ولدي والمدرسه فلم مرعب على قناة احلامي

[لذوذذه جده]

ولدي دخل اولي ابتدائي والله شايله همه في المدرسه ضعيف ومافيه حيل وتشوفينه سلق

تقولي جاي من مجاعه الصومال الشهيه عنده معدومه وحزنانه عليه من المدارس وطاوبيرها

وقومة الصباح يبغالها حيل والمشكله انه انطوائي ابوه يروح المدرسه يقلي في الفصل شكله كانه

معتوه مايكلم احد ويستحي ومادري كيف حيكمل روحاته وجياته من غير ابوه

والمشكه حتى لو نام بدري من الساعه 7 يقوم منكد وماله نفس ولا مزاج لي شي

وحاسه بتانيب الضمير لاني ماسجلتو مع ولد خالتو من بدري في مدرسه وحده

اقلها يحصل ونيس معاه وسند في المدرسه بدل مايجلس مثل الغريب

وسطهم دلوني كيف اتصرف معاه حاسه انو بيتعبني

وخايفه انو يرفض الذهاب لي المدرسه مع الايام

انا مالي خبره الي لها تسعفني ولها الجنه يارب .:fish:

 

[راسية]

اختي لذوذذة جدة احب اطمنك تماما بأذن الله المسئلة بسيطة بالمرة , هيه بس تعب الأيام الأولى بعدين حيمشي كويس, ولدي الله يحفظه مثل ولدك سنة اولى وكمان تعب ابوه معاه في الأسبوع التمهيدي والمسئلة يحتاج لها بس شوية صبر .
وكان قبله اثنين من أخوانه برضوا سجلناهم كل لواحد لحاله يبكوا يومين بعدين خلاص .
المهم تخلي زوجك يكلم استاذة عليه وانه محتاج رعاية لأنه وحيد وكمان يعرفه على بعض الأولاد , واما عن الفسحة فجهزيها من البيت حتى يتعود على المقصف وشجعيه انتي في البيت وقولي له يابابا ياحبيبي شوف الأولاد كلهم زيك ما أحد منهم معاه ابوه ولا اخوة ولا مآمته كلهم زيك جوء على المدرسة يتعلموا . واحنا حنعملك حفلة ونجيب لك الهدايا لما تكون شاطر وبطل و ما تبكي . وعلى فكرة اختي حبيت الفة نظرك على انك حتشوفي على ولدك الأيام الأولى بعض حركات العنف والشقاوة لازم تحتويه وتتحمليه لأنه بيحس بضيق وكبت في المدرسة فيفرغ هذا الشئ اللي بيحسة .
واتمنى اكون افدتك

 

[لذوذذه جده]

الله يجزيكي خيررر يارب ويخليلك عيالك ياعسل

تسلمي