ولدي حبيبي مو عارفه شنو فيه ... الله يوفق اللي ترد عليّ ويحرم وجهها من النار ...

الله يشفيه ويخليه لك
عليك بالرقيه الشرعيه وعندك بالحساء الشيخ يعقوب البوحسن
 
اقرررررررررري عليييه ياقلبي اقري .. القراان هو الشفاء والرحمه ... الله يششفيه يارب ويحفضه ويخلييه لك ياااارب ويقر عيينك بشفائه ..
 
والنعم بالله

تسلمين حبايب قلبي

والحمد لله قريت عليه وشربته وصار احسن

عقبال ما اشوفه يمشي واشوفه معرس

ودعواتكم الله يخليكم لعيالي الله يخليهم ويحفظهم ويشفيهم
 


غاليتي حاولي التذكر متى أصابته هذه المشكله حتى تعرفي الناس اللذين أصابوة
وعلى كل حال لو لم تذكري

فخذي فوطه مبلله بالماء وامسحي بها كنب المجلس ببيتك وبيت أهلك
واغتسلو له ودعي أهلك يغتسلون ونادي الشغاله وخلوها تغتسل وانتو تغتسلون قدامها
والطريقه هي تشبة الوضوء
غسل اليدين والمضمضه وغسل الذراعين وأسفل الثوب والقدمين
وثم اسكبيه على ابنك من رأسه واحرسي أن يكون غافل والماء يكون معتدل وليس دافئ

وأنصحك بقراءة سورة البقرة عليه وباذن الله ينفعه الله
وأستطيع أن أفيدك بمشائخ في الدمام بحاول أسألك عن الأحسا
والله يشفيه ويعافيه
​
 
بعد عمري الله يشفيه ويخليه لكم

الطفل لازم دايما يحصن ويقرا عليه الاذكااار عشان الله يحفظه

الله يطمنك عليه ياارب وتطمنيناااا عنه . . .
 
هلا يالحبيبه كان فيه حراره الوالد انتي تقولين ترجيع وعيونه تغيرت لبكون الولد متعرض لحراره وانتي مانتبهتي واثرة على الولد اعملي له فحص كامل والله يخليه لك بالنسبه لي عندي حبيبي مايصحى ابد ماتصدقيني ويصحصح اسبوع بداية الاسبوع الثاني يمرض وانتبهت بعدين ان الخادمه عينها عليه في اكله وشربه ونومه حتى الحليب شهرين وهو مايشرب وصرة اآخذملابسها بين فتره وفتره واغسل الولد والان بع ماسفرتها ماتصدقوني ماشاءالله رجع حبيبي الاولي الله يحفظ لك حبيبك
 
لاحول ولاقوة الا بالله

اختي استمري على الرقية الشرعية ولاتملين وتيأيسين ويوميا اقري عليه سورة القرة

وودي اكثر من مستشفى عملي له فحوصات

اختي العين حق حاولي تشوفين او تذكرين منو فز قلبه على ولدج او طلبي من كل الي شافه يتوضا له وتغسلينه فيه

انا انلدغت من العين فلا تيأسين من الرقية واخذ اثر من الناس الي شافوه


أسأل الله العظيم رب العرش العظيم أن يشفيه
​
 
تسلمون حبايب قلبي على وقفكم معاي ودعواتكم اثلجتم صدري وكل ما تذكرتوني ادعوا لولدي بالشفاء العاجل

إن شاء الله بسوي اللي قلتوا لي عليه والله يشفي ولدي عاجلا غير اجل ويخلي لكم عيالكم

وبالنسبة للاخت اللي تقول يمكن تعرض للحرارة بالعكس حتى الطلعة اذا كان الظهر او بداية العصر ما اطلع عشانهم احاول اطلع قبل المغرب عشان الشمس تكون خفيفه

ولا تنسون اختكم من الدعاء واذا صار شيء جديد بخبركم فيه وان شاء الله اخبركم بشفاء ولدي​
 
اختي الحبيبه الله يشفي ضناك يارب ولايفجعك عليه
حبيبتي خلينا نمشي خطوه خطوه
اول شي نوديه للمستشفى لعمل التحاليل والفحوصات اللازمه

هذي نقطه ونمشي مع الدكتور واذا حبيتي اعرضيه على كذا دكتور انتي ماتنلامين هذا ولدك

النقطه الثانيه لابد من قراءة القران عليه والذهاب الى راقي

النقطه الثالثه بنصحك في علاج اذا مانفعه ماراح يضره روشيه لمدة سبعة ايام بماء مخلوط مع ملعقة سدر مطحون صغيره وملعقة ملح خشن صغيره

النقطه الرابعه ارجوك رجاء خاص الاعتناء به ومعرفة السبب حتى تتمكني من علاجه العلاج المطلوب

قبل فوات الاوان وانا ماقول هالكلام اخوفك لاوالله ابيك تسعين والتسبب له والله يشفيه يارب العالمين

وفيه قراء يعطون علاج مثل عسل وخلافه هذي جيده خصوصا المقري فيها

اساءل الله العظيم رب العرش العظيم ان يشفيه ​
 
الله يشافيه إن شاء الله بس يمكن ولدك مملوع من شيله غلط أو معور نفسه والملع يعرفه الحريم الطبابات أما الطبيب ما يعرف له وفي طريقه إنتي تسوينها وهي إنك تطحنين حلبه وتعجنينها بالماي وتأخذين العجينه وهي دافيه وتحطينها على مناطق جسمه وخاصه الظهر والكتف وإذا صارت نفس الخيوط يعني هذا المكان فيه ملع
 
انتي اقري علية لين تحصلين شيخ ممتاز

دعواتك لي بالزوج الصالح عاجل غير اجل
 
الله يشفيه ويخليه لك ممكن فيه عين عليك بالرقيه و المعوذات وايه الكرسي وروشيه بالسدر والملح والشبه فهي زينه وامسحي كل بيتك وروشيه فيه يمكن طايح ما دريتي عنه والله اعلم 00
 
الله يشفيه ويعافيه مايشوف شر ان شاء الله ..

اقري عليه وارقيه وادعيله انتي ام وان شاء الله الله بيستجيب دعائك ...

الله يحفظه ان شاء الله ,
 
حبيبتي الله يشفيه بس يمكن زي ماقالت الاخت لا سمح الله يكون مملوع او ممزوع يعني من طيحه ولا شيله غلط انتي اتاكدي حاولي تحركين يدينه ورجليه يمين يسار فوق تحت اذا بكا بكاااء حااد تعرفين ان فيه شي الله يطمنك عليه
 
ارقيه يوميا
و اقرأي عليه المعوذات و الكرسي و تصدقي و استغفري بنية شفائه

و حنا برمضان و ابواب السما مفتوحة ادعي له
و تيقني أوقات السحر و أوقات الإجابة
الله يشفيه و يرفع عنه و يفرح قلبك فيه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل