ولدي وضعف الشخصيه

[اضواء الرياض]

السلام عليكم
معليش يا دكتوره راح اطول عليك بس داخله على الله ثم عليك وإن شاءالله القى عندي إلي برد قل
عندي ولد عمره 11سنه مؤدب ومحبوب ومطيع ولله الحمد
ولكن ثقته بنفسه صفر
واحس تفكيره اقل من عمره كثير حتى طريقة كلامه
علاقته مع أبناء اخواله واعمامه جيده ولكن بعض الأولاد بسنه يستغلونه لضعف شخصيته وصغر تفكيره
إذا ضربه احد مستحيل يأخذ حقه إلا من اخوانه إلي اصغر منه
احس انه يحاول يسوي حركات غبيه عشان يضحكون ويحس برضاهم عنه
وانا لما اشوف هذا الشي احس اني اتقطع من داخلي
ولما تصير خناقه بين اولاد اخواله ما يدافع عن نفسه ولا تشيله وحتى لما ينضرب واحد من اخوانه مايدافع عنهم يكتفي بكلمة لا تتهاوشون ترا الشطان يضحك عليكم يناضرونه الأولاد بإستحقار
وحتى لبسه مايهتم يلبس اي شي لدرجة البهذله رغم اني اشتريله الملابس الغاليه والماركه
احيانا اخذه معي عشان يختار على ذوقه بس مايهمه عكس اأولاد إلي بسنه إلي يهتمون بكشختهم
اضطر كل طلعه اشيّك على لبسه بنفسي حتى ما اتفشل او هو يتفشل قدام الناس تخيلي يلبس بنطلون ماركه ونعل بدل الجزمه
عكس اخوانه مرتبين ويبان عليهم اللبس
السنه هذي نزل مستواه الدراسي مره ونادو المرشد ابوه وبلغه
ولما جاب التقرير الشهري عنده ثلاث مواد جايب فيهم 4يعني لم يتقن اي مهاره
وحاولت ارفع من معنوياته مع انه ماكان متحرج او زعلان
وقلتله لا تعلم احد وخلنا نحاول نحل المشكله وتشد حيلك
تفاجأت جاني اخوي وزوجته عروس جاب لهم الشهاده يوريهم الدرجات الضعيفه
إذا ضربه احد يزعل إذا دافع عنه اخوه يقوله خليت صديقي يزعل علي واشياء كثيره لكن اكتفي بهالقدر
والمشكله ابوه لما اشتكي له يقولي عادي انتي مكبره الموضوع حتى اخواني اشتكو وقالو حرام يضيع الولد وإذا قلت له يزعل اقوله خل نعرض الولد على اخصائي يقولي الولد مافيه شي
الولد من الضغط صار وزنه يزيد بالأيام
عمره 11ووزنه 61كيلو
كل شهر يزيد 1كيلو او اكثر مع العلم انه ياخد دوا التجريتول والدكور مزعوج من هالشغله وماني عارف وش اسوي
حتى الأساتذه يتصلون على ابوه ويقولون ولدك حبوب بس انطوائي ويدور إلي اصغر منه يلعب معهم
جلست عندي اهلي بمدينه ثانيه شهرين عشان ادخله النادي مع عيال خواله قولون العيال لما نجلس نلعب يرفض يلعب معنا ويجلس عالمدرجات ويكتفي بالأكل والمشاهده

 

[أ.نجوى ناجي]

عزيزتي هل الطفل مريض أو به عيب جسدي ؟ هل هو الكبير ؟ ماهي علاقته بوالده ؟؟

 

[اضواء الرياض]

هو الكبير وعلاقته بوالده جيده بدأ والده بالتقرب منه ولكن لست بالصوره المطلوبه بحكم انشغال والده بالعمل
وبالنسبه للمرض ابني اصيب قبل 4سنوات تقريبا او اقل بتشنج عصبي لمره واحده ولم تعاوده مرة ثانيه ولله الحمد
وعلى إثرها مازال يأخذ علاج الخاص بهذا المرض

 

[أ.نجوى ناجي]

طيب حبيبتي هل بدأ هذا الضعف في الشخصية بعد ماحدث له ؟ أم أن الطفل منذ صغره وهو هكذا؟

 

[اضواء الرياض]

بدأ دورة العلاج وعمره ثمان سنوات
وبالنسبه لضعف شخصيته لم انتبه إلا من ثلاث سنوات تقريبا

 

[اضواء الرياض]

احببت ان اضيف بالنسبه للمرض اقنعته ان اصابته عاديه ولا يعلم بالمرض إلا المقربون لي اهلي واهل زوجي
وحذرتهم بعدم اخبار احد حتى لا يتأثر الإبن مستقبلا
ولا اعطيه الدواء امام احد حتى لايستعطف احد ويجعلها مدخل يدخل منهم عليها

 

[اضواء الرياض]

دكتوره وينك مارديتي علي محتاجتك