يااحبيبتي يالمنى الله يسهلها عليك وعلى الجميع ياارب خلي ثقتك بربي والله معااك ..
والله ياابناات مانسيتكم وانا أولد دعيت لكم كلكم ودعيت للي ماجربوا هالتجربة وربي يرزق كل محرووومه ..
المهم حبيبااتي ..
أنا من شدة خوفي من الولادة بسبب ظهري والكل مخوفني مارااح أقدر على الطلق وأفضل شيء القيصري ..
حتى الدكتوورة لآخر لحظة وهي تقوول القيصرية في حاالتك ضروري ..وكانت عاملة احتيااطاتها ومكلمة الاستشااري وأخصائي التخدير وحكت لهم تفااصيل وضعي ..
وكل الاسبووع السادس والثلاثين وانا النفسية الله أعلم بها والطلق كل ماجاني ..يرووح ..يعني فيه ولادة بس طلق غايب ..شوي ويختفي ..
وصرت أمشي واستغفر ولاأكلم حد حتى زوجي وعياالي كله دعااء واستغفااار ..ويوم الثلاثااء في الليل بغيت أموووت من وجع بطني تدروون كيف .؟؟؟؟
جاني ألم عجيييب في أعلى البطن وتحججججر فظيع لدرجة زوجي يوم دخل علي وأنا أبكي واتلوى من الألم ..لما حط يده على بطني انفجع فعلا شيء غريييب ..
قال يالله قومي المستشفى ..قلت لالا أول أكلمها وأشووف وش تقوول ..كلمت الدكتووورة ..وشرحت لها الوضع ..
قالت الله يهدييك ياجمانه هذا طلق ياماما ولازم تجين ..قلت دكتوورة أنا مش أول مرررة أولد وأ‘رف الطلق وشلوون يجي وفين ..هذا أعلى بطني ولاله علاقة بظهري أو أسفل بطني ورجليني((فاالطلق بس هناااك مسوية فااهمة وخبره ))
قالت طيب تعالي أشوفك بكرة أنا موجودة لحد أربعه العصر قلت خير .,.وانا ناوية أرووح أخليها تكشف علي حسب نصاايح الأخواات ربما الرحم يكوون مفتووح ..
لما رجع زوجي وعياالي الظهر حضرت لهم الغداء وطبعا لي أسبووع ماآكل شيء غير تمر ومااء أو قشر ..
نظفت بيتي وجهزت لبس عياالي على أساس لو ولدت يروحوا بيت أهلي لحد ماأخرج وبارجع بيتي ..((حااالمة ))
واتصلت بالدكتوورة موجودة قالت طبعا ومش حاروح لحد ماأشوفك واطمن عليك ..قلت لها خلاص باجيك ..
خرجت من بيتي الساعة ثلاثة ونص ..وخذت عيالي معي على أساس أكشف ونرووح الحرم لين العشاء ..
تركتهم بالسيارة وطلعت للعيادة ومن شاافتني الدكتوورة طلبت من اللي قبلي الانتظاار لأن وضعي حرج وانا مش فاهمه ..
المهم على طوول دخلتني وقالتباكشف عليك واشووف الرحم مفتووح والا لا ..قلت لها مهما يكوون مارااح أجلس بالمستشفى باطلع لحد ماتجيني الولادة ..قالت طيب بس أشووفك ..
بمجررد ماكشفت علي قالت يابنتي والله فيك ولادة وهذا طلق بس انتي خااايفة ..الرحم عندك مفتووح ثلاثة سم .
وانا أقول والله يادكتووورة مافيني طلق وهي تحلف وتقوول يعني أنا حاكذب عليك ياجمانه ..
يالله عالولادة أعملك تخطيط ولو مافيه طلق حاخرجك وروحي ياستي الحرم ..وهي تضحك ..
المهم قلت لزوجي الحين باعمل تخطيط واذا فيه طلق الله يعينك روح ودي العياال لجدتهم وتعاال ..واذا مافيه حاجيكم ..
بمجررد ماحطت الجهااز الا الممرضة تصييح يادكتوورة دي ولادة والطلق مستمرر قالت أنا عاارفه..قالت الممرضة دي خايفة يادكتورة والخوف هو اللي مضيع الولادة ..وانا اتااابع المحادثة وصاامته متوووترة ..قالت الدكتوورة ..
لالالالالالا دي مش خااايفة الا دي مررررررعوووووووووبه ..ليه ياماما ليه ..إذا كان على ظهرك ربنا معااك ومش حاتتعبي إن شاء الله ..
وبدأت تجهز للولادة ..وكلمت زوجي اني في الولادة ومش خارجة
...يعني رح ودي العياال لأهلي وانا أكلمه أبكي وحسيت خلاااص اللي كنت خايفة منه حايصير ولادة ..
بمجررد ماشاالت الجهااز قمت وجري عالحمااام وانتم بكراامة ..أتوضأ وأصلي العصر وابكي وادعي ربي يسهلها ..
والله يابناات ان زوجي يكلمني مو مصدق انها ولادة ..راح وصل العياال ونزل شنطة البيبي معااهم ..وكنت حااسة سبحاان الله انه بيسوي كده عشاان كده كلمته وقلت له عالشنطة قال نزلتها ..واتنرفز أنا والحااله الله العالم أبغى شيء يبكيني وخلاااص ..قال يابنت الحلال صلي على النبي أنا عندهم لسااعي بارجع واخدها انتي هدي هدي بس ..
ولما وصل المستشفى كلمني قال أنا باصلي واجيك أسوي اجرااءات التنويم ..قلت طيب ..
بدأت إجراءات التوليد وانا متوترة وابكي والدكتوورة تحااول تهديني وتخااصم الممرضة يالله بسررعه اديها المغذي ..
وتحط فيه المهديء ..وبدأ العد التنازلي بدأت أحس كل أنوااع الآلم والدكتوورة الله يجزاااها خير مهتمة وودها تريحني فعلا طلبت مخدة طرية وضعتها أسفل ظهري ..ورفعت السرير بشكل مريح ..وكشفت عااد تقوول دي اللي كانت عاوزة تخرج الرحم مفتووح سته ..ماشاء الله ..وادتني ابرة في العضل ..وهي لسة سته الا أنا أصيح دكتووورة خلاااص وصل ..وهي تعطيني الاكسجين تقول شمي ..وانا أصيح خلاااص ..الا الممرضة تصاارخ دكتووورة البيبي ..
وربي يسهلها ..ويجي حمووودي بسهووله ..وحجمه صغييير جدا مما ساعد في عملية دفعه ..
والشيء الأكيد ان زوجي كان يدعي لي في صلاة العصر وكذلك أمي وكل اللي أعرفهم ..
والحمد لله ارتحت بمجرررد ماسمعته يبكي مع ان صوته كاان ضعيف ..وشفته طبعا رفعته لي الدكتووورة ..ولما جاء زوجي ..طبعا رن جرس اولادة وعرفت انه زوجي قلت لهم ها زوجي ..وأمررت الدكتوورة الممرضة ترووح له وتبشرره ...طبعا مااصدق بسرررعه كذا ..صلوا عالنبي واذكروا الله ..
وطبعا الطلق اللي ماحسيته في ظهري رجع لي بعد الولادة بشتى الصور ..وطلقي حين الولادة كان كله في بطني وبصوورة غريبة زي ماشرحت لكم وأول مررة أعرف ان الطلق ممكن يجي في أعلى البطن وبتحجججر ..
بعدها الحمد لله ..رجعت زي في كل ولادة حمى وعرق وبرد ووحم ..مما أفقدني تسعه كيلوا من وزني ..وإلى الآن أعني آلام الظهر والوحم ..وتوووته توووته هذه حدوووته ولادتي وعقبااالك جميعا ربي ييسر لكم ..طبعا الدعااء بركته عظيييمة ..وربي رحمته واااسعه رحمني من ألم الظهر في سااعتها ولكنه أمر لابد منه بعد الولادة جاني نفس الطلق ...
ادعوا لي أخوااتي فوالذي نفسي بيده لقد دعوت للجميع في سااعتها وحتى الآن ..واللي عندها شيء أو وصفة تفيد في وجع الظهر وتقوي المنااعه بعد الولادة تسااعدني ولاتبخلوا علي ..فأنا أحبكن في الله ..
ربي يستر على الجميع ..لاتنسوا تذكرون الله وتصلوون على النبي ..
