خواتي انا قرات هالموضوع في واحد من المنتديات وكنت وقتها حامل في الشهور الاخيره ورغم اني قريت عن اضرار الشبه قبل كذا بس اسلوب الكاتبه والايمان اللي حلفتها وهو نفس الموضوع ونفس الاسلوب اللي ناقلته الاخت صاحبة الموضوع المهم حفظت الموضوع عندي وبعد ولادتي اتبعت نظام فيافي صحيح مو بحذافيره لان معدتي ماتتحمل كثرة الاعشاب وكمان الدكتوره اللي سوتلي الخياطه كانت شاطره رغم انها مو خياطه تجميلي وطلعت من الاربعين تمام وبعد ما جهزت كل شي لليلة الدخله>>> حلوه ليلة الدخله
المهم تليقفة>>>من اللقافه
ورحت شريت شبه وطحنتها وسويت وصفة الاخت وعينكم ماتشوف الا النور صارت المنطقه مره ضيقه وبعد محاولات ومصياح وعويل تمت العمليه بس بعد ما انفتحت غرزتين من الخياطه اللي اساسا كانت لامه بس من الضوق وبعدين ياحلوات وش تتوقعون صارلي
اقولكم والله كل ما اتذكر احس ودي ابكي وامسك صاحبة الوصفه واطيح فيها بس ارجع واقول يمكن قصدها خير او انها ناسبة لها المهمقمت الله يكرمكم ابي اروح اتشطف لقيت
نااااااااااااااااااااااااااااااااار شابه فيني في فتحة المهبل والمهبل نفسه والرحم واشياء بيضاء كانها قطع لحم تنزل مني والله اني مت من الخوف قلت خلاص رحمي تفتت وماصدقت الصبح يطلع وطيران على دكتورتي اللي ولدتني ويوم اكشفت على شوي وتضربني تقول وش مسويها بنفسك انتفاخات وتسلخات في المهبل والخياطه مفتوح منها غرزتين ويالله علاجات وتعقيم ومضادات وغسول ومطهرات واكثر من شهر ونص يالله راحت الانتفاخات وانقلب شهر العسل الى بصل والسبب الشبه
والله يابنات اني صادقه في اللي قلته وهذي تجربتي بعد ولادة ولدي الاخير من سبع شهور ونص كنت ابي انزلها في موضوع احذر فيه من الشبه بس سبقتني صاحبة الموضوع الله يجزاها خير واقولكم مليون مره احذروا الشبه ترا والله هذيك اللحظه وبعد كذا دمار وما قلتلكم ترا اللي راح مني بعدهالمده بس الانتفاخ والا الالتهاب الى الان موجود
عذرا على الاطاله وتقبلوا تحياتي