[] ولــدي كرهني ف حياتي []

[مداد القلم]

??????????????????????????????????????

 

[$أم عبدالله$]

والله يا اختي انا اتفق في بعض النقاط مع الأخوات اللي قبلي..

ما اتوقع انه شقاوة ولدك شي مرضي بالعكس جدا" طبيعي لكن كدا الأطفال يحبون يلعبون ولا يعرفون يفرقون بين الصح والغلط بس انتي حاولي انك انتي وابوه تتقربون منه اكثر وتنزلون لمستواه يعني لا تعاملونه زي ماتعاملون الكبار..

و مثل ماتفضلت الأخت بنت الشيبه انزليله و حطي عينك بعينه يعني لا تكلمينه و انتي واقفه..

و برأيي انك لو تحاولين توجهين تصرفاته و شقاوته لشي مفيد يعني مثلا" لو لقيتيه يلعب بالبيت و يكركب البيت معاه و يكسر روحيله وقوليله حبيبي ليش ماتجي وترتب معايا اي حاجه طايحه رجعها ف مكانها و نفس الشي في اي حاجه حتى في المطبخ بس لا تعطينه اشياء حاده او تقربينه من النار مثلا" بعد ما قطعتي السلطه قبل لا تخلطينها و تتبلينها ناديه و خليه هو يسويها تحت إشرافك بس حسسيه انه هو اللي أنجز وسواها و كافئوه عليها..

و بالنسبه للأكل حاولي تشوفين الأكل اللي يحبه و سويله بس طبعا" تكون مفيده و صحيه و ابتعدي عن الحلويات والشوكولاتات قد ما تقدري لأنها بتزيده نشاط وطاقه فوق اللي عنده..

و في النهايه هم اطفال فلنتواضع معهم ننزل لمستواهم..

آسفه طولت عليكي وأتمنى اني اكون أفدتك و لو بجزء بسيط...
تــــحــــيــــــااااااتـــــي لك...

يارب يهديه ويخليه لي ويصبرني ..

وبحاول اجرب كلامك واشوف ..

يعطيك العافية غلاتي ..

كل الشكر لذوقك

 

[$أم عبدالله$]

انا انصحك تدخلينه حضانة يتعلم النظام وترتاحين منه شوي الصباح

فيه كتاب اسمه الاطفال سهل حبهم صعب تهذيبهم يقولون انه كتاب جداا مفيد موجود في جرير اقريه يمكن تستفيدين منه


استخدمي اسلوب العقاب والثواب ,,, حطي قوانين اذا تجاوزها لازم تعاقبينه عشان يعرف انك اذا قلتي شي لازم يسمع كلامك


الله يهديه

اي افكر على السنه الجايه على خير ادخله الروضه ..

يمكن يتعدل حاله شوي ..

شاكرة روعة مرورك ..

كل الود

 

[$أم عبدالله$]

سلام عليكم

ليش هالخوف وليش تقولي كرهج بحياتج؟؟

الولد طبيعي بهالسن يكون مشاغب.,
بس في فرق لان في فرط نشاط وهذا يحتاج علاج وفي شغب العادي المعروف عن كل طفل تقريبا,,
بعدين بما انه طفلج فاهم وكيف ماتقولي فما في داعي للخوف
يعني اكيد هو من النوع اللي يمل من الاشياء بسرعة,,يعني مانصحج ابدا انج تغيري له كل شي عسب يقعد لا حاولي معاه مثلا ييبي قصه وقريها له او خليه هو يتصفحها وان مابغى يكمل حمسي بأي شي المهم يكملها يعني لازم يتعلم الصبر غير هذا عسب مايتعود انه كل اللي يباه يصير له’’.
حبيبتي مشكله في كل بيت تقريبا وقدري الظروف قبل كل شي يعني هل هو اول طفل لكم ؟؟اذا اكيد ماخذ راحته ويدلع وانت وماقصرتو بالبداية
شوفي شو يجذب ولدج اكثر شي ان كان يحب الطبخ خلي يدخل معاج يسوي اشياء بسيطة العجن اكثر شي يحبوه الاطفال او التزيين حتى ان ماكانت حلوة ,,او جربي دخليه حضانة وانا متأكده انه او ل تجربه له بعيد عن الام صعبة له مهما كان ولعلمج الطفل المشاغب نفس ولدج طفل ذكي وموهوب بس صعب التعامل معاه شوي وتعرف شو يحب يعني بيتعج بدراسة بس ذكي علميا بالغالب..لاتحاتي بس حاول تعرفي شو يحب
غيري الروتين ماله يعني لاتخليه يرقد بعد العصر مثلا ان كان يرقد لان وقت مكروه ويسبب الجنون فما بالج بطفل؟؟ونوعية الاكل تأثرترى ابتعدي عن السويت بالذات الشبيس والبسكوت واخصه تيفاني,,
ماعليه اتفسلف زيادة ^^بس عندي خبره الحمدلله لاني مشرفة بحضانة وتمر علينا هالحالات وبعضها للاسف تحتاج تدخل طبيب نفسي لان عنده فرط حركة بس طفلج ماتوقع ابدا ^^لانه اللي عنده هالفرط بالغالب والعياذة بالله مايكون محبوب لين هناك ((اسأل مجرب ههه))بس ماقصد شي او الاساءة وانما حركته مزعجه بدرجة فضيعة ووجود في اي محيط خطر على نفسه وعلى الطفل
ولدج حبوب رقيه الصباح يوميا وقبل النوم وسمي عليه اعطيه قصص خليه يختار شويبا واستخدمي الشده في وقت بس بالغالب اعطيه كلمات حلوة يعني انت بطل وتساعدني كل يوم وانا احبك وع فكرة الطفل في هالسن يحتاج على الاقل 70 حضن (( ياريتني طفله ههه))احضنيه وبوسيه وتفاهمي مع ريلج ع هالنقطة يعني لازم تعاون انتو الاثنين
اما الاكل فما دام صحته بخير لاتحاتي وزنه بس حاولي تغيري له وعطي فواكه وع فكرة ابتعدي عن العصاير ابتعددددددددددددددددي اذا بتعطيه يكون فريش انتي تسويه وبس ,,,وشو بعد هي ان في حليب ومبستر قللي منه وايد المبستر خطر ترى على الاطفال,,

واعذريني على الاطاله والله يحفظج انت وولدج وريلج اللهم امين

ياعيوني كلامك واااايد يريح ويدخ القلب بعفوية ..

بجرب كل اللي طرحتوه عليه وبشووف ..

يعطيك ألف عافية ..

ودي

 

[$أم عبدالله$]

شسوي بديت اكرهه بسبب قلب حياتي وبعد زوجي عننا وياكثر مادعيت له ..حراام علييك كرهتييه عاد وشاقووول انا ثنين نفس الحااله الله يصبرني شوي بنفجررررر

ياعااالم افهموني اقصد وصلني للهوس ..

ماقصد كرهته وماااابيه ..

بس صارت عقبات كثيرة تعترضني

الله يهدي ولدك وولدي واولاد المسلمين جميعا

 

[$أم عبدالله$]

يا حبينتي حاااااااااااااااااااااسه فيك نفس ولدي تمام ونفس العمر

اواع النكد داخل وخارج البت ونفس مواصفات ولدك حلو وحبوب وذكي

ما خليت شيء ما سويته وكل الي قالوا البنات

وبعدين لقيت الحل

0000
0000


0000



الحل

القرايه
والله القرايه صرت ارقيه قبل ينام واي وقت يصير بحضني

واذا دخل علي افرح فيه وابين له اني احبه واضمه ومشتاقه له

والحمدلله تغير 180 درجه قولوا ما شاء الله وكل مره احسه بدا يرجع الرجع اقرا عليه

وانت ارقيه وانت متاكده انه ينفعه موتجربين ابدا ما تستفدين

فعلا كثير نصحوني بالرقية راح أشوووف ..

يارب اهديه وهدي جميع اطفال المسلمين

شاكرة مرورك

 

[$أم عبدالله$]

بسسسسسسسسسسسسسسررررررررررررررررعه روحي مكتبة جرير او العبيكان
واشتري كل كتب سوبر ناني المربيه الخارقه اللي تجي في ام بي سي فور
وطبقي كل اللي مكتوووب اختي مجربتها مع ولدها
روووووووووووووووووعه
بس صبر وطولة بااال
ويمكن معاه فرط فالحركه
وتراه مرض اسالي فقوقل

الله يعطيك العافية على ردك

بشتريه واشووف ..

الف شكر

 

[$أم عبدالله$]

1/((((شسوي بديت اكرهه بسبب قلب حياتي وبعد زوجي عننا..))))
أنا حابة أعلق على هذى المقطع ......هذا ولدك ومن بطنك كيف تقولي هذا الكلام يا المرأه القاصية .....وحتى مع كل الحب ما تستهلى أنو ينقال لك أم.........ألف ومليون وحدة حرمت من كلمة ماما وهي تستاهل أحسن منك.....يا أخت.....وأماتقولي بعد زوجي عني ....ستين ألف دهية خلية الدرب الى ما تودي ولا تجيب ولدك أهم يشيلك لكبرتي مو زوجك الى ذحين يدلعكي ولا كبرتي يرميكي ويتزوج غير ومحد يهتم فيكي إلا ولدك ....على فكرة...2((وياكثر مادعيت له ))ماني فاهمة دعيتى لة.....دعيتي علية..
أكيد يا أخت إنو ولدك مريض نفسي هو إني ويمكن أبو كمان .......
آسفة لو تعديت حدودي بس إنتي أستفزتيني بكلام لا العقل ولا القلب ممكن يستوعب...........مداد القلم................

اختي /

بداية انا ماجبرتك لا انتي ولا غيرك تردين ؟؟

الا في حدود احترام شعوري وتفهم فكري ومشكلتي ..

اطفالنا أمانه نسأل عنها يوم العرض على الله ..

وسواء كنت استاهل اكون ام او لا ذا شي يخصني اختي عفوااا

اسلوبك خرج عن حدود اللباقة ف الحديث ..

وبرجاء اللي تبي ترد على موضوعي تفهم شنو اقصد ولا بلاها من هالرد ..

واعتذر عن الرد على ردك ..

نحن هنا في مملكة للاستشارات والفضفضه وطرح المشاكل ..

ماجيت كتبت عشان احد يعطيني دروس ..

ووللعلم " عامل الناس كما تحب أن يعاملوك "

 

[القلب المفتوح]

الله يخلي لك ولدك ويرزقك برهطبعا بعد القرآن والصبر الحل الوحيد والمجرب هو الروضه والأفضل تدخليه مع مستوى أكبر منه لا تزعلين من صراحتي لأني أخاف يضر الأطفال اللي بنفس سنه بشقاوته وممكن تخلين أبوه يسجله بمركز طول السنة حتى في الصيف صدقيني راح ينبسط كثييييييييييييير وكمان أبوه يتحمل المسؤولية شوي معاك عشان لو حملتي ما تكوني شايلة همه

 

[$أم عبدالله$]

الله يخلي لك ولدك ويرزقك برهطبعا بعد القرآن والصبر الحل الوحيد والمجرب هو الروضه والأفضل تدخليه مع مستوى أكبر منه لا تزعلين من صراحتي لأني أخاف يضر الأطفال اللي بنفس سنه بشقاوته وممكن تخلين أبوه يسجله بمركز طول السنة حتى في الصيف صدقيني راح ينبسط كثييييييييييييير وكمان أبوه يتحمل المسؤولية شوي معاك عشان لو حملتي ما تكوني شايلة همه

فعلا هو آخر حل وأنسب حل بعد هداية الله عز وجل الروضه ..

شاكرة لك لباقة ردك ..

كل الود

 

[مداد القلم]

اختي /

بداية انا ماجبرتك لا انتي ولا غيرك تردين ؟؟

الا في حدود احترام شعوري وتفهم فكري ومشكلتي ..

اطفالنا أمانه نسأل عنها يوم العرض على الله ..

وسواء كنت استاهل اكون ام او لا ذا شي يخصني اختي عفوااا

اسلوبك خرج عن حدود اللباقة ف الحديث ..

وبرجاء اللي تبي ترد على موضوعي تفهم شنو اقصد ولا بلاها من هالرد ..

واعتذر عن الرد على ردك ..

نحن هنا في مملكة للاستشارات والفضفضه وطرح المشاكل ..

ماجيت كتبت عشان احد يعطيني دروس ..

ووللعلم " عامل الناس كما تحب أن يعاملوك "

(بداية انا ماجبرتك لا انتي ولا غيرك تردين ؟؟) ولما تكتبي أرجوكم تساااااااااااااعدوني ...هذا أية؟
يعني تبغيني ارد عليكي برد هذا ولدك والله ما أدري شو فية شكلو وهو ببطنك محلم إنو إذا نولد يخليك تكرهي حياتي والله يصبرك على ولدك إنت طرحتي موضوعك وأنا رديت باسلوب لم يخرج عن حدود اللباقة ف الحديث ....
..(ماجيت كتبت عشان احد يعطيني دروس )لا عفوا ماهي دروس نصائح فقط.....وعجبتني كلمتك وأتمنى إنك تضعينها أمام أعينك....................
( اطفالنا أمانه نسأل عنها يوم العرض على الله ),,,,,,وأخيرا ....أختلاف الرآى لا يفسد للود قضية ...

 

[راقية جدا]

عزيزتي ام عبد الله لا تحزني ولا تجزعي الله يصلح ولدك ويهديه ولا يفجعك فيه . تشكيه ولا تبكيه .

وحدة نصحتني قالت (شغلي اذاعة القران الكريم طول اليوم بالبيت ولمن ينام خلي القران شغال بنفس الغرفة ) وان شاء الله راح تشوفين الفرق بصحته وحركته واخلاقه . وطمنينا عنكم

 

[%احساس مرهف%]

الله يحفظه لك يارب ويهديه ويصلح باله يارررررررررررررررب ومالك إلا الدعوه الصالحة له وأقرئيه وأقرئي نفسك وبيتك من كثر مانعاني مالنا إلاالذكر :7:

 

[أم رنو &]

امنعي عنّه المشروبات الغازيّة والحلويّات والشّيبس
لأنّها تسبّب فرط الحركة عند الأطفال والعصيرات المُعلّبة كمان
وخلّيه على العصيرات الطّازجة ..وأكثري من الإستغفار بنيّة إن الله
يهدّيه ويصلحه واقري كل يوم عليه لأن القراية تهدّيه بإذن الله
وأكثري من الدّعاء له وإن شاء الله ربي يصلحه .
​