ولدي وحساسية الصدر

[ما لقيت لي نك]

السلام عليكم بغيت اخبركم عن سالفتي مع ولدي عمره 4سنوات وبنتي الصغيرونة عمرها سنة ونص كله عندهم نوبة الحساسية ما تخلص ابدا يعني كحة وضكة وضيق تنفس وبخار لمدة عشرة ايام وبعدها اقصاه اسبوعين ويرد لهم
للعلم ياخذون دوا سنغولير اللي هو وقاية ولا فادهم ولا سوالهم شي فديتكم شو اسوي الحين نفس الشي من سنة وشهرين
ساعدوني واللي ما عندها جواب تدعيلهم بالشفاء عاجلآ غير آجل

 

[Lateen09]

غالتيتي وانا بنتي نفس الشي انشاء الله احد يعطينا حل

 

[ما لقيت لي نك]

للرفع

 

[shosho.]

امممممم

في نوع من العسل تعطينهم منه الصبح ع الريق بس ناسيه اسمه (

الله يشافيهم ويخليهم لك وتفرحين فيهم​

 

[شهودة العسولة]

الله يحفضلك اولادك يارب وبشفيهم ان شاء الله

 

[أم حميدة]

اقرئي هنا العلاج :

http://www.niswh.com/vb/showthread.php?t=278438&page=3

 

[الزين القصيمي]

الله يشفيييييييييييييييييييييييييييييييييييه يااااااااااارب ويشفينا جميعااا من الحساسيه ..

 

[صلة بين الشعوب]

الله يشفيهم لكن اختى اكيد في سبب من يراعيهم بالبيت هل خادمة هل البيت لا تدخله شمس فى اسباب عدة زوري الطب البديل او راسلي د.القحطاني يفيذك اكثر الله يشفيهم وتفرحي بهم

 

[سمو الأميرة]

عزيزتي.. حساسية الصدر هناك عوامل تهيّجها ..
يعني لازم تراعين عدة أمور في البيت ..

أنا دخت مع ولدي كان عمره 3 شهور .. استمرت معاه الحساسية 4 اسابيع ... كل ما آخذ له علاج يصير تمام و بعد العلاج ترجع الحساسية .. رحت ل 4 دكاتره .. آخر واحد فيهم هو اللي مشى علاجه .. مع انه كان نفس الادوية .. لكنه نبهني على عدة أمور تسبب الحساسية ..

أولا .. ابعدي كل العطور و البخور و الروايح عنهم .. ثانياً .. شيلي كل الألعاب المحشية -الدباديب- ..
البيت يحتاج تهوية على طول و تنفيض غبار من السجاد..
نقطة ما كنت واعية لها .. هي الملابس .. ضروري بعد الغسيل تنشريها في الشمس ..
أحياناً اللي ما عندهم مساحه برا ينشرونها داخل البيت و هذا غلط ..
و الملابس اللي صار لها فترة في الخزانة لازم تنغسل مرة ثانية قبل اللبس ..
ما تحطين منظفات معطرة مع غسيل الملابس .. هذي كلها سموم .. استخدمي صابون تنظيف ملابس عادي غير معطر .. و الطفلة الصغيرة غسلي ملابسها بصابون خاص للأطفال أو بشامبو جونسون ..

و ان شاء الله اكون افدتك ..​

 

[ما لقيت لي نك]

لا حبيبتي ما تراعيهم الخادمة بس حذال بيتي كله بنيان يمكن من هذا والمشكلة انه بيتي ملك ما اقدر اتحول

 

[ياربي ارحمني]

الله يشفيه يااارب

 

[غروربنوته]

الله يشفيه لكي

 

[ام العيون الخضر]

حبيت ادعيلك....
الله يشفيهم ....ويصلحهم....

 

[3SSL]

الله يشفيهم يارب ويخليهم لك,,,,,,,,

ماقصرت مشرفتنا سمو الامييره اتبعي نصائحها بالاضافه لذلك

نقعي لهم ملعقه كبيره من لبان الذكر وله اسم ثاني لبان الشحري

في كاس موية شرب .... وخليه لمدة 12 ساعه وبعدها حركيه وصفيه

واحفظيه بالثلاجه واعطيهم 5 مل مرتين باليوم <<<<<< الاخت دكتوره

المهم خليك مستمره عليه مايقارب الشهرين بعدين عطيهم راحه

وارجعي كرريه لهم......... باذن الله راح تلاحظين فرق .....


3SSL