ولدي 4 سنوات يسويها على ملابسه ومايروح للحمام

[دلوعه ممنوعه]

السلام عليكم حياكم الله جميعا بتحية الاسلام ,,

حبيباتي مشكلتي اختصرتها بالعنوان ولدي عمره 4 سنوات انتكس صارمايروح لحمام مع انه من عمر 3 ست و يعتمد على نفسه اعتماد كلي بس مدري و فيه تغير

لاحظت تغييره من بعد مارجعوا اخوانه من والده ما ادري وش اللي حاصل ,,

وكيف اتصرف ..؟

بالبدايه هوشته حسبته مره ومايكرها بس يوم كررها كذا مره رحمته واثرت اني اصبر واكون حنونه عليه اكثر والله اخاف عليه مسكين عكس اخوانه حساس مررررره وذكي يفهم شعوري تجاهه ,,

فما حبيت اكرهه فيني وفي نفسه وبالحمام وازيد الموضوع تعقيد ,,

بس احاول افهمه ان هالشي ماينع يكرره لاني بدخله بالروضه وانه لازم اول مايحس انه يبغى دورة المياه يروح على طول وما يأجل ,,

بس بالنهايه قال لي انا ياماما ما ابغى اروح للحمام قصده عشان ماينقطع عن لعبه ويقول لبسيني الحفاظ مره ثانيه..

محتاره ساعدوني بخبرتكم ..

والله يوفق اللي بترد علي بالدنيا والاخره ان الله سبحانه وتعالى على كل شئ شهيدوبكل شئ عليم ..

 

[كل الفصول]

ياربي الله يعين نفس مشكلت ولدي بالظبط كان ما شاء الله عليه ما يسويها على نفسه والحين ما ادري وش فيه صدق ترا اللعب يلهيه عن نفسه بس اذا توقعت انه يبغا الحمام امسكه واوديه بس المشكله بالليل
الله يعافي ولدي وولدك من ها الحاله

 

[دلوعهـ]

حباايبي

قبل فتره قرريت عن هالموضوع

ومن الكلام اللي قريته ان هذا الشئ طبيعي جدااا

لان يحاول يكون مستقل بشخصيته بهالعمر

وحتى طلبه انك ترجعين تلبسينه الحفااظ طبيعي ايضاا

حاولي معه بهدووء وكـــافئيه مكافأه بسيطه لو سواهاا بالحمام

بكل هدوء وحنان ولا تعصبي عليه مرره

وبتلالاحظين مع الاياااام انه بيصير من نفسه يرووح للحمام

ربي يحفظ لكم اولادكم يااارب^,^

 

[دلوعه ممنوعه]

الله يوفقك يارب ويعطيك العافيه والله جوابك رد فيني الروح

 

[مس مي]

انا بنتي نفس المشكله بس انا فكرت بطريقه جديده ونفعت معاها الي هيا خليتها تسويها على نفسها وما اغيرلها واقولها خليه يحرقك هنا علشنك تسويها على نفسك بعدها صارت تسويها على نفسها وتغير لنفسها ولمن شافت فيها تعب صارت تروح لحالها الحمام وتخلص وتخرج لانو بنتي عنيده وما تحب احد يقولها سوي ولا تسوي تحب تسوي بنفسها حتى في يوم مارضيت تلبس الحفاظه وقت النوم وما شاء الله والله ما سوتها وانا طبعا فرحت حاولي تجربي هالطريقه يمكن تفيد

 

[حبيبات اللؤلؤ]

أختي الحبيبة أسأل المولى أن يفرج مابك من هم وحبيت أنقل لك تجربتي وأسأل المولى أن تناسبك أنا كنت أسمع عن أعطاء الطفل قبل ما ينام ملعقة عسل عشان ما يسويها على نفسه يعني بالعربي تسير مثل المنبه له وجربتها في ولدي لانه في الليل أكرمك الله والسامعين يسويها على نفسه رغم أن أنا أصحيه وأدخله الحمامالمهم سار بفضل الله أولا ثم العسل يصحيني للحمام بنفسه لانه يصحى وفضلت فترة بسيطة وبعدها سرت أنسى فسار برضوه يصحيني للحمام والحمدلله وعمره 3سنين وتمانية شهور إن شاء الله أن أكون أفدتك سائلة المولى أن ييسر أمرك حبيبتي.. :blush-anim-cl::icon26:
.

 

[دلوعه ممنوعه]

ماشاء الله بارك الله

 

[سهام اليل]

حبيبتى شي طبيعي جداا
ومع البرد يزيد شوى

انا بنتى في التمهيدى وتسويهاا

وبسلوب حلو كلمتهاا تزعل منك المعلمه
واحاااول اسحبهاا من العب وانا العب معهاا
واوديهاا للحمام
والحمدالله فترره وعدت

لاتتضايقين او تهاوشين كلهم فتره وتعدي

ولد اختى تكرمين يسوى البراز بس شوووى في ملابس
يقول مدري انى سويت؟؟

وكشفت عليه وتعبت معهاا بشكل غير طبيعى
الين راحت لدكتووور فاهم

قال لهاا طبيعى جداا
بس كثفي الحنان له والاهتمام وحاولى وانتى تغيرين ملابس
تكون ملامح وجهك راضيه عشان ماياكل في نفسه
لان
الطريقه هذي لجذب الانتباااااااااااااااااااه فقط؟؟

مهما عطينا عيالنا حنان مقصرين معهم

وفعلا طبقت كلامه ومااااااااااااشاءالله اسلوعين والولدمتحسن

ماشاءالله

اتمنى اشوف نتيجة اولادكم

والتبول اليلى طبيعى عند الصغار