وضاقت علي الأرض بمارحبت ساعدوني وأحتسبوا الأجر لوجه الله تعالى...

[دمـوع مستغفــره]

..السلام عليكن ورحمة الله وبركاته.
حبياتي بنات بلقيس..
إلتجت إليكن بعد ان ضاقت علي الأرض بما رحبت..واحتسبوا الأجر
انا عمري 26سنه ومنذ ان كان عمري 16 سنه تزوجت من ولد عمي وعشت معه9سنوات حصيلتها 3بنات..
بصراحه حياة كانت لاتوصف من التعب والأهانه وكانت نهايتها الطلاق..
قضيت العده في بيت اهلي وبعدها خطبني واحد ليس من قبيلتي وهو شاب لم يتزوج من قبل..
سألوا عنه أخواني وأبوي الكل مدح منه .. بعد الموافقة ماطلبوا بيت لحالي كنت مقتنعه اني اقعد معهم بنفس البيت..
بس رفضوا مقابل اننا نخفض من المهر وبيت بلحالي..
بعد المشاورات مع اهلي..وافقت..
تمت الملكة الحمدالله وبعدها المكالمات..
بعد فترة واللي هي امس بدأ يتكلم ويقول اعذريني مقدر اطلع ببيت مستقل لاني انا المسؤل عن اهلي للعلم انه هو مو الكبير فوقه 2 من اخوانه واحد متزوج والثاني لا..
وبصراحه هو المسؤل عن امه وخواته لان امه مطلقه من ابوه من اكثر من 20 سنه..
كان رايه حازم وهو ياننفصل ياانك ترفضين البيت وبعد 3 سنوات او سنتين بعمر لك بيت..
وجلسنا نسولف شوي قال ان خواتي اذا تزوجن راح اجيب امي تسكن معنا اذا طلعنا بيت
يعني مايبني بيت الا بعد 3 سنوات اسكن بشقه مستقلة ومن يتزوجن خواته يرجع امه عندي.
انا بصراحه عجبني موقفه مع اهلة لان اللي فيه خير لامه فيه خير لاهله.
واللي خلاني اخاف اني مطلقه من قبل ومابي اجرب التجربه مره ثانيه ..
خايفه مااتفاهم مع اهله وخواتة وخوانه كيف اعيش مع اخوانه وانا اتغطى عنهم...
اصغر منه 2 واكبر منه 2
بنات والله احترت ليش من اولها طق الصدر وقال بحطلها بيت..
انا خايفه لان اول المكالمات سوى معي موقف اهلي مايدرون هو يبيني من يتصل ارد بسرعه. وانا وحده موظفه هندي دوام اجي تعبانء يبي لو انا نايمه ارد
ومره حلف علي بالطلاق اذا مارديت
بصراحه بنات خايفه وابي مشورتكن اوافق على اني اعيش معهم بنفس البيت او لا

تكفن يابنات ساعدني..

 

[دمـوع مستغفــره]

..بنات بليز لاتشوفون الموضوع بدون ماتردون علي

 

[قيودالروح]

يحق لك تخافي
بس زي ماانتي قلتي لو هو مو كويس ماكان تمسك بأهله
انتي استخيري ربنا
وبالنسبه لمعاملتك مع اهله
اعتبري امه امك واخواته اخواتك وصدقيني انك بترتاحي

 

[دمـوع مستغفــره]

..يحقلي اخاف انا مو خايفه من تعامل اهله
اعرفي ان كل شئ بيكون بقيود والتزامات انا موظفه وبيت مافيه شغاله بكره التعب كله على انا كبف بتفضى لزوجي اعرفي انه شاب ماتزوج من قبل لازم متى مايبغاني اكون جاهزه

 

[بحـور2009]

اتركيه
اولن كيف قبلتي بشاب ونتي مطلقه ومخلفه 3

وش هالثقه

حبيبتي هذا فيه عيب

ولو مافيه راح يهينك ويشوف نفسه عليكي
ونهايتها راح يتزوج عليك
خذيها مني​

 

[اوفر]

فيه ناس تتمسكن لما تتمكن
انا اشوفه مايطمن ....استخيري اختي

 

[قطرة في بحر]

يا قلبي السكن عند أهل الزوج صعب لكن لو راح يكون لك جناح منفصل خاص فيك وأهله طيبين أستخيري
وانتبهي لا يكون الطلاق عنده شي سهل كيف يحلف بالطلاق لو ما رديت
يعني علق الطلاق على أمر تافه كيف بعد الزواج ! طبيعي تكون فيه خلافات وإختلافات في الرأي صعب كل أمر يعلقه بالطلاق
الله ييسر أمرك ويختار لك الأصلح

 

[om alreem]

انا اشوف تشاوري اهلك ومن وجهة نظري ما اشوفه يناسبك كيف يحلف بالطلاق وانتي لسا ما تزوجتيه؟؟؟مشكلة السكن قلنا ممكن تتاقلمي بس يتحلف ومن اولها وعلى شيء تافه!!باين عينه قويه ومتسلط
وبعدين هذا راي شخصي والله يخترلك الخيروعليكي بالدعاء والاستخارة

 

[دانة الشام]

شوفي عزيزتي حسب شخصيتك اذا بتعرفي حالك بتقدري تتأقلمي مع الناس و ممكن تسمعي كلام وبعض الانتقاد وتتغاضي؟؟لما إنتي إنسانة حساسة بتحبي الاستقلالية ومابتحبي حدى يتدخل بحياتك؟؟لأنو بتعرفي السكن مع بيت الاحمى له مشاكله ومنغصاته حتى لو كان الطرفين سمن وعسل إلا ماتصير بعض التدخلات والمواقف....يعني ماإلك إلا الاستخارة وشوفي شو ربك بألهمك ...يعني لحتى كون صادقة معك خيارات المطلقة قليلة وممكن يجيكي شخص عنده سكن مستقل ولكنه متزوج ويريدك زوجة ثانية.....يعني وازني أمورك وفكري أكثر وتريثي وشوفي بقية مواصفات الرجل اذا حاسة معه براحة نفسية وحاسة إنه ممكن يعوضك عن حياتك السابقة المؤلمة اتوكلي على الله وتنازلي عن حقك بسكن مستقل...لازم تستخيري وتتريثي...الله يخترلك الخير.

 

[@سفن دايز@]

وليش تتركه لان عندها 3 اطفال ؟؟ومطلقه
وين العيب؟
عاتي جدا ومافيها شئ والله يوفقهم
هذي ارزاق توزع من الله.....
الله كتب لها هذا الرزق وان شاءالله يكون فيه خير وبركه
وانتي استخيري

 

[قيودالروح]

لاتستبقي الاحداث
ولاتحكمي على اي شيء قبل لايصير
تفائلي بالخير يمكن ترتاحي ويدلعوك اهله وتعيشي ملكه

 

[دمـوع مستغفــره]

انا مااعرف اهله يعني طيبين والا لا
وغير كذا المره اذا تنازلت مره واحده صدقيني راح تتنازل كثير
وبعدين اختي بحور انا واثقه من نفسي عيوني انا جميله جدا الحمدالله ومع خطبته انخطبت من اشخاص ثانين وكلهم شباب ماتزوجوا..
والارزاق بيد الله تعالى يالغلااا

 

[للجنان عاشقة]

استخيري اختي الغاليةمرةوثنتين وثلاث ماخاب من استخار

 

[دمـوع مستغفــره]

قيود يالغلااا.

انا مااسبق الاحداث لكن اخاف من الايام الجايه خسارتي المره الاولى 3بنات مابي اخسر مره ثانيه ياليت احد يفهمني

 

[سمرء غير]

حبيبتي ارجعي واستخيري لانو صراحة صعبة يحلف بالطلاق عشان مارديتي بسرعة الله يخترلك اللي في الخير

 

[دمـوع مستغفــره]

بحور الشام..
فديتك يالغلاا كلامك اعجبني بارك الله فيك..
بس الخوف من امس ساكن فيني مو عارفه افكر
خاصه قراره الانفصال او مافيه بيت مستقل الا بعد 3 سنوات

 

[ღ اُمـ رامي ღ]

والله الي فهمته من خلال كلامك انه انتي مو مقتنعه بشغلة السكن مع اهله وبيني بينك السكنه مع اهل الزوج صعبه
مهما تعاملتي معاهم بالطيب وابتعدتي عن المشاكل لازم تحصل
فيا اما تكلميه وتصري على موقفك بطلبك بيت مستقل يا اما الانفصال افضل شي
و اكيد هذا كله بعد الاستخارة
والله يقدم الي فيه الخير​

 

[دمـوع مستغفــره]

للجنان عاشقة
وسمرا غير..
بارك الله فيكن واكيد انا بستخير بس بعد ابغى رايكن يالبقسيات..

 

[دمـوع مستغفــره]

ام رامي السكن بنفس البيت صعبه هم عايله كبيره
واكيد التعب راح يكون من نصيبي
وانا خايفه اتوقع هو مستغل اني مطلقه فقال ترضى بالامر الواقع وتوافق

 

[قيودالروح]

طيب عندي فكره حاولي تمددي الفتره قبل الفرح يعني كل تأخيره فيها خيره ولا تضغطي على نفسك ابد