده وماعندي خبره وايد في التعامل مع الاطفال وعندي بس ولد واحد عمره سنه ونص الحين وبديت الاحظ عليه الحركه الزايده والنشاط ماشالله عليه مايحب يقعد لمده نص ساعه متواصله ... يحب اللعب في الحديقه والاماكن الخارجيه ويحب الركض والالعاب الحركيه:clap: .. انا اعرف ان هالشي طبيعي لانه ولد وعامل الوراثه له دور وابوه كان له نفس الماضي يوم كان صغير ... بس المشكله الحين انه مرات احس انه عنييد وايد ويحب يسوي اي شي ضد الي اقوله :no: ... احاول اني اطنش وايد لانه بعده صغيير ويمكن مايستوعب الكلام بس احاول بطريقه بسيطه او بحركات معينه ابين له اني زعلانه او متظايجه :sadwalk: .. الي بغيت اسأله كييف اقدر اتعامل مع الطفل العنييد في هالعمر بالذاات ؟؟ وهل هالعمر مناسب للعقاب؟؟ وماهي الاساليب الي ممكن تساعدني في فهم طفلي في هذا العمر؟؟ أرجوو كل من عنده خبره واساليب مفيده يفيدني فيها لاني صدق محتاجه اتعلم قبل مايكون عندي اكثر عن طفل .. والسموووحه اذا طولت عليكم :bye1:

 

[أ.نجوى ناجي]

أختي الطفل جدا صغير , ولم يصل لمرحلة العناد بعد , كثير يلتبس الأمر علينا ونعتقد أن أطفالنا عنيدون وهم أصلا لم يصلوا لهذه المرحلة بعد , فالعناد يتطلب أن يكون الطفل ملم بكثير من المفاهيم وعلى درايه بكثير من الأمور فيبدأ الطفل في العناد بعد سن الثالثة , أما في الشهر الثامن عشر لا يعتبر عناد ولكنها مشاغبات صغيرة من طفلكِ لكِ ولعب برئ من طفلكِ وإستكشافات , فخذي الأمور ببساطة وسلاسة وإلعبي مع طفلكِ ولا تبالي بالأمر , إستمتعي بأجمل وأروع مراحل النمو عند طفلكِ وتعلمي الألعاب المناسبة لسنه وساعديه في النمو الإرتقاء لقدراته العقلية والعضلية والنفسية .. ادرسي مرحلة الطفولة واقتني كتب وافهمي طفلكِ واستمتعي ..
​

 

[الحنــــونة]

مشكوووره أستاذتي عالنصييحه وان شالله بحاول اني اتعلم اكثر واستمتع مع ولدي مثل ماقلتي