ولدي وحيدي ما عنده اخو..

[غربه؟]

بنات ممكن تشورون عليه .. انا عمري تسع وثلاثين وعندي ولد وحيد وثلاث بنات
المشكله انه زوجي رافض تجربة الحمل نهائيا ويقول اللي عندي مكفيني والبركه فيهم
وانا خاطري في ولد ثاني ... وزوجي رافض
انا أعاني من وسواس وخوف على ولدي وحيدي الله يخليه
زوجي يحبني وعاجبتنه اسرتنا الصغيره وما يريد يزيد العدد.
الموضوع اخاف واوسوس انه بعد كم سنه يحن على العيال ويقول اريد ولد .. واكون انا طبعا راحت عليه يعني كبرت على العيال .. لأنه بعد الاربعين المبايض تضعف .. ويفكر وفي زوجه ثانيه ..بعيد الشر عني وعنكم.
المهم شو رايكم اقنعه ورأرمي العازل واعيش تجربة الحمل الحين احسن عشان ما اندم ولا اكتفى باللي عندي وارضى زوجي واتوكل على الله . والخيره فيهم .
وهل منع الحمل في الدين له مده محدده. والله المستعان.

 

[خفايا العمر]

السلام عليكم

عزيزتي حاولي تقنعينه وقوليله رزق الولد على الله بس انتي اشضمنك انك راح تجيبي ولد هذا اول شئ بعدين قولي الحمدالله على النعمه ناس تتمنى يا اختي

يعني انا اقول انتو ما عندكم مشاكل فليش تخلقي لنفسج مشكله وليش تفكرين في البعيد ويمكن يتزوج وغيره محد ضامن عمره والريال لو حب يتزوج الحين ولا بعدين شوه الي راح يمنعه يا بنت الحلال

اقول خلي عنج الوسواس وتعوذي من الشيطان ويمكن لو رميتي العازل وحملتي وهو مب حاب تصير مشكله كبيييره
​

 

[متفائلة$]

الله يخلي لك عيلتك وزوجك ,يمكن يكون تفكيره الحين كذا بس على قولتك يفكر بكره بالعيال حاولي بهداوه تحسسيه انك تتمني الأطفال وحشاك الأطفال وذكريه انو حرام تحديد النسل والرسول يقول تزوجوا الولاود الودود جبيها من ناحية دين واذا ماقتنع جبيها من ناحيه انو حرام ولدك مايكون عنده اخوان يجلس وحيد من الكلام هذا
والله يوفقك وتبشرينا عن قريب بخبر حملك

 

[غربه؟]

شكرا خفايا الروح .. شكرا مفائله على الرد
بس الوسواس قاتلني
انا عن نفسي اشوف الحياه خفيفه وحلوه .. بس اخاف من الندم بعدين
الله المستعان .. بحاول اقنعه واناقشه مره ثانيه ..
عشان ما اعيش الوسواس الافضل اجرب الحمل .. وقنعه انه اخر مره .. اتمنى انه يقتنع

 

[إلى ربي المشتكى]

يعني انتي الحمد لله عندك ولد و3 بنات ربي يحفظهم لج مااعتقد ان البنت تقل عن الولد
ومدام زوجج راضي فانتي ليش مهمومه
بعدي عن روحج هالوساوس وحمدي رب العالمين وادعي انه يحفظ لج عيالج وزوجج

 

[غربه؟]

اختي الغاليه الى ربي المشتكى
مشكوره على الرد
بحاول مثل ما تقولين ابعد عني الوسواس

 

[لذة عدولة]

ياااحلوة احمدي اللة على الي عندك واشكرية
ناس يتمنون طفل وانتي ماشاءالله 4 ابناء وبعدين احسني تربيتهم
وش عرفك ادا حملتي يجيك ولد ممكن تجي بنت
الافضل انك تسمعين كلام زوجك ,, صلي واستخيري والله يسر امرك بما هو خير لكي

 

[طموحي ليس له حد]

استخيري

 

[2010 lulu]

ياقلبي قولي الحمدلله بلي عندك ربي يحفظهم لك واذا زوجك مو راغب فيهم دحين لاتضغطي عليه وربي بيكرمك من عنده ان شاء الله

 

[زهور البستان]

الحمدلله على كل حاال ومو شرط تحملي وتجيبن ولد

احسن حل اجلسي معه جلسه هادئة وقولي له انك ولهانه على طفل صغير قبل ماتكبري ومن هذا الكلام

واستخيري وادعي ربك

 

[الوااااان*]

والله مستغربه


!!!!!!!!!!!!11

ولدي وحيدي ؟؟؟؟

واخواته وشو اجل


ربي رزقه باخوان
وزوجك مو بباله عيال


وبعدين لو قلنا تبي ولد
وش يضمن لك


ان الحمل الجاي ولد
والا بتضلي تخلفي لما يجي الولد

وكمان زوجك لو بغى يتزوج مو مدور سبب بيتزوج
حتى لو عبيتي البيت اولاد وبنات


فاحمدي الله على ما عندك
وربيهم يحبوا بعض ويحترموا بعض ويخافوا عبعض
لان البنات زي الولد سند لاخوانهم
لو تحبوا

 

[حلا ماركه]

حبيبتي الله يحفظهم اختي عندهابنتين وولد وعمرها 31 سنه وزوجها ماعاد يبغي اطفال والحمد لله مادام زوجك هوالي يبغي لاتضيقين نفسك الحمدلله ربيهم تربيه زينه واعينهم علي طاعه الله اهم شي وانشاء الله راح يكونون سند لكم ويما ولد واحد عن عشره انشاء الله ربي يطرح فيه البركه وتشوفينه امام في الحرم اااااااامين ادعيلي غاليتي انا عندي اربع بنات وزوجي ماعاد\ يريدني احمل الله ستر عليهم اااااااااااامين من هالدنيا الي تخوف

 

[small princess]

.. احمدي ربك ياحبيبتي وزوجك لو في باله فكرة انو بيتزوج بالمستقبل الله لايقوله عشان الولد صدقيني راح يطلب منك

ولاتخلين الزواج من وحده ثانيه وسواس عندك .. دائما نحصل على مانشعر به ولو بعد حين ..

حبيبتي توكلي على ربك وماراح يحصل اللا الخير بإذن الله .. تفائلي ..

أما من ناحية الدين ما ادري والله ايش الحكم ولا ابي اتفلسف ..


الله يوفقك

 

[غربه؟]

غاليتي ...... حلا ماركه......
الله يرزقج بالولد .. والتربيه صعبه ... وانا عن نفسي بناتي يكفوني ...بس خوفي يطلب ابوهم عيال لما اكبر .. وبعدين يدور على غيري ..انا اترك له ثغره للتفكير في الزواج الثاني تعرفين الرجل ما منه امان .. وصراحه يحينا وحياتنا مثاليه والحمدلله بس انا وسواسي مخربني ومدمرني ... بصلي صلاة الاستخاره
اشكرج ويارب يرزقج ولد وتتهنين فيه انشالله .. بعد عندك فرصه لو بعد خمس سنوات .. لما البنات يكبرون صدقيني راح يرضى ويشتاق بعدج صغيره ..

 

[سحآبة صيف]

معليش يا قلبي اذا كان خاطرك في طفل راح يظل هالاحساس معك جيبي هالحين قبل ماتعجزين ذيك الساعه وشلون بترجعين الزمان والله لو جبتي هالحين بتستغربين وشلون زوجك بيصير طاير بالبيبي وانا اكمك من تجربه صارت لي اتكلي على وجيبي لنا صغير

 

[أحبه ولكن]

ادا انتي نفسج تحملين ..حاولي تقنعين زوجك ..
الله يكتب لك الخير,,

 

[{نوتيلا}]

استخيري والله يختارلك اللي في الخير

 

[المحتاااااااارة]

ياعمري تنظيم النسل حلال حتى لو استمر العمر كله بس تحديد النسل بحيث ان الزوج يطلب انو يشيل الرحم او يجعل المراة غير صالحة لانجاب فهذا حرام ياعمري اقنعيه بحث لاتجعلي الامر يتسبب في مشكله بينكما قولي له اننا امة الاسلام وزيادة عدد المسلمين امر محمود ورسولنا الكريم قال اني مفاخر بكم بين الامم يوم القيامه والله يرزقج الذريه الصالحة ويوفق بينك وبين زوجك في ماتحبين وما فيه خير لك ولامة الاسلام

 

[غربه؟]

اختي المختاااااره
مشكوره على المعلومات القيمه

 

[أم الأقمـــــار]

يالله كأنك تتكلمين عن وحده اعرفها

مثلك بالضبط لكن مسكينه توفى ولدها ومافات شهرين الا زوجها تزوج والحين جاته بنت وولد

وربي ان حياتهم الكل يحسدهم عليها بس من تزوج بدت مشاكلها معاه

لاتصدقينه وربي بكرى يغير رايه ويقول يبي عيال

وماتدرين يمكن خطه منه مايبيك تجيبين يبي يتزوج بعدين ومايبي يكثر عيال يبي الباقين من زواجه الجديد

انتي احملي بدون مايدري وقولي نسيت آكل الحبوب

واغسلي ببيكربونات دايما عشان بآذن الله تجيبي ولد

.
.

ويمكن بعد اصدقاءه والناس او اهله يزنون عليه بعدين ويقولون ماعندك الا فلان حرام عليك جيب له اخو


.
.

الحقي على عمرك ترى الرجال مالهم أمان