صمت الجرح
New member
- إنضم
- 2009/06/25
- المشاركات
- 636
هلا وغلا بكل من تقرا كلماتي حابه افضفض بس لان ماعندي صديقات افتح لهم قلبي وانتو حسستوني انكم اخواتي
قصت عذابي طويله بس باختصار تعبت بهالحياة نشات في اسره مفككه وحاربت طموحي ودراستي وتحديت الصعوبات واخذت شهادتي الجامعيه وتوظفت ونحت بالصخر من عمري 19 سنه وكنت ادرس واشتغل واتحمل مسئوليه بس للاسف مابين بعين من حولي وخذلوني بداية باهلي الي كانو عائق لتقدمي وتطوري حتى بعد مابنيت نفسي الكل يبيني لمصلحه بس عشان ياخذون فلوس او يبون واسطه بشي او اسويلهم شي حتى صديقات تعمقت صداقتي في زميلتين لي بالعمل بس للاسف طعنوني بالظهر وانقلبو اعداء وكانو اعلم بالمضره
ونسيت اقولكم لما خطبني زوجي الحالي تميت سنه مخطوبه وتركني واكتشفت بالدليل القاطع مع الايام ان السبب اختي مكلمه خواته لان امه متوفيه وقايله انها زميلتي واني وحده منتهيه وماانفع لهم مع انها اقرب اخواتي لي بس ماادري ليه سوت كذا هي اكبر مني ومااحد يخطبها واقل جمال مني بكثير .
بعدها انخطبت وملكت على شخص ثاني لمدة سنه ننتظره يرتب حاله و ينقل عمله لنفس مدينتي ولما نقل وبقى على زواجي 6 ايام توفى زوجي بحادث وحملت لقب ارمله وكان عندي اختبار بالجامعه بعد يوم من وفاة زوجي وذاكرت وقدمته ونجحت ماادري من وين جاتني كل هالقوه والصبر ورجع خطبني الخطيب السابق الي خربت اختي بيني وبينه بعد فتره لانه يحبني وشاريني بعد ماعرف ان زوجي توفى ولقيت قبل زواجي مسج بجوال اختي نفسها مجهزه مسج عني يشيب الراس ومطلعتني اني وحده منتهيه طبعا تبي ترسله من شريحه ثانيه مثل ماسوت اول مره واجهتها وانكرت ومسحته. ومانالت الي تبي وتم الزواج
زواجي بدون معازيم بس امي ووحده من اخواتي جوني للشقه المفروشه حتى مو فندق ولا طق ولاشي وهو سوى عشاء بس للرجال بتقولون ليه وافقتي على هالزواج بهالطريقه لان اختي بعد ماكلمت اهله وخربت خذو فكره عني سيئه ورفضو زواجنا ولاحضرو الحريم واهلي كانت عندنا مشاكل قلت افتك واتزوج
مااحس اني عشت ليلة العمر الي كل بنت تتمناها وتفرح بها :tears: .وبدات صدماتي بزوجي طلع بخيل وعنده عجز جنسي يجيني قليل ولاحسيت اني عروس معاه اضافه لفارق العمر بينا 16 سنه ولاهو رومانسي وشكله اقل من عادي ولا يهتم بنظافته الشخصيه وانا الحمدلله جميله ومثقفه طبعا حاولت اصحح السلبيات واعوده ع الافضل بس فشلت محاولاتي بس وش حادك ع المر الي امر منه وهو بيت اهلي
مصيبتي ان الله مارزقني اطفال يغنوني عنه وعن اهلي ابي طفل لانه بيحبني بدون شرط او مصلحه وبهتم فيه وبفضي حناني ووقتي له وبيملا حياتي (( ادعولي بالطفل)) ماافكر بالطلاق ابدا لان الدنيا تساوت عندي وعارفه حظي وراضيه بنصيبي والي قسم لي ربي بس داخلي وقفت الحياة .. ماعاد فيه شي انتظره لاني كنت افكر لاتزوجت بتتغير حياتي وانتظرت فارس الاحلام :santa_1: الي ذبحني للاسف وخذلني ..
والي قاهرني ان اهلي الى الان بس يشفطون فلوس مني ومحمليني نص راتب الشغاله واعطيهم شهريا الف وخمسمائه من راتبي وياويلي وسواد ليلي لو ماعطيتهم تعبت كل الي حولي يتمصلحون مني .
وقفت الحياة عندي .. اسفه للاطاله بس حبيت افضفض..
قصت عذابي طويله بس باختصار تعبت بهالحياة نشات في اسره مفككه وحاربت طموحي ودراستي وتحديت الصعوبات واخذت شهادتي الجامعيه وتوظفت ونحت بالصخر من عمري 19 سنه وكنت ادرس واشتغل واتحمل مسئوليه بس للاسف مابين بعين من حولي وخذلوني بداية باهلي الي كانو عائق لتقدمي وتطوري حتى بعد مابنيت نفسي الكل يبيني لمصلحه بس عشان ياخذون فلوس او يبون واسطه بشي او اسويلهم شي حتى صديقات تعمقت صداقتي في زميلتين لي بالعمل بس للاسف طعنوني بالظهر وانقلبو اعداء وكانو اعلم بالمضره
ونسيت اقولكم لما خطبني زوجي الحالي تميت سنه مخطوبه وتركني واكتشفت بالدليل القاطع مع الايام ان السبب اختي مكلمه خواته لان امه متوفيه وقايله انها زميلتي واني وحده منتهيه وماانفع لهم مع انها اقرب اخواتي لي بس ماادري ليه سوت كذا هي اكبر مني ومااحد يخطبها واقل جمال مني بكثير .
بعدها انخطبت وملكت على شخص ثاني لمدة سنه ننتظره يرتب حاله و ينقل عمله لنفس مدينتي ولما نقل وبقى على زواجي 6 ايام توفى زوجي بحادث وحملت لقب ارمله وكان عندي اختبار بالجامعه بعد يوم من وفاة زوجي وذاكرت وقدمته ونجحت ماادري من وين جاتني كل هالقوه والصبر ورجع خطبني الخطيب السابق الي خربت اختي بيني وبينه بعد فتره لانه يحبني وشاريني بعد ماعرف ان زوجي توفى ولقيت قبل زواجي مسج بجوال اختي نفسها مجهزه مسج عني يشيب الراس ومطلعتني اني وحده منتهيه طبعا تبي ترسله من شريحه ثانيه مثل ماسوت اول مره واجهتها وانكرت ومسحته. ومانالت الي تبي وتم الزواج
زواجي بدون معازيم بس امي ووحده من اخواتي جوني للشقه المفروشه حتى مو فندق ولا طق ولاشي وهو سوى عشاء بس للرجال بتقولون ليه وافقتي على هالزواج بهالطريقه لان اختي بعد ماكلمت اهله وخربت خذو فكره عني سيئه ورفضو زواجنا ولاحضرو الحريم واهلي كانت عندنا مشاكل قلت افتك واتزوج
مااحس اني عشت ليلة العمر الي كل بنت تتمناها وتفرح بها :tears: .وبدات صدماتي بزوجي طلع بخيل وعنده عجز جنسي يجيني قليل ولاحسيت اني عروس معاه اضافه لفارق العمر بينا 16 سنه ولاهو رومانسي وشكله اقل من عادي ولا يهتم بنظافته الشخصيه وانا الحمدلله جميله ومثقفه طبعا حاولت اصحح السلبيات واعوده ع الافضل بس فشلت محاولاتي بس وش حادك ع المر الي امر منه وهو بيت اهلي
مصيبتي ان الله مارزقني اطفال يغنوني عنه وعن اهلي ابي طفل لانه بيحبني بدون شرط او مصلحه وبهتم فيه وبفضي حناني ووقتي له وبيملا حياتي (( ادعولي بالطفل)) ماافكر بالطلاق ابدا لان الدنيا تساوت عندي وعارفه حظي وراضيه بنصيبي والي قسم لي ربي بس داخلي وقفت الحياة .. ماعاد فيه شي انتظره لاني كنت افكر لاتزوجت بتتغير حياتي وانتظرت فارس الاحلام :santa_1: الي ذبحني للاسف وخذلني ..
والي قاهرني ان اهلي الى الان بس يشفطون فلوس مني ومحمليني نص راتب الشغاله واعطيهم شهريا الف وخمسمائه من راتبي وياويلي وسواد ليلي لو ماعطيتهم تعبت كل الي حولي يتمصلحون مني .
وقفت الحياة عندي .. اسفه للاطاله بس حبيت افضفض..
