ولدي و السفر

[حلم رومنسي]

مســــــــالنوووووور ..

شحالكن يا ملكات واميرات بلقــيس .. فديتكن بغيت شوركن لا هنتن ..
انشالله اذا الله راد ناوين نسافر هالصيفيه لـ مليزيا انا و ريلي و ولدي و الخدامه معانا .. ولدي عمره سنه و الحمدلله ما عندي مشكله في اكله في السفر ..

عندي مشكله وحده .. انا و ريلي متعودين نطلع بالليل يعني نتعشى برا او نتمشى .. و ولدي طبعا بيكون نايم في الفندق .. الحين كيف بقدر اخليه بروحه في الفندق مع الخدامه ..؟؟ ما اقدر أأمن واايد احاتي من هالناحيه ..

فديتكن عطني حل ..

 

[العروس القديمه]

ماله داعي تاخذين الخدامه معاج بعدين انتي تبين تاخذين راحتج انتي ورجلج

انا عندي لج شور اخذي ولدج وعربه معاج صدقيني راح يتغير الجو عليه ويتلخبط نومه وينام معاكم

ويقوم معاكم انا جربت بنتي اخذتها معاي وتلخبط نومها من تغير الجو وخلي خدامتج عند اهلج او اهل رجلج نصيحة اخت حتى رجلج يستانس وانتي تستانسين وتاخذين راحتج اكثر

وماتحسين احد ير اقبج انتي ورجلج​

 

[سكيلوله]

يعمري يهنيك ربي بس بقولك اذا تقدري تخلي ولدك افضل لك انت الان بتقولي يمقواء قلبي بس وربي انا جربت السفر من غير اطفال ونااااااااااااااااااااااااااااااااااسه بس قوي قلبك وذا متقدري يالغلااااا خذيه بس الشغاله لا ولا تفكرين يالغلاااا بس بسم الله عليه ولدك صغير يعني ميتعبك اغلب وقته نايم
استانسي يالعسل بسفرتك فديتك

 

[^الوان^]

وانا ويا الخوات .. كيف بتستانسين والشغالة موجودة .. احس ما تاخذ الوحدة راحتها .. والولد ما بيلعوزج وايد.. انا كنت مسافرة ماليزيا وولدي بعمر ولدج .. ما حسيت انه تعبني غير في الطيارة ..

واذا تقدرين خلي ولدج عند امج او ام ريلج احسن ..

بس انا ريلي من النوع اللي ما يحب نخلي اليهال ونسافر .. قلبه يعوره ^^..

وترى انتي اهون .. انا ان شاء الله بسافر قريب ومعاي ولدي وبنتي الله يحفظهم .. لا شغالة ولا هم يحزنون ><" ..

والله يوفقج يارب وتتهنين بالسفرة ..
​

 

[كبسولة حب]

دام خدامته معه حطيه عند احد اقاربك امك او خواتك او من جهة ابوه ام زوجك او بناتها او حمواتك

ماشوف اي احراج دام ولدك مكفول بكل حوايجه من قبل الخدامه

الله يخليه لكم ورحله سعيده يارب

 

[أم هــزاع]

أشوف ماه داعي ناخذين الخدامه

انا دووم أسافر ويا ريلي و آخذ ولدي معاي

و صعبة تخلينه ف الفندق بروحه مع الخدامه ما تأمنين عليهم

خذي عربانته وياج و هو بيرقد ما بيأذيج

انا مره كنت أمزح ويا ريلي قلتله نحن بنسافر و بنخليه الولد عند امي مع الخدامه

شو رايك ؟؟ قالي عادي بس يوم تردين و تشوفينه تعلق ف الخدامه أكثر عنج

تعبج كله بيروح ع الفاضي عاد انا موتي و أشوفه يا الخدامه صح انها تساعدني

بس مستحيل اخليها تسويله كل شي و انا موجودة

 

[حلم رومنسي]

مشكورات فديتكن ما قصرتن ^^