[] ولــدي كرهني ف حياتي []

[$أم عبدالله$]

السلام عليكم ورحمة الله وبركاته..

يابنات عندي ولد عمره 4 سنوات .. ولله الحمد جممميل جدا ومحبوب ودمه خفيف

لكن قلب حياتي انا وابوه فوق تحت !!

حرررركته غيررر طبيعية بالمره .. وعنيييييد .. ويده طويله ..ويحرجني لارحت للناس

يعني يمكن اللي مصبرني انه بقووه حبوب وفصيح ماشاء الله ..

بس قلق يابنات طول وقتي قلق وعلى اعصابي ..

مارتحت ابد ومن يدخل ابوه البيت مسوي حال فينا ..

صار ابوه يكره يجي البيت بسبب الولد

حاولت اشغله حاولت وحاولت وحاولت مااااافيه فايده .

فيه شقاااااااوه عجيبه .. شي ماتتخيلوه ..

تخيلوا مره دخل معاي المطبخ طبعا ماعندي شغاله ..

من كثر مايسوي لي قلق اضطر احطه ع الدولاب عشان لايتحرك ويشغلني

المهم شغلت النار واقوله لاتتحرك وهو ماشاء الله سريع الفهم ولفيت وجهي

وحطيت بالكافتيره حق الشاي المويه الحاره للشاهي .. وتو بلف وجهي حطها ع النار

والا ولدي حط الولاعه بالنار وهو ماسكها بيده وانفجرت فيه

واحرقت فخذه شي بسيط ومن الفجعه فكيت المويه على الارض وهو قفز من فوق الدولاب

وشفط في المويه تخيلوااا لو انكسر ولدي ولا المويه احرقتني زي النااااار ؟؟

يابنات من وقتها مسكني صداع قسم بالله اسبووووغ ؟؟

واذاا رحت لاحد يحررررجني اكره اروح لاحد ولا مع احد بسببه !!

وابوه يعصب منه ويزيد ينفر مني

جيته بالطيب وبالضرب وبالحرمان كل الاساليب جربتها ..

ابد ولاااااااااااشي نفع معاه مررره غريب ..

شسوي بديت اكرهه بسبب قلب حياتي وبعد زوجي عننا وياكثر مادعيت له ..

وتصدقت وحاولت وحاولت كل الاستشارات اللي هن جربتها ..

حتى الاكل نهااااااااااااائي ماياكل مدرري كيف عايش

تخيلوا عمره 4 سنوات ووزنه 10 كيلو ولااااااااااشي يعني

تكفووون ساعدوني ..

 

[نوسو]

السلام عليكم
والله ياأختي ولدك مثل ولدي ولكن الشقاوة عند ولدي اخف
شوفي حاولي تحببينه بتوم وجيري او اي شي هو يحبه
جيبيله سيديات وشغليله عليها
اول فترة قعدي وياه وصيري ناظري بالبابايات وضحكي على مواقفهم شدي فضوله
وبالنسبة للاكل بس شفتيه قاعد وملتهي يطالع التلفزيون حطيله اكله قدامه ولا تجبريه ياكل هو بينسى نفسه وياكل
وحتى اذا مااكل تركيه ولدي اكبر من ولدك باشهر وكان نفس العلة بس توه الحمدلله تحسن اكله
الله يوفقك
طمنيني وش يصير وياج

 

[$أم عبدالله$]

نوسو /

الله يجبر خاطرك بالرد وييسر أمورك ..

ويفتحها بوجهك يارب ..

بس ماتركت سيديهات وجميع الافلام كرتون بس مافيه امل ..

الله يجبر خاطري ويعوض صبري خير

 

[نوسو]

لا لاتيأسين حاولي مرة ومرتين جيبي طفل من عمره وخليه يقعد عالباباي وانت قعديه وكلميه شوف مااحلى فلان يقعد ويطالع على شان يغار

 

[$أم عبدالله$]

الله يكتب اجرك على الرد ..

وانشاء برجع احاول ..

شاكرة اهتمامك

 

[مبتغى الجنه]

الاطفاااااال يبلهم صبر وطولت بااال
واحتسبي الاجر
وانشااا يعوضك اذا كبر ويبر فيك
تقبلي مرروري

 

[بحر الورد]

حبيبتي جيبيله العاب تفكير وذكاء مثل العاب تركيبه ولعبة الاونو ولازم تخصصين لك وقت مثلا ساعه العبي معاه وركبي اشكال وعلميه على لعبةالاونو والعبو انتي واياه واعطيه الوان وكراسه وخليه يرسم لان عنده طاقه ولازم يفرغها استغليها باهالاشياء وانتم تلعبون حاولي تعطينه اكله بس انتبهي لا تعطينه شبس اوشكولاته اوحلاوه لانه هذه هي يلي تزيد من طاقته الاكل النافع مارح يزيد من حركاته رح يحب هذا الشيء بعدين ورح ياكل من نفسه ادعيلي

 

[omzayed100]

السلام عليكم
والله ياأختي ولدك مثل ولدي ولكن الشقاوة عند ولدي اخف
شوفي حاولي تحببينه بتوم وجيري او اي شي هو يحبه
جيبيله سيديات وشغليله عليها
اول فترة قعدي وياه وصيري ناظري بالبابايات وضحكي على مواقفهم شدي فضوله
وبالنسبة للاكل بس شفتيه قاعد وملتهي يطالع التلفزيون حطيله اكله قدامه ولا تجبريه ياكل هو بينسى نفسه وياكل
وحتى اذا مااكل تركيه ولدي اكبر من ولدك باشهر وكان نفس العلة بس توه الحمدلله تحسن اكله
الله يوفقك
طمنيني وش يصير وياج

ربي يهديه
بس بصراحه ما انصحج بتوم وجيري انا ولدي شقي واحس انه يحاول يقلد توم وجيري في قلت الادب
ادعي له ويوم بيكبر شوي بيعقل

 

[بنت الشيبة]

ولدي يالغالية مثل ولدك
أولا : يمكن يكون اللي فيه شي مرضي ... يعني محتاج لدوا يهدي الحركة الزايدة لأنها فعلا مقلقة وممكن تإذيه وخصوصا مثل طفلك مغامر جدا وكلمة خوف ملغية من قاموس حياته
ثانيا : مثل هالأطفال لا يبيلهم توم وجيري ولا هالرسوم اللي ممكن تزيد حركتهم بدال ما تقللها ... وكانت هذي معاناتي مع ولدي وحبيبي
لين قطعت عنه هالرسوم
ثالثا : و انت تكلمينه عشان يفهمك ... ركزي عشان يفهمك .... لازم وجهك بوجهه وعينك بعينه وعلى نفس المستوى تكونين ... لأنهم ما يركزون من الحركة الزايدة
رابعا : هذا الطفل محتاج لحنااااااااان زايد دايما وانت رايحة وانت جاية حضنيه واهمسي باذنه وقوليله انت حبيبي و انا احبك لانك تسمع كلامي وما تقولي لا ومن هالقبيل عشان يتخزن بالعقل اللا واعي
وأخيرا ::: أنسب عقاب له الوقت المستقطع هو أنسب عقاب و الحرمان ... لا للضرب لا للصراخ فهو يزيد الحركة بدون ما نعلم ...
وللعلم ... أمام الناس لا تخلين حد يهينه ... من يخطأ احزمي معاه ... مع توجيه الكلام للموجودين أنك أنت اللي راح تصرفين معاه لأن هالشي يؤذيه...

ولدي فدييييييييييت راسه ما تتوقعين الان شكثر الآن اجتماعي ومحبوب وازيدك ذكي بشكل كبير في الدراسة لأن هالفئة ذكية جدا ... بس طاقة زايدة في اجسامهم

وسامحيني عالاطالة

 

[charmer girl]

والله يا اختي انا اتفق في بعض النقاط مع الأخوات اللي قبلي..

ما اتوقع انه شقاوة ولدك شي مرضي بالعكس جدا" طبيعي لكن كدا الأطفال يحبون يلعبون ولا يعرفون يفرقون بين الصح والغلط بس انتي حاولي انك انتي وابوه تتقربون منه اكثر وتنزلون لمستواه يعني لا تعاملونه زي ماتعاملون الكبار..

و مثل ماتفضلت الأخت بنت الشيبه انزليله و حطي عينك بعينه يعني لا تكلمينه و انتي واقفه..

و برأيي انك لو تحاولين توجهين تصرفاته و شقاوته لشي مفيد يعني مثلا" لو لقيتيه يلعب بالبيت و يكركب البيت معاه و يكسر روحيله وقوليله حبيبي ليش ماتجي وترتب معايا اي حاجه طايحه رجعها ف مكانها و نفس الشي في اي حاجه حتى في المطبخ بس لا تعطينه اشياء حاده او تقربينه من النار مثلا" بعد ما قطعتي السلطه قبل لا تخلطينها و تتبلينها ناديه و خليه هو يسويها تحت إشرافك بس حسسيه انه هو اللي أنجز وسواها و كافئوه عليها..

و بالنسبه للأكل حاولي تشوفين الأكل اللي يحبه و سويله بس طبعا" تكون مفيده و صحيه و ابتعدي عن الحلويات والشوكولاتات قد ما تقدري لأنها بتزيده نشاط وطاقه فوق اللي عنده..

و في النهايه هم اطفال فلنتواضع معهم ننزل لمستواهم..

آسفه طولت عليكي وأتمنى اني اكون أفدتك و لو بجزء بسيط...
تــــحــــيــــــااااااتـــــي لك...

 

[RedRose]

انا انصحك تدخلينه حضانة يتعلم النظام وترتاحين منه شوي الصباح

فيه كتاب اسمه الاطفال سهل حبهم صعب تهذيبهم يقولون انه كتاب جداا مفيد موجود في جرير اقريه يمكن تستفيدين منه


استخدمي اسلوب العقاب والثواب ,,, حطي قوانين اذا تجاوزها لازم تعاقبينه عشان يعرف انك اذا قلتي شي لازم يسمع كلامك


الله يهديه

 

[الروح المتمرده]

سلام عليكم

ليش هالخوف وليش تقولي كرهج بحياتج؟؟

الولد طبيعي بهالسن يكون مشاغب.,
بس في فرق لان في فرط نشاط وهذا يحتاج علاج وفي شغب العادي المعروف عن كل طفل تقريبا,,
بعدين بما انه طفلج فاهم وكيف ماتقولي فما في داعي للخوف
يعني اكيد هو من النوع اللي يمل من الاشياء بسرعة,,يعني مانصحج ابدا انج تغيري له كل شي عسب يقعد لا حاولي معاه مثلا ييبي قصه وقريها له او خليه هو يتصفحها وان مابغى يكمل حمسي بأي شي المهم يكملها يعني لازم يتعلم الصبر غير هذا عسب مايتعود انه كل اللي يباه يصير له’’.
حبيبتي مشكله في كل بيت تقريبا وقدري الظروف قبل كل شي يعني هل هو اول طفل لكم ؟؟اذا اكيد ماخذ راحته ويدلع وانت وماقصرتو بالبداية
شوفي شو يجذب ولدج اكثر شي ان كان يحب الطبخ خلي يدخل معاج يسوي اشياء بسيطة العجن اكثر شي يحبوه الاطفال او التزيين حتى ان ماكانت حلوة ,,او جربي دخليه حضانة وانا متأكده انه او ل تجربه له بعيد عن الام صعبة له مهما كان ولعلمج الطفل المشاغب نفس ولدج طفل ذكي وموهوب بس صعب التعامل معاه شوي وتعرف شو يحب يعني بيتعج بدراسة بس ذكي علميا بالغالب..لاتحاتي بس حاول تعرفي شو يحب
غيري الروتين ماله يعني لاتخليه يرقد بعد العصر مثلا ان كان يرقد لان وقت مكروه ويسبب الجنون فما بالج بطفل؟؟ونوعية الاكل تأثرترى ابتعدي عن السويت بالذات الشبيس والبسكوت واخصه تيفاني,,
ماعليه اتفسلف زيادة ^^بس عندي خبره الحمدلله لاني مشرفة بحضانة وتمر علينا هالحالات وبعضها للاسف تحتاج تدخل طبيب نفسي لان عنده فرط حركة بس طفلج ماتوقع ابدا ^^لانه اللي عنده هالفرط بالغالب والعياذة بالله مايكون محبوب لين هناك ((اسأل مجرب ههه))بس ماقصد شي او الاساءة وانما حركته مزعجه بدرجة فضيعة ووجود في اي محيط خطر على نفسه وعلى الطفل
ولدج حبوب رقيه الصباح يوميا وقبل النوم وسمي عليه اعطيه قصص خليه يختار شويبا واستخدمي الشده في وقت بس بالغالب اعطيه كلمات حلوة يعني انت بطل وتساعدني كل يوم وانا احبك وع فكرة الطفل في هالسن يحتاج على الاقل 70 حضن (( ياريتني طفله ههه))احضنيه وبوسيه وتفاهمي مع ريلج ع هالنقطة يعني لازم تعاون انتو الاثنين
اما الاكل فما دام صحته بخير لاتحاتي وزنه بس حاولي تغيري له وعطي فواكه وع فكرة ابتعدي عن العصاير ابتعددددددددددددددددي اذا بتعطيه يكون فريش انتي تسويه وبس ,,,وشو بعد هي ان في حليب ومبستر قللي منه وايد المبستر خطر ترى على الاطفال,,

واعذريني على الاطاله والله يحفظج انت وولدج وريلج اللهم امين

 

[وديان1]

شسوي بديت اكرهه بسبب قلب حياتي وبعد زوجي عننا وياكثر مادعيت له ..حراام علييك كرهتييه عاد وشاقووول انا ثنين نفس الحااله الله يصبرني شوي بنفجررررر

 

[اسمو باخلاقي]

يا حبينتي حاااااااااااااااااااااسه فيك نفس ولدي تمام ونفس العمر

اواع النكد داخل وخارج البت ونفس مواصفات ولدك حلو وحبوب وذكي

ما خليت شيء ما سويته وكل الي قالوا البنات

وبعدين لقيت الحل

0000
0000


0000



الحل

القرايه
والله القرايه صرت ارقيه قبل ينام واي وقت يصير بحضني

واذا دخل علي افرح فيه وابين له اني احبه واضمه ومشتاقه له

والحمدلله تغير 180 درجه قولوا ما شاء الله وكل مره احسه بدا يرجع الرجع اقرا عليه

وانت ارقيه وانت متاكده انه ينفعه موتجربين ابدا ما تستفدين

 

[$أم عبدالله$]

الاطفاااااال يبلهم صبر وطولت بااال
واحتسبي الاجر
وانشااا يعوضك اذا كبر ويبر فيك
تقبلي مرروري

آآه كم صبرنا ..؟؟

بس الله كريم ويستجيب دعواتك ..

الله يعطيك العافية على الرد ..

 

[$أم عبدالله$]

حبيبتي جيبيله العاب تفكير وذكاء مثل العاب تركيبه ولعبة الاونو ولازم تخصصين لك وقت مثلا ساعه العبي معاه وركبي اشكال وعلميه على لعبةالاونو والعبو انتي واياه واعطيه الوان وكراسه وخليه يرسم لان عنده طاقه ولازم يفرغها استغليها باهالاشياء وانتم تلعبون حاولي تعطينه اكله بس انتبهي لا تعطينه شبس اوشكولاته اوحلاوه لانه هذه هي يلي تزيد من طاقته الاكل النافع مارح يزيد من حركاته رح يحب هذا الشيء بعدين ورح ياكل من نفسه ادعيلي

ماتركت شي الا وسويته له وجبته له ..

بس برد احاول ..

الله ييسر امورك ..

ويعطيك العافية

 

[$أم عبدالله$]

ربي يهديه
بس بصراحه ما انصحج بتوم وجيري انا ولدي شقي واحس انه يحاول يقلد توم وجيري في قلت الادب
ادعي له ويوم بيكبر شوي بيعقل

يارب يهديه وييسر امور الجميع ..

شاكرة مرورك

 

[شماليه متطرفه]

بسسسسسسسسسسسسسسررررررررررررررررعه روحي مكتبة جرير او العبيكان
واشتري كل كتب سوبر ناني المربيه الخارقه اللي تجي في ام بي سي فور
وطبقي كل اللي مكتوووب اختي مجربتها مع ولدها
روووووووووووووووووعه
بس صبر وطولة بااال
ويمكن معاه فرط فالحركه
وتراه مرض اسالي فقوقل

 

[$أم عبدالله$]

ولدي يالغالية مثل ولدك
أولا : يمكن يكون اللي فيه شي مرضي ... يعني محتاج لدوا يهدي الحركة الزايدة لأنها فعلا مقلقة وممكن تإذيه وخصوصا مثل طفلك مغامر جدا وكلمة خوف ملغية من قاموس حياته
ثانيا : مثل هالأطفال لا يبيلهم توم وجيري ولا هالرسوم اللي ممكن تزيد حركتهم بدال ما تقللها ... وكانت هذي معاناتي مع ولدي وحبيبي
لين قطعت عنه هالرسوم
ثالثا : و انت تكلمينه عشان يفهمك ... ركزي عشان يفهمك .... لازم وجهك بوجهه وعينك بعينه وعلى نفس المستوى تكونين ... لأنهم ما يركزون من الحركة الزايدة
رابعا : هذا الطفل محتاج لحنااااااااان زايد دايما وانت رايحة وانت جاية حضنيه واهمسي باذنه وقوليله انت حبيبي و انا احبك لانك تسمع كلامي وما تقولي لا ومن هالقبيل عشان يتخزن بالعقل اللا واعي
وأخيرا ::: أنسب عقاب له الوقت المستقطع هو أنسب عقاب و الحرمان ... لا للضرب لا للصراخ فهو يزيد الحركة بدون ما نعلم ...
وللعلم ... أمام الناس لا تخلين حد يهينه ... من يخطأ احزمي معاه ... مع توجيه الكلام للموجودين أنك أنت اللي راح تصرفين معاه لأن هالشي يؤذيه...

ولدي فدييييييييييت راسه ما تتوقعين الان شكثر الآن اجتماعي ومحبوب وازيدك ذكي بشكل كبير في الدراسة لأن هالفئة ذكية جدا ... بس طاقة زايدة في اجسامهم

وسامحيني عالاطالة

فعلا كلمة خوف ماهي في قاموسه ابد ..
وافلام الكرتون اصلا ماتلفت نظره ولاتهمه .. واحس مايتحنن بي ابد ..
بس راح احاول انشاء الله ..
يعطيك العافية ..
وألف شكر

 

[مداد القلم]

1/((((شسوي بديت اكرهه بسبب قلب حياتي وبعد زوجي عننا..))))
أنا حابة أعلق على هذى المقطع ......هذا ولدك ومن بطنك كيف تقولي هذا الكلام يا المرأه القاصية .....وحتى مع كل الحب ما تستهلى أنو ينقال لك أم.........ألف ومليون وحدة حرمت من كلمة ماما وهي تستاهل أحسن منك.....يا أخت.....وأماتقولي بعد زوجي عني ....ستين ألف دهية خلية الدرب الى ما تودي ولا تجيب ولدك أهم يشيلك لكبرتي مو زوجك الى ذحين يدلعكي ولا كبرتي يرميكي ويتزوج غير ومحد يهتم فيكي إلا ولدك ....على فكرة...2((وياكثر مادعيت له ))ماني فاهمة دعيتى لة.....دعيتي علية..
أكيد يا أخت إنو ولدك مريض نفسي هو إني ويمكن أبو كمان .......
آسفة لو تعديت حدودي بس إنتي أستفزتيني بكلام لا العقل ولا القلب ممكن يستوعب...........مداد القلم................